تبارك الله عليك جزاك الله خيرا متتبخلي علينا بوالواالله يسر لبك miniyar 


سلو بطريقة هدى اليادري
كيلو جنجلان
كياو طحين
كيلو لوز
رابعة صوجة مطحونة كنحمروه فشي حاجة ديال الطين ويطحن عند العطار
150 غرام من طحين الحمص
150 غرام زريعة الكتان تطحن ملينة حتى تولي بودرة
100 غرام من نافع بلدي
100 غرام من نافع البستاني
100 حبة حلاوة
150 غرام من إيلان مطحون
2 معالق كبار قرفة
2 حبات مسكة حرة
معلقة كبيرة من عطرية اللحم
كوزة حسب الاختيار
كيلو عسل ليمون
نص ليتر زيت الزيتون
نص كيلو زبدة
الطريقة
كناخدو الجنجلان كنقسموه على زوج النص الاول كنطحنوه مع ربع كاس من زيت الزيتون حلو والنص التاني يبقى صاين بالنسبة للوز حتى هو كنقسموه على زوج النص الاول بعدما سلقناه وقشرنها وقليناه كنهروشوه او نهرمشوه ام النص التاني كنخليوه بالقشرة ديالو ونقليه ونطحنوه حتى كيولي بحال املو تم كنخلط كلشي مزيان بكيلو عسل ديال الليمون و نص ليتر من زيت العود او نص كيلو من الزبدة مدوبة واللي بغا يستعمل زيت المائدة يسخنها ونعجنوه وخليه ليلة كاملة في الغد كناخد مولات ديال السيليكون كنعملو فيهم كويرات من السلو وفي الوسط ديال هدا الكويرات كنعمرو بالحشوات التالية
ام بالحليب المحلى واللوز او قطع الاكاجو والحليب المحلى كرميل او عجينة التمر او قطع الشوكولا وكنسدو الكورة السلو وندخلو المول للتلاجة لمدة يوم كامل ومنين نبغيو نكلوه فرمضان كنحطوه فالتلاجة كيبقى لينا مدة سنة
كيف يمكن لينا فقط نعملو كويرات من سلو وندوزوهم في اللوز هاشي اي مهرمش
بالنسبة للناس اللي عندهم السكري او متبعين حمية نفس المقادير عوض العسل كنستعملو رابعة الزبيب مكرم اي مجمد في الفريكو لمدة يومين تم كنطحنوه بالاضافة الى كاس زيت الزيتون وكاس زبدة مدوبة ونعجنو





بريوات الدجاج هدى اليادري
دجاجة مقطعة كنشرملوها فالتوابل التالية نص معلقة تومة غبرة نص معلقة سمن نص معلقة عصير حامض زوج معالق كبار ربيع مكرد معلقة صغيرة عطرية الدجاج عود قرفة نص كاس من الماء نص معلقة من خليط الزعفران نص معلقة من سكنجبير قبصة ابزار و الملح وكنشرملو الدجاج ونخليوه مرقد
قي مقلة كنشحرو أربعة البصلات كبار مشلضين مع شوية الزيت بلا ملح حتى كتدبال على عافية مهيلة
في طنجرة الضغط كنشحرو قطع الدجاج بلا زيت في الاول تم كنضيف عليه البصلة اللي شحرت ونشحروهم مزيان تم نضيفو كاس من الماءونخليها على عافية متوسطة عشرة الدقايق ونزيد عليهم زوج تمرات باش يعلكو البصلة منين كيطيب الدجاج كنحيدو من الطنجرة ونحيد ليه العضم ونخلي لاصوص البصلة تنشف كنحيد العضم للتمرات ونقطعهم قطع صغار زنخليهم يطيبو مع البصلة كنقسم هدا الدغميرة على زوج نص نخليه في الطنجرة ونرد ليه الدجاج بعدما قطعتو قطع متوسطة والنص التاني كنضربو مع ستة البيضات ونطيبو بحال الامليط ونفرتو قطع متوسطة
الى بغينا بروات مالحين كنخلطو الخليط البيض والبصلة مع الخليط الدجاج والبصلة ونعمرو الورقة على شكل متلت او مربع او سكار تم ندهنهم بالزيت وندخلوهم الفران او نقليوهم وفي التقديم كنفرش الخس قي الطبق ونحط مطيشة صغيرة والبريوات سخان ونحك عليهم شوية الفرماج حمر ونقدمهم
ا م الى بغينا بريوات حلوين فحنا دوك ستة البيضات كنضربوهم مع زوج معالق كبار من العسل والنص الكمية البصلة ونطبيوه اومليط تم نفرتوه ومنين نجعمو الحشوة اي البيض بالبصلة والدجاج بالبصلة كنضيفو حبة وحدة ديال المسكة الحرة مدقوقة مع شوية سنيدة زائد رابعة لوز مقلى ومهرمش وزوج معالق كبار عسل او زوج معالق حليب محلى كراميل كنخلطو كلشي وكنعمر الورقة ونطويها على شكل متلتات اومربعة او سكار وندهن بالزيت وندخلهم الفران او نقليهم في الزيت
في التقديم كندهن البريوات بالعسل ونرش عليهم لوز ايفيلي او مهرمش او سكر كلاصي والقرفة وبالصحة والراحة





لعسل الشباكية يطيب بليلة قبل من الاحسن
2 كيلو سنيدة او قالب
لتر من الماء كنخلطو من السنيدة او القالب حتى يدوب تم كنضيفو حامضة وحدة كنحطوه الكل في في كوكوط فوق عافية مجهدة حتى كيغلي في الكوكوط تم كنقصو العافية ونسد اكتولي عافية متوسطة ميني كتصفر الكوكوط صوت سسسسسسسسسسس نقصو ونخليوه 30 دقيقة من بعد كنحلو الكوكوط تحت الماء تم كنضيف نص كاس ماء الزهر بارد
في كل 2كيلو من العسل معلقة صغيرة من عطرية اللحم بلا راس الحانوت نحركو ونرجعو على النار 20 دقيقة منين تبدا تغلى كنقصو العافية ونخلو الكوكوط فوق الكوكوط 20 دقيقة ة كطفيها وتخليها تبرد ونحلو الكوكوط حتى بيرد عاد نطفو فيها الشباكية
العسل منسم للمائدة منين كنحلو الكوكوط المرة الاول مكنضيفوش فيه ماء زهر كنضيفو المنسم نص كاس ام حامض ليبمون ازيز اللي بغيتي



حريشات معمرين
500 سميدة رقيقة
خمارة
معلقة خميرة الدار
معاقة صغير سنيدة
نص كاس ديال الزيت
وكاس ديال الحليب كبير
الحشوة
خزوة محكوكة
2 حبات القرعةمحكوكين
بطاطا 2 مسلوقين
بصلة 2 مشلضة
الملح الابزار التحمير
فرماج مثلت او مربع
شوية المعندوس والهريسة
كنخلطو السميدة مع الزيت الملح السنيدة وكنفتلو مزيان تم كنضيفو بقية العناصر ونجمعو الحرسة بالحليب الحرشة تكون خفيفية
بالنسبة للحشو كناخدو مقلة كنشحرو فيها مكونات الحشوة كنشحرو كلشي تم كنضيفو الفرماج و المعدنوس
تم كناخد عجينة الحرشة ونعملو منها كويرات صغيرة كل كرة كنبسطوها شوية ونعملو في الوسط ديالها شوية من الحشو ونجمعو الكويرة الحرشة تم كنبسطوها بشوية الحرشة ونعملوهم يطيبو في مقلة ثقيلة يطيبو من الجهات بزوج



مسمن ديال الشحمة - هدى يداري
نعجنو عجينة المسمن منسمة بشوية عطرية الدجاج و نص م ص موطارد و ملح و ابزار و م ص زبدة و خمارة حلوى بلا خميرة العجين و نعجنو بالما بارد
ترتاح و نقطعوها خبيزات و نورقوها على شكل مسيمنات
ناخدو الشحمة دايبة 4 او 5 م ك ندير معاها بصلة أو 2 مشلظة و تشحر و نضيف ثوم غبرة + 3 خيزو محكوك رقيق جدا و يتشحر حتى يدبل + الربيع بزاااف + طحميرة + هريسة + ملح غير شوية + كامون و نخلط كولشي و نحطوه
ممكن اضافة الفلفلة في الخليط مع الخيزو مقطعة مربعات - اختياري
مللي يبرد نعمر بيه المسمن



بحلاوة - هدى اليداري
نص كيلو الفورص = 4 كاس عنبة او 2 زلافة ديال رابعة
فيه حفرة بعد ما نغربلوه + م ك حليب غبرة + نص كاس سنيدة + ياغورت كريمي فرماج بدون سكر + بيضة + نص كاس ما زهر + كاس زبدة مدابة + م ك كونفتير فريز او م ص الكليكوز + 2 م ك النشا + قبصة الملح
الزبدة كنخليها حتى الاخير لان بيها كنجمعو العجين ممكن نستعملوا غير كاس الا ربع ايلا تجمعات . ونجمعها بدون خميرة و بدون دليك و نخليها ترتاح وهي مغطية بالبلاستيك 10 دقايق و نقسموها على 6 و نخليها ترتاح بينما وجدت الحشوة
كيلو الا ربع الكاوكاو منقي ومحمر + رابعة اللوز مصلوق و منقي و مهروش رقيق بزاااف وسط بلاستيك + علبة فواكه معسلة صغيرة او قشرة حامض او ليمونة معسلة + نقطة روح اللوز او الفاني + 2 م ك ما زهر + 2 حبات مسكة حرة + نصف كيلو العسل + كاس حليب مركز محلى + كاس بودرة اللوز - كاس اللوز مطحون بالقشرة ديالو – م ك الكونفتير او م ص الكليكوز - نخلط كولشي
طريقة التعسال : نديرالقشور في الما و يتغلى 3 دقايق يتصفى و ندير ليه م ص زبدة و 2 م ك سنيدة في مقلة
ناخدو 3 شرائح من العجين و نورقوه مزيااان بالمدلك و نحط ورقة فوق ورقة نورقوه بالنشا - العجين كيولي بحال ورقة وحدة اقل من واحد سنتمتر
ناخد اللاطة مدهونة بزيت او زبدة نحط فوق منها العجين و نقادها في الوجه ديالها و ندير فوق منها الحشوة ومن بعد فوق منها العجين الاخر اللي متكون من 3 شرائح حتى هو . ندخلوها للفريكو مدة 10 دقايق و نخرجها و نطرسيوها مزيااان بالموس ماضي مربعات و في وسط كل مربع ندير فوق منو لوزة و ندخلها الفران طيب ما نخليوهاش حتى تحمر بزااف
غير تخرج من الفران تكون سخونة و نخوي عليها العسل سخون
طريقة تحضير العسل : نص كيلو العسل + مسكة حرة 1 + 2 ما زهر و نخليه حتى طلع الغلية و نسقي بيه و من بعد نقسموها مربعات كل وحدة على حدة



ياغورت كريمي ديال الدار بالة الياغورت - هدى اليدار
ايطرو الحليب في كاصرونة + السكر حسب الدوق و يسخن شوية - غير يدفى –
و نحطو + ياغورت طبيعي او اي نكهة + ياغورت فرماج ونطرب بالطراب اليدوي مزيااان و نديرو في الكؤوس ديال الآلة و نخليه يجمد
في الاخير ممكن اضافة قطع الفواكه

كل الشكر والتقدير لك مشرفتنا الغالية 
إنشا الله كل البنات يتفاعلو مع الموضوع لانو رمضان على الأبواب بالفعل 
محتاجين موضوع عام وشامل أحسن منبقو تايهين مابين صفحات 
رزقك الله الجنان الأعلى

بريوات الدجاج هدى اليادري
دجاجة مقطعة كنشرملوها فالتوابل التالية نص معلقة تومة غبرة نص معلقة سمن نص معلقة عصير حامض زوج معالق كبار ربيع مكرد معلقة صغيرة عطرية الدجاج عود قرفة نص كاس من الماء نص معلقة من خليط الزعفران نص معلقة من سكنجبير قبصة ابزار و الملح وكنشرملو الدجاج ونخليوه مرقد
قي مقلة كنشحرو أربعة البصلات كبار مشلضين مع شوية الزيت بلا ملح حتى كتدبال على عافية مهيلة
في طنجرة الضغط كنشحرو قطع الدجاج بلا زيت في الاول تم كنضيف عليه البصلة اللي شحرت ونشحروهم مزيان تم نضيفو كاس من الماءونخليها على عافية متوسطة عشرة الدقايق ونزيد عليهم زوج تمرات باش يعلكو البصلة منين كيطيب الدجاج كنحيدو من الطنجرة ونحيد ليه العضم ونخلي لاصوص البصلة تنشف كنحيد العضم للتمرات ونقطعهم قطع صغار زنخليهم يطيبو مع البصلة كنقسم هدا الدغميرة على زوج نص نخليه في الطنجرة ونرد ليه الدجاج بعدما قطعتو قطع متوسطة والنص التاني كنضربو مع ستة البيضات ونطيبو بحال الامليط ونفرتو قطع متوسطة
الى بغينا بروات مالحين كنخلطو الخليط البيض والبصلة مع الخليط الدجاج والبصلة ونعمرو الورقة على شكل متلت او مربع او سكار تم ندهنهم بالزيت وندخلوهم الفران او نقليوهم وفي التقديم كنفرش الخس قي الطبق ونحط مطيشة صغيرة والبريوات سخان ونحك عليهم شوية الفرماج حمر ونقدمهم
ا م الى بغينا بريوات حلوين فحنا دوك ستة البيضات كنضربوهم مع زوج معالق كبار من العسل والنص الكمية البصلة ونطبيوه اومليط تم نفرتوه ومنين نجعمو الحشوة اي البيض بالبصلة والدجاج بالبصلة كنضيفو حبة وحدة ديال المسكة الحرة مدقوقة مع شوية سنيدة زائد رابعة لوز مقلى ومهرمش وزوج معالق كبار عسل او زوج معالق حليب محلى كراميل كنخلطو كلشي وكنعمر الورقة ونطويها على شكل متلتات اومربعة او سكار وندهن بالزيت وندخلهم الفران او نقليهم في الزيت
في التقديم كندهن البريوات بالعسل ونرش عليهم لوز ايفيلي او مهرمش او سكر كلاصي والقرفة وبالصحة والراحة


خبز البانيني هدى اليادري
نص كيلو فرص ممتاز
م ك خميرة الدار
م ص ملح
كاس ونص ماء دافي
الطريقة
كناخدو الخميرة كنعملوها في زلافة مع نص كاس ديال الماء الدافي تم كناخدو قصعة كنعملو فيها الدقيق مع الكل العناصر والماء الي فيه الخميرة وكنعجنو الكل بكاس الماء بحال عجينة المسمن كنغطيو العجينة لمدة 5 الدقايق تم كنقطعو العجين لقطع وكنحربلوهم بالطحين على شكل باكيط او خبز بانيني
كناخدو طاوة الفران كندهنوها بالماء ونحطو الباكيط او عوض الماء كنعملو ورق الطبخ كويسو ابيض وكنحطو الباكيط عليه وكنخلوه يخمر نص ساعة كيضاعف الحجم ديالو تم كندخلوه الفران بارد مشعول غير التحث لمدة 15 دقيقية منين نخرجوه نخليوه حتى يبرد مزيان عاد نستعملوه او نحطوه في الفريكو حتى لوقت الاستعمال



العيش اللبناني هدى اليادري
نص كيلو فرص ممتاز
م ك زيت زيتون او زيت المائدة
شوية ملح
كاس كبير ماء دافي
معلقة خميرة الدار
الطريقة
كناخدو قصعة كنعملو فيها الطحين والخميرة الدار مدوبة في شوية الماء دافي وكنجمعو العجين بالماء الدافي العجين غيجينا العجين شوية قاسح نخليوه يخمر مزيان ساعة من الوقت تم كنعاودو ندلكوه مرة اخرى كنعمل من العجين كويرات صغر كنطلقهوم بالمدلك كيوليو رقاق في لاطة الفران كنرشوها بالماء ونحط العيش الفران مشعول الفوق والتحت عافية مهيلة



الشباكية هدى اليادري
كيلو طحين ممتاز
م ك نافع
زلافة جنجلان محمر مطحون مزيان + م ك زيت عادية
زلافة لوز محمر مطحون بقشرتو او مقلي بحال املو
ربع كاس الخل
كاس الا ربع زبدة مدوبة
نص كاس زيت اليتون
2 حبات مسطة حرة مع سكر ربع م ص سكر
م ك قرفة
نص كاس ماء الزهر
قبصة ملح وا
واحد خمارة
م ك عطرية المروزية
2 معالق حليب غبرة
والماء كاس او اقل حسب العجين
2 كيلو العسل
الطريقة
كنعجنو الكل مزيان وتدلك مزيان وكنقسموها على 6 الكورات وكنعملوهم في ميكات ونطلقو كل كورة فالمدلك بشكل طولي عاد فألة ليباط حسب الرق اللي بغينا
تقطع صغيرة بالجرار 6 الاشرطة كنهز وحد أه وحدة لا حتى كنكمل وبقات في الصبيعات ديالي تلاتة الفوف وتلاتة التحت كناخد القنت الفوقاني مع القنت التحتناني كروازي وكنقلب الشبكية وكنقطع الجناب بحال الباطو كنقطعهم بالجرارة وكتولي دائرية او وردة
لتر من الزيت اللي كنحموه غير شوية وكنقلو الشباكية وكنطفو في العسل كناخدو اللوز ايفلي او الجنجلان او اللوز مسلوق مقلي تم مطحون في ماكينة مطيشة
التزيت
كنهز شوية من اللوز كنحطو فالوسط بحال العش



شباكية عصور الجنة او لسان الطير هدى اليادري
نص كيلو فرص
م ك نافع مدقوق
2 م كبودرة اللوز
م ك جنجلان مطحونة
قبصة اللملح
م ص سنيدة
ربع كاس ماء الزهر
ربع معلقة صغيبرة روح النوكا او خنيشة من الفاني
بيضة
ربع معلقة ص الخل
الماء باش نجمعو
معلقة ك الزبدة
الطريقة
كنجمعو العجين بحال المسمن كنقطعوها كرصات صغيرةونخليوها ترتاح لمدة 20 دقيقة
كنورق القريصات وحدة بوحدة بشوية الزيت كنطيبها في مقلة غير مصهدة يعنب الورقة كنبقى بيضة منين كتبرد كنلويها وكنلصقها بشوية البيض او الماء والطحين كنقطعوه مايل العرض صبع ونص وكتقلى في الزيت حامية كستقطر كنطيفويها فالعسل المنسم بماء الزهر وكنرشها من بعد باللوز مهرمش او الجنجلان



البريوات بالجبن اوالفرماج والسبانخ هدى اليادري
حزمة السبابنخ
150غرام جبن او 8 فرماج متلت
ملح ابزار
م ك زبدة
م ك زيت الزيتون
نص م ص تومة غبرة
نص م ص بصلة كارمة
رابعة الورقة كبيرة
كناخدو السبانغ يتقطع في مقلة + تومة بصلة الزيت الزبدة الملح والابزار يتشحرو في المقلة كتشرب الماء في القلة لمدة 4 القايق تم كنزيدو م ص الربيع مكرد تم الفرماج مباشرة بعدما نزلنا المقلة من البوطا ونخليوها مدة 3 الدقايق مغطية ومطفي البوطة تم كنحرك كيدوب الفرماج نفس الطريقة للجبن
بالنسبة للاطفل يمكن نضيف طرف دجاج مسلوق كنضيفو على الحشوة السابنيخ وكنعمرو الورقة يمكن نحتافظ بالبيروات في المجمد شهر منين نبغيها نخرجها بمدة قبل و تدهن بالزيت ودخل الفران كيف يمكن نعوض السبانيخ
باوراق الخضر مثلا خيزو الرجلة السلق ونضيف عوض الفرماج وياغورت بدون سكر



.دسير في الكؤوس هدى اليادري
3 صفار البيض
نص لتر حليب
2 م ك نشاء
1 ياغورت جبن كري
3 م ك سنيدة
2 قطع فرماج
اي نوع من الفاكهة
الطريقة
حليب كيغلى
صفر البيض+ سنيدة + مايزينة + الفرماج + نكهات فواكه اللي بغينا الكل بلا ياغورت كنضربو الكل وكنضيفو الحليب شوي بشوي حتى كيندمج وكنردوه للكاسرو ن على عافية مهيلة حتى يعقاد شوية
كنعملوه في بانيو نضيف الياغورت وكنخلط بسرعة يمكن نزيدو البيستاش اللوز الكركاع و الفواكه اللي عندنا قطع صغيرة او م ك بودرة الكاكاو او روح القهوة يمكن تقسمي الخليط عل زوج نص بالكاكاو و نص بالفاكهة وكنعمرو به الكؤوس طبقات مفصولة بالفواكه
وكريم شنتي في الفوق
او الفواكه كندهنوهم بالناباج ونزين بهم الفوق



شباكية البوشنيخة هدى اليادري
نص كيلو فرص
م ك نافع مطحون
م ك جنجلان مطحون
صفلار بيضة
قبصة ملح
نص م ص سنيدة
ربع كاس الزيدة
ربع كاس الزيت
كاس حليب بارد
نص خنيشة خميرة
اختيارية م ص من عطرية اللحم او ضامة زعفران
م ك قرفة
2 م ك الخل
نص كاس ماء زهر
الطريقة
الطحين +جميع المكونات معاد الحليب كنجمع عاد كنضيف الحليب شوية ونجمع متكونش العجينة خفيف ومتكونش تقيلة كتدلك مزيان ترتاح ربع ساعة كنعملو منها كويرات كنعملوها في ميكة وتم كنحربلهم و كنطلقهم بالمدلك
وفورص وكندوزهم في ماكينة ليباط رقيقة تم في بلاصة السباكيطي باش تجي خطوط وكنبدا نفطع كل تلاتة السنتيم وكنقطعو وكنلقيو الجناب بزوج بحال قفص الفراخ كتقلى في الزيت وطفى في العسل والتزين باللوز ايفلي الجنجلان واللوز مهرمش كيف يمكن تبقى هكاك غير بالعسل كنحتافظو بها في المجمد 7 اشهر







بطبوط معمر هدى اليادري
20 بطبوطة صغار
الحشو
رابعة شرائح بيي او دجاج
ياغورت بلا سكر
اوراق خس
نص م ص عصير حامض
نص م ص تومة غبرة
حبة الكرنيشو محكوكة رقيقة
صلصة المايونيز 2 م ك
ملح ابزار ربع م ص سكنجبير
2 م ك زيت
حبة جزر مسلقوقة شوية نص سلقة
عطيرية الشاورمة نص م ص
شرايح بيبي كنحطوهم في المجمد 10 الدقايق تم كنقطعوهم شرائح طويلة كنعملوه في بانيو + ياغورت + ملح +ابزار + تومة + الكرنيشو محكوكة + عطرية الشاورما +سكنجبير + الحامض كنخليوه مرقد نص ساعة في التلاجة خلاص كنعملو معاهم كل التوابل والمقادير معادا المايونيز والزيت
كناخدو الشرائح كتشحرهم في مقلة مع الزيت على عافية مجهد كتشرب الماء وكيطيب تم كنزيدو خيزو اللي مسلوق نص سلقة محكوك بعدما طفينا على المقلة ا
تم كنعمرو البطبوطات اللي كنحلوهم شوية كندهم بالمايونيز ونفرشو وريقات الخس تم كنضيفو الحشوة
للااطفال كنخد خيزو والقرعة خضرين يترقدو مع شرائح الدجاج اوبيبي




حلوة القصب هدى اليادري
10 قصبات كنرطبوهم في ماء طايب والخل وكنقسموهم على زوج
رابعة الطحين
صفر بيضة
نص خمارة الحلوة
واحد فاني
م ك زبدة
واحد فرماج مثلت او مربع
نص م ص الخل
م ص سنيدة
م ك حليب بودرة او 3 م ك حليب سائل
نص كاس ماء الزهر
كناخدو الزلافة الفرصة في قصعة صغيرة او بانيو صغير +الخمارة + البيض + الملح + الزبدة +الفرماجاو او الياغورت بلا سكر الى مكانش الفرماج م ك +سنيدة +كتجمع بالماء الزهر شوية بشوية كتجمع باليد على شكل كورة كترتاح 15 حتى 20 دقيقة
كنطلقوالعجين في طبلة فيها شوية الزيت كنطلقوه بالمدلك وكنقطعوها مربعات وكنطوهم على شكل معين او بليغة رقيقة او شرائط طويلة وكنلويوه على القصبة بحال الكورني يلصق بشوية الماء والطحين وكنقلو في زيت سخونة مني كتبرد وكنحيدوهم من القصبات كنطفيهم في العسل وكتزين بالجنجلان

الفيلالية هدى اليادري
نص كيلة ورقة مفرتت او شباكية
150 لوز مهرمش رقيق
حبة مسكة حرة مدقوق مع حبة وحدة قرنفل وشوية وسكر
2 م ك ماء الزهر
شوية الزعفران الحر
راس م ص قرفة
م ك عسل حر
م ك زبدة
كيتعجن التفرتيت ديال الشبكية او الورقة مزيا مع زبدة مسكة الحرة المدقوقة مع السكر والقرنفل وماء الزهر القرفة والعسل واللوز كنجمع مزيان تم وكناخدو منها شوية ونحطو في طبيسلات او نعمل على شكل كويرات










الشنيك هدى اليادري
المقادير
500 طحين
م ك خميرة العجين
خمارة الحلوة
م ك زبدة
نص م ك خل
بيضة
الملح الابزار
م ك غبرة حليب او
كيعادلو 4 م ك حليب سائل
نص م ص سنيدة
250 زبدة التوراق
الطريقة
كناخدو الدقيق يتغربل مع خمارة الحلوة كنزيدو بيضة والخميرة العجين +الزبدة +الخل +الملح الابزار تم كضيفو كل المواد معاد زبدة التوراق وكنجمعو بالماء البارد حتى كنحصلو على عجينة لينة تم كناخدو العجينة كنعملوها على شكل باكيط وكنقسموها على 8 قطع ونطلقها بالملك والنشا على شكل مربع كنورق وحدة بوحدة تم كناخد زبدة التوراق اللي قسمتها على 30 شربحة كل مربع من العجينة كنعمل عليها 7 شرايح الزبدة وكنزل عليها ورقة من العجين تم الزبدة حتى كنكملو العجين اللي 8 الوريقات والزبدة تم كنطلق بالمدلك العجينة المعمرة بالزبدة تم كنطوي بحال المسمن كنحطها في التلاجة 10 الدقايق كخرجها من التلاجة كنعاود نطلقها مرة وحدة وكتبداي تقطعيها الى بغينها شنيك كنقطعوها على شكل شرائح عريضة وكنرشو الزبين وكريم باتسير وكنلويوها وندخلوها التلاجة ربع ساعة تم كنقطعوها دوائر ام الهلالية كنقسم العجينة متلتات وكنحطو طريفات من الشوكولا الفواكه المعسلة ونلويوها
بغينهم مالحين كنعملو م ص ونص من المملح
الخضر الخيزو القرعة محكوكين والفرماج وكنلويو العجينة ام شنيك او هيلاليات
كتدهن الشنيك او الهلاليات بالحليب وتخمر 15 جتى20 دقيقة كندهنوهم بصفر البيض وندخلوهم للفران

المقروط ..... هدى اليادري
250 سميدة رقيقة
ذ250 سميدة غليضة
م ك سنيدة
شوية الملح
100 غرام زبدة مدوبة
كاس ص من الماء البارد
كاس ص من الماء زهر
رابعة عجبنة التمر
نص م ص من القرفة
م ك الزهر
م ك الزبدة
الناس اللي مبغاوش القرفة ميدرهاش يستعملو حبة من المسكة الحرة وكاس من اللوز مهروش رقيق
الزيت للقلي او ندخلوه للفران
نص كيلو من العسل
الطريقة
كناخدو قصعة صغيرة كنعمل السميدة الرقيقة + السميدة الغليضة + السكر +الزبدة +الملح كنبسبسو السميدة مزيان تم كنجمعو بالاصابيع ديالنا السميدة بالماء و متء الزهر
كناخدو العجينة التمر كنعملو منو حرابل
تم كنقرصو بحال البكيط كناخدو عجينة السميدة كنعل حربول من السميدة كنعمل فوقو التمرة تم كنرد العجينة وكنلقيها غيجيني على شكل مسطيبل وكنبدا نقطع مربعات مايلة ونخليه يرتاح 10 الدقايق تم تقلى او ندخلوها الفران
الي في الفران كنغطسو المقروط في العسل 4 الساعات وكنحيدوه وكنزينوه باللوز وكنستفو في العلب وكنحتافضو به في التلاجة لمدة تلاتة اشهر
ام الي غنقليوه في الزيت كنغطسوه ساعة واحدة في العسل




شباكية الحليب واللوز ....هدى اليادري
كيلو من الدقيق
كاس ك من اللوز بودرة او على شكل املو
شوية الملح
2 م ك حليب بودرة
صفار بيضة
م ص نافع محمر ومطحون
م ص من القرفة
واحد حبة المسكة مدقوقة
كاس ك من الحليب سايل
2 م ك من الجنجلان محمر ومطحون
4م ك الخل العادي
نص كاس من الزيت المائدة او زيت الزيتون حلو
نص خمارة ديال الحلوة
نص كاس من الزبدة مدوبة
2 م ك ماء زهر اختياري
الطريقة
الطحين يتغربل مع الخميرة كنحطو في قصعة وكنضيف عليه كال المكونات الناشفة تم الزبدة والخل والزيت تم كنجمعو شوية بشوية بالحليب السايل تم كنجمعو العجين كنعمل كويرات ونخليها ترتاح 10 الدقايق وتم كنخدم الشباكية ونقلي في الزيت وكنغطسها في العسل المنسم يالعطرية اللحم
كنحفظو بها في المجمد سنة كامل
اظافة طريف صغير بزاف من الشبة باش العسل كيبقى لصاق في الشباكية


كريمة انجليزية هدى اليادري
6 صفا البيض
نص لتر حيب
100 حتى 150 سكر
م ص النشا او الفورص
2 كيس من الفاني او روح الفاني
كاخدو صفر البيض +المايزينا او النشا + السكر 3 معالق كبار
+الفاني كنضرب مزيان
كناخدو الحليب كنعملوه في كاسرون فو ق عافية منين يبدا يغلى تم كنصبوه على المكونات الاخري شوية بشوية ونرجعو فو العافية مهيلة مع التحراك حتى كتعقاد منين نحيد الكاسرون كنزيد م ص من الزبدة ونخلبها تبرد مع مرعات نحركا كل شوية
كناخدو نص لتر من القشدة الطرية سائلة كنضربها حتى طلع كنزيد عليها 125 غرام من السكر كلاصي تم كنضيف عليها الكريما الانجليزية وكنضرب حتى كتجانس
تم كنخلطو الكريمة بلي بغينا ام بالفواكه او الكاكاو
ام دوي السكري كنقصو السكر + ياغورت فرماج كريمي كيعوض لقشدة الطرية





مخمار معمر هدى اليادري
رابعة طحين القمح او الفينو
رابعة الفورص الحرش
م ك خميرة الخبز
ملح
ربع م ص السكر
م ك حليب غبرة
م ص زبدة
الطريقة كناخدو الدقيق في قصعة + خميرة العجين مدوبة في الماء الدافي والسكر والحليب بودرة وكنجمع العجينة بماء دافي وتكون عجينة مرخوفة
كناخدو كوكوط فوق عافية مهيلة تسخن كنطفي البوطا وكنحط في وسط الكوكوط العجينة ودرت الصفارة وحسبت 20 دقيقة تم كنحل الكوكوط وكناخد العجينة وكنعمل منها كويرات كتخمر تلت ساعة
الحشوة
بصلة كبيرة مشلضة
2 جزرات
2 حبات بورو
2 فلفلات مقطعين رقاق
طريف من القرعة الحمرة محكوكة جوليان
2 كرعات خضرين محكوكين جوليان
م ص من الهريسة الحلوة
2 م ك قزبور معدنوس
ربع كاس عنب من الزيت
شوية الكفتة
شوية الزيتون مقطع صغيرة اي مكرد
ملح ابزار م ص فلفة حمرة +ربع م ص من الكامون
الطريقة التحضير
كناخدو مقلة كنعملو فيها البصلة مشلضة الزيت نص م ص من التومة كتشحر بوحدها وكنغطيو المقلة على العافية متوسطة تم كنزيدو الفلفة البور الخيزو وكنغطيو ونخليوها تشحر عاد كنضيفو القرعة الحمرة والخضرة عاد الربيع الملح الهريسة الحلوة وونص م ص من عصير الحامض وكنشحرو كلشي الي كنا غنستعمل الكفتة كنعمل معها التحميرة والكامون وتشحر بوحده عاد كنضيفها على الحشوة او يمكن نديرها بلا كفتة
كناخدو الكورات العجينة وكنسرحوها دائريا وكنعمل فالوسط الحشوة ونجمعها
او كنطلق نص العجينة بالمدلك وكنرش التحت النخالة الحمرة وكنبداو كنطرسيو دوائر بالفم الكاس وكل دائر كنعملو فيها شوية الحشوة وكناخد شوية الماء وكندهن جوانب الدواير وكناخد عجينة احرى كنطلقها وكنغطي بها العجينة اللي طرسينها وعملنا فيها الحشوة وكنضعط بيديا
في طاوية مدهنوة يالزيت كنحط الخيزات مدهونين يالبيض وندخلهم الفران ربع ساعة
او نطيب في المقلة او مقلين في الزيت





صلصة الحشوات هدى اليادري
بصلة مشلضة رقيقة
3 الحبات يورو
زلافة صغيرة من الزيتون مقطع
شوية الملح
عصير حامضة
كاس صغير من الزيت
م ص من الهريسة 2 م ك الربيع
م ص تومة غبرة
م ص بصلة غبرة الى كاينة
م ص موطاغد
1حبة من الكورنيشو محكوك
راس م ص من الابزار
الطرقة
البور مقطع صغير + البصلة كنشرحوهم مع شوية الزيت + زلافة الزيتون اللي غسلناه بالماء الطايب وكنطحموه + الموطاغد +راس معلقة من الزعتر +الهريسة +التومة +البصلة غبرة +عصير الحامض نجهد العفية شوية ومع التحراك +الريع وكنطفي البوطا وكنزيد الزيت اللي بقات يمكن نزيد عطرية الحوت او عطرية الدجاج حبيبات
وكنعملوها في قرعة منعمروش
القرعة ونغطي وجه الصلصة في القرعة بالزيت ونسد القرعة كتبقى 2 الاسبوع في التلاجة

البسطلات الصغرى بالدجاج ....هدى اليادري
دجاجة 2 كيلو الا ربع
2 حبات خيزو كبار
بصلة كبيرة
زلافة صغيرة من الربيع
م ص سوادنية
م ص تومة غبرة
نص كاس زيت العادية
نص كاس من زيت الزيتون
م ك الزبدة
م ك العطرية الحوت
ربع م ص مسحوق الزعتر
2 حبات بورو
نص م ص فلفلة حمرة
ربع م ص كامون
ملح + 2 م ك عصير الحامض
2 م ك صلصة الصوجا اختياري
باكية شعرية الشينوا او الصينية
ورقة البسطيلة
الطريقة
كناخدو الدجاجة كتحيد ليها الجلدة كتقطع تم كنعملوها في النجرة تسلق مع حبات خيزو منفين و صاينين + ماء كنغطيهم +ربع كاس من الزيت + م ص الحامض+باقة منسمة او ورقة موسى +ملح م ص كيتسلق الكل تم كنحيد القطع الدجاج وكدا الجزر ام الما كنصفيه وكنعمل فيه الشعربة الصنية وهو باقي سخون منين يبرد الدجاج كنفرتو قطع صغيرة
كناخد البصلة البور + نص كاس من زيت الزيتون+ الزبدة +التومة في مقلة يتشحرو + ورقة سيدنا موسى منين كتشحر كنزيدى خيزواللى سلقناه وكنحكوهم +الربيع +العطرية +عصير الحامض +السودانية + كتشحرو تم كنزيد الدجاج المفرتت +الشامينو اسوداختياري اللي كنعملوه في الماء طايب تم يتصفى ونقطعوه او زيتون مقطع اختياري كدلك ونخليو الكل كيتشحر تم كنزيد الشعرية الصنية مقطعة تم صلصة الصوجا وتشحر الكل 5 الدقايق ونحيدوها ونخيلوها تبرد تم
كنعمرو البسيطلات بالحشوة وكندهنو بالزيت وكندخلوهم للفران بالصحة والراحة








عصير مشماش هدى اليادري
راعة مشماش محيد ليه العضم
موزة وحدة
لتر عصير الليمون او نص لتر عصير لبمون + نص لتر حليب
السكر حسب الدوق
الباغورت كريمي لون ازرق او 2 حبات فرماج او ياغورت طبيعي
لدوي السكري يستعملو م ص من العسل الليمون
حبات التلج مهرسين وكنخليهم بحال الغبرة

الطريقة
كل المكونات كطحنن وكنصب في كؤوس مزينين ام بالكوك او السنيدة او بقطع من المشماش وكنقدمو بارد بالصحة والراحة








مايونيز هدى اليادري
2 حبات بطاطا مسلوقين
2 قطع فرماج متلت
كاس الا ربع من الحليب
2 م ك زيت العود
نص م ص من الموطاغد اختياري
ملح ابزار م ص من عصير الحامض
الطريقة
كناخدو بطاطا مسلوقة كنطحنها في ماكنة اليد او كنحكها او نمعكها بالفرشيت كنعملها في الخلاط الكهربائي + الفرماج +الحليب + الموطاغد +عصير الحامض ملح ابزار زيت الزيتون وكنطحن الكل 4 الدقايق




عصير الحامض هدى اليادري
4 حامضات كبار
ياغورت الشرب بنكهة فاني
نص كيلو من السكر
م ص خميرة العصير او مختر العصير
روح الحامض قرعة صغيرة هي قرعة الزجاج لونو مايل للاصفر ماشي نكهة
5 لتر من الماء
الطريقة
كناخدو القشرة ديال 3 الحامضات كنقطعوهم مع الحامضة الرابعة الصاينة كنعملوهم في الخلاط الكهربائي مع لتر من االماء ونص الكمية من السكر
تم كنصفي بزيف حايتي تم كنزيدو عليه 3 لتر من الماء ولتر الما ءاللي بقا غنخويه في الخلاط مع البقية من السكر + مختر العصير اللي خلطناه مع سنيدة تم كنزيدو روح الحامض +ياغورت للشرب وكنطحن مزيان تم كنزيدو الخليط الكل وكنخلط الكل يمكن نزيد السكر الى حتاجينها





بسيطلات صغار سردين بالفرماج هدى اليادري

المقادير
2 كيلو ديال كفتة السردبن
باكية الشعرية الصنية
بصلة كبيرة 2
6 القطع فرماج
4 ضروس التومة
الملح الابزار م ص عطرية اللحم
قبصة قرفة
سكنجبير م ص
2 م ك ربيع
عصير حامضة 2 م ك
شوية راس معلقة ازير
2 وريقات نعناع
2 م ك صلصة صوجا تقيلة
نص كاس زيت
م ص زبدة
كيلو ورقة البسطيلة صغيرة
الطريقة
كناخدو كفتة السردين+ الفرماج + نص الكمية من سنجبيرر اي نص الكيمة ديال التوابل نفس الشي للربيع والحامض كدلك كنمعسو كولشي كناخدو مقلة فيها بصلة وحدة مشلضة كنزيدو الزيت كتشحر ودبال تم + السردين قطع كنغطي المقلة مكتحركش حتى كتبدا طيب وكيولي لونو كفتة السردين ابيض ينشف من الماء
كناخدو طنجرة اخر كنعملو بصلة التانية مشلضة رقيقة + الزبدة كتشحر + نص الكمية
من التوابل+ الشعرية الصنية عاد صلصة الصوجا وكتشحري مزيان نشفات من الماء ديالها وكنضيف خليط السردين ودائما فوق العافية 5 الدقائق ونخليوها تبرد اي الحشوة وكنبداو نعمرو البسيطلات صغار او سكا راو بريوات

شورية الخضر بالدجاج - هدى اليداري
2 خيزو+ 2 بطاطا + 2 كرعات خضرين + حبة لفت بيضاء و حبة صفراء + طريف كرعة حمرا + مطيشة + بصلة محكوكة رقيقة + طريف دجاج من الصدر + زلافة صغيرة ديال الدرة مهرسة + قبطة الربيع + الزعتر طري + م ك زيت العود + الملح + الابزار + طرية الدجاج + م ك صير الحامض
الطريقة :
ناخد البصلة و مطيشة محكوكة رقيق في طنجرة م الزيت لى نار مهيلة و تشحر + الخضر مربعات صغيرة + قطع الدجاج + الدرة تكون مرقدة في الما مغلي ليلة كاملة – او نديروها في طرموس مع الما مغلي و نسدو عليها + م ص الزبدة و نشحرو مزياان + التوابل + الماء و نضيف الربيع + الحامض و نخليها طيب حتى تختار و نسدو عليها من 20 حتى 25 دقيقة 


لاباط بريزي
رابعة الفورص + فيه حفرة + 2 م ك الزبدة مرخوفة + قبصة ملح + م ك حليب غبرة + 2 م ك سنيدة + روح النوكا او م ك بودرة اللوز + نقطة الخل بدون خميرة + اصفر بيضة + م ص كونفتير و نجمعو العجين ب 2 م ك الماء ايلا احتاجيناه
نعجنوها بدون دليك و نديرها في بلاستيكة في الثلاجة 10 دقايق و نسرحها ونديرها في مول و نتقبها و ندخلها طيب
باش ما طلعش العجينة في الفران ندير وسط منها حبيبات القمح نعمرها مزيااان



الشهيوة ديال الحوت كروكيط ديال السردين بمداق الكفتة - هدى اليداري
ناخدو كيلو السردين نغسلوه و نشفوه و نطحنوه و نحك فيه بصلة رقيقة جدا + ربع م ص القرفة + نص م ص سكينجبير + نص م ص ثوم غبرة او نص ضريس الثوم + راس م ص ازير + ملح + م ص عصير الحامض + ابزار + نص م ص طحميرة + نص م ص كامون + م ص عطرية اللحم
نعجنوه مزياان ونشحروه في 2 م ك الزيت + 2 صغار خيزوة و كرعة تحك رقيق جدا و نضيفها على الحوت و تشحر و نخليه يبرد + م ك صلصة الصوجا ثقيلة
كيلو بطاطا بيضاء تصلق و تصفى و تنشف و طحن يدويا + خليط السردين + فرماج محكوك + الربيع مقطع + ملح + ابزار و نعجن و نصاوب مربعات صغار وندوزهم في البيض فيه شوية الملح و الابزار ولاشابلير و نديرهم وسط لاطة مدهونة و نرشهم بالزيت و ندخلهم الفران 10 دقايق او 12 على نار مهيلة


صلصة الحوت مختلفة - هدى اليداري
كل كيلو الحوت : م ك الربيع + شوية زعتر مطحون او وراق محكوك + 2 وريقات نعناع مقطع رقيق + 4 م ك زيت العود + م ص عطرية الحوت + م ص موطارد + المح قليل + م ك كيتشوب + صلصة الصوجا خفيفة + الثوم 1 و نخلط




خبيزات الخضرة - هدى اليداري
العجين : رابعة الفورص و رابعة القمح ندير فيه حفرة + 2 م ك زيت العود + ملح + ابزار + موطارد نص م ص + قطرة الخل + م ك خميرة الخبز + نص م ص سنيدة وتعجن بماء دافي و تدلك مزيان ونخليها ترتاح
ناخد 3 خيزو + 3 كرعة خضرا + طريف كرعة حمرا + طرف صغير ليشو قد كف اليد و تحك كلها في حكاكة رقيقة + حبة بصل + الربيع مقطع + نص م ص سكينجبير + عطرية الدجاج + الملح وو الابزار + طريف الدجاج + 1 ثوم م ك عصير الحامض و الزيت باش نشحر
البصل يتشحر مع الثوم + قطع الدجاج + عصير الحامض و الملح و يتشحر + سكينجبير + الخضر كاملة + الربيع مقطع + عطرية الدجاج و تشحر مزيااان 10 دقايق ونخليها تبرد
نرجع للعجين نقسمو على 2 و نطلقوهم بالمدلك فوق الدقيق و كنطراسي الدوائر في عجين 1 في وسط كل دائرة نحط الحشوة و ندهن الجوانب ديال الدوائر بالماء من بعد ندير فوق من العجين 1 العجين 2 و نقطع الدوائر و نجمعهم من الجناب و ندهنهم بالبيض منسم بالملح و الابزار و عصير الحامض و نرش الزنجلان الفوق و ندخلهم الفران







عصير مقوي و مفيد
علبة الحليب غير محلى + ايطرو عصير الليمون او الحليب + ياغورت كريمي + 2 فرماج + 2 بنانات + 2 خوخات + 2 تفاح + سنيدة او عجين التمر + م ك عصير الحامض + قطع الثلج مهرسة و نطحن كولشي


عجين البيتزا - هدى اليداري
رابعة الفورص + ربع كاس زيت العود + الملح +الابزار + شوية بصل غبرة اختياري + م ك دقيق الدرة اختياري + م ص خميرة الخبز + نص م ص سنيدة + ماء دافي او نص كاس اللبن باش تعجن
الخميرة تكون مدوبة في الماء و السكر







لي شوسون مظفورين حلوين و مالحين - ام بدر

5 كاس كبير الفورص + كاس كبير حليب غبرة + كاس العنبة الزيت + شوية خميرة الدار + شوية الملح + 2 م ك السنيدة + نجمعهم بالماء + الشكلاط مربعات نقطعوه طراف صغار في الاخير.
و نخليها ترخف و تخمر و نبدا نقطعها كريصات صغار بحال كوميرات و نديرهم حرابل و نكرصهم مستطيل كنفلحوهم من الجوانب و ندير الشكلاط الوسط و نجمع العجينة من الفوق و كنبدا نجمع الجوانب و ندهن باصفر البيض و نرشهم باللوز او الزنجلان و ندخلهم يطيبو على نار مهيلة في فران بارد
مالحين
نفس طريقة العجين بدون سكر و نزيدو عليه شوية فرماج احمر و شوية ثوم غبرة و بصلة غبرة و نعمرهم الوسط بالشومبينيون و الكروفيت مصلوق و الزيتون مقطع و الفرميسال و شوية الربيع مقطع و م ص الابزار ابيض و القزبر كارم و شوية بسيبيسة و قعقلة
الفرميسال نخوي عليه الما طايب و نقطعو و نديرو في مقلة + شومبينيون و الزيت و نشحرو و نضيف عليه بصلة محكوكة + باقي المكونات + الملح
ونعمرو بيهم الوسط و نجمعوا و ندهنهم بالبيض و ندخلهم الفران












الحريرة المغربية - هدى اليداري
كيلو مطيشة نخوي عليها الما مغلي و نخليه 5 دقائق و نطحنها بالقشور و الزريعة في كوكوط + ز لافة الربيع مقطع + 2 عروش كرافس + بصلة كبيرة محكوكة + 2 عواد القرفة + م ص عطرية اللحم + م ص سكين جبير + عصير نص حامضة + الملح + ورقة سيدنا موسى + نص م ص السمن + نص م ص الكروية + عظام اللحم او اللحم + نص م ص خليط الزعفران + م ك الزيت + نص م ص ابزار و نديرها تشحر مزيااان + م ك ليشو مطحون مع نص كاس الما و يتشحر + الحمص و العدس و تشحر ثلث ساعة على نار عالية + الماء ماشي بزاف و نخليها تصفر نص ساعة
مللي طيب الحريرة غادي نلقى الما ناشف و نقدر هنا نقسمها و نديرها في المجمد
و نضيف الما طايب و نخليها تغلى + نص م ص السمن + الما ديال 2 م ك القزبر مدقوق + مطيشة الحك 2 م ك مخففة في الماء + الشعرية ديال السفة او الروز ونخليها طيب 10 دقايق و ندورها بزوج بطاطات بيضاء و خيزوة مصلوقة و مطحونة
نفس المقادير بدون - كرافس و القرفة و سكين جبير و عطرية اللحم و خليط الزعفران و العدس و الحمص - و نضيف م ك عطرية الحوت غادي نشحروه
رابعة الكروفيط او الحوت
ناخدو قشور رابعة الكروفيط في 2 كاس الما كبار + طريف الحامض او م ص عصير الحامض + الملح و ورقة سيدنا موسى و الابزار كيتصلقو مدة 20 دقيقة
من بعد نحيد ورقة سينا موسة و نطحنوهم في الخلاط مع الما ديالهم و نصفيهم في صفاية رقيقة او في زيف حياتي
ناخد الما ديالو و نضيفوه على الحريرة و ندير الحريرة طيب في الكوكوط 10 دقايق من بعد التصفار
من بعد نحل الكوكوط و نضيف ليها الماء الكافي مغلى + شعرية السفة + 2 م ك مطيشة الحك مدوبة في الما و نخليها تغلى 5 دقايق + كروفيط منقي و 2 بطاطات و خيزوة مصلوقة و مطحونة و ندورو بيها الحريرة + م ص القزبر مقطع و نخليها تغلى شوية و نقدمها





مسمن عادي و معمر - هدى اليداري
نص كيلو الفورص حرش ماشي ملس + رابعة الفينو + ملح + م ص الزبدة + نص م ص السكر نجمعو بالماء بارد و نديروه على شكل كورة و ما يكونش قاسح و لا جاري
ندهن الكورة بالزيت و نديرها في بلاستيكة بيضاء و نسدها و نخليها 3 ساعات او اكثر ماشي مشكل
نقطعو كريصرات و انا كندهن يدي بالزيت و ناخد زلافة ديال رابعة ندير فيها الفينو + 2 خمارات
الزبدة الخاصة بالتوراق او زبدة العلب ندوبها و نخليها تغلي 5 دقايق حتى يتبدل لونها
نبدا نورق بالزيت و نرش بالزبدة و الفينو في المسمنة الثالثة نبدا نطيب
المسمن معمر بالخضرة و الطون
نفس العجين
ناخد بصلة كبيرة مقطعة رقيق و نشحرها في الزيت و م ص الزبدة + فلفلة مقطعة 2 الون و تشحر + ثوم غبرة نص م ص + نص م ص بصلة غبرة + ورقة سيدنا موسى و تشحر + 2 خيزو محكوك و يتشحر + طريف كرعة حمرا محكوكة + 2 كرعات محكوكين + لفتة بيضاء+ نص م ص الهريسة + نص م ص عطرية الحوت + م ك عصير الحامض + الملح + راس م ص ابزار و شوية الزعتر وريقات و نشحر مزياااان مع تحراك حتى تنشف من الما و ممكن اضافة شوية الزيت ايلا خصتنا .
نطفي البوطة + الطون مصفي من الزيت و نخلطو مع الخضر و نخليها تبرد
نورق المسمن بالزيت و نرشو بالزيدة و بالفينو مخلط مع طريف ديال الفروماج احمر مجمد و محكوك في حكاكة رقيقة و 2 خميرة حمرا و نورق مسمنة اخرى و نديرها فوق منها و نعمر بالخليط ونخلي 2 سنتيم على الجوانب و نجمعها وما نورقهاش صافي
و نحطها ومللي نكملهم كاملين ندهنهم ببيضة مطربة مع شوية صوص الصوجا او الخل و قبصة ملح و شوية عطرية الحوت و شوية الربيع و نرشهم بالزنجلان او اي زرارع اخرين و ندخلهم الفران






التمر معمر - هدى اليداري
كيلو التمر نديروه يتبخر مع م ص ماء زهر و عود قرفة و نطحنوه او نمعسوه بالفورشيط و نضيفو في كل كيلو م ك الزبدة و هو سخون + حبة مسكة حرة + 2 م ك ما زهر اختياري او م ص روح النوكا و نعجنو
خليط الحشوة : 10 دراهم اللوز مصلوق و مقلي و مهروش رقيق + 3 دراهم او 5 دراهم الزبيب مجمد و مطحون حبيبات + 5 دراهم طريفات الكركاع مهروش رقيق + م ك او 2 الكوك و نخلط و نجمعو بالحليب المركز المحلي كاس الا ربع او اقل او العسل
ناخد طريف من العجين و نحربلو على شكل تمرة
ناخد الحشوة و نعمر بيها التمرة اللي صاوبنا و ندوزها في اللوز مهروش






عجين لي شوسون - هدى اليداري
راربعة الفورص ندير حفرة و نضيف 2 م ك الزبدة + اصفر بيضة + 2 فرماج مربع او مثلث + ملح + ابزار + شوية عطرية اللحم و شوية بصلة غبرة + م ص موطارد + م ك زيت الزيتون و نجمعو و ممكن اضافة م ك ماء بارد ايلا ما بغاتش تجمع بلا دليك
ممكن اضافة نص خميرة حمرا ايلا بغيناهم يجيو خفاف
نخليها ترتاح

قهوة باردة - هدى اليداري
2 كيسان من القهوة باردة في خلاط كهربائي + 2 م ك كلاص فاني او نوازي طاو شكلاط + م ص بودرة شكلاط او كاكاو و نخلط مزيااان و نقدموها في كاس فوق منها شونتيي





التحضير المسبق للقهوة – هدى اليداري
كاس قهوة سريعة الدوبان
كاس الما بارد
كاس سنيدة
كاس حليب غبرة او كاس و نص ايلا بغيتي الاقهوة بيضاء
نخلطهم في خلاط كهربائي 5 دقايق
و نديرهم في بواطة و ندخلهم المجمد
كل مرة بغينا القهوة ناخدو م ص و ندير فوق منها الما طايب كتعطينا كاس



كراطان الخضر – هدى اليداري
كل انواع الخضر تبخر الخيزو لتحت + البطاطا و باقي الخضر من الفوق
تبخر غير مع الملح فقط و الما ديال لتحت ندير فيه بصلة مقطعة على 2 وورقة سيدنا موسى ووريقات الزعتر الطري و الربيع مقبط و طريف مطيشة باش ما تكحالش الكوكوط او البرمة و كدلك تعطي نسمة لديدة
الصلصة : 2 م ك زيت العود + ضرس الثوم + بصلة غبرة + ملح و ابزار و ربيع مقطع و الزعتر و م ص عصير الحامض و نخلطها مع الخضر و نديرها في المول الزجاج نحك الفرماج و يدخلو الفران





شهيوة الفطور : كريب معمر بالخضرة - هدى اليداري
عجين الكريب : نص ايطرو حليب و 4 بيض و رابعة الفور صوم ك زيت العود و ملح و ابزار و ينسم بعطرية الدجاج او الزعتر او الحبق او الربيع
كنطحنهم في الطراب الكهربائي و من بعد كنبدا نطيب في مقلة ما كتلصقش و ندهن المقلة في كل مرة بثوب فيه شوية الزبدة
الحشوة : بالخضرة و الطون ديال الما
خيزو و ليشو و بطاطا و الكرعة و الفلفلة و البصلة وحدة من كل نوع و نحكهم في حكاكة رقيقة او غليظة او طويلة
البصلة تشحر في الزيت و من بعد نضيف الملح و الابزار + الفلفلة و تشحر شوية + باقي الخضر و نشح رمزيان و نضيف من بعد الربيع و نعناع 2 وراق او زعتر طري + حتى الاخير و نضيف م ص عصير الحامض و نشحر شوية و نطفي البوطة و نضيف الطون و نخلط و نخليه يبرد و نعمر لي كريب على شكل مربع
ممكن اضافة الفرماج محكوك او الفرماج مرربع ديال السوندويش او نخلط مع الخليط الفرماج مثلث 2 او 3 .
من بعد ندخلهم الفران 5 دقايق فوق ورق الطهي او فوق اللاطة بدون دهن



طنجية بالعناق ديال بيبي - هدى اليداري
كيلو العناق ندير ليهم الما و الخل و البصل محكوك و شوية سكين جبير يترقدو نصف ساعة او اكثر
نصفيهم و نغسلهم و نديرهم في كوكوط و نير معاهم نص كاس زيت العود + نص م ص السمن + م ص الكامون + 3 ضروس الثوم + حامضة مرقدة بالقشرة ديالها و نحيد منها العظام و نغسلها + زعفران حر + كاس الما + نص م ص سكينجبير و نسدها بلا ما يتقلى و نديرها فوق البوطة حتى تغلى و من بعد نديرها فوق الفاخر

طنجية بالعناق ديال بيبي - هدى اليداري
كيلو العناق ندير ليهم الما و الخل و البصل محكوك و شوية سكين جبير يترقدو نصف ساعة او اكثر
نصفيهم و نغسلهم و نديرهم في كوكوط و نير معاهم نص كاس زيت العود + نص م ص السمن + م ص الكامون + 3 ضروس الثوم + حامضة مرقدة بالقشرة ديالها و نحيد منها العظام و نغسلها + زعفران حر + كاس الما + نص م ص سكينجبير و نسدها بلا ما يتقلى و نديرها فوق البوطة حتى تغلى و من بعد نديرها فوق الفاخر





عصير الليمون صحي و اقتصادي - هدى اليداري
4 ليمونات : 3 مقشرين وواحدة بالقشرة و نقطعهم + ايطرو ونص ديال الما + نص م ص عصير الحامض و نديرهم في وكوط ونسد عليهم حتى تصفر ربع ساعة و نصفيهم بالصفاية رقيقة او زيف حياتي و نخليه يبرد مزيااان و ناخد 5 خيزو منقيين ونخلي القلب و نصلقهم او نبخرهم و نخلطهم مع العصير و نضيف ياغورت بنكهة الخوخ او 2 خوخات


البطبوط الجديد ديال - هدى اليداري
زلافة القمح و زلافة الفورص + م ك حليب بودرة + نص م ص زبدة + نص م ص سنيدة + خميرة م ك + زريعة الكتان مهرسة و الزنجلان و الزعتر و الشوفان و زريعة البافو و النافع بلدي و نعجنو بالما بارد
الخميرة نديروها في نص كاس ما دافي مع سنيدة و ندوبوها و نعجنو بالما دافي قريب للماء بارد
بلا ما ندلكوه كنجمعوه على شكل كورة و نديروه في وسط كوكوط سخونة و نسد عليه و ندير الصفارة 20 دقيقة و نخرجو و نخدمو عادي و نخليه يخمر و بالصحة

شوربة العدس 7 الناس - هدى اليداري
رارعة العدس و يكون مرقد في الما مغلى مدة ساعتين او ليلة كاملة في ماء بارد ونصفيه و نديرو في طنجرة مع 2 خيزو + طرف كرعة حمرا + مطيشة + بصلة متوسطة + 2 م ك زيت العود + ملح و ابزار + سكينجبير + نص م ص عطرية اللحم + الربيع مقبط
كولشي في طنجرة مقطع طراف و نخليه يطيب مع ايطرو و نص الما و نطحنوه من بعد في مكينة اليد و نرجعو للنار .... ايلا كان تقيل نضيف الماء و نخليه يغلى حتى ينسجم و نقدموه .
اللي بغى اللون ممكن يضيف م ك مطيشة الحك مخففة
وممكن نضيفو الشعرية ديال السفة



بريوات بالمعدنوس و الفرماج - هدى اليداري
في مقلة بصلة كبيرة مشلظة رقيقة بزاااف + 2 م ك زيت عادي و تشحر على نار مهيلة + زلافة المعدنوس + ملح غير شوية حيث كاين الفرماج + م ص عصير الحامض + ابزار + خليط البيتزا ربع م ص اختياري + ثوم غبرة نص م ص او 1 ثوم و نشحر على نار مهيلة غير يتصهد و نطفي البوطة و نضيف 8 فرماج مربع او مثلث و نمعسهم و مللي يبرد الخليط نضيف 50 غ فرماج احمر او اكثر . و نبدا نعمر البريوات و ندهن بالزيت و ندخلهم الفران




عصير الخضر بالماء - هدى اليداري
نص كيلو الباربا منقية و مصلوقة في طراب كهربائي مع الما ديالها نص ايطرو + ايطرو الماء بارد + 2 خيزو مصلوق + 8 حبات فريز و السكر أو 2 بنان و السكر



كلاص ديال الشكلاط - هدى اليداري
نص ايطرو حليب فيه م ك بودرة الكاكاو لونو بني + 10 قطع شكلاط + 2 م ك مايزينا + 2 م ك سنيدة + نكهة الشكلاط او النوازيط او ساشي قهوة سريعة الدوبان او بلاش كاع .... ندير كولشي على النار + راس م ص الزبدة ونخلط حتى يعقاد و نحيدو من فوق النار و نضيف 2 ياغورت شكلاط او ياغورت كريمي و نخلط مزيااان و نديرو في علبة و نخليه يبرد و ندخلو للمجمد 6 ساعات و نقدمو



سلطة فروي 3 طبقات - هدى اليداري
الطبقة الاولى : فلون ديال درهم مع 2 م ك سنيدة و نص ايطرو حليب من بعد ما نصاوبوه نديروه في زلايف و نخليه يبرد
الطبقة الثانية : فواكه اي نوع و نقطهوهم و نضيف عليهم الزبيب و الكركاع و اللوز
+ م ص عصير الحامض + و 2 م ك العسل و نخلط و نديرهم فوق الفلون
الطبقة الثالثة : 2 ياغورت كريمي نضيف عليه 2 م ك بودرة اللوز ممسوح و مطحون بالقشرة و نضيفها
ممكن نزين من الفوق بالتمر او الكركاع او اللوز



المخامر - هدى اليداري
رابعة الفورص و رابعة الفينو + م ك خميرة عادية و ملح و نص م ص زبدة و نقطة الخل و م ك بودرة الحليب + نص م ص سنيدة و نعجن بالما دافي
يتدلك مزيااان ونورق بالزبدة و الزيت و نرشو بالسميد الرقيق او الفينو و نطوي المسمنة و نديرها في وسط مسمنة وحدة اخرى و كيكون غليظ و نخليه يخمر و نبدا نططيب

بطبوط معمر بالطون - هدى اليداري
الحشوة : ليشو نحكوه في حكاكة غليظة و يتشرمل بنص م ص عصير الحامض و زيت العود او العادية و الملح و الابزار و نخلط و ناخد الخص حتى هو نقطعو شرائح + الطون و المايونيز
ناخد البطبوطة وندهنها بالمايونيز و الكيتشوب مخلطين بنفس الكمية و من بعد الحشوة ومن بعد خليط المايونيز و الكيتشوب والفرماج احمر من الفوق
وممكن نفرشو الخص وممكن اضافة الهريسة في الحشوة



البريوات بالطون و الفرميسال – هدى اليداري
في طنجرة بصلة كبيرة مشلظة رقيقة + 2 ثوم + زيت + م ص زبدة و تشحر مزياان + شومبينيون او زيتون + حبة كورنيشو محكوكة رقيق + حبة بورو و تشح رمزيان + هريسة + ورقة موسى مطحونة او راس م ص ازير + نص م ص عطرية الحوت + الفرميسال + م ص عصير الحامض و صلصة الصوجا + الربيع مقطع ... ايلا ما عندناش عطرية الحوت كنضيف شوية الابزار و سكين جبير
ونشحر مزيااان حتى تنشف الفرميسال و نطفي البوطا و نضيف الطون و مللي تبرد نضيف فرماج احمر .... و نعمر البريوات مللي تبرد الحشوة




شوسون بالكفتة - هدى اليداري
العجين : رابعة الفورص + اصفر بيضة + 100 غ زبدة + نص م ص ملح ما كاملاش + شوية الربيع + نقطة حامض + م ص موطارد و تجمع باليد و ايلا خص الما ممكن اضافة 2 م ك
نخليها ترتاح
الحشوة : بصلة كبيرة مشلظة رقيقة تشحر مع زيت و ملح و ابزار مللي تدبل ممكن اضافة البورو ايلا كان + الكفتة بكل العطرية ديالها و تعجنها و تشحر + شومبينيون مقطع و يتشحر بدون توابل مللي نطفي البوطة + 4 قطع الفرماج
مللي تبرد نطلق العجين و ندير على شكل دوائر و نحط الحشوة + شوية الفرماج احمر و نسدهم
باش ما يتحلوش ندهن الجوانب بشوية الماء و بالفورشيط و يتدهنو بالبيض و يدخلو الفران
حشوة اخرى : الدرة و الزيتون مقطع و الطون و الكورنيشو حبة واحدة + بيض مصلوق + كاشير حار و يتعمر بيه و الفرماج احمر






حساء البلبولة - هدى اليداري
رابعة البلبولة : تنقى و تغسل مرة واحدة في الشبكة و ترقد البلبولة في الما طايب في انية البلاستيك و الملح ونغطيها ساعتين و نديرها من بعد هي و الما في طنجرة + م ص زبدة
بصلة بيضاء تحك رقيقة جدا + الملح و الابزار و نخليها طيب
غير طلع فيها الغلية و نقص البوطة و نخليها طيب على راحتها
ممكن نسمها بالزعيترة او النافع بلدي
مللي تقرب طيب نضيف حليب مركز غير محلى و نخليها طيب معاه نصف ساعة و ممكن في الاخير نضيف الحليب العادي او غير هو بوحدو اللي بغيتو ... في الاخير نضيف زيت الزيتون

بريوات بالروز كلاصي مالحين - هدى اليداري
رابعة الروز كلاصي في طنجرة يتشحر في 2 م ك زيت مزيااان + ورقة سيدنا موسى + الماء و نخليه يطيب
ناخد بصلة كبيرة مشلظة مع 1 ثوم و زيت و نشحرها + الكفتة رابعة منسمة و نشحر + الربيع مقطع + ملح + ابزار + عطرية اللحم + زعفران حر او خليط الزعفران و تشحر + الروز و نخليه يتشحر مزياان حتى ياخد اللون ... ونعمر بيهم البريوات



قطبان الدجاج - هدى اليداري
رابعة صدر دجاج مقطع + 1 ثوم + م ص عصير الحامض + ملح + الربيع مقطع + الزعتر + ازير راس م ص + ورقة موسى + ربع م ص قزبر يابس + ربع م ص الكامون + 2 م ك زيت عود و يترقد على الاقل ساعة و يبقى و نشويه او في مقلة او في الفران و ما نخليهش حتى يكرم في الفران نشعل الفران من لتحت 5 دقايق او 4 و نقلبو للجهة الاخرى




كلاص فاني - هدى اليداري
2 ياغورت فرماج في اناء + 4 فرماج مربع + كاس حليب كبير + بودرة شونتيي او كريم كلاص ايلا لقيتها ونطلعها مع الحليب بارد + فاني و نخلط ونديرو في علبة في المجمد
نقدر نسم باي حاجة




حساء الحوت بالكروفيط - هدى اليداري
بصلة محكوكة مشحرة في م ص زبدة و ملح و ابزار + ورقة سيدنا موسى 2 تشحر + الكروفيط و سكين جبير طري محكوك و قطع من حوت اخر اختياري + ماء القشور ديال الكروفيط
قشور الكروفيط في الما مع ورقة موسى و خيزوة و شوية البصلة ونخليهم يصفرو 20 دقيقة في كوكوط
و نضيف على الخليط شومبينيون مقطع + الربيع + صلصة الحوت اختيارية و صوص الصوجا خفيفة + شعرية صينية مرقدة قبلا في ماء بارد مدة نصف ساعة و تقطع و تضاف و نخلي كولشي يغلى + صلصة حارة
في بلاصة صوص الصوجا وصوص الحوت ممكن اضافة م ك عصير الحامض



حساء ايلان - هدى اليداري
ايلان حبيبات يتحمر في مقلة مع 2 م ك زيت و يتطحن مزياان
بصلة بيضاء محكوكة في طنجرة مع م ص زبدة و ملح و ابزار و نشحر + الماء و ايلان و نخلي الملح حتى الاخير و نضيفوه + حليب مركز غير محلى او حليب عادي مغلى مسبقا مزياان .
حساء الخضر - هدى اليداري
الخضرة تغسل قبل ما تقشر
2خيزو + 2كرعة خضرا + طريف كراعة حمرا + بصة + 2 مطيشة محكوكة + 1 لفتة + البورو + الربيع مقبط + عطرية اللحم + م ص زبدة + ملح + راس م ص سكينجبير طري او ربع م ص سكينجبير عادي
كولشي يتشحر في الزبدة 10 دقايق و نزيد الما و نخليها طيب و من بعد نطحنها ممكن اضافة الربيع مقطع او شوية شعرية ديال السفة



اوراق قبطة ديال ليزيبينار + 2 كرعة خضرا + 2 بطاطا + بصلة + م ص زبدة + 2 فرماج + ثوم 1 + الحليب كاس عنبة او القشدة الطرية او ياغورت كريمي بدون سكر + حبات كروفيط او دجاج + عطرية الدجاج
ناخد السبانخ نقطعهم عشوائيا + الما ايطرو ونص و الملح و الزبدة و الربيع + 1 ثوم عطرية الدجاج و نسد عليهم يطيبو
مللي طيب نطحنها ونضيف الفرماج + الحليب او القشدة او الياغورت
نشحر الدجاج او الكروفيط + شومبينيون مع الزبدة م ص + ملح + ابزار و نضيفوه على الشوربة


عصير بالكلاص - هدى اليداري
2 خيزو مصلوق + بنانة + تفاحة + ياغورت + حليب ايطرو + 2 م ك الكلاص فاني + السكر و نطحنوه .

محنشة بالبراليني - هدى اليداري
كيلو اللوز نصلقوه و نقليوه و نطحنوه + كاس البراليني+ اصفر بيضة ونجمعوا بالحليب المركز المحلى تقريبا كاس و نص او 2 حسب اللي جمعوا + 2 مسكة حرة + م ك ما زهر ويتجمع على شكل حرابل .... وكنصوبها على شكل دائرة و ندهن ببيضة فيها روح الزهر







الخبز بالفرماج – هدى اليداري
نص كيلو فورص في كصعة + نديرو فيه حفرة + م ك خميرة الخبز + م ص سنيدة مدوبة في ما دافي + ملح قليل + ابزار + كاس ما دافي كبير للعجين + ربع م ص زبدة + 100 او 150غ فرماج محكوك + 2 فرماج مربع او مثلث
للدهن : بيضة + فرماج محكوك لتتزيين
نعجنوه و نغطيه نخليه يرتاح 10 دقايق و ندلكوا من بعد ونشكل منو حرابل صغار او خبيرات صغار او باكيط ونخليه يخنر ربع ساعة و ندهنوا بالبيض مع الخل او نقطة عصير الحامض و نرش بالفرماج احمر و ندخلوا الفران كيتشعل غير من لتحت .



البلبولة الشعير – هدى اليداري
رابعة بلبولة الشعير متوسطة و ترقد في الما بارد ساعتين او اكثر ونصفيها
في كوكوط بصلة كبيرة محكوكة او مشلظة رقيق مع م ك زبدة او 3 م ك زيت العود و تشحر + ثوم غبرة راس م ص و تشحر + خيزوة او 2 مقطع طراف صغار بزاااف و يتشحر + بلبولة و تشحر حتى هي من بعد ما تكون تسقطرات مزياان
ممكن اضافة الشومبنيون او قطع الكرعة خضرا كدلك
+ 2 مطيشة محكوكة بلا زريعة + م ص مطيشة الحك + الربيع مقطع + الماء + ابزار + سكين جبير + نص م ص عطرية اللحم + ملح و نخليها طيب
من بعد نضيف شوية الكفتة او طريفات الدجاج او لاداند تشحر في شوية زيت العود و تضاف على البلبولة من بعد ما طابت و نخليها تغلي 10 دقايق و تقدم من بعد
ممكن نرشو شوية الفرماج فوق الزلايف من بعد التقديم





عصير مغدي – هدى اليداري
2 خيار يتنقى و بلا زريعة + ماء بارد من الثلاجة ايطرو + 2 خيزو مصلوقين + بنانة او 2 + خوخة او 2 او في بلاصة الخوخ نديرو الفريز + ياغورت فرماج + بودرة اللوز اختيارية + سنيدة و نخلط



ياغورت الشكلاط – هدى اليداري
نص ايطرو حليب في كاصرونة + 2 م ك مايزينا + من 5 الى 10 قطع شكلاط + م ك بودرة الكاكاو + 2 م ك سنيدة ونطرب باليد او الطراب اليدوي ونديرو فوق البوطة ونحرك بشوية حتى يعقاد فوق نار مهيلة . و مللي يبرد ندخلوه للثلاجة ساعتين حتى يبرد
نقدر ندير فوق منو من بعد ما نديرو في الكؤوس البيسكوي مفرتت و الشونتيي