اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة وهذه البعض منها :

* فاطمة من مكناس : الدجاج معمر بالروز // دجاجة مغسولة مزيان و مشرملة بالثوم و القزبر و المعدنوس ، ثم تسلقي الروز نصف سلقة و تشرمليه بالربيع و الابزار و الملون و الكامون و الزعفران شعرة ثم الهريسة أو السودانية و الزيت .

تدهن الدجاجة بملح و سكينجبير و الكامون و الابزار و الثوم ثم تعمريها و تفوريها مع الخضر واذا أردت يمكن تحمريها في الفرن بدهنها بالزبدة ويقدم مع الخضر أو البطاطس المقلية و يقدم بالصحة و الراحة.

* نعيمة من الرباط : المشبك // 1 كأس مايزينا ، 1 كأس طحين ، 1 كأس ماء ساخن ، شوية من خميرة الدار ، 1خمارة حمراء و تخلطي مزيان و تديريها في جيب حلواني وخاصها تكون ثقيلة ثم تصاوبي الأشكال اللي بغيتي ثم تقلى في زيت سخون وتغطس في العسل و يقدم بالصحة و الراحة.

* محجوبة من البيضاء : شلاظة بالعجائن // نصف كيلو عجائن تسلق في ماء مملح ، كركاع و الزبيب و نصف فلفلة حمراء و أخرى صفراء و ليشو يقطع بالطويل و يسلق شوية في ماء مملح و تضيفي حك الذرة .

الصلصة : 1 ياغورت طبيعي يكون بارد ، ابزار ، ملح ، حامض ، زيت المائدة ، يخلط الكل حتى تصبح مثل الكريمة و تخلطيها مع الأمور الأخرى و تفرشيها على السلطة الخضراء و تقدم بالصحة و الراحة.

* حنان من الناظور : بيسكوي دائري //5 البيضات ، 125 غرام سكر كلاصي ، 125 غرام طحين ، 1 فانيلا .

في اناء غارق تطربي البيض مع السكر لمدة 10 دقائق حتى يطلع و تضيفي ليه 1 فاني و تحركي من فوق الى أسفل مع اضافة الطحين .

في صينية الفرن تسكبي الخليط فوق "papier sulfurisé"  لمدة 10 دقائق .

السيرو : 1كأس ماء و 1 كأس سكر ، نصف حامضة و يبقى يغلي لمدة 15 دقيقة و تسقي به العجين منين تطيب .

* الهام من بركان : ديسير بالحليب و الليمون // نصف لتر حليب ، 3 معالق سنيدة ، 3 معالق مايزينا ، ياغورت فانيلا ، نصف لتر برتقال ، يخلط الكل ثم تشعلي عليه حتى يعقد ثم يسكب في كؤوس تملئ فقط للنصف والنصف الثاني يملئ مع البرتقال مع نفس المقادير و يكون الحليب جمد و من فوق تزيني بالفواكه حسب الرغبة ويقدم باردا.

* غيثة من بني ملال : دجاج بالليمون // الدجاج مغسول ، عصير البرتقال ، قزبر و معدنوس ، ملح ، تحميرة ، كامون ، زعفران الحر ، ابزار ، ضامة البنة ديال الدجاج ، ثوم ، زيت الزيتون ، وتكبي عليهم عصير الليمون و تغطيهم بالبرتقال ثم يدخل للفرن حتى يطيب و المرق يعقد ثم تحمري شوية الوجه و يقدم بالصحة و الراحة.

*فاطمة من ايمنتانوت : ورقة البسطيلة // 1 زلافة من ماء دافئ ، 1 زلافة فرص ، ملح ، في الخلاط الكهربائي تخلطي الكل وفي كاسرونة فيها ماء غليان و تحطي عليها مقلاة ثقيلة و تبداي تخوي السائل من بعد ماتكون دهنتيها بشوية زيت و تبقاي تمسحي ببونجة و تعاودي العملية.

اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة وهذه البعض منها :

*مريم من اسفي : الرخامة بالكركاع // 4 البيضات ، كأس سكر كلاصي ، نصف كأس زبدة ، كأس زيت ، رابعة الكركاع مقطع ، رابعة التمر مقطع و 3 الكيسان دقيق .

يجمع الكل في اناء ثم تخلطي مزيان وتسرحيه في الطاوة و يدخل للفرن يكون سخون حتى تنفخ و تطلع ، ثم نذوبو الشكلاط الأسود و الأبيض و تزيني به الوجه على شكل خطوط ميل فوي.

* ليلى من العيون : طاجين القوق بالكفتة // بصلة مشلظة ومطيشة محكوكة و 3ضروس من الثومة ، خرقوم ، ابزار ، شوية تحميرة ، ملح و ضامة البنة و يتشحر الكل مع زيت الزيتون ، ينقى القوق و تشرمل الكفتة ( حسب المتوفر ديال البكري أو الغنمي ) ثم تعمري القوق و مطيشة و الفلفلة بالألوان بالكفتة و تستفي في الطاجين و يطيب على نار مهيلة ويقدم بالصحة و الراحة.

* سعيدة من مراكش : فلان بالكرعة // 1كيلو من الكرعة الخضراء محكوكة ثم تقليه مع زيت البلدية و تتركيه جانبا ، 6 البيضات مع كأس العنبة من القشدة الطرية ملح ، ابزار ، النعناع و الفرماج أحمر محكوك ثم تطربيه مع الكرعة و تدهني المول بالزيت البلدية ثم تدخليها للفرن .

* نادية من البيضاء : عصائر متنوعة //

-عصير بخنشة أتاي : تغلي كأس كبير من الماء و تديري فيه 2 خنيشات أتاي و تخليه يبرد ثم في غراف تزيدي نصف لتر عصير ليمون و الأناناس ديال العلبة بالسيرو ديالو ( نصف علبة فقط) وشوية سكينجبير طري محكوك ثم تصبيه في غراف وتضيفي ليه العسل ثم مربعات الثلج .

- عصير المشمش : قنينة ماء غازي و المشمش مفور مع نقط الحامض ثم تطحني الكل مع المانجا طايبة ثم تطحني مزيان و يقدم بالصحة و الراحة.

* سميرة من طنجة : بسطيلة ديال الحليب و اللوز // ورقة مقطعة تاخذي الربع فقط و تديريها على شكل مثلث و ثقيلة في الزيت حتى تولي مذهبة ، تشدي اللوز و تقليه و تهرمشيه ثم نصف لتر حليب و كأس مايزينا و كأس سكر و راس معلقة ديال الفانيلا غبرة و تخلطيهم مع الحليب وهو البارد و تبقاي تحركي ثم تديريه على نار مهيلة و تديري عود القرفة حتى يعقد مزيان على شكل كريمة ثم تاخذي ورقة و تسقيها بالخليط و تدردري اللوز ثم تعيدي العملية على شكل طبقات و تقدم بالصحة و الراحة.

- عصير الفريز : الفريز و اللبن و السكر حسب الذوق و يطحن الكل و يقدم بالصحة و الراحة.

* فدوى من مكناس : عصير بالخضر // 1: كرعة صغيرة مفورة وفاش تبرد نضيفو ليها نصف لتر حليب و ياغورت البيسطاش و 1 فانيلا و السكر حسب الذوق و يطحن الكل و يقدم باردا .

2: خيزو و بطاطا مسلوقين ، ياغورت فانيلا و يطحن باللبن و السكر حسب الذوق و يقدم باردا .

* صالحة من الفقيه بنصالح : حلوى الشهدة // نصف لتر حليب ، 2 كؤوس سكر ، 20 غرام خميرة العجين ، 1 خميرة الحلوى ، 2كيسان زيت ، 1 كيس فانيلا ، قشرة البرتقال ، شوية الملح ، ياغورت الفانيلا ، 2بيضات و الدقيق حسب الخليط و الشكلاط للتزيين .

تخلط كل المكونات و تترك العجين خفيفة و مطلوقة ، وفي لاطة الفرن تجمع كويرات و في الوسط طرف من الشكلاطة ثم تترك لتخمر و يدهن الوجه بالبيض و تزين بالزنجلان أو الكاوكاو أو اللوز حسب الموجود و في فرن به عافية مهيلة ندخلوها تطيب حتى تتحمر .

رشيدة من البيضاء : الحرشة على شكل كيكة // 4 البيضات ، كأس فرص ، 2 كيسان سميدة رقيقة ، كأس زيت ، كأس سنيدة ، كأس ليمون معصر و في الأخير تسقى بسيرو البرتقال .

تطبخ مثل كيكة بالفرن و هي سخونة تسقى بعصير البرتقال .

* أسماء من الخميسات : زعلوك // نصف كيلو بدنجال مقشر و مقطع مربعات و مشحر مع زيت المائدة و الماء و فاش يتحمر تضيفي ليه 4 طماطم محكوكين مع الثومة و القزبر و المعدنوس و الكامون و التحميرة و الزعفران البلدي و زيت العود ثم يشحر الكل .

* حياة من مراكش : بطاطا بالبيض // 4 البطاطس مسلوقين و ممعوكين مع شوية الملح ، الابزار ، الكامون ، زيت العود و يخلط الكل ، 5 البيضات مطربين ثم تكوري البطاطس و تدوزيها في البيض و تقلى في الزيت و تصفيها و تقدم .

*فتيحة من اسفي : دجاج مشوي في الكوكوط // دجاج مغسول و في الكوكوط نوضعوه و تديري عليه البصل الملح و الكامون  و على نار مهيلة يطبخ في 45 دقيقة في الكوكوط .

* هيام من وجدة : المسمن ديال مايزينا // نصف كيلو دقيق ، كأس زبدة ، بيضة ويجمع بماء الزهر ، تورق العجين جيدا ثم ترش بمايزينا مع دلكها ثم تلوى و تقطع دوائر ثم تدلك و تقلى في الزيت و تدهن بالعسل و ترش بالزنجلان أو اللوز وتقدم بالصحة و الراحة.

اليوم في حديث ومغزل مع سناء الزعيم قدمو لينا المستمعات مجموعة من الشهيوات من اختيارهم و هذه البعض منها :

*الهام من المضيق : كلاص سهل // نصف لتر من القشدة الطرية ، رابعة سنيدة ، 3 البيضات ، ياغورت فانيلا ، 1 معلقة من الكاكاو أو القهوة سريعو الذوبان .

تطرب القشدة الطرية مع نصف كمية السكر حتى تصبح كريمة ، ثم تفصلي الأصفر عن أبيض البيض و يطلع حتى يصبح ابيض كالثلج ، و تطربي الأصفر مع باقي السكر و الياغورت ثم تخلطي الكل تدريجيا ثم تقسمي الخليط على 2 النصف الأول و نتركه على مذاق الفانيلا و النصف و النصف الثاني بنكهة القهوة أو الشكلاط ثم يوضع في المجمد و يقدم ويمكن تزيينه حسب ذوق كل سيدة ويقدم بالصحة و الراحة .

* كوثر من البيضاء : بدنجال معمر بالكفتة // 4 بدنجال تقسم على 2 و تغسل جيدا ثم تبخر و من بعد تخوى من القلب وتخلطي القلب مع الكامون و التحميرة و الملح و الابزار و المعدنوس و 200 غرام كفتة و ثوم و زيت العود و يشحر الكل ثم يعمر الدنجال ثم تضيفي الفرماج محكوك و شوية الزعتر على الوجه ثم ندخله للفرن يتحمر و يقدم بالصحة و الراحة .

* ماجدة من اسفي : محنشة بالديك الرومي // نوجدو العجين بحال ديال المسمن و شويو الخميرة و الملح .

الحشوة : الشعرية الصينية ، خيزو محكوك ، بصلة محكوكة ، ملح ، ابزار ، تحميرة ، خرقوم و كفتة الديك و ضامة البنة ، تسلق الشعرية الصينية ثم يشحر الكل  ، ثم تكرص العجين على شكل مسمن مربع ثم نضع الحشوة في الجانب و تطوى على شكل مثلث و تبداي تبرميها على شكل خيط طويل ثم تدوريها دائريا ثم تلصق العجين ثم تدهن بالبيض في الوجه و ندخلوها للفرن تتحمر .

*ليلى من طانطان :  كيكة بالفرماج الطري و الفراولة // 4 البيضات ، 3معالق كبار من ماء ساخن ، 125 غرام سكر ، 1 فانيلا ، 75 غرام دقيق ، 50 غرام من النشا ، معلقة صغيرة ديال خميرة الحلوى ، زلافة صغيرة ديال مربى الفراولة .

الكريمة : 200 غرام من الجبن الأبيض الطري ، 3 معالق كبار من السكر كلاصي ، معلقة كبيرة من قشرة الحامض محكوكة ، 6 معالق من عصير الحامض و 2 أوراق من الجيلاتين و 2 معالق كبار من ماء بارد .

الطريقة : تعجن العجين بكل المقومات و تبسط و تضيفي ليها المربى ثم تدوريها و تقطع دوائر ثم ستفيها في لاطة و تدخليها للفرن تشد راسها شوية ثم تستفيها في اناء زجاجي و تدهن الشرائح بالكريمة ، ثم ناخذو أوراق الجيلاتين توضعيها في ماء مارد لمدة دقيقتين ثم فوق عافية مهيلة و نضيفةهم لعصير الحامض مع التحراك و نسكبوها فوق الدوائر على شكل طبقات و كتخوي السيرو على كل طبقة و تقطع الفريز و كتضيفيه على الوجه بشكل منسجم و تقدم بالصحة و الراحة.

اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة و هذه هي المقادير :

*سعاد من الصخيرات : طارطة بالفواكه// 2بيضات ، 2خمارات ، 1كأس زيت ، عصير االموز و الكوك ، الطحين حسب الخليط ، كأس ماء دافئ ، يخلط الكل ثم يدخل للفرن .

نصف لتر من الحليب و 2معالق من النشا ونوضعوهم فوق عافية مهيلة و فاش يبداو يخترو نضيفوه للكيك ثم يقطع الفريز و الموز و يزين به الوجه ، جانبا يكون عندنا نصف لتر عصير البرتقال ، 2 فانيلا و تدفيه حتى يجمد ثم تخويه على الوجه ديال الكيك و نقدمو الطورطة باردة بالصحة و الراحة.

* ليلى من الرباط : الكرعة الخضراء معمرة // نصف كيلو كرعة خضراء محيد ليها الداخل اللي غادي نشحروه مع البصل و الكفتة و نصف ضامة البنة و شوية الابزار ثم نعمرو الكرعة بهاد الحشوة و تفور في الكسكاس ، ناخذو 4 المطيشات محكوكات و نصف ضامة البنة و الثومة و القزبر و الابزار و التحميرة و الزعفران و سكينجبير و الكامون ثم تقلى جيدا و نخويو الخليط على الوجه ديال الكرعة .

* سعيد من كلميم : البينيي// 2بيضات ، 2كيسان العنبة ديال الحليب ، نصف كأس سنيدة ، معلقة كبيرة من الزبدة مذوبة ، نصف كأس زيت، خمارة ، فانيلا ، شوية من خميرة الدار ، قشرة حامض محكوكة ، يجمع الكل و يدلك و تزيدي رشة ديال الخرقوم و تخليه يخمر ثم يطلق بمدلك و نطبعوه بزلافة و تخويه من الوسط باش تحصلي على شكل دميلجات ثم يقلى في زيت سخونة و من بعد مباشرة يتفندو في سنيدة و يقدمو بالصحة و الراحة.

*نوال من الدار البيضاء : فلان بالبشكيطو // باكية البيسكوي ، 1لتر حليب ، 2 فلان فاني ، 5 معالق سكر ، 2موز مقطع دوائر ، 2 خيزويات مسلوقين ومقطعين دوائر.

في كاسرونة ناخذو نصف لتر حليب و 1 فلان و 2معالق سنيدة ثم تغليهم مع التحراك ، في مول تستفي البشكيطو و تخوي عليه الخليط و تبرديه في الثلاجة .

في الخلاط نخلطو نصف لتر حليب الاخر مع 3 معالق سنيدة و تطحني ثم نوضعوه فوق نار مهيلة مع التحراك و تديريه فوق الفلان ، ثم تستفي شرائح الموز و تسكبي خليط الفلان الثاني فوقه ثم فاش يبرد ممطن للسيدة تزين الوجه بأنواع الفواكه الموجودة اللي عندها.

- صلصة للمشويات : 4ضروس ثوم ، 2أبيض بيض ، ملح ، 1معلقة ونصف زيت الطون ، معلقة من عصير الحامض ، 1 بطاطا مسلوقة ، ويطحن الكل في الطحان الكهربائي حتى يصبح متجانسا و نضيفو ليه المعدنوس و القزبر مكرضين و يقدم مصاحبا للمشويات كالسمك أو الدجاج أو اللحم.

*منى من تمارة : كيك بالكاكاو و الكركاع // 80 غرام زبدة مرخوفة ، 5 البيضات ، 145 غرام سكر كلاصي ، 145 غرام دقيق ، 1 خمارة ، نصف كأس حليب ، 2 معالق كبار كاكاو ، 65 غرام كركاع مهرمش ، قشور الحامض .

تخدم الزبدة جيدا مع السكر ثم البيض و الدقيق ثم الكاكاو و قشور الحامض ثم تدخل للفرن و تقدم بالصحة و الراحة.

*خديجة من البيضاء : الحرشة بالنافع و حبة حلاوة // رابعة السميدة رقيقة ، 2 خمارات ، 2 فانيلا ، 1 كأس سنيدة ، كأس زيت و كأس عصير الليمون ، النافع و حبة حلاوة ثم يعجن الكل و تكرصي كويرات صغار في السميدة الغليظة و نطيبوهم في الفرن 

اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة و هذه هي :

* الهام من المضيق : طورطة التفاح  // 2 بيضات ، 1 خمارة ، ليمونة أو حامضة محكوكة ويمكن تعويضها بخنشة الفانيلا أو كأس ياغورت فانيلا ، نصف كأس صغير زيت ، نصف كأس سنيدة و الطحين حسي الخليط و التفاح يقطع شرائح.

السيرو : سنيدة ، ماء ، قشور البرتقال او الحامض التي تم حكها .

يخلط البيض مع العصير و المقادير الأخرى ثم يدهن طبسيل يدخل للفرن و نطبو الخليط فيه و يزين بالتفاح على شكل زهرة ثم تسكبي السيرو وتوضعيها في الثلاجة.

- الرايب : 1لتر حليب ، ياغور فانيلا ، 1 فاني ، سنيدة أو سكر .

يغلى الحليب مع السكر و الفاني وفاش يبرد تضيفي الياغورت لأنه ممكن يتكور فاش يكون الحليب ساخن ثم يسكب في أواني زجاجية ، وفي بانيو فيه ماء ساخن نوضعو الجبانية ديال الخليط و نغطيوها و تترك ل 4 ساعات ثم نضعه في الثلاجة و هالرايب موجود .

هدى من النواصر : طاجين الدجاج في الفرن مع البرتقال // 2 بطاطس مقطعين، أطراف الدجاج ، 2 كيسان من عصير البرتقال ، ملح ، ابزار ، ثوم ، الربيع مقطع ، يخلط الكل مع البطاطس وتديريها مع الدجاج يتشرمل ثم تستفيه في لاطة ثم من الفوق ويمكن اضافة شرائح الليمون مصير ثم الزيت و شوية زيت العود على الوجه ثم تدخله للفرن .

- ورقة البسطيلة : كأس دقيق و كأس ماء بارد و شوية الملح و تطحنيهم ثم توضعيهم في زلافة كبيرة و تاخذي شيتة البيض و تدهني المقلا ديال البغرير من الجناب ثم الوسط ثم تدهني بالزيت فاش تبرد تجمعيها في بلاستيك صالح للمجمد للحفاظ عليها.

* حنان من جدة : الكبسة// الروز كلاصي مغسول بالماء البارد و تصفيه ثم توضعيه في الماء سخون وتخليه مدة ساعة واحدة ، الدجاج يغسل جيدا ، في طنجرة فيها ماء سخون نضيفو ليها الهيل أي قعقلة 3 الحبات من القرنفل ، ملح ، أعواد القرفة ، الشيبة السعودية ، و نخليو الدجاج يطيب مع حبوب الابزار ثم تصفي الدجاج،  تقطعي البصل رقيق في طنجرة معاها شوية الزيت و الزبدة و تحركيها مع نفس التوابل ثم تحكي أو تطحني 2 مطيشات وتضيفيها للبصل و توابل الكبسة ( الكامون ، الابزار الأبيض ، سكينجبير ، خرقوم ، زريعة القزبر ) ، ثم تضيفي الروز و تخلطيه مع البصل و المرق ثم تضيفي الماء اللي تسلق فيه الدجاج و نخليوه يطيب مع الملح و الهيل أو قعقلة مطحونة ، وعلى نار هادئة ويفضل وضع حديدة تحت الطنجرة و تركه يطبخ لمدة طويلة ، وفي حالة درنا اللحم ممكن نسلقوه و تضيفي ليه 2 معالق من صلصة المطيشة لكي تعطي لون أحمر للمرق و مع نفس التوابل.

-المخللات :خيزو مقطع أصابع ، لفت ، الشيفلور ، بصل صغير ، المكور صغير ، الجلبانة أو اللوبيا ، يسخن الماء جيدا مع الملح نغليو الخيزو هو الأول ثم باقي الخضر ثم نصفيها ، في اناء كبير نوضعو القزبر يابس مطحون ، الكامون مطحون ، نافع ، ثوم مدقوق مع الملح ، خردل ، مخلل المانغا و تقطع أطراف صغيرة الخل و الحامض معصر و يخلط جيدا و توضع في قنينات   .

-مخللات البدنجال : حبات البدنجال صغيرة تزيلي ليها الطربوش و تفتحيها من الأسفل ، ثم تديريه في الماء يطيب ولكن بلا مايهرى و في ماء مملح و طرف الحامض ثم نقطروه مزيان ثم تضيفي الخل و الملح ثم في قريعات توضعي البدنجال مع الفلفل الحار و أطراف الثوم ثم تحركيها مزيان و تقلبي القرعة على وجهها لمدة 3 ساعات

كوثر من اسفي: عصير بالأفوكا// تسلق الكرعة الخضراء و نضيفو ليها كأس من الحليب و 1 فانيلا و سنيدة ثم يطحن الكل مع اضافة ياغورت أفوكا و يقدم باردا.

*سميرة من بركان : مادلين بعصير البرتقال// 3 البيضات ، 1كأس عصير برتقال ، 1كأس سكر ، 1 كأس زيت ، 2 خمارات ، يخلط الكل و يوضعو في مول الخاص بالمادلينات  ويدخل للفرن .

السيرو : سكر و الماء و الليمون و نخليوهم فوق عافية مهيلة حتى يطيبو ثم نخليوه يبرد و نسقيو به المادلين اللي حضرنا .

* منى من الصويرة : كيكة الكوكوط// 4 البيضات ، 1 كأس سنيدة ، 2 خمارات ، 1 فانيلا ، قشرة الليمون ، 3 معالق من الدقيق ، يخلط الكل و تدهني الكوكوط بالزيت و الدقيق و تسكبي الكل و تشدي عليها و تطيب بلاصفارة و لمدة نصف ساعة على نار مهيلة ثم نزينوها بالعسل و نرشو بالكوك من الفوق.

* أمينة من البيضاء: غريبة باللوز// 2كيسان من اللوز مسلوق و مقلي ، 1 كأس زيت ، 1 كأس سكر كلاصي ، زبدة الماركارين ، 2 فانيلا و الدقيق حسب الخليط .

تاخذي اللوز و توضعيه في زيف و تضربيهم بالمدلك ثم تذوبي الزبدة و تخلطيها في الكصعة مع المقادير الأخرى و تعجنيها ثم تعملي كريصات و تدخليها للفرن يكون سخون ومن الأفضل تطيبيها قي الأول من التحت ثم تطلعي اللاطة للفوق حش تجي مفركعة و زوينة.

* سكينة من زايو : المقروط //

المقروط بالتمر : 1كيلو سميدة ، 2 معالق من ماء الزهر ، زلافة الخل ، شوية الملون ، قرفة ، خميرة الخبز ، زبدة ، سكر حسب الذوق .

يخلط الكل بالماء البارد و يكرص و التمر يتحيد ليه العظم و تديريه في الكسكاس تم تعلكيه و تبداي تعمري به كويرات المقروط ثم تقطعيه وتقليه و تصفيه و يقدم باردا .

-المقروط بلا تمر: كيلو سميدة ، 2بيضات ، 1كأس سكر ، 1كأس زيت ، 2 خنيشات الفانيلا و 2 خمارات حمرين ، يتكرصو الكويرات و يتقطعو و تقليهم ثم تقطريهم و يقدمو بالصحة و الراحة.

* نجية من وجدة : رغايف رطبين // نصف كيلو فرص ، ربع كيلو من الدقيق الصلب ، 1 بيضة ، نصف كأس زيت ، نصف كأس سنيدة ، خميرة العجين ، ملح ، خمارة حمراء و الزيت للتوراق .

يخلط الكل ماعدا الخمارة و تخليها تخمر ثم تزيدي الخمارة و تدلكي و تخلي العجين ترتاح ثم تكوريها و تورقيها  مرة أولى و تعيدي العملية مرة ثانية و تدري وحدة وسط وحدة و تدهني بالبيض مع الحليب و سنيدة ثم تطيبي من تحت ثم من فوق ويمكن اضافة الشكلاط وسطهم و نقدموهم بالصحة و الراحة.

اليوم في حديث ومغزل مع سناء الزعيم قدمو لينا المستمعات مجموعة من الشهيوات المتنوعة وهذه البعض منها :

*حجيبة من شيشاوة : لحم بدون ماء بأي نكهة // 1كيلو من اللحم الغنمي نوضعوه في كوكوط تكون يابسة مزيان و اللحم كذلك يكون يابس و تضيفي ليه الملح الابزار و تشدي الكوكوط بالصفارة و تنقصي العافية تكون مهيلة لمدة نصف ساعة ثم من بعد تقلي المرق و تضيفي الخضر من اختيارك و تقدميه بالصحة و الراحة .

نصيحة : الاتحرقات الكوكوط توضعي الطنجرة في أشعة الشمس حتى تيبس و يتحيد الحراق راسو.

*عزيزة من الداخلة : صلصة الحبق صالحة للعجائن // أوراق الحبق و الملح ، الابزار و فص ثوم و شوية الكركاع و شوية الفرماج الأحمر أو الموتزاريلا و معلقة من عصير الحامض و تطحن كل هاد المكونات في الطحان الكهربائي و تحافظي عليها في اناء زجاجي و تنسمي بها العجائن .

- كيكة : 4 البيضات ، 2 ياغورت فانيلا ، 2 كيسان سنيدة ، 2كيسان زيت ، 1 فانيلا ، 2 كيسان فرص و 2 كيسان سميدة رقيقة ، 2 خمارات ، يخلط الكل و يوضع في صحن الفرن .

فوق عافية مهيلة نوضعو نصف لتر حليب و فلان الفانيلا و السكر ثم نسقيو به الكيكة و تزيدي ياغورت الشكلاط من الفوق و تحكي باسطة من الفوق وتخليها تبرد وتقدم بالصحة و الراحة.

*حنان من البيضاء : السمك لمتتبعي الحمية// السردين منقي و مطحون ، تحميرة ، كامون ، ابزار ، ملح ، معلقة من زيت العود ، البصل حسب الاختيار وتكوريهم كويرات وخاص يكون نفس القياس ديال البصل و السردين ، يقطع البصل شرائح دائرية و تفرشيها و تشدي عليها حتى تتقلى ثم تفرشي بها طبق الفرن و تعملي خبيزات السردين من لبفوق و في الوسط كويرات الطماطم و تعصري الحامض و شوية زيت العود و يدخل للفرن .

*خديجة من الصويرة : قضبان الحوت // الحوت الأبيض مقطع ، الحامض و الكامون و الابزار ، أزير أو الحبق ، زيت ، الملح وترقديه فهاد العطرية ، وتديريهم في قضبان و تشويهم فوق نار مهيلة باش مايتحرقوش .

-شلاظة العدس : العدس مسلوق ، مطيشة مقطعة طريفات وشوية الخص ، الملح والحامض و زيت العود وتخلطيهم مزيان وتخليها تبرد .

* فاطمة من فاس : العجائن بالبيشاميل // نصف كيلو مقروني ، ربع كيلو كفتة ، لحم البقري ، 4 المطيشات ، 2 معالق كبار من مطيشة الحك ، الزيت ، الملح و الابزار و البصل مشلظ و صلصة البيشاميل ، ثم تعملي طبقات وندخلوها للفرن و تقدم بالصحة والراحة.

اليوم في حديث ومغزل مع سناء الزعيم قدمو لينا المستمعات وهذه هي الشهيوات :

* زبيدة من بركان : الكعك البركاني // 1 كيلو دقيق الفرص ، كأس صغير زنجلان ، نافع ـ حبة حلاوة ، 2 كيسان زيت ، 2 كيسان سكر ، خميرة الدار ، 3 الخمارات حمرين ، يخلط الكل و نخليوها ترتاح لمدة ربع ساعة و تديريه في الخلاط الكهربائي وفاش تخمر العجين تدوريها كالخواتم لمدة ربع ساعة ويدخل للفرن .

*نادية من سطات : كيكة بالشكلاط في الكوكوط // 1 كأس ماء بارد فيه 2 معالق صغار من القهوة سريعة الذوبان ، 1 كأس زيت ، 1 كأس سنيدة ، 2 معالق كبار كاكاو ، 3 البيضات ، 2 خمارات ، يخلط الكل مع اضافة الدقيق و تدهني الكوكوط بالزبدة و الطحين و تسكبي فيها الخليط يكون شوية خفيف و ندخلوها تطيب مدة 45 دقيقة و من بعد تدهني الوجه بفلان الشكلاط و ترشي بالكاوكاو.

* أمل من العروي : البطبوط معمر بالدجاج والخضر // زلافة و نصف من الفرص ، 2 زلافات من السميدة رقيقة و تعجن مثل الخبز ، ثم تسلقي الدجاج مع الملح و الابزار و سكينجبير و زيت الزيتون و عصير الحامض و القرفة أعواد أو مطحونة و الزيتون مزولين ليه العظام، بصلة مشلظة ، 2 خيزو ، 2 حبات الكرعة الخضراء محكوكين و مشحرين مع التوابل و الربيع مكرض ، ضامة البنة ، ثم تعمري بهم البطبوطات .

*فايزة من طنجة : دنجال معمر // 1 كيلو دنجال صغير يقسم من الوسط ثم يشحر في الزيت بداية من الجهة ديال القشرة ثم تتركيه يقطر .

-الحشوة : مطيشة منقية بلا زريعة و مقطعة أطراف ، ثوم ، سكينجبير ، زيت ، ملح و تخليها تتقلى مع 3 معالق من القزبر مكرض ، معلقة من الخل وراس المعلقة ديال السكر سنيدة و معلقة من القرفة ثم تقليها ثم تعمري البدنجال بالحشوة و يقدم باردا مثل سلطة .

*فتيحة من تازة : طاجين اللحم بالكرعة الحمراء//1كيلو لحم ، بصلة مشلظة ، 2 ضروس ثومة ، سكينجبير ، ملح ، زعفران ، زيت رومية ، في طنجرة يتشحر الكل و تزيدي عليه الماء حتى يطيب .

2كيلو من الكرعة بلا قشرة تفوريها ثم تديريها في مقلاة و تزيدي عليها نصف كأس زيت وقرفة ، 4 معالق سنيدة حتى تتعسل مزيان ثم شوية لوز محمر و مقلي و مهرمش و في طاجين تستفي اللحم و الكرعة كويرات و تفنديهم في اللوز و يقدم بالصحة و الراحة.

* نادية من خريبكة : عصير خيزو و بطاطا // 2بطاطس متوسطين ، 3 خيزويات يتسلقو في الماء ، وهاد الماء تضيفي ليه الحليب غبرة ثم تطحني في الطحان الكهربائي وتضيفي ليهم ياغورت بنكهة الفانيلا و السكر ويقدم باردا.

اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة وهذه البعض منها :

* أم خولة من الرباط: كاشير بالخضر // 2كرعات ، 2 لفتات ، 2 خيزو ، سبانخ محكوكة ، بصلة مشلظة ، نشحرو الخضر بكاملها مع زيت العود و الملح لمدة 10 دقائق و المعدنوس و الابزار و شوية الكفتة حسب الاختيلر و الا كانت الكفتة ديال الديك الرومي نضيفو الثومة ، ييخلط الكل و تزيدي 2 كيسان من الياغورت الطبيعي و 100 غرام من الفرماج أحمر محكوك و 5 البيضات و 2 معالق من الشابلور و تخلط في اناء الكيك الطويل اللي خاص يتدهن بالزبدة ورشة الشابلور .

في فرن بدرجة حرارة 180 درجة نوضعو المول في حمام مريم لمدة 45 دقيقة الى ساعة و فاش يبرد يدخل للثلاجة ليلة كاملة .

* سعيدة من خريبكة : طورطة فريز // 3 البيضات ، كأس الليمون ، 2 كيسان و نصف من الفرص ، كأس زيت و كأس سكر ونصف كيلو فريز مقطع شرائح .

السيرو : كأس ليمون ، 2 معالق نشا ، 2 معالق سنيدة ، 1فانيلا .

تجمع العجين و تدلك جيدا و تطلق العجين في طبسيل مدهون و تستفي الفريز و تسقي بالسيرو و تدخل للفرن يكون ساخن مدة 45 دقيقة ثم تنقصي من الحرارة ثم فاش تطيب ندخلوها للثلاجة و تقدم باردة .

- عصير ليمون : 1 كيلو ديال ليمون الخاص بالأكل ، نصف كيلو خيزو مقطع على جوج مع الحفاظ على القلب و تديريه في الكوكوط ، 3 الليمونات وحدة محيدة ليها القشرة و ووحدة بالقشرة ديالها ومقسومة و الأخيرة بالقشرة ديالها مع نصف لتر ماء و تشدي عليهم في الكوكوط مع الصفارة مدة 30 دقيقة وفاش يبرد تطحنيهم مع كيلو الاربع سنيدة و خامضة و 5لتر ماء و يخلط الكل في سطل تدريجيا مع التخلاط الجيد ، ثم يصفى و يسكب في قنينات زجاجية و نتركه يبرد.

*غزلان من الفقيه بنصالح : السفة بالدجاج // الشعرية الرقيقة و تفوريها .

في الكوكوط توضعي الدجاج و البصل و الابزار و الملح وسكينجبير و الزيت و القزبر و المعدنوس و الخرقوم و الزعفران تقلى مزيان ثم نضيفو الجلبانة و الفلفل الأخضر و تروي حتى يطيب الدجاج و تسقي بالمرق السفة .

*ابتسام من مكناس : تدهن الشعرية بالزيت ثم تفور المرة الأولى و في المرة الثانية تديريها في الماء البارد ثم تديريها تفور مع دهنها بالزبدة .

*سعاد من طاطا : السفة حتى لاتتعجن // تدهن الشعرية بالزيت و تفور لمدة 10 دقائق ثم تخويها في الماء البارد مع الكسكاس و تقطر ثم تديرها تفور مرة ثانية و أخيرة مع دهنها بالزبدة .

اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة و هذه البعض منها :

*بشرى من مكناس : كيكة بالتفاح و اللوز المهرمش // تفاحة كبيرة و محكوكة ، نصف كأس الى كأس من اللوز المهرمش ، كأس ثمر ، كأس الكركاع و الزبيب ، 4 البيضات ، 1 كأس سنيدة ، 1 كأس زيت ، ياغورت بنكهة الفانيلا ، 2 خمارات ، 1 فانيلا ، معلقة صغيرة من القرفة ، نصف معلقة صغيرة من سكينجبير ، 2 كيسان دقيق و اللوز افيلي للتزيين ، يخلط الكل كأي كيكة ثم يدهن المول و يدخل للفرن على نار مهيلة لمدة 45 دقيقة .

* جميلة من كلميم : طاجين الكفتة // بصلة مشلظة رقيقة ، ابزار ، سكينجبير ، ملح ، شوية الزعفران ، شوية الزيت البلدية و تشرمل الكفتة جيدا ، في اناء تحكي 2 مطيشات و القرفة و المعدنوس و الملح و فاش تتقلى تزيديها البصل ، ثم تشرمل الكفتة و تكور و تضيفيها للطاجين و توضعي الفرماج المربع أو الأحمر من الفوق حتى يذوب و نقدمو الطاجين بالصحة و الراحة.

*مريم من الصويرة : الحرشة باللبن // زلافة السميدة رقيقة و زلافة من السميدة الغليظة ، 2 خمارات ، نصف لتر لبن ، 1 فانيلا ، 1 كأس زيت و كأس سنيدة و يعجن الكل كالكيكة ثم تطيبيها في الفرن.

نعيمة من أكادير : سيجار في الفرن // 1بيضة ، 1 خمارة الحلوى ، 1سكر فانيلا ، 3 معالق كبار زيت ، قشرة الليمون محكوكة ، 3 معالق كبار من الحليب و 250 غرام من الدقيق ، يخلط الكل مع الكفتة .

الحشوة : قزبر و معدنوس ، ملح ، سكينجبير ، يصلة محكوكة ، و شوية الزيتون الاخضر مقطع و يقلى الكل ثم تعمر بها السيكار و يدهن الوجه بأصفر البيض و يدخل للفرن و يقدم بالصحة و الراحة.

* الزاهية من اسفي: العطرية ديال الكفتة و السمك في الدار //رابعة القزبر حبوب ، ورقة سيدنا موسى ، بصلة مشنفة و ميبسة في الشمش ، قشرة البرتقال ميبسة في الشمش ، عود قرفة ، كامون حبوب ، أعواد سكينجبير ، ثم تقلي فوق عافية وفي مقلاة ثقيلة أو في الفرن ، ثم تدقيه في المهراز أو في الطحان و هو سخون وتغربليه وتضيفي ليه السودانية في الأخير، ومن الأحسن أن تضعي هذه التوابل في اناء زجاجي و يكون في مكان جاف ويمكن الحفاظ عليها لمدة 3 الى 4 شهور.

* غيثة من مكناس : كيكة بالشكلاط و الفواكه الجافة // نصف كأس لوز ، نصف كأس ثمر ، نصف كأس برقوق يابس ، نصف كأس مشمش ، نصف كأس كركاع ، 125 غرام بشكيطو ، 250 غرام شكلاط أسود و 100 غرام زبدة ، و نصف كأس زبيب ، اللوز مسلوق و مقلي و مهرمش و الفواكه الأخرى مغسولة و منشفة و مقطعة لطريفات صغار ، في اناء تخلطي الكل مع قطع البشكيطو و الشكلاط و 100 غرام زبدة حتى تذوب و تخلطيهم و تكبيهم في الورق الشفاف "papier sulfurisée" وندخلوهم للثلاجة مدة 4 ساعات ثم يقطع على شكل فقاص كبير و يقدم بالصحة و الراحة.

* فاطمة من البيضاء : شوصون مالحين // 1 كيلو فرص ، 2 معالق كبار سنيدة ، 30 غرام زبدة ، نصف معلقة صغيرة خميرة الدار ، ملح ، 2 كيسان من الحليب الدافئلجمع العجين .

الحشوة : الطون و الذرة و الكورنش، الزيتون ، باكية الفرماج مربع ، مايونيز ، الزيت ، ملح ، ابزار وعويدات الأسنان و الخص و الربيع ، تعجني العجين و تدلكيها و تخمريها ثم من بعد تكوريها و تدلكيها و تقطعيها بالمرشم على شكل من اختيارك و تخليها تخمر و تطيبيها ثم تفتحيهم من الجنب و تعمريهم بالحشوة.

اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة و هذه البعض منها:

*حنان من وجدو : كيكة بالشكلاط // 3 البيضات ، 1كأس زيت ، 1كأس سكر ، خميرة الحلوى و الفرص حسب الخليط ثم تسكبي الخليط في مول الفرن ونخليوها تطيب فوق عافية مهيلة .

السيرو : 1كأس ماء و معلقة من القهوة سريعة الذوبان و تسقي به الحلوى فاش تطيب ، ثم ناخذو 3 الكيسان من الحليب و معلقة كبيرة من القشدة الطرية و معلقة من القهوة سريعة الذوبان و 2معالق سكر و تدوريها حتى تعقد ثم تخويها على الكيكة حتى تبرد وتعيدي نفس المقادير وعوض القهوة تديري الشكلاط حتى يذوب ثم تسكبيه على الكيكة و تزين باللوز ايفيلي .

* رحمة من وادزم : كراتان الدنجال // دنجال كبير و مقطع بالطول ومقلي ، بطاطس مسلوقة و ممعوسة مع بيضة و زبدة و ابزار وتضعيها جانبا .

الصلصة : مطيشة محكوكة و فلفلة خضراء ثم الابزار و المعدنوس و القزبر و الملح و الكامون و التحميرة و الثوم .

ثم تسرحي الدنجال و تكوري البطاطس و تلوي و تستفيها في طبسيل الفرن و تسكبي فوقها صلصة الطماطم و تحكي فرماج أحمر على الوجه و ندخلوه للفرن و نقدموه بالصحة و الراحة.

*أم نزار من البيضاء : فقاص مالح // 500 غرام فرص ، 2فرماجات مثلثين ، 125 غرام زبدة ، معلقة صغيرة من الملح 2 بيضات ، 1 خميرة الحلوى ، نصف كأس زيت ونصف كأس ماء دافئ، 1 بيضة ، فرماج محكوك ، نصف كأس صغير الزنجلان و يخلط الكل و تجمع العجين و نخليوها ترتاح لمدة ربع ساعة ثم تقسم على 3 و تخلط البيضة و تدهني كل خبيزة على الوجه ثم ترشي على كل واحدة الفرماج أو الزنجلان أو الحبة السوداء ثم تدلكيها و ترشمي بالمرشم ويدخل للفرن .

- بريوات بالدجاج : دجاجة مع بصلة و 2 خيزو ، راس الثوم كامل وورقة سيدنا موسى ، ملح ، ابزار سكينجبير ثم يطيب و تزيلي الجلدة و العظام و المرق وتطحني البصل مع الدجاجة حتى يولي على شكل عجين و تضيفي ليها معلقة السودانية أو الهريسة و معلقة من الموطارد و تخلطي وتعمري الورقة على شكل بريوات ثم تقلى وتدهن الورقة بالزبدة  أو تدخل للفرن.

* عتاب من بروكسيل : pop cak // رابعة فرينة ، رابعة الزبدة ، رابعة سنيدة و  البيضات

يطرب البيض مع سنيدة و تزيدي عليه الزبدة دايبة و فرينة ، ثم نضعها في مول الفرن تطيب و فاش تطيب تطحن و تجمع بجبن أبيض على شكل كويرات وكل كرة تديري فيها عصا المصاصة ديال الأطفال

تذوبي الكريم شانتيي مخلطة مع الشكلاط و تديريها في الثلاجة لمدة  سوايع حتة تقساح ثم تقدميهو للأطفال بالصحة و الراحة.

*احسان من فاس نصف كيلو بطاطس مقشرة ومقطعة على شكل هلال ثم تضعيها في غشاء بلاستيكي و تديري عليها 3 معالق دقيق و معلقة كبيرة تحميرة و 1 معلقة كبيرة موطارد و نصف ملعقة ملح و نصف ضامة البنة و راس المعلقة ابزار و 3 فصوص ثوم مكرضين مزيان و تشدي الميكة و تخلطي مزيان ثم تضعيها في الثلاجو ثم في الفرن توضعي ورق الأليمينيوم و تدهنيه بالزيت ثم تدخليها لمدة 20 دقيقة .

اليوم في حديث ومغزل مع سناء الزعيم قدمو لينا المستمعات كيف العادة مجموعة من الشهيوات المختلفة و هذه البعض منها : 

*فاطمة من اسفي : عصير البادنجال // 2 بدنجالات متوسطين و مقسومين و مفورين و نخليوهم يبردو ، نصف لتر حليب ، 4 المعالق كبار من الكاكاو المر ، 1 فانيلا و السكر حسب الذوق ، يطحن الكل و يقدم باردا .

- عصير الهندية بالبرتقال : 1 كيلو برتقال ، 10 الهنديات و السكر حسب الذوق ، يطحن الكل و يصفى و يقدم بالصحة و الراحة .

- عصير السويهلة أو البطيخ البلدي : 1 بطيخة ـ نصف لتر حليب ، 1 فانيلا ، حك ياغورت فانيلا و السكر حسب الذوق و يقدم باردا .

* كرمة من مديونة : عصير اللوبية الخضراء بنكهة البيسطاش  // 1زلافة لوبية خضراء مسلوقة و باردة ، 1 فلان فانيلا ، نصف لتر حليب ، ياغورت بيسطاش و السكر حسب الذوق  ، تطحن اللوبية مع الحليب مع الحليب ثم تضيفي المقومات الأخرى و يقدم باردا .

-عصير البرتقال و الحامض و الموز : 5 البرتقالات بقشورها ، 1 حامضة تحكي القشرة و تقطعي اللب ديالها ، 2 موزات يكونو في المجمد و يتمرمدو في السنيدة و السكر حسب الذوق .

يقطع البرتقال و تحيدي ليه العظام و تطحني البرتقال مع الحامض مع الماء و تضيفي الموز في الأخير و يمكن اضافة 1 فاني حسب الذوق.

- البغرير : 3 الكيسان ديال العنبة من السميدة الرقيقة ، 4 المعالق من الفرص الجيد ، 3 الخمارات ، معلقة كبيرة من الخميرة و 5 الكيسان من الماء و الملح .

في طاوة تخلطي الكل ثم تخلطي في خلاط كهربائي حتى تطلع الكشكوشة ثم تضيفي الخمارات الثلاث مزيان و تخليه يخمر ، تسخني المقلاة و تديري البغريرة و فاش تطيب تغسلي المقلاة باش تبرد و تعاودي العملية مع كل بغريرة .

* ياسمين من بركان : عصير الالسويهلة // 1 لتر و نصف ماء فيه حامضة كبيرة أو 2 صغار ، نصف سويهلة ثم 5 أوراق النعناع و نطحنو 

2014-07-21 

اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة و هذه البعض منها : 
* بشرى من فاس : بليغات بالتمر// نصف كيلو زبدة ، كأس ماء الزهر ، 1 خمارة الحلوى و الدقيق حسب الخليط .
يجمع الكل و يكور و نخليوها شوية رخوة و رطبة ثم تطلق بالمدلك ، ناخذو التمر بلا غظم و يفور و تضيفي ليه القرفة و ماء الزهر ثم تديري كويرات بالعجين و تطلقيها دائرية و تعمري بالتمر على شكل عظيمات و تجمعي من 2 جوانب على شكل بليغة ثم تطيبي و تزيني بالسكر الكلاصي .
- فقاص مالح : نصف كيلو فرص ، 1 فرماجة مربعة ، ضامة البنة ، 2 معالق من الخل ، طرف الزبدة ، ملح و تجمع بالماء الدافئ ثم تسرحي العجين و تدهني بالهريسة ثم تلويها بالطول و تدخل للثلاجة و تقطعيه و تدخلي الفقاص للفرن .

* بشرى من بركان : الفقاص بالحبق الطري و اللوز // 125 غرام فرص ، نصف ملعقة صغيرة ملح ، نصف معلقة صغيرة من خمارة الحلوى ، 30 غرام من غبرة اللوز ، أبيض بيضة ، 5 المعالق كبار من الجبن الأبيض ، 2 معالق كبار من الحبق الطري .
في اناء يخلط الدقيق و الملح و الخمارة و غبرة اللوز مع الماء و نخليو العجين رطبة ثم نضيفو زيت الزيتون و الحبق ، تجمع على شكل قضيات بالطول و نخليوها ترتاح مدة 30 دقيقة ثم تديريها في الفرن ساخن لمدة 10 دقائق ثم تقطع بمقص و تدخليها تتحمر لمدة 10 دقائق من الجهتين .

* ايمان من اسفي : غريبة بدقيق الذرة // 4 البيضات ، 3 الكيسان من السكر ، زلافة الكوك ، زلافة من دقيق الذرة ، 2 خمارات ، زلافة الزيت ، 1 ليمونة محكوكة ناخذو القشرة أو العصير و الدقيق ديال الذرة حسب الخليط ، تجمعي و تكوري العجين ثم تفنديها في السكر كلاصي ثم تدخليها للفرن حتى تطيب .

* أم هبة من أصيلة : فقاص مالح // 500 غرام من دقيق الفرص ، 1 معلقة من الخل ، خميرة الحلوى ، كأس زبدة مذوبة ، 4 قطع من الجبن المربع ، ثوم محكوك ، ملح ، ابزار ، تحميرة ، معدنوس طري ، فرماج أحمر محكوك و الزعتر و يعجن الكل بالحليب ثم يعجن و من بعد يمكن تقسيه و اعطاء العجينة نكهات مختلفة ، ثم تلوي و تديري الحريبلات في الثلاجة ثم تقطعيها و تديريها في الفرن .
- شوصون مالح : عجين مورق ، علبة طون ، 100 غرام زيتون أخضر مطحون ، جبن ، بصلة مشحرة مع الابزار و الصلصة ، 2 بيضات مسلوقين و محكوكين ، 1 مطيشة مشحرة مع البصل و المعدنوس و الملح ثم تشحري الكل ثم تضيفي البيض .
تعمري الشوصون و تقطعيهم على شكل نصف دائري ثم تجمعي الجوانب و يطيبيهم في الفرن.

* أم دعاء من الحسيمة : عصير برتقال // 2 كيلو من البرتقال يقشر وواحدة نخليوها بقشورها ثم تنقيه و تقطعيه ، 2 حامضات مقشرين و مقطع أطراف و فاش يبرد تضيفي ليه 2 لتر من الماء و يطحن الكل و من بعد يمكن اضافة فواكه طرية أخرى حسب الذوق .

اليوم في حديث ومغزل مع سناء الزعيم تواصلو معانا مجموعة من المستمعات و قدمو لينا شهيوات مختلفة و هذه البعض منها :

* خولة من البيضاء : كيكة بالشكلاط // 4البيضات ، نصف كأس زيت ، 150 غرام سنيدة ، 100 غرام كاكاو ، 250 غرام دقيق ، 3 الخمارات و معلقة صغيرة من الخل أو الحامض .

تخلطي البيض مع السكر ثم تضيفي باقي المقادير تدريجيا ثم الكاكاو و في الغربال باش مايتكورش ثم الدقيق تدريجيا ثم الخمارات مع التحراك بالطراب ثم الخل و تدخليها للفرن ، يذوب الشكلاط في حمام مريم و تخلطيه مع القشدة الطرية و تدهني به الوجه.

* عيشة من قلعة السراغنة : كيكة بالشكلاط // 3 البيضات ، 1 كأس الحليب ، 2 خمارات ، 200 غرام من الدقيق ، 1 كأس سنيدة و ربع كأس زيت ، 2 معالق من الكاكاو و يخلط الكل باليد ، تتركي 1 كأس من الحليب مع 2 معالق من الكاكاو و تسقي به الكيكة فاش تخرج من الفرن.

البيتزا : رابعة من الدقيق ، معلقة من الخميرة ، ملح ، زعتر ، معلقة سنيدة ، زيت العود و تعجنيها و تبقى مطلوقة وفاش تخمر تعجن من جديد .

الصلصة : مطيشة ، زيت العود ، الزعتر و الملح و الابزار ، ثم تضيفي الطون أو الكفتة و الذرة و الفلفلة و الفطر و المورتديلا محكوكة و الزيتون الأسود و الفرماج ثم تدخليها للفرن.

*أم عادل من مكناس : كيكة الكوكوط // 3 البيضات ، 1 كأس سنيدة ، 1 كأس زيت ، 1 كاس حليب دافئ ، 2 خمارات ، 1فانيلا و الدقيق حسب الخليط و 3 معالق من الكاكاو للتزيين .

يخلط الكل تدريجيا مع الطراب و تتركي الحليب من بعد اضافة الدقيق و تقسمي العجين على 2 و تتركي النصف بيضاء و الاخر تخلطيه بالكاكاو .

تدهني الكوكوط بالزبدة و الدقيق و تهزي بملعقة شوية الخليط الأسود و شوية أبيض و تشدي الكوكوط و تخلها على نار مهيلة لمدة 45 دقيقة بلا صفارة .

- عصير البرتقال : 1 كيلو مندرين و تقطعيه مع لتر و ربع ماء و نصف كيلو سكر و يطيب مدة 45 دقيقة و فاش يبرد تطحنيه و تصفيه و تيجي عاقد .

* فاطمة من الصويرة : المسمن بالتفاح // الدقيق و الملح و شوية من الخمارة الحمراء و تعجن بالماء البارد و تدلك بالزبدة ذايبة .

يقشر التفاح و يقطع شرائح .

يتكرص العجين على شكل مسمن ثم تضيفي طريفات التفاح و تضيفي عليه شوية الزبدة و السكر كلاصي و تجمعيها على شكل مربع و تدهني الوجه بالزبدة و تدخليها للفرن.

* عواطف من بني ملال : عصير الحامض// 2 حامضات منقيين و 1 لتر ماء و نعناع و ياغورت و فانيلا و تطحنيهم في الطحان الكهربائي و تقدميه بالصحة و الراحة .

- كيكة بالفلان في 3 مراحل و ب3 طبقات : 2 بيضات ، 6 المعالق من الكاكاو ، 1 فانيلا ، 6 المعالق من الزيت ، 6 المعالق من الحليب و 6 معالق من السكر و 8 المعالق من الدقيق و 1 خمارة ، تطربي الكل تدريجا و تدخليه للفرن .

5 ياغورت طبيعي ، 2 أكياس حليب غبرة ، 2 معالق من سنيدة ، تطربيهم مزيان ثم تضيفيهم على الكيكة و تدخليها مجددا للفرن تكمل الطياب .

1 لتر حليب ، 2 معالق من الكاكاو و 2 معالق من القهوة سريعة الذوبان و 2 أكياس فلان الشكلاط و السكر حسب الذوق و يسخن على نار مهيلة و تسقي به الكيكة و تدخليها للثلاجة بالصحة و الراحة.

اليوم في حديث ومغزل مع سناء الزعيم قدمو لينا المستمعات مجموعة من الشهيوات و هذه البغعض منها : 

* نادية من مراكش : كيكة بالشكلاط // 5 البيضات ، كاس ونصف سنيدة ، 1 كأس زيت ، 3 الخمارات ، 1 كيس فاني ، 1 كأس حليب و الدقيق حسب الخليط ، تطربي الكل لمدة ربع ساعة ثم تعمليها في مول و تدخليها للفرن .

- الكراميل : 1 كأس زيت ، نصف كأس ماء ، 1 كأس سنيدة و نوضعوه فوق نار مهيلة و تحركي مع اضافة 3 المعالق من الكاكاو حتى يختر وفاش يبرد توضعيه في الثلاجة ثم تدهني به الوجه .

* جنان من سلا الجديدة : حلوى للمناسبات //4 البيضات ، 150 غرام من السكر ، 100 غرام دقيق ، 50 غرام كاكاو و خمارة ، تطيبي الكل من بعد جمعه في ورق الطبخ و نوضعوه في الفرن درجة حرارته مرتفعة .

-الكريمة : علبة القشدة الطرية ، 2معالق كبار من السكر كلاصي ، 1 فانيلا و تطربي  حتى يطلع و تزيدي 100 غرام من الشكلاط الأسود ذايب و تضيفي ليها ورق الجيلاتين مذوبة في الماء .

-الكلاصاج : 1 كأس سكر ، 1 كأس ماء يذوب الكل فوق العافية و نزيدو عليه 100 غرام شكلاط و تضيفي ليهم 2 حتى 3 المعالق من الكاكاو و نصف ورقة من الجيلاتين و تضيفيه على الحلوى و نخليوه يبرد.

 * مديحة من فرنسا : الكاطو معلك // 1 كيلو من الكاكاو مطحون بقشوره ، 1كأس سنيدة ، 1كاس زيت ، 1 كأس مربى البرتقال أو المشمش ، 2 خمارات ، 6 البيضات ، يخلط الكل و تبداي تجمعي بالكوك و تكرصيها على شكل غريبة ثم تفنديها في ماء الزهر و السكر كلاصي ثم نوضعوها في الفرن في البداية من فوق ثم فاش تفركع توضع في الوسط حتى تكمل الطياب .

- البانكيك مالحين : 1 بورو مقطعين دوائر أو على جوج ثم تشحريهم في الزيت و الملح والابزار و تضيفي الفلفلة الحمراء و أخرى خضراء و تشحريهم و تحكي شوية الزعتر .

3 البيضات ، 1ياغورت طبيعي ، 1 خمارة ، 100غرام فرماج أحمر محكوك و تخلطي الكل ثم تضيفي 2 كيسان طحين و تخلطي ثم في مول صغار على شكل كيكات و تدخليهم للفرن .

اليوم في حديث ومغزل مع سناء الزعيم تواصلو معانا المستمعات و قدمو لينا مجموعة من الشهيوات وهذه البعض منها : 

* مليكة من الفقيه بنصالح : حلوى نوار الشمس بنكهة الحامض // 4 البيضات ، 2 كيسان سنيدة ، 2 كيسان من الزيت ، 2 خمارات ،  فانيلا ، 2 حامضات بقشرتهم محكوكة و الدقيق حسب الخليط ، تخلطي الكل حتى يتجانس ثم تكريهم كويرات صغار ، تخلطي سنيدة مع فاني و تبداي تطبعي بعم الحلوى ثم تدخليهم للفرن لمدة 10 دقائق و فاش تبرد تدهني الوجه بالشكلاط الذايب أو الزنجلان أو الكوك .

* خديجة من سلا : فقاص // 6 البيضات ، 2 كيسان سنيدة ، 1 كأس زيت ، 1 كيلو فرص ، 2 خمارات و تدلكي مزيان .

تطربي بيضة مع كيس قهوة سريعة الذوبان و تدهني الوجه و ترسمي خطوط على الوجه ثم يطيب نصف طيبة ثم تغطيهم بمنديل فازك و يباتو و في الغد تقطعيه على شكل فقاص بالطول ثم تحمريه في الفرن يكون ساخن مسبقا .

*ثورية من تاونات : حلوى الكاوكاو // زبدة ، 4 البيضات ، 4 الكيسان زيت ، 4 الكيسان سكر ، 2 خمارات ، 2 فانيلا ، 10 دراهم كاوكاو بقشوره محمر و مهرمش ، تخلطي القوام و تعملي كويرات تفنديهم في أبيض البيض ثم في الكاوكاو و نطيبوهم في الفرن.

*رتيبة من الرباط : السفوف// 1 كيلو طحين محمر ، 1 كيلو زنجلان محمر و مهرمش ، 2 معالق كبار من النافع البلدي منيل و الزبدة مذوبة حتى تحمر تولي وردية و لكن بدون رغوة ، تخلطي الكل و تضيفي معلقة من المسكة الحرة و معلقة من القرفة و زلافة من السكر كلاصي و1كيلو لوز مفسخ و مسلوق و مقلي و مهرمش و تخلطي الكل و تقدميه بالصحة و الراحة.

*أنيسة من خنيفرة : محينشات باللوز // 300 غرام من اللوز مسلوق و مفسخ و يبات ثم يتطحن في الغد ، رابعة الشريحة مفورة و مطحونة ، 2 معالق كبار من الكاوكاو و 100 غرام من السكر كلاصي ، ثم تعمري الورقة بالحشوة و تدهني بأبيض البيض وتطيبي ثم تسقي بالكراميل : 180 غرام قشدة طرية و 250 غرام سنيدة  ، وفاش تبرد تقطعيها و توضعيها في كويغطات و تقدم بالصحة و الراحة.

اليوم في حديث ومغزل مع سناء الزعيم تواصلو معانا المستمعات و قدمو لينا مجموعة من الشهيوات المختلفة وهذه البعض منها : 

*وفاء من الناظور : حرشة بالحليب // نصف لتر حليب ، 1 كيلو سميدة رقيقة ، 1 خمارة حمراء ، 1كأس سكر ، 1كأس زيت ، سخني الحليب و تضيفي المقومات الأخرى و تخلطي الكل .

تدهني طبسيل الفرن و ترشيه بالسميدة و تسكبي الكل في جزء واحد كبير و تضيفي شوية الشكلاط مذوب في الوسط ثم تكملي سكب الخليط.

- مسمن : تعجني المسمن عادي ثم تكرصي الكويرات على شكل وردة ثم تقلي ثم ترشي بالكاوكاو أو اللوز.

*حنان من فرنسا : كراتان بالخضر // كل الخضر المتوفرة بالبيت تبخريهم بالملح و الكامون ثم تدهني المول بالزبد ، تطربي البيض مع القشدة الطرية و الفرماج و الابزار و الكامون و الملح و القليل من الجوزة و القزبر و المعدنوس و الزعتر محكوك ثم تسكبي الخليط فوق الخضر و ترشي الوجه بالفرماج و تخليه يتحمر في الفرن.

* صفاء من القنيطرة : غريبة السميدة // 6 البيضات ، 2 كيسان سنيدة ، حامضة محكوكة ، 2 كيسان زيت ، نصف كيلو كوك ، 2 خمارات ، رابعة السميدة رقيقة ثم تجمعيها على شكل غريبات و تفنديها في ماء الزهر و السكر كلاصي و تدخليهم للفرن .

*فاطمة من هولندا : كيكة بالخبز الكارم //الخبز ديال الشعير حتى يكرم أو طري يتحمر في الفرن و يتطحن ، 1 كأس لوز ، كاس الحليب ، كاس زبيب ، كاس دقيق ، كاس البيض ( 4 الحبات) ، 1 كاس خبز كارم مطحون ، 1كاس سنيدة ، 2 خمارات ، 1 فانيلا ، ملح ، تخلطي الكل و تدخليه للفرن معتدل لمدة 40 دقيقة ، ثم تدهني بالشكلاط أو المربى و تقدميه بالصحة و الراحة.

- نصيحة : الفواكه الطرية الى بقات تقطع و تدخل للثلاجة و ممكن عصر الحامض عليها و عند القيام بتحضير عصير ممكن استعمالها.

* فاطمة من اسفي : الحلوى ديال النخالة // نصف كيلو نخالة ، 6 البيضات ، 2 كيسان صغار من السكر ، 2 كيسان زيت ، 350 غرام من الكاكاو و 2 خمارات حمرين تخلطي الكل ثم تكوريها و تدخليها للفرن.

* نجاة من الجديدة : كرواصة مالحة // 1 كيلو الا ربع فرص ، ملح ، خميرة الخبز ، 3 المعالق من الزبدة ، زعتر محكوك ، معلقة من الخل ثم تخلي العجين تخمر .

الحشوة : رابعة من الكفتة ، نصف كيس من الشعرية الصينية ، بصلة مشلظة و محمرة في الزيت و الزبدة و الكامون و الابزار و الملح ، زيتون مقطع ، ربيع مكرض و شوية الحار .

تسرحي الالعجين و تعمريها بالحشوة و الكفتة تطيب في العجين و تجمعيها من الأطراف و الوسط على شكل كرواصة و تدهني الوجه بأصفر البيض و تدخليهم للفرن بالصحة و الراحة .

اليوم في حديث ومغزل مع سناء الزعيم تواصلو معانا المستمعات و قدمو لينا مجموعة من الشهيوات المختلفة وهذه البعض منها : 

*وفاء من الناظور : حرشة بالحليب // نصف لتر حليب ، 1 كيلو سميدة رقيقة ، 1 خمارة حمراء ، 1كأس سكر ، 1كأس زيت ، سخني الحليب و تضيفي المقومات الأخرى و تخلطي الكل .

تدهني طبسيل الفرن و ترشيه بالسميدة و تسكبي الكل في جزء واحد كبير و تضيفي شوية الشكلاط مذوب في الوسط ثم تكملي سكب الخليط.

- مسمن : تعجني المسمن عادي ثم تكرصي الكويرات على شكل وردة ثم تقلي ثم ترشي بالكاوكاو أو اللوز.

*حنان من فرنسا : كراتان بالخضر // كل الخضر المتوفرة بالبيت تبخريهم بالملح و الكامون ثم تدهني المول بالزبد ، تطربي البيض مع القشدة الطرية و الفرماج و الابزار و الكامون و الملح و القليل من الجوزة و القزبر و المعدنوس و الزعتر محكوك ثم تسكبي الخليط فوق الخضر و ترشي الوجه بالفرماج و تخليه يتحمر في الفرن.

* صفاء من القنيطرة : غريبة السميدة // 6 البيضات ، 2 كيسان سنيدة ، حامضة محكوكة ، 2 كيسان زيت ، نصف كيلو كوك ، 2 خمارات ، رابعة السميدة رقيقة ثم تجمعيها على شكل غريبات و تفنديها في ماء الزهر و السكر كلاصي و تدخليهم للفرن .

*فاطمة من هولندا : كيكة بالخبز الكارم //الخبز ديال الشعير حتى يكرم أو طري يتحمر في الفرن و يتطحن ، 1 كأس لوز ، كاس الحليب ، كاس زبيب ، كاس دقيق ، كاس البيض ( 4 الحبات) ، 1 كاس خبز كارم مطحون ، 1كاس سنيدة ، 2 خمارات ، 1 فانيلا ، ملح ، تخلطي الكل و تدخليه للفرن معتدل لمدة 40 دقيقة ، ثم تدهني بالشكلاط أو المربى و تقدميه بالصحة و الراحة.

- نصيحة : الفواكه الطرية الى بقات تقطع و تدخل للثلاجة و ممكن عصر الحامض عليها و عند القيام بتحضير عصير ممكن استعمالها.

* فاطمة من اسفي : الحلوى ديال النخالة // نصف كيلو نخالة ، 6 البيضات ، 2 كيسان صغار من السكر ، 2 كيسان زيت ، 350 غرام من الكاكاو و 2 خمارات حمرين تخلطي الكل ثم تكوريها و تدخليها للفرن.

* نجاة من الجديدة : كرواصة مالحة // 1 كيلو الا ربع فرص ، ملح ، خميرة الخبز ، 3 المعالق من الزبدة ، زعتر محكوك ، معلقة من الخل ثم تخلي العجين تخمر .

الحشوة : رابعة من الكفتة ، نصف كيس من الشعرية الصينية ، بصلة مشلظة و محمرة في الزيت و الزبدة و الكامون و الابزار و الملح ، زيتون مقطع ، ربيع مكرض و شوية الحار .

تسرحي الالعجين و تعمريها بالحشوة و الكفتة تطيب في العجين و تجمعيها من الأطراف و الوسط على شكل كرواصة و تدهني الوجه بأصفر البيض و تدخليهم للفرن بالصحة و الراحة .