حسوة البلبولة الغنية عن التعريف كتجي بنينة و في نفس الوقت مفيدة بزاف خصوصا اللي يحب يزيد في الوزن ما عليه غير يفطر بيها كل صباح اغادي يشوف النتيجة.
المهم نحتاجو:
كاس و نصف بلبولة منقية نرطبوها في الماء الكافي تقريبا 3 سوايع ,بصلة متوسطة مقطعة رقيق ,ملح ,نصف ملعقة صغيرة كمون ,3ملاعق كبيرة زيت الزيتون ,زعتر ,حليب.
(المقادير تعطي 6 الى 7 زلايف)

نقليو البصلة مع الملح و الكمون و زيت الزيتون مزيان حتى تذبال
من بعد ما تقلات البصلة مع التوابل نرويو بالماء الساخن انخليوه حتى يغلى عاد نضيفو البلبولة من بعد ما نكونو غيرنا ليها الماء اللي رطابت فيه او كيفما كيقولو نغسلوها 3 الى 4 مرات نصفيوها عاد نزيدوها على الماء الغليان انخليوها تطيب على خاطرها مع التحريك مرة مرة واضافة الماء الى ختارت ا ما زال ما طابت.

ملي نذوقوها انلقاوها طابت اختارت نضيفو ليها الحليب و الزعتر المطحون يغلى شوية الحليب و هاهي واجدة ♥