بيتزا بالقوق من عند الشاف هادي
في كل 500 غرام من الفرص نضيفو كأس من الحليب البارد ، نصف كأس من الزيت البلدية و الماء دافئ و تجمعي الكل مزيان ثم تكوري العجين و تخليها ترتاح 5 دقائق .
الحشوة : معلقة كبيرة من الزيت البلدية و 3 ضروس من الثومة ، 100 غرام من الجبن المحكوك ، 2 معالق كبار من جبن البارمازان ، 4 الحبات من القوق طايبين في الماء و الحامض و مقطعين على 4 ، 100 غرام من البقولة مبخرة و مشحرة في الزيت البلدية و الثومة و الابزار و الملح و سكينجبير و الكامون و القرفة .
تطيبي العجين نصف طيبة ثم توضعي طريفات القوق المشحر في الزيت البلدية ثم تضيفي البقولة ثم تهرسي بيضة في الوسط ثم تدردري الفرماج و تدخليها للفرن 5 دقائق ثم تطفي الفرن و تخليها 5 دقائق أخرى و تقدميها بالصحة و الراحة .
ليباط بالقوق من عند الشاف الهادي
أي نوع من ليباط ، تاخذي نصف كيلو منه ، تغلي الماء في طنجرة ثم تضيفي الملح و في الأخير ليباط لمدة 7 حتى 10 دقائق مع التحراك حتى يتصلقو ثم تصفيهم من الماء و تضيفي ليهم القليل من الزيت البلدية و تخليهم جانبا .
نصف بصلة مشلظة ، 3 الحبات من الفطر الأبيض شرائح ، 3 ضروس من الثومة مقطعة شرائح ، 2 معالق كبار من الطماطم الجافة و المرقدة في الزيت البلدية ( سبق و وضعت الطريقة لتجفيف الطماطم في الصفحة ) ، 2 معالق كبار من الزيتون الأسود مقطع و بلا عظم ، 8 الحبات من القوق مسلوقين و مقطعين شرائح ، عصير الحامض و 2 مطيشات مقطعين بلا قشرة و بدون زريعة ثم الملح و الابزار و 2 معالق كبار من الزيت البلدية .
تشحري البصل ثم الفطر و الطماطم الجافة و القوق و تفرغي الكل فوق ليباط و تخلطي جيدا ثم تضيفي من فوق طريفات المطيشة و الزيتون الأسود و الحامض من فوق و تقدميهم بالصحة و الراحة .
المدفونة بالقوق من عند الشاف الهادي
2 معالق كبار من الزيت البلدية ، 2 ضروس من الثومة ، معلقة صغيرة من عصير الحامض ، حك من الطون ، 5 حبات من القوق مقطعين مصلوقين في الماء و الحامض ، 2 معالق كبار من الزيتون الأسود ، 2 معالق كبار من الجبن المحكوك و الملح و الابزار .
تسرحي العجين ثم تعمريها بالزيتون ثم الطون مخلط بالثومة و عصير الحامض ثم القوق ، تطوي العجين على شكل هلال أو نصف دائرة و تجمعي الجوانب و تطيبيها في الفرن مدة 25 دقيقة على درجة حرارة 180 درجة و تقدميها بالصحة و الراحة .
زعلوك القوق و السبانخ من عند الشاف هادينصف كيلو من السبانخ مبخرة ، كيلو و نصف من القوق ( الرؤوس فقط ) مسلوق مع الماء و الحامض ، 3 ضروس من الثومة ، 2 معالق كبار من المايونيز ، 2 معالق كبار من عصير الحامض ، 100 غرام من كريمة الجبن أو الجبن الأبيض .
تقطعي القوق الى طريفات صغار مع السبانخ و
باقي المكونات و تدعكيهم مزيان فوق نار مهيلة ثم تعصري الحامض و تقدميه بالصحة و الراحة .
الثلاثاء سبتمبر 19, 2017 1:39 am من طرف 
موضوع: وصفات أساسها القوق جديدة ورائعة من الشاف الهادي في برنامج حديت و مغزل 
