الموضوع الأصلي من  منتدى لالة بثينة على الرابط التالي http://www.lalaboutayna.com/t6647-topic#14551
السّلام عليكم و رحمة الله و بركاته
أحبّتي الكرام
كانت إنطلاقتنا مع هذه الدّردشة إقترحتها و لم أكن أتوقّع لها كلّ هذه النّجاح
بسم الله ما شاء الله فقد وصلت عدد المشاركات إلى عدد كبير 
قضينا أيّاما سعيدة و أخرى حزينة
و ككلّ بيت كانت فيه صراعات بين الأعضاء و إختلافات في الرّأي
و لكن بإخلاصنا و وفائنا أحسنّ التّحكّم في زمام الأمور
للأسف فقدنا مشاركينا الأوائل و الّذين بنوا معنا هذا الصّرح المطبخي 
و هم كثُر لا أستطيع ذكر الأسماء خشية أن يسقط منّي إسما سهوا فأظلم صاحبه
و إلتحق بنا أعضاء آخرون ألفناهم و كلّ ما نخشاه أن يفارقوننا يوما هم أيضا
فكلّ أملي أن يبقى شعار الوفاء و الإخلاص مرفرفا هنا
أحبّتي الكرام
للتذكير 
رابط الجزء الأول
http://www.lalaboutayna.com/t6208-topic
رابط الجزء الثاني 
http://www.lalaboutayna.com/t6418-topic

مبروك علينا الدار الجديدة ههه اوا مرحبا بالجميع تفضلو الدار داركم

طاجين الكبدة اي نوع كبدة
رابعة الكبدة الى كانت الغنمي او البكري كتعمل مقطعة مباشرة تشرمل ام الي كانت ديال الدجاج كنعملو الما ء مغلي زائد عصير نص حامضة شوية ملحة كنرقدوه ماء مغلى مدة 5 القايق
الشرمولة
في اناء كنحطو 2 معالق زيت زيتون
معلقة ربيع مقطع
2 ضروس توم
معلقة صغيرة فلفة حمرة نص معلقة صغيرة كامون عصير نص حامضة او خل الحامض ملح شوية الهريسة وكنشرملو الكبدة ونخليوها مرقدة فهاد المكونات كنزيدو عليهم معلقة صغيرة من عطرية اللحم الى توفرة وكنرقدو الكبدة
تم كناخدو الطاجين كنحكو فيه 2 مطيشات كبار + 2 معالق زيت زيتو ن بصلة غبرة ملح ونشحروها حتى كطيب و كتنشف تم كنستفو الكبدة على مطيشة ونزيدو شوية تومة غبرة وكنسدو الطاجين وكنخلو يطيب على عافية مهيلة حتى تعلك الكبدة وكنزينو بقشور الحامض المصير وبالصحة والراحة


طاجين اللحم بالقوق ... امينة من مراكش
المقادير:
500 كلغ لحم
بصلة وحد
حبة الجزر
زلافة صغيرة الجلبانة
كاس الزيت
ورقة سيدنا موسى /الملح / الزعفران / الابزار/ سكنبير/ خرقوم
الطاجين :
كنحكو البصلة الكبيرة كنضيفو كاس الزيت إلا ربع وكنحمرو مزيان حتى كيدبال كنضيفو اللحم كنقلوه 5 دقائق وكنتبلوه كنقطو خيزو دوائر وكنضيفو الجلبانة وكمرقو لطاجين و كنسدوه
حشوة القوق حسب عدد الافراد
2 خيزوات
2 كرعات
بصة وحدة
2 ضروس تومة
150 غرام حتى 200 غرام كفتة
كاس روز حبة مهرس
قزبر و معدنوس
ملح و ابزار
بيضة وحدة
شوية زيت الزيتون مقدار 2 معالق
حامض مرقد
كنشلضو البصلة و كنحكو عليها القرعة وخيزو كنزيدو ما تبقى من الزيت وكنشحروهم ثم كنطفو البوطة
الكفتة الرز قزبر معدنوس ملح ابزار والبيضة خضرين كنخلطوهم
بالنسبة القوق باش مايبقاش كحل
كنشدو بانيو وكنديرو فيه 2 معالق طحين في الماء البارد وطريف الحامض
وكنعمرو القوق بالحشوة بشكل هرم كناخدو نص زليفة المرق اللي في الطاجين تم كنصفو القوق في الطجين ومرة مرة كنمرقو القوقات بالزلافة المرق اللي خدينا من الطاجين






فاطة الزهرة
كيكة باللبن
المقادير
نص لتر لبن علبة
نص كيلو سميدة الحلوة
3 الخمارات
فاني وحدة
كاس ديال الزيت
كاس سنيدة
الطريقة
كناخد بانيو كنعملو فيه نص لتر ديال اللبن و3 الخمارات و السنيدة والزيت وكنزيدو السميدة شوية بشوية
كندهنو الطاوة وكنوضعو فيها الخليط ديالنا وندخلوها لفرن تكون حرارتو مهيلة




حورية
الكاشير منزلي
4 البيضات
2 فرماج
ضامة البكري
3 معالق روز مسلوق
2 معالق سميدة رقيق
1 معلقة دقيق فورص
شوية الزيتون بلا عضم
ضرس التومة
شوية الهريسة
وشوية التحمير ة
كناخدو كل هدا العناصر معدا الزيتون كنطحنوهم تم كنضيفو ليهم الزيتون
وكنعملوه في ميكة بلاستيكية وكنحزموها مزيان وكنعملوهم في كوكوط فية الما كيغطي البلاستيكة المعمرة منين كتبد الكوكوط كتصفر كنقصوالعافية لمدة نص ساعة من بعد كنحلو الكوكوط ونقطعو الكاشير بالصحة والراحة

الحرشة السميدة في المقلة
3كيسان سميدة ديال الحلوة
2 معالق سنيدة
3 البيضات
كاس الحليب
كاس الزيت
واحد فاني
2 الخمارات حمرين
رشيشة الملح
شوية خميرة الدار كنخلطو المقادير كلهم تم كنعملو كويرات مرشوشيش بالفورص تم كنسخنو المقلة اللي كنطيبو فيها المسمن كنسخنوها مزيان وكنحطو فيها الحرشة الكويرات بعدما كرصناهم شوية حتى كيطيبو على الجهات بزوج وبالصحة والراحة
حريشات معمرين
500 سميدة رقيقة
خمارة
معلقة خميرة الدار
معاقة صغير سنيدة
نص كاس ديال الزيت
وكاس ديال الحليب كبير
الحشوة
خزوة محكوكة
2 حبات القرعةمحكوكين
بطاطا 2 مسلوقين
بصلة 2 مشلضة
الملح الابزار التحمير
فرماج مثلت او مربع
شوية المعندوس والهريسة
كنخلطو السميدة مع الزيت الملح السنيدة وكنفتلو مزيان تم كنضيفو بقية العناصر ونجمعو الحرسة بالحليب الحرشة تكون خفيفية
بالنسبة للحشو كناخدو مقلة كنشحرو فيها مكونات الحشوة كنشحرو كلشي تم كنضيفو الفرماج و المعدنوس
تم كناخد عجينة الحرشة ونعملو منها كويرات صغيرة كل كرة كنبسطوها شوية ونعملو في الوسط ديالها شوية من الحشو ونجمعو الكويرة الحرشة تم كنبسطوها بشوية الحرشة ونعملوهم يطيبو في مقلة ثقيلة يطيبو من الجهات بزوج





عزيزة من مراكش
العصير الخوخ
كيلو ديال الخوخ
كنديرالخوخ يالقشرة والعلف ديالها في طنجرة الضغط كنزيدو عليه نص كيلو ديال السنيدة زائد لتر من الماء وكنسدو الطنجرة الضغط منين كتصفر الكوكوط كنقصو البوطة ونتسناو 10 الدقائق عاد كنحلو وناقصين البوط
غنحجو 18 ليمونة وغنخدمو 6 ب6 بنفس الطريقة هكدا
كنجيبو6 الليمونات الاولين غنسلوهم ونقشروه وقطعوهم طرونشات ونحيدو العلف وكنطحنوهم مع شوية الماء ونصفيهم وكنعبرو بقرعة ديال لتر الي خرجو لينا 6 الليمونات لتر من العصير مزيان جانا اقل كنضيف الماء فدكشي اللي صفينا ونعاودو نصفيهم حتى كتخرج لينا لتر من عصير الليمون ونعملو نفس العملية مع الليمون الاخر حتى كيولي عندن 3 ليتر من العصير الليمون
كنحيدو العلف من الخوخ ومنين يبرد كنطحنو في الخلاط الكهربائي بالقشور والماء اللي تسلق فيه ونصفيو بالصفاية وكنزيدو ليه العصير الليمون ونعاودو نطحنو ونقدموه بارد بالصحة والراحة




مونيا من وجدة
العصير كيخرج كمية كبيرة
المكونات والطريقة
نص كيلو الخيزو كنقطعوه ونديره مع لتر من الما وزلافة السكر ونسدو الكووط منين طيب زكنخلوه يدفى وطحنوه بالما ديالوفي الخلاط الكهربائي
كناخدو 3 لتر من الماء البارد + 2 كاس عصير ليمون كبار + كاس عصير حامض كبيرتم كنضيفو عصير اللي كيتاع في المحلبات 2 علب بنكهة الخوخ او البناشي وكنضيفوللخيزو اللي طحنا كتزيدو السكرحسب الدوق والحلاوة اللي بغينا ونطحنو ونقدموه بالصحة والراحة





امينة من مراكش
كيكة الكاوكاو
كاس ونص كاوكاو محمر ومطحون
4 البيضات
كاس ونص سميدة غليضة
2 خمارات حمرين
كاس سنيدة
2 معالق كبار شوكولا غبرة
ياغورت مسوس
كاس زبدة مدوبة
كناخد سنيدة مع البيض ومعلقة صغيرة ديال الخل كيضربو مزيان كنضيفو ياغورت كنحبسو التضراب تم كنضيفو كل العناصر معدا الخميرة والزيدة كنخلطو مزيان تم كنضيفو الزبدة
في المول كندهنوه بالزبدة والطحين كنضيفو الخمارة على الخليط اخر حاجة تم كنخيو الخليط في المول وندخلو المول للفران بارد دقيقة 35حتى 40 دقيقة
منبن كنخرجو الكيك من الفران وكيبرد كنزينز حسب الرغبة ام بالشوكولا واللوز ايفيلي او الكوك الشوكولا فرمسيل





المسمن عامر من طرف مستمعة خديجة 
نص كيلودقيق الفرص
رابعة دقيق القمح
معلقة خميرة الدار
الملح
الماء الدافي
تم كنجمعو العجين كنخليوه يخمر شوية
الحشوة
2 بصلات مشلضة
2 معالق كبار المعندوس
فلفة خضرة وحمرة وصفرة كبار مشلضين
2علب من الطون
نص باكية من الشعرية الصنيةاللي كنعملوها في الماء طايب حتي كترطاب ونقطعوها ونصفيوها
التحميرة الابزار الملح الزيت 3 معالق و شوية اسكنجبيرة و تحميرة
كتشحرة مزيان في مقلة البصلة والفلفلات والمعدنوس مع الزيت والتوابل مزيان تم كنضيفو الشعرية الصينة تشحر مع كل هدا المكونات وكنخليو الحشوة يبرد تم كنضيفو ليهم 2 علب الطون بالزيت ديالهم وكنخلو الحشو جانبا
كناخد المسمن كنقطعو لكوبرات صغيرة تم كنبسطو الكويرة وكنعملو فيها 2 معالق كبار من الحشو ونطو الرغيفة بحال المسمن العادي تم كناخدو المقلة متلصقش وكنطيبو المسمن بلا زيت لانها كطلق الزيت ونقدموهم بالصحة والراحة




عطيفة من اكادير
كيكة السانوج
3 البيضات
شوية الملح
فاني وحدة
4 معاق كبار سنيدة
وكاس صغير زيت
كنخلطو الكل بالضرا اليدوي تم كنضيفو 10 معالق كبار حليب غبرة +8 معالق كبار من الدقيق +
خمارة وحدة كنخلط الكل
العجين كيكون تقيل وكنبداو نضيفو الما حتي كيخفاف الخليط بحال الكيك + معلقة صغيرة من السانوج ونصبو الخليط في المول وكنرشو بالسانوج وندخلوها للفرل
بعدما نخرجو الكيك من الفران كنسقيوه بالسيرو
السيرو
كاس سكر
كاس ماء
معلقة صغيرة عصيرالحاض
كيطيب السيرو في كاسرون على عافية ةجهدة منين كطيب الكيكة كنسقوها بالسيرو

سعيدة من مراكش مربى بالباربا
كيلو من الباربا
نص كيلو سنيدة
زلافة فريز
2 حامضات
الطريقة
اولا كنغسلو الباربا وكنقيوها تم كنقشروها وكنحكوها في الحكاكة الغليضة تم كنعملوها في طنجرة الضغط + السنيدة +الفريز اللي كنقطعوه قطع صغيرة + شقور 2 حامضات وكنطيبو المربي بلا مكنضيفو الماء في البداية فقط الماء اللي عطاتنا الباربا منين حكينها الكل على عافية مهيلة الى ماطابتش الباربا عاد كنضيفو كاس الماء وقبل 5 الدقايق منطفيو البوطا على المربى كنضيفو عصير 2 الحامضات اللي ا ستعملنا فقط القشرة ديالهم فالاول كنخليو 5 الدقايق تم كنطفيو وغنلاحضو انه ولا عدنا مربى خاتر بالصحة والراحة


فاطمة الزهرة
سلطة البطاطا وقطع بيبي
كيلوو نص البطاطا منقية ومقطعة مربعات
نص كيلو من صدر بيبي او صدر الدجاج
2 ضروس تومة
ورقة سيدنا موسى
100 غرام من زيتون مقطع
شوية الزيت المائدة
بصلة كبيرة مشلضة
5البيضات مسلوقين ومقطعين قطع متوسطة
2دراهم كورنيشو
فرماجة مربعة
ضامة البنة
الملح
التزين
خيارة منقية مقطعة حسب الدوق
مطيشة مقكعة حسب الدوق
خس
المايونيز والكاتشوب
الطريقة
كناخدو كاسرونة كنعملو فيها صدر بيبي او دجاج مع ورقة سيدنا موسى تومة بقشورها وضامة البنة كيتسلق
تم كناخدو مقلة كنعملو فيها بصلة مشلضة مع شويية الزيت والزبدة الملح وتومة محكوكة وكنضيفو عليهم الصدر البيبي او الدجاج كنشحرو الكل
كناخدو البطاطا كنسلقوها في فالماء اللي سلقنا فيه البيبي حتى كينشف الماء تم كنطحنوها مع شوية المايوميز فرماج مربع والملح حسب الدوق
تم كناخدو طبق التقديم كنفرشو فيه الخس تم كناخدو المول اللي محلول من التحت وكنعملو نص الكمية من لبطاطا كنفرشوفها مزيان تم كنحطو عليها صدر بيبي او دجاج مع البصلة الزيتون مقطع الكورنيشو وقطع البيض المسلوق تم كنحطو الكمية اللي بقات من البطاطا تم كندهنو الوجه بالكاتشوب وكنعملو سطور من المايونيز وكنزوقو بحال ميل فوي وكنزيو الجناب بالخيار ومطيشة



هند من الدار البيضاء
بغرير
3كيسان سميدة رقيقة
كاس فورص
كاس ياغورت طبيعي
معلقة صغيرة خميرة الحلوة
معلقة صغيرة من خميرة العجين
شوية الملح
الماء حسب الخليط
الطريقة
كناخدو الكل العناصر كنعملوهم في الخلاط معادا الماء اللي كنزيده حسب خفة الخليط شوية بشوية كيطحنو حتى كيبان فقعات بحال الرغوة تم كنعملوه في بانيو يخمر لمدة ربع ساعة ونبداو نطيبو



حلوة باردة
250غرام من بيسكوي ديال الشوكولا
150 غرام كوك
200 غرام كركاع او لوز
3 م ك بدرة الكاكاو
100 غرام شوكولا اسود
2 م ك زبدة
2 م ك ماء زهر
بيضة
الطريقة
كنطحنو البيسكوي وكنعملوه في زلافة كبيرة وكنضيفو عليه الكوك لوز اللي كننسلقوه وكنقشروه وكنقليوه ونهرمشوه او الكركاع كنسخنوه شوية وكنقطعوه بيديا صغير
كناخدو الشوكولا كندوبوه بطريقة حمام مريم وكنزيدو عليه الكاكاو الزبدة والماء زهر ومنين كيدوب وكينسجمو كنزلوهم من على العافية وكنضيفو بيضة وكنضربو مزيان وكنضيفو هاد المكونات على خليط البيسكويت تم كناخدو مول كنغلفوه من الداخل او ببلاستيك الغدائي او الورق الالمنيوم وكنعملو فيه الخليط وندخلوه للتلاجة نص ساعة حتى ساعة فهاد الوقت كناخدو 200غرام من الشوكولا كندوبوه حمام مريم زائد 2 م ك زبدة ومنين كنخرج الحلوة من التلاجة كنصب عليها الشوكولا حتى كيغطيها ونخليها تبرد ومنين نبغي نقدمها كنحيدها بسوهولة لان الورق الالمنيوم او البلاستيك الغدائي غبساعد بلا متلصق فالمول





مسمن معمر حلو فايزة من وجدة
المقادير
كيلو فرينة
قبصة من الملح
بيضة
م ك سكر
خمارة
الماد الدافي باش نجمعو العجين
الحشوة
كاس ديال الكوك
كاس سميدة رقيقة
كاس من لوز مهرمش
كاس من الكركاع مهرمش غليض
مغرفة مخلطة مابين الزبدة والزيت المائدة
الطريقة
كناخدو قصيرية كنعملو فيها مكونات العجين وكنجمعو بالماء الدافي بحال المسمن تم كنعملو من هدا العجينات قريصات وكنخليهم يرتاحو
كناخدو طاوة الفران كندهنوها وكناخدو كويرة من العجين وكنطلقوها مزيان كنكرصوها بحال الورقة وكندهنو بالزيت والزبدة وكنحطوها فالطاوة وكندهنوها تم كنحطو فيها الكوك كنفرشوه مزيان على ورقة العجين تم كنرشو بالزيت والزيدة وسميدة وكنورقو كويرة اخرى من العجين بنفس الطريقة كنحطوها على الورقة اللي غطيناها بالكوك وكنرشوها بالزيت والزبدة وسميدة وكنعملو عليها طبقة من اللوز مهرمش وكنرشو بالزيت والزبدة سميدة وكنعاودو نورقو كويرة اخرى من العجين ونفس الطريقة كنعملوها على طبقة اللوز وكندهنوها بالزيت والزبدة وسميدة وكنعملو عليها الكركاع اللي هرمشناه غليط وكنرشو زبدة بالزيت السميدة الرقيقة الورقة الفوقانية او الاخيرة كنرشوها مزيان بالسكر الصقيل وكندخلوها للفران منين نخرجوه كنعاودو نرشوه بالسكر الصقيل مزيان وكنعملو عليه خطيطات من القرفةمسمن معمر حلو فايزة من وجدة 

المقادير
كيلو فرينة
قبصة من الملح
بيضة
م ك سكر
خمارة
الماد الدافي باش نجمعو العجين
الحشوة
كاس ديال الكوك
كاس سميدة رقيقة
كاس من لوز مهرمش
كاس من الكركاع مهرمش غليض
مغرفة مخلطة مابين الزبدة والزيت المائدة
الطريقة
كناخدو قصيرية كنعملو فيها مكونات العجين وكنجمعو بالماء الدافي بحال المسمن تم كنعملو من هدا العجينات قريصات وكنخليهم يرتاحو
كناخدو طاوة الفران كندهنوها وكناخدو كويرة من العجين وكنطلقوها مزيان كنكرصوها بحال الورقة وكندهنو بالزيت والزبدة وكنحطوها فالطاوة وكندهنوها تم كنحطو فيها الكوك كنفرشوه مزيان على ورقة العجين تم كنرشو بالزيت والزيدة وسميدة وكنورقو كويرة اخرى من العجين بنفس الطريقة كنحطوها على الورقة اللي غطيناها بالكوك وكنرشوها بالزيت والزبدة وسميدة وكنعملو عليها طبقة من اللوز مهرمش وكنرشو بالزيت والزبدة سميدة وكنعاودو نورقو كويرة اخرى من العجين ونفس الطريقة كنعملوها على طبقة اللوز وكندهنوها بالزيت والزبدة وسميدة وكنعملو عليها الكركاع اللي هرمشناه غليط وكنرشو زبدة بالزيت السميدة الرقيقة الورقة الفوقانية او الاخيرة كنرشوها مزيان بالسكر الصقيل وكندخلوها للفران منين نخرجوه كنعاودو نرشوه بالسكر الصقيل مزيان وكنعملو عليه خطيطات من القرفة

mini fondant
2 علب شكلاط 170 غ في المجموع
150 غ زبدة
3 بيضات
120 غ سكر
55 غ دقيق + قبصة ملح
ندوبوا الزبدة مع الشكلاط مقطع طريفات في حمام مريم
في كاصرون ندير البيض و قبصة ملح و نخلط مزياااان بطراب يدوي ونضيف الشكلاط و الزبدة و نبقى نطرب مزيااات حتى تبان لي الفقاعات و نبدا نضيف الدقيق شوية بشوية ونخوي الخليط في مولات صغار و ندخلو الفران يطيب من لتحت نصف ساعة و مللي يتشقق نديرو يطيب غير شوية من الفوق


كيكة زوينة + مريم بيشوارين
كاصرونة فيها كاس الما و كاس زيت و كاس سكر و بكية كاوبيل كاملة فوق النار حتى طبخ 4 دقايق و نخليه جانبا
في بانيو فيه 4 بيضات و نص كاس سكر و نص كاس زيت و كاس من الخليط الاول و نحرك بسرعة + 2 كاس دقيق + 2 خمارات
نديرها في مول و ندخلها الفران و مللي تبرد نقسمها من الوسط و نسقي بالخليط الاول كامل
في كاصرونة نص ايطرو حليب + فلون الشكلاط + 2 م ك سكر + 2 م ك مايزينا ونخلط حتى تعقاد و نخليها شوية ونديرها فوق الخليط و نزوق باللوز

الكرعة خضرا مقلية - امينة من مراكش
نص كيلو الكرعة خضرا + بصلة محكوكة + 3 بيضات +خمارة + نص م ص السودانية + ابزار + ملح + م ك الدقيق + زيت للقلي
ناخد الكرعة ونحكها بالقشرة نحكها بشكل طولي + البصلة بلا ما ديالها + البيض + خمارة + السودانية + الملح و الابزار و الدقيق و نخلط مزياان ونهو بملعقة كبيرة شوية من الخليط ونديرو في مقلاة فيها الزيت سخون
نقدمو مع الخضر


الحرشة بالحليب و الكوك - سلمى
رابعة السميد رقيق + كاس سنيدة + 3 م ك كوك محمر + نص كاس زيت + قشرة حامضة محكوكة + فاني + 2 خمارة + نص ايطرو حليب
نخلط كولشي مزياان
ندهن مقلة الحرشة بالزبدة و السميد و نخوي الخليط وندخلها الفران
مللي تخرج ندهنها بالناباج ونرش اللوز







اللحم بالتفاح - فاطمة
ناخد اللحم + ملح + ابزار + سكينجبير + خرقوم بلدي + خرقوم حر + الثوم + راس م ص عطرية المروزية ونقلي كولشي ونمرقو ونخليه يطيب
ناخد التفاح ونقيه ونديرو دوائر غليظة و نفورو بالملح
نديرو في بابي المنيوم ونستفو في الطاورة وندخلو الفران
ناخد تفاح اخر منقي و نقطعوا مربعات ونخوي عليه الما و السكر و القرفة و الكونفتير و الفاني و شوية الزهر و نعسلوه + زلافة الزبيب مرقد من قبل و ناشف و نخليه يتعسل
نحط في التقديم اللحم فوق منو دوائر التفاح وفوق منو التفاح مربعات و اللوز كدلك




ميني بيتزا بالطون - ام رميساء
العجين : رابعة فورص + م ص خميرة الخبز + شوية لملح + بيضة + 5 م ك زيت + حليب دافئ للعجين نعجنها ونخليها ترتاح نص ساعة ونقطعها كويرات صغار ونخليها 10 دقايق و نكرصها خبيزات صغار ونخليهم 10 دقايق ونقطع الدوائر بالفم ديال كاس العنبة مرشوش بالدقيق
الحشوة : 2 بصلات مشلظين صغار نشحرهم مع الزيت م ك ونحيدهم من النار + حفنة زيتون اخضر + ملح + ابزار + 3 م ك كريم فريش ونرجعو للنار حتى يعقد و نحيدو من النار و نضيف الطون ديال مطيشة
ناخد الحشوة ونديرها وسط الخبيزات ونخليهم يخمروا وندير الفرماج محكوك و ندهن الجوانب بالبيض ونرش الزنجلان ابيض وندخلها الفران طيب





حريشات صغار ديال الفران - دنيا
نص كيلو السميد رقيق + كاس فورص + نص كاس زيت + 4 م ك سنيدة + فاني + 2 خمارة + شوية الخميرة معجونة مع الما دافي ونجمعها بالحليب
ونكوروها ديك الساعة ونفندها في السميد ونفلحها من الفوق و ندخلها الفران

حريشات صغار ديال الفران - دنيا
نص كيلو السميد رقيق + كاس فورص + نص كاس زيت + 4 م ك سنيدة + فاني + 2 خمارة + شوية الخميرة معجونة مع الما دافي ونجمعها بالحليب 
ونكوروها ديك الساعة ونفندها في السميد ونفلحها من الفوق و ندخلها الفران




طاجين الحوت - السعدية درب غلف
ناخد الحوت ونشرملو في
زيت العود وزيت العادية + الربيع + الثومة 4 + الملح + الابزار غير شوية + سكينجبيرغير شوية + م ك الطحميرة +قبصة خرقوم + شوية الكامون + القزبر يابس + السودانية + الخل
نشرملو ونخليه راقد
ندير في الطاجين الزيت مخلط + العطرية كلها وندير طبسيل مهرس من لتحت + مطيشة مقطعة دوائر + ورقة موسى + خيزو مقطع دوائر مائلة مشرمل في شرمولة الحوت + الحوت + البطاطا دوائر مشرملة فيما تبقى من شرمولة الحوت + مطيشة دوائر + 2 او 3 دوائر الحامض اخضر + الحامض المصير + فلفة سودانية من الفوق ونزيد ربع كاس من الما على الشرمولة اللي بقات و نضيفها في الجوانب + الزيتون احمر او اخضر ونخليه يطيب على نار هادية و في الاخير نضيف زيت العود

خديجة - الكبدة مشرملة بالبصلة
ناخد رابعة الكبدة نقطعها ونخوي عليها الما طايب و نصلقها 2 دقايق ايلا كانت الكبدة كبيرة ونضيف عليها الابزار و الثوم مللي تكون كتصلق ونصفيها
في مقلة ندير 3 او 6 ثوم حسب الدوق + نص م ص الهريسة + شوية الحامض مصير + الكامون + الملح + الابزار + نص بصلة صغيرة مشلظة رقيقة + زيت عادي ونخليها تشحر على نار مهيلة
غير دوب البصلة نضيف الكبد ونغطي المقلة ونحرك مرة مرة 15 ساعة او اقل نضيف التحميرة و زيت العود ونخليها تشحر 5 دقايق ونطفي عليها


صباح - بريوش بالليمون
كاس عنبة حليب + كاس عنبة عصير ليمون + كاس سنيدة + كاس زيت وزبدة مدوبة + 2 بيض + 2 خمارة + شوية خميرة الخبر مدوبة في شوية الحليب + قبصة ملح + الدقيق حسب الخليط
ونخلطو مزيااان ونخليها تخمر حتى تتضاعف ونديرها كريصات ونديرها في الطاو ونخليها تخمر ومن بعد ندهنها باصفر البيض و ترش بالزنجلان وندخلها للفران

كيكة الكوك - صباح
4 بيضات + كاس عنبة حليب + كاس الاربع زيت + كاس سنيدة + 2 خمارة + م ص الخل + 2 كاس عنبة فورص + 2 م ك الكاكاو + كاس عنبة الكوك + 2 م ك حليب محلى + 2 فرماج مثلث او مربع + م ك النشا
نخلط في المول : البيض + الحليب + الزيت + سنيدة + الخل ومن بعد نضيف عليه الدقيق و الخمارة و الكاكاو ونصبها في المول
ناخد الكوك مطحون و الحليب المحلى و النشا و الفرماج ونديرهم كويرات صغار ونديرهم فوق الكيك وندخلها الفران
في الاخير نزينها باش ما بغيت

غريبة بالسمن بحال البهلة – نجاة
رابعة زيدة مدوبة ونخليها حتى تولي سمن + رابعة سكر كلاصي + م ك القرفة + شوية مسكة حرة + رابعة الزيت نخلك ونضيف كيلو الدقيق ونجمعها ونغطيها ونخليها ليلة كاملة ونشكلها بالشكل اللي بغيت ونطيبها من الاحسن في فران ديال الزنقة


كريمة من فاس – الكبدة مشرملة بمطيشة
ناخدو الكبدة بلا ما تقطع بلا ما نصلقها ونحيدها ليها الجلدة ونشرملها بالقزبر + الثوم + الهريسة + الملح ونخليها ربع ساعة ونقليها بحال الحوت من بعد ما ندوزها في الطحين غير شوية ونخليها تقطر
ناخد في كاصرول شرمولة القزبر و الثوم و الملح و الهريسة ونحك مطيشة وحدة وزيت العود ونخليها تشحر ونقطع الكبد طريفات صغار + ربع حامض مصير مقطع رقيق


الحوت مصبر - منار
كيلو السردين مغسول ومنقي من القشرة و الشوك ونديرو في كوكوط صف فوق صف كل وحدة نطويها على 2 وندير فوق منو القزبر يابس + الكامون + املح + السودانية + ورقة سيدنا موسى + كاس زيت + كاس الما عنبة ونسدها بلا صفارة ونخليها تغلي ونخليها حتى تبقى غير الزيت تقريبا 10 دقايق



الروز بالخضرة - فتيحة
الروز كلاصي نصلقوه غير في الما بوحدو ونصلق البطاطا و خيزو و الكرعة و الجلبانة و الفلفلة في الما
في مقلة ندير شوية الزيت + الروز شوية بشوية ونسموه بضامة البنة + قبصة ملح ونشحرو شوية ونشحر الخضرة بوحدها في الزيت و ضامة البنة ونخلطهم







فاطمة من وجدة - العجين بيتزا
العجين : نص كاس زيت عنبة + نص كاس الخميرة + قبصة الملح و الزعتر + 4 م ك حليب غبرة + 2 كاس او 3 عنبة الدقيق ونخلطها بحال البغرير ونخليها حتى تخمر و تطلع فيها الفقاعات ونزيد عليها كاس زيت ونضربها مزيااان ونزيد عليها الدقيق باش تجمع ونسرحها ونديرها في طاوة ونتقبها بالفورشيط وندخلها الفران نص طيبة ونعمرها باش بغيت ونرجعها للفران





فاطمة ولاد تايمة - حللوى بالكاوكاو ديال الهلال
رابعة الكاوكاو نسخنها ونحيد القشرة ونطحنها ونديرها في قصرية + 3 كاس صغير زيت + 3 كاس صغير سنيدة + م ك قرفة ونخلط مزياان + الدقيق حتى يعقد الخليط ونشكلها بالشكل اللي بغيت ونطيبها ونخليها حتى تبرد عاد نحيدها من الطاوة وندوزها في السكر كلاصي





سكينة من الناظور - حلوة بطابع ديال الفريت
رابعة الزبدة + زلافة متوسطة زيت + زلافة سكر + كاس الكوك + 3 بيضات + 3 فلون فاني + 3 خمارات + الدقيق حسب الخليط نكورها ونطبعها بطابع البطاطا ديال الفريت وندخلها الفران



وريا من كازا - حلوى المايزينا
كيلو مايزينا + 4 بيضات + 2 كاس عنبة سكر كلاصي + 2 خمارة + نص كيلو زبدة عادية +
للتزين : نص كيلو شكلاط + بكية 30 بيسكوي او الكوك كراميل
نخدم الزبدة مع السكر + البيض + الخميرة + مايزينا ونخلط حتى يتجمع وندهن اللاطة ونديرهم كويرات صغار بزاف قد العنبة وندخلها الفران 5 دقايق تكون باقة صفراء ونخرجها ونخليها تبرد وندوزها في الشكلاط مداب في حمام مريم وندوززها في البيسكوي او الكوك كراميل





الطحال معمر - هدى اليداري
شوي اللحم مقطع نعملوا في مقلاة + طريفات الشحمة + م ك الزيت العود + ضرس ثومة + الربيع مقطع + بصلة محكوكة + طحميرة + شوي هريسة + ملح + شوي عصير الحامض + قزبور يابس شوي ونشحروهم ثم + الربيع شوي نزولوهم من البوطة حتى يبردوا + زيتون مقطع + ممكن + هريسة ونخلطوا ونعمروا الطيحال ونخيطوه ونثقبوه ممكن ندخله الفرن أو يشوى فوق الشواية





يتزا سائلة خفيفة - ام ايمن
كاس صغير زيت + 2 بيضات + كاس ونص دقيق + كاس صغير حليب + خمارة + شوية زعتر + ملح + 2 م ك زيت عود
ناخد كل المقادير ونطربها مزياان ونضيف فرماج محكوك 50 غ ونخويها في مول او داير ونخوي عليها لاصوص
لاصوص : 2 م ك مطيشة الحم مرخوفة في شوية الما و الملح و زيت العود والزعتر و الابزار ونخويها فوق من الخليط وندخلها الفرا غير تقبط شوية وندير فوق منها الحشوة و الفرماج احمر ونعاود ندخلها الفرانى



فاطمة من قنيطرة - فقاص بلدي
في خلاط ندير 4 فاني + 8 بيض كبير + زلافة زيت + زلافة ونص سكر ونطربو حتى يولي ابيض
زلافة اللوز بالقشرة وما محمرش في كصرية نخوي عليه كاس عنبة حليب دافي و نخليه 5 دقايق ونضيف الخليط في الخلاط + 2 كيلو الا ربع دقيق فورص + 4 خمارات ونقسمو ونكورو كويرات تقريبا 6 ونديروعلى شكل حرابل وندير في لاطة مدهونة و مرشوشة بالطحين وندخلو الفران بارد و العافية مهيلة من لتحت ونخليه يتنفخ ونشعل النار من الفوق حتى يتجمع و نحيدو
ونقطعو في النهار ديالو او حتى الغد ليه و نعاود نرجعو للفران شوية حتى يتحمر



فاطمة من قنيطرة - البهلة
375 غ سكر كلاصي + نص ايطرو زيت + كيلو طحين + 3 خمارة
الزيت في بانيو + سكر كلاصي مغربل ويتحك مع الزيت حتى يولي كريم + خمارة و الطحين ونكورها في نفس النهار او نبيتها حتى الغد ليه ونكورها ونديرها في لاطة مدهونة ومرشوشة بالدقيق وندخلها الفران سخون و العافية من الفوق حتى تشقق ونشعل لتحت حتى هو .
من بعد نقدر نضيف اللوز محمر او زنجلان محمر او هما بزوج





فاطمة من وجدة - كيكة ديال الكوكوط
4 بيضات + 6 م ك سنيدة + 6 م ك زيت + 6 م ك دقيق + 3 خمارة + 2 فاني + 4 م ك غبرة الكاكاو ونخلط كولشي وندهن الكوكوط كاملة بالزيت و ترش بالدقيق ونخوي الخليط ونسدها مزيان بلا صفارة ونديرها على نار مهيلة تقريبا نص ساعة
مللي طيب نخليها تبرد عاد نقلبها وندهنها بالكونفتير او الشكلاط واللوز مهرمش محمر



نهاد من وجدة - طارط باردة بالفلون
3 بكيات بيسكوي نطحنهم + شوية الكركاع + حك حليب مركز محلى كراميل ونخلطهم ونسرحهم في مول كيتحل
في كاصرول : نص ايطرو حليب + فلون + 3 م ك سنيدة ونخلط + م ك الكاكاو ونخلطهم مزيااان ونخويهم فوق الخليط وندخلو للثلاجة باش يشد راو الفلون
ونحضر فلون عادي ونخويه فوق الخليط من بعد ما يجمد ونحيد





العالية من وجدة : الكونفتير ديال الحامض
كيلو حامض مغسول ونحيد منو القشرة ديال الفوق و لتحت يعني غير الراس ونخلي القشرة ديال الوسط ونقطعوا على 4 ونحيد منو الزريعة اللي لداخل ونديرو في كوكوط مع ايطرو الما ونسدها ونخليه 5 دقايق من بعد ما تصفر ونطفي البوطة ونخليه يبيرد ونطحنو في طراب كهربائي مع الما ديالو ونصفيه مزيااااان
نرجعو للكوكوط + كيلو السكر ونبقى نحرك نحرك 5 دقايق من مور الغليان و نطفي عليه
ونعمرو في قراعي معقمين وهو باقي سخون باش ما يجمدش



الشيف شكري : ميل فوي بالكريم باتسيير
باط فويطي : 400 غ دقيق + 200 غ الما + قبصة ملح + 50 غ زبدة دايبة
نجمعها ونحلها من الوسط وندير 300 غ زبدة ماركين وسط لاباط ونسد عليها ونعاود نضربها بالمدلك غير بشوية حتى كتطلق ونعاود ندلكها ونسرحها حتى تولي طويلة ومن بعد نسدها ونعاود العملية 6 مرات ومن بعد نبسطها و ندخلها الفران طيب من بعد ما كنتقبها بالفورشيط تقريبا ربع او ثلث ساعة في فران سخون
كريم باتيسيير : ايطرو حليب + 8 اصفر بيض + 250 غ سنيدة + 100 غ النشا
الطريقة : الحليب فوق البوطة باش يفيض و نقدر ندير معاه النكهة اللي بغينا
ونخدم اصفر اليبيض مع سنيدة و مايزينا غير يتجانس الخليط بدون ما نطربوه
الحليب نقسمو على 2 النص نخليه فوق البوطة و النص الثاني نضيف عليه خليط اصفر البيض مع التحراك ومن بعد نرجع كولشي فوق البوطة مع التحراك حتى يعقاد غير شوية
الكريم باتيسيير نقسموه على 1 و النص الاول نديرو في باطور مع شكلاط الدهن نوع مزياان .... والنص الثاني نخليه هكاك
المونطاج : نقسم لاباط على 3
جيب الحلواني فيه الكريم باتيسيير وندير الكوش الاولى ونسد بلاباط ونضيف الكريم باتيسيير و الكوش الثالثة ديال لاباط

حلوى بالشكلاط بريستيج - فاطمة من القنيطرة
نص رابعة زبدة + نص رابعة سكر كلاصي + بيضة + فاني + ملح قبصة + قشور حامضة و قشور ليمونة + 200 غ دقيق
نخلط الكل ونديرهم كويرات ونديرهم في سليكون دوائر صغيرة قد 100 ريال ونغطيها باللوز ايفيلي او مهروش ونضغط عليه شوية وندخلها طيب من لتحت
مللي تخرج نحيدها تبرد وندوب شوية شكلاط في حمام مريم ونغطس لتحت ديالها في الشكلاط و نخليه ينشف وندخلها المجمد 5 دقايق


حلوى الكويغطات بريستيج - فاطمة من القنيطرة
100 غ الكوك مطحون غبرة + 100 غ الكاوكاو مطحون معلك + 100غ زنجلان محمر شوية ومطحون حتى يتعلك + ونطحن الكل عاوتاني + 100 غ سنيدة مطحونة مزياان + 50 غ سميد رقيق + فاني + نص خمارة + حفنة او اقل من قشور الحامض محكوك رقيق + 3 بيضات ونجمع بلا ما نطرب
ندير البيض و السنيدة يسخنو شوية و نضيفهم على باقي المكونات ونجمعها
نخليها ترتاح 20 دقيقة
نديرها كويرات صغار وندوزها في بانيو فيه سكر كلاصي ونهزها فيها السكر كلاصي على الوجه مقبب ونضغط شوية ونحطها في الكويغطات وندخلها الفران حتى تنفخ وتحل


حلوى بريستيج باللوز - فاطمة من القنيطرة
حشوة : م ك كريمة الطياب + 2 م ك العسل + 70 غ زبدة + 80 غ سنيدة + 100 غ كركاع + 100 غ اللوز غير دوب المقادير و يولي كعلك ونحيدو من النار
الصابلي : بيضة نطربها مع 40 غ سكر كلاصي + 115 غ زبدة + 180 غ دقيق + نص رابعة لوز غبرة ونخلط مزيااان نجمعو ونطلقها بلا ما نرشمو في لاطة وندخلها طيب ومللي تخرج نخوي عليها الحشوة الاولى ونخليه يبرد شوية وعاد نقطعو مربعات
ممكن الخليط الاول ما نطحنوهش غير نهرمشوه ونستعملوه




مادلين مالحين بالزيتون - عزيزة من الرباط
بيضة + كاس صغير حليب مركز غير محلى + 80 غ دقيق + م ك مايزينا + 2 م ص خميرة الحلوى + 1 ثوم مدقوق مزيان + شوية الملح + شوية الابزار + م ك زيت العود + 30 غ زيتون اسود بلا عظم
نخلط البيض و الحليب في خلاط ومن بعد نضيف عليه باقي المكونات ونخلط باليد
نخلط الدقيق + مايزينا + خميرة بوحدو ونضيفو على الخليط الاول
ونديو في مول ديال المادلين وندخلهم يطيبو




الطنجية في الدار بحال في الفرناتشي - هناء من فاس
ناخد اللحم الغنمي من الاحسن تقريبا كيلو + م ص الكامون + 3 م ك زيت العود + 4 ثوم صحاح او مدقوقين مع الملح + م ص راس الحانوت + حامضة مصيرة مقسومة على 2 و مغسولة مسبقا + زعفران حر + 60 غ سمن ما يكونش حار
نخلط الكل ونبيتو في الثلاجة ونديرو وسط الطنجية + كاس الما العنبة ونسد الفم بورق المنيوم
الرماد ديال الفاخر نخويه في الكوكوط ونحط فوق منو الطنجية ونشعل البوطة مجهدة شوية ونخليها 4 ساعات او 3 حتى طيب





طورطة بالاناناس المعلب – شهيوة باردة - هناء من فاس
بواطة الاناناس معلب دوائر + 2 فلون عادي + ايطرو حليب + بيسكوي مغطي بسنيدة + بواطة كرز احمر معلب
نحيد الاناناس من الما ونشفو بورق الطهي ونستفو في لاطة مربعة ونحط وسط دوائر الاناناس الفارغة حبات الكرز
ناخد البيكوس ونغطسو في الما ديال الاناناس ونستفو فوق الاناناس حتى يتغطى
ايطرو الحليب نضيف ليه 2 او 3 م ك سنيدة حسب الدوق ونطيب الفلوق بطريقة عادية ونخويه فوق البيسكوي وهو باقي سخون
غادي يطلع لينا البيسكوي الفوق ونخليه يبرد شوية وعاد ندخلوه للمجمد حتى يولي فلون
ومن بعد نقلبوه في وسط طبسيل ونزوق بالكراميل او باي حاجة اخرى