موضوع: وصفات متنوعة للساندويتش من الشاف الهادي في برنامج حديت و مغزل الأربعاء ديسمبر 09, 2015 6:40 am
حديث ومغزل مع سناء الزعيم - سندويش الدجاج بأسهل طريقة من عند لشاف هادي
صدر الدجاج مشوي و مقطع ، معلقة المايونيز ، خس مقطع ، القليل من الكرافس ، مطيشة بلا قشرة و لا زريعة ، ملح و ابزار و خبز السندويش .
ناخذو الكرافس نخلطوه مع الدجاج مع المكةنات و نعمرو به السندويش ثم نقدموه بالصحة و الراحة .
حديث ومغزل مع سناء الزعيم - سلطة سندويش من عند شاف هادي ضروس من الثومة ، معلقة كبيرة من عصير الحامض ، 4 المعالق كبار من زيت الزيتون ، فلفلة صفراء ، حمراء و خضراء مقطعين شرائح ، 2 كرعات خضرين مقطعين شرائح ، بصلة شرائح ،2 معالق كبار من المايونيز ، الملح و الابزار و الزعتر و خبز السندويش
ناخذو الكرعة و الفلفلة و نخلطوهم مع الملح و الابزار و الحامض و نشويوهم و من بعد ناخذو المايونيز و ندهنو به الخبز و نحطو الخليط ديالنا و ندردرو عليه الزعتر و نقدمو السندويش بالصحة و الراحة .
سلطة سندويش من عند شاف هادي
ضروس من الثومة ، معلقة كبيرة من عصير الحامض ، 4 المعالق كبار من زيت الزيتون ، فلفلة صفراء ، حمراء و خضراء مقطعين شرائح ، 2 كرعات خضرين مقطعين شرائح ، بصلة شرائح ،2 معالق كبار من المايونيز ، الملح و الابزار و الزعتر و خبز السندويش
ناخذو الكرعة و الفلفلة و نخلطوهم مع الملح و الابزار و الحامض و نشويوهم و من بعد ناخذو المايونيز و ندهنو به الخبز و نحطو الخليط ديالنا و ندردرو عليه الزعتر و نقدمو السندويش بالصحة و الراحة .
سندويش الطون من عند الشاف هادي
اخذو الطون بلا زيت ، بصلة حمراء مشلظة ، 3 المعالق كبار من الجبن محكوك ، معلقة من القزبر و المعدنوس ، نصف ملعقة كمون و الابزار و الملح و "pain de mie " محمر في الفرن ، معلقة من الحار و معلقة المايونيز
ناخذو الطون و نخلطوه مع البصل مشلظ و القزبر و المعدنوس و الكمون و نضيفوه فوق الخبز و ندردرو الفرماج و ندخلوه للفرن حتى يذوب الفرماج و نخرجوه و نضيفو قطعة أخرى من الخبز و نقدموه بالصحة و الراحة
طبق خضر مشكلة بدون دسم من عند الشاف هادي
بة باربة مسلوقة ، خيزو مقطع شرائح بالطول ، خيارة بدون لب ولا قشرة ، سلطة خضراء ، حبة الفطر الأبيض ، 100 غرام بروكولي أو الشيفلور ، فلفلة حمراء و خضراء ،ملح و ابزار .
تخلطي معلقة من العسل و 3 المعالق من الزيت البلدية وعصير نصف حامضة ، نصف معلقة صغيرة من الخردل .
نكبو الصوص على الخضر ثم نضيفو من فوق حبات الكركاع مهرمشين و ممكن نسمو بالأزير و نقدمو الطبق بالصحة و الراحة .
حديث ومغزل مع سناء الزعيم - ساندويش الكرواصة من عند الشاف هادي
غرام من شرائح اللحم رقيقة و مدوزينهم في الزيت البلدية ، 2 حبات من الفطر الأبيض ، بصلة معسلة في الزبدة و السكر ، معلقة صغيرة من الدقيق ، شوية المعدنوس ، 3 المعالق كبار من الجبن محكوك .
ناخذو اللحم و نضيفو ليه الفطر الأبيض و نوضعوهم في مقلاة ثم نزيدو البصل المعسل مع معلقة من الزبدة و الدقيق حتى يتجمع الخليط و نررشو بالجبن محكوك و ندردرو المعدنوس ثم نعمرو الكرواصة بالحشوة و نقدموها بالصحة و الراحة .
كروكيط الحوت من عند الشاف هادي
البيضات مطربين ، فلفلة حمراء و خضراء مقطعين صغار ، 100 غرام من الحوت الأبيض ، ملح و ابزار، عصير نصف حامضة ، قشرة حامضة محكوكة ، 2 بطاطات مصلوقين و محكوكين ، 2 بورو مشلظين ، معلقة صغيرة من الكامون و الشابلور .
نجمعو كل المكونات و نعملو كويرات ثم ندوزوهم في البيض ثم الشابلور و ندخلوهم للفرن و نقدموهم بالصحة و الراحة .
حبات من الخيار بلا لب و بالقشرة محكوكين ، معلقة كبيرة من عصير الحامض ، قبطة من النعناع مقطعة ، 2 ضروس من الثومة ، 3 الكيسان من الياغورت الطبيعي ، معلقة صغيرة من زيت الزيتون و كأس الا ربع من الزبيب .
ناخذو الخيار و الحامض و الياغورت و نطحنوهم في الخلاط الكهربائي ثم نضيفو الزبيب و نقدمو الشربة بالصحة و الراحة .
100ghغرام من صدر الدجاج ، نصف كأس من التفاح مقطع طريفات ، كرافس مقطع ، ربع كأس من الكركاع محمر ، ربع كأس من الزبيب ، نصف كأس ياغورت طبيعي ، 2 معالق كبار من المايونيز ، نصف ملعقة من الحبق ، معلقة صغيرة من قشرة البرتقال ، ملح ، ابزار .
نجمعو كل المكونات و نعمرو بهم ساندويش و نقدموه بالصحة و الراحة
وصفات متنوعة للساندويتش من الشاف الهادي في برنامج حديت و مغزل
الثلاثاء سبتمبر 19, 2017 1:39 am من طرف 
موضوع: وصفات متنوعة للساندويتش من الشاف الهادي في برنامج حديت و مغزل 
