طاجيني بنين بنا منقولكش دخلي ذوقي إوا قولي بسمالله بالصور
هاد طاجين تيجي بنين بزااااف حبيت نتقسام خطواتو مع
ناس لي ماتينجاهش ليهم
أول حاجة نبدو ب ماقدير
بنسبة ليا ستعمالت طاجين صغير
حتاجيت
بصلة
طماطم
بطاطس
ثوم
جزر
زيت زيتون
دجاج أو لحم لي متواجد
معدونس وكزبرة
ولتوابل سوف نحتاج ب إذن لله
إلى ملح
إبزار
كركم
سكينجبير
قليل من سمن أنا معنديش ستخدامت غير ضمة البنا سمن
ندوزه دبا لطريقة
تانخد أولا قليل من ملح وتانفرشه ف طاجين أولا بش مايتحرقشي أنجع واحسن من نفرش جزر أو عويدات كرفس أو معدونس
فلاستعملنا ملح فب هاد طريقة تانكونو أكيدين أنو ماراديش يتحرق لينا
تانية لملح تايلداد طاجين ب طريقة راهييييييييييييييييييييبا ولتجربة خير برهان إنشالله
تنعمل ملح أولا ثم بصيلة مشلدا
ونخليوها تقلى شويش ف وقت لي لي نكونو قبل موجدين دجاج مشرمل ب توابل وخليناه يشربهم
من بعد ماتدبال بصيلة تنضيف قطع لحم لكانت شبعة ب توابل
ونزيدوولها بصلة شنانف
وشوية كزبرة ومعدونس نضيف خضر لي حبينا
أنا ستعمالت جزر قطعتي على شكل أهرامات و وضعته وسط طاجين ودورت عليه ب بطاطس
وزيتون وطماطم من فوق
شكل أيا وهدا تبارك لله تقدر تبدع فيه
وراشيتتت عليه من فوق شوية ملح وبزر بش نلدد بطاطس لعنها تتعجبني ملحة
أنا من عادتي متانديفش لماا ل طاجين تانخاليه يطيب ف ماي لي ردي تطلق لخضر فقط بش تيجي عاقد ولذيذ
إلا لكان عندي مرق دجاج أو مرق لحم متبلين تانديفله شوية من جوانب فقط وغير شوية
و فى لاخر تنضيف خيط زيت زيتون أو أركان
تيجي شهوة منو إذا لاحضتو مستعملتش زيت
لاني ماكنتيبش بيه من وقت قريت على أضرار
لي فيه
ومع ذلك لا يلصق بفعل لملح لي تكلمنا عليه ف أول
وتانغطي عليه يطيب على خاطره تنعمل غير عوينة صغيرة ف البوطى وتنزل حتى تبقى خفيفة فحال شمعة وتنحط فوقها مقلة تقيلة ديال وجدة
وتنحط فوقها طاجين بش توسع لينا حرارة ويطيب مزيان وف نفس وقت مييشقش
ولا كنت مزروبا عليه تانغاتيف ب بلاستيك بيضا أو أي ميكا تانغلفه عاد تنحط قفله فوق
وتيجي بنين نتمنى نكون فدتكم ولو ب لقليل
بصحة وراحة
الثلاثاء سبتمبر 19, 2017 1:39 am من طرف 
موضوع: أسرار نجاح طاجيني وسر اللذة لي فيه بالصور التفصيلية إنشالله 
