السلام عليكم ورحمة الله وبركاته

بإذن الله سنفتتح الجزء الثاني   من موضوع الوصفات المطبخية الناجحة لخبيرة الطبخ هدى اليداري 
الحمد لله والفضل لله وبعده الفضل للاخوات  المميزات اللي ساهمو في انجاح  الجز الأول  بوصفاتهم لي نجحت ليهم أو مزال مجربوهاش  
المهم استقوها من لسان هدى اليداري
 اللي مبخلوش علينا بيها وصلنا لهاد الجزء
اللهمل اجعله مجمع خير لنا واجمعنا في الفردوس الاعلى ان شاء الله
اختي متحشميش وزيدي برجليك اليمين وورينا اش جربتي سواء ا من برنامج شدى م دياك شهيوات مجربة ولذيذة  او من اي برنامج مطبخي شاركي حتى تعم الفائدة 

هنا رابط الجز الأول لكل من فاتته أي وصفة

http://www.lalaboutayna.com/t6080-topic

السردين كواري - هدى اليداري
كيلو السردين يتنقى و يتصفى مزيااان و يتطحن + م ك الربيع + عصير نص حامضة + 3 ثوم ممعوس او مدقوق + نص م ص سكينجبير + ربع م ص قرفة + ملح + ابزار + نص م ص من عطرية اللحم + م ص طحميرة + م ص كامون
يتخضر اما بالخضرة او صلصة الطماطم
عطرية اللحم :
3 حبات القرنفل مدقوق + م ك بسيبيسة + م ك قعقلة + م ك ظهر الفلفل + م ك لسان طير عطرية + م ك القرفة + م ك سكين جبير + م ك خرقوم بلدي + م ص نويورة + 1 كوزة صغيرة + نص م ص كوزة صحراوية + شوية زعفران حر + 3 حبات مسكة حرة + م ص زنجلان + م ص بودرة اللوز
الطريقة
نخلطو الكفتة ديال السردين و بالعطرية و نخليها نصف ساعة
ونديرو كويرات وممكن اضافة حبات الروز ايلا كان مع الخضرة
نديرو مقلة فيها 4 م ك الزيت عادية و بصلة محكوكة غليظة + 2 ثوم + و نخليها تقلى مزيان على نار متوسطة حتى تعلك مزيان و نضيف عليها الكويرات بلا ما نحرك و نغطي المقلة و نخليها 4 دقايق مرة مرة نحرك المقلة من يديها
ناخد طاجين ندير في القاع ديالو م ص زيت + 2 متوسطين مطيشة دوائر +
نصلقو بطاطا 2 او 3 دقايق
خيزو دوائر نص طيبة 5 دقايق بعد الغليان اصلا خصو يكون في ماء مغلى
نضيف فوق مطيشة خيزو
في زلافة صغيرة نديرو الشرمولة : م ك الربيع او 2 + 2 ثوم او ربع م ص ثوم غبرة + م ص طحميرة + م ص كامون + عصير نص حامضة + ملح + 2 م ك زيت بلدية تخلك وناخد منها م ك و نديرها فوق الخيزو
ونضيف فوق منو بطاطا وممكن اضافة الفلفلة ونضيف مطيشة كبيرة و نحكها ونضيف فوق منها السردين + طريفات الحامض اخضر + نص حامضة مرقدة ونضيف الشرمولة مخلطة مع ربع كاس الماء . بدون ماء + وممكن اضافة الزيتون اخضر او احمر على نار مهيلة مدة نصف ساعة حتى يتعلك ممكن حتى ساعة


السردين مع صلصة الطماطم - هدى اليداري
4 مطيشة كبيرة و نحكوها بالما ديالها في طاجين + 2 سيدنا موسى + 2 م ك زيت و نشحرها شوية + الربيع + م ص طحميرة + نص م ص كامون + ابزار + م ص مطيشة الحك و نقليها شوية + ربع كاس الماء و نقلي حتى تعلك + السردين و نرشهم بشرمولة الخضر اللي حضرنا الفوق : نحضرو غير النص ديالها و نسق سبيها السردين + دوائر الحامض + الحامض مصير








بسبوسة - هدى اليداري
3 كيسان سميد رقيق + كاس الكوك + كاس الا ربع زبدة دايبة + كاس الليمون + ياغورت طبيعي او فاني + خمارة + بيضة وحدة + قبصة الملح + كاس سنيد ة + م ك كونفتير الليمون و نخلط + ونديرها في لاطة مدهونة بالزبدة و السميد و دار في لاطة صغيرة
مللي تخرج تسقى بكاس الليمون مع نص كاس سنيدة + م ك كونفتير او الكليكوز على نار حتى يغلى ونرش بالكوك وممكن نزوق باللوز






حرشة حلوة - هدى اليداري
نص كيلو السميد ناقص نص كاس + كاس ونص سنيدة + م ك كونفتير + ربع كاس زيت + م ص زبدة +مرخوفة + خمارة + فاني + نص ايطرو الحليب بارد
السميد و سنيدة مع الزيت و الملح قبصة + كونفتير + الحليب
تاتجي خفيفة غير تخلط تدخل الفران في مقلة تقيلة مدهونة بالزيت و السميد رقيق
مللي تخرج نسخن 2 م ك كونفتير يسخن شوية و تدهن بيه و ترش بالكوك
اضافة : ايلا بغينا نديروها بالكوك نقصو كاس و ندير في بلاصتو كاس الكوك + 2 م ك الكونفتير
ممكن نخلطها كدلك بنصف ايطرو ديال الليمون او نصف ايطرو مخلط ما بن الليمون و الحليب
ممكن اضافة حبيبات الزبيب او اللوز او الشكلاط و سط الخليط










العدس - هدى اليداري
العدس يترقد قبل بليلة .... 2 حبات خيزو محكوك + 1 كرعة خضرا محكوكة + بصلة صغيرة مشلظة رقيقة + في طنجرة مع زيت + 1 ثوم و يتقلى + 2 مطيشة محكوكة + نص م ص سكين جبير + الملح + نص مص طحميرة نص م ص الكامون + ابزار + شوية خليط الزعفران + نص م ص عطرية اللحم
نخليه يتقلى و نضيف + نص م ص مطيشة الحم + 2 م ك الربيع مللي يتقلى مزيان على نار مهيلة 10 دقايق نضيف الماء و نسد الكوكوط تقريبا 20 حتى 30 دقيقة
مللي يطيب كنزيد زيت العود و الكامون في الاخير و النار مطفية

اللوبيا - هدى اليداري
رابعة اللوبيا مرقدة ليل كامل
بصلة كبيرة مشلظة رقيقة + 2 ثوم + ربع كاس زيت زيتون + تقلى شوية 5 دقايق على نار هادئة + 2 حبات مطيشة كبيرة محكوكة بالزريعة + 2 م ك ربيع + نص م ص طحميرة + نص م ص كامون + م ص هريسة + نص م ص عطرية اللحم + نص م ص سكين جبير + 1 ورقة سيدنا موسى و نخليها تقلى + زعفران + ونضيف الما اللي يطيب اللوبيا + تمرة و نديروها في كوكوط 25 دقيقة
غير طيب نطفي البوطة و نضيف قزبر + زيت العود و الكامون







حرشة ديال الزنقة - هدى اليداري
نص كيلو السميد رقيق + 2 خمارو + كاس الا ربع الزيت + 3 م ك سنيدة + شوية الملح ماشي غير قبصة + الماء بارد من الروبيني
في الاول نبسبس السميد مع سنيدة و الزيت و الخميرة و الملح و نخلطها بالاصابع و خص العجين يكون خفيف
ندهن المقلة الثقيلة او ديال الكريب بالزبدة و ندير الطابع و نفندها في السميد رقيق و نطيبها على الجهتين






كونفتير ديال الليمون
كيلو الليمون كبير يتنقى + 2 ليمونات بالقشرة +
كولشي يتقطع و يدار في طنجرة + كيلو الا ربع سنيدة + اللي بغى الكونفتير خفيف يدير غير رابعة ديال سنيدة و 2 م ك البيكتين + م ك عصير الحامض + ونخلط كولشي و نخليه مدة ساعتين بدون نار
من بعد نديروه فوق النار نخليه بينما يغلى و من بعد ما يغلى 20 دقيقة على نار متوسطة و نخليه يطيب
من بعد نخليه يبرد و نطحنوه
ايلا بغيناه طريفات نطحنو النص ديالو في طحانة يدوية و نخلطوه
بغيناه خفيف كلون طحنوه كلو في الطحانة اليدوية و نرجعوه للنار مدة ربع ساعة على نار مهيلة بينما يتعلك غير يغلى و نخليه ربع ساعة و نحيدوه







الكونفتير ديال المشماش – هدى اليداري
1 كيلو ديال ديال المشماش تنقى و تقطع و يتصفى + نص كيلو سنيدة + 3 م ك عصير الحامض + م ص لابيكتين و نغطيو الاناء و نخليه ساعتين و من بعد نديرو فوق النار مدة معينة من بعد الغليان و مللي يبرد نطحنوه





الكونفتير ديال التفاح – هدى اليداري
1 كيلو ديال التفاح تنقى و تقطع و يتصفى + نص كيلو سنيدة + 3 م ك عصير الحامض + م ص لابيكتين و نغطيو الاناء و نخليه ساعتين و من بعد نديرو فوق النار مدة معينة من بعد الغليان و مللي يبرد نطحنوه





الكونفتير ديال البرقوق – هدى اليداري
1 كيلو ديال البرقوق تنقى و تقطع و يتصفى + نص كيلو سنيدة + 3 م ك عصير الحامض + م ص لابيكتين و نغطيو الاناء و نخليه ساعتين و من بعد نديرو فوق النار مدة معينة من بعد الغليان و مللي يبرد نطحنوه





الكونفتير ديال الفريز او الفراولة – هدى اليداري
1 كيلو ديال الفريز او الفراولة تنقى و تقطع و يتصفى + نص كيلو سنيدة + 3 م ك عصير الحامض + م ص لابيكتين و نغطيو الاناء و نخليه ساعتين و من بعد نديرو فوق النار مد
ة معينة من بعد الغليان و مللي يبرد نطحنوه

الخبيزة او البقولة - هدى اليداري
نجيد البقولة 2 قبطات نغسلها و ندير معها الماء و الخل و نخليها 10 دقايق
و نشللها مزيان و تصفى و تقطع و دار في كوكوط مع 5 ثوم مدقوقين + 4 م ك زيت + م ك الربيع + ملح غير قبصة + كاس صغير الما و نخليها طيب من ربع ساعة الى نصف ساعة على نار هادئة
نحل عليها و ناخد مقلة فيها نصف كاس زيت زيتون + 1 ثوم او ربع م ص ثوم غبرة + زلافة صغيرة الربيع او 3 م ك + هبرة نص حامضة مرقدة مغسولة مزياان من الملح و نحرك شوية + م ص طحميرة + م ص كامون + عصير نص حامضة + شوية القزبر يابس و نحرك يتقلى شوية 2 دقايق و تضاف البقولة + نص م ص الهريسة و نخليها طيب على نار مهيلة نص ساعة حتى تنشف و تعلك .







مايونيز - هدى اليداري
2 بيضات + 3 او 4 فرماج + م ص خل + كاس الا ربع الزيت + ربع م ص او نص ديال الموطارد + قبصة ملح + ابزار
في كاس العصير نخلطو كولشي و نبدا نضيف الزيت شوية بشوية حتى يعقاد
ممكن نسم المايونيز بضرس ديال الثوم اثناء التخلاط في الخلاط الكهربائي
او شوية القزبر بوحدو اثناء الخلط
او شوية الزعتر او شوية الزيتون اسود او اخضر - لكن في عوض م ص الخل نديرو نص م ص عصير الحامض





عصير الصومو او الخوخ - هدى اليداري

نص كيلو خيزو يتلص في ايطرو الما + قبصة ملح + فاني
ما نصفيهش ناخدو بالما و نطحنوا مع رابعة السكر + ياغورت خوخ + 3 او 4 حبات خوخ + 2 ايطرو الما + م ص خميرة العصير


مادلين - هدى اليداري
نص رابعة الزبدة دهنية نباتية + كاس سنيدة + فاني + 4 بيضات + شوية الخل
يتطربو ....
نص كاس عنبة عصير البرتقال نطرب مزيان + 2 كاس عنبة الدقيق + 2 م ك النشا + او نص كاس الفورص + نص كاس بودرة اللوز + 2 خمارات
نخلط و نضيف الدقيق مع الخميرة يتغربلوا و نخلط
و نديرهم في كويغطات بلا ما نعمرهم و نقدر نضيف شوية الكونفتير الفوق و ندخلهم الفران



كرتان بالبطاطا – هدى اليداري
نصف كيلو بطاطا دوائر ترش بالملح و تبخر غير شوية
النص ديال البطاطا يتستف ونديرها في مول الزجاج غير مدهون
نخلط : 2 م ك زيت عود + عصير نص حامضة + ملح + ابزار نشحروه في مقلة مدة دقيقة
ناخدو نصف الخليط ونخويه فوق البطاطا

ناخد شوية الكفتة مشحرة مع ملح ابزار و زيت و نضيفها فوق البطاطا و نرجع نستف البطاطا الباقية و ندير فوق منها الشرمولة اللي بقات
ناخدو نصف علبة ديال القشدة الطرية او صوص بيشاميل و نحك الفرماج و ندحلها الفران .


اللوبيا بالدجاج - هدى اليداري
نص كيلو اللوبيا كنصلقوها مع الملح و عصير نص حامضة او تبخر مع الملح بوحدو
دجاجة : نحك عليه بصلة صغيرة + 2 ثوم + م ص زبدة + 2 م ك زيت عود + نص م ص عطرية الدجاج + نص م ص سكينجبير + نص م ص موطارد اختياري + عصير نص حامضة + خرقوم + او نص ضامة زعفران + ابزار و شوية الهريسة بدون ملح
نخلطو مع الدجاج و نتقبوه و يترقد ساعة
لاطة الفران اما فيها ورق الطهي اما ندهن اللاطة بالزبدة و نستف فيها الدجاج و نخليه يطيب ساعة تقريبا - الفران يتشعل غير من لتحت
نحطو وسط طبق التقديم و ندير اللوبيا في الجوانب من بعد ما نكون شحرتها مع 2 م ك زيت عود + ربيع + ثوم 1 او ثوم غبرة + ملح و ابزار و عصير نص حامضة و تشحر
ممكن نستعمل البروكولي او الشيفلور او السبانخ مشحرين

حلوى الكوك - هدى اليداري
3 ابيض بيض + 150 غ سنيدة + 1 فاني + نص خمارة الحلوى + 250 غ الكوك +1 م ك الفورص + نص ساشي فاني + قبصة ملح
نطرب ابيض البيض + الملح و نطربو بطراب كهربائي حتى يولي بحال الثلج + سنيدة و يتطرب بملعقة خشب + الكوك و يتطرب + الفورص و الخمارة
+ فاني و نديروها في جيب حلواني و نخرجها وريدات و نزوقها بطريفات البنان كونفلي او قشرة الليمون معسلة و ندخلها الفران بارد تقريبا ربع ساعة .
ممكن عدم اضافة الخميرة للحفاظ على شكل الوردة


حلوى ديال النخلانة و الزنجلان - هدى اليداري
نص كيلو الزنجلان يتنقى و يتحمر و يتطحن + رابعة ديال النخالة الرقيقة + 2 م ك الكونفتير او م ك الكليكوز + م ك زبدة مرخوفة + 4 او 5 بيضات على حسب اشنو يجمع العجين + م ك ماء زهر + خمارة او خمارة و نص + فاني . 150 غ سكر كلاصي للعجين
ناخدو الزنجلان من بعد ما تحمر و تطحن + نخالة + سكر كلاصي + كونفتير + الزبدة + ماء زهر + خميرة + فاني + و نبدا نضيف البيض وحدة بوحدو مع التخلاط
نكوروها و نفندوها في سكر كلاصي سبيسيال
ندخلها الفران سخون شوية واحد 10 دقايق حتى تشقق من الفوق

الكريمة ديال البصطيلة بالكريم باتسيير و اللوز - هدى اليداري
طريقة الكريمة : ايطرو الحليب ندير فيه 2 م ك الما زهر + 2 م ك سكر كلاصي و يدوب مزيان او في بلاصة السكر ندير 100 غ ديال عقدة اللوز
و ندير الحليب يغلى
ناخد علبة ندير فيها 3 م ك النشا + كاس سنيدة + فاني + 2 اصفر بيض يتطرب مزيااان و مللي يغلى الحليب نبدا نضيف و انا كنطرب فوق النار على نار هادئة حتى يتقال + م ك الزبدة
نحطو يبرد و مللي يبرد + نص كاس قشدة طرية تقيلة او ياغورت كريمي بسكر او بدون بحال بحال
ندهن الورقة ديال البصطيلة بالزيت و نرش عليها شوية سكر كلاصي و نحط فوق منها ورقة اخرى ديال البسطيلة و ندهنها من الفوق و ندخلها تحمر في الفران - تقريبا نحمرو 3 طبقات فأكثر
مللي يخرجو ناخدو طبسيل التقديم نحط الورقة الاولى و ندير الكريمة في الجيب الحلواني او في بلاستيك متقوب و ندير الكريمة على شكل وريدات حتى نغطيوها كاملة و نرش اللوز مقلي و مهروش و ندير الوقة الاخرة فوق منها بدون ظغط و هكدا دواليك
اخر ورقة من الفوق يكن فيها الكريمة و اللوز



اللوبيا - هدى اليداري
رابعة اللوبيا مرقدة ليل كامل
بصلة كبيرة مشلظة رقيقة + 2 ثوم + ربع كاس زيت زيتون + تقلى شوية 5 دقايق على نار هادئة + 2 حبات مطيشة كبيرة محكوكة بالزريعة + 2 م ك ربيع + نص م ص طحميرة + نص م ص كامون + م ص هريسة + نص م ص عطرية اللحم + نص م ص سكين جبير + 1 ورقة سيدنا موسى و نخليها تقلى + زعفران + ونضيف الما اللي يطيب اللوبيا + تمرة و نديروها في كوكوط 25 دقيقة
غير طيب نطفي البوطة و نضيف قزبر + زيت العود و الكامون




الفول مشرمل - هدى اليداري
ناخدو نص كيلو الفول و نفلحوه في الراس ديالو
الشرمولة : مطيشة كبيرة محكوكة بالزريعة + زيت زيتون + 2 ثوم + الربيع + يتقلى مزيان + م ص طحميرة + كامون + الفول يتقلى حتى هو + الماء ماشي بزاااف + نص م ك مطيشة الحك
مللي يقرب يطيب + نص حامض مرقد و نخليه يطيب
مللي يطيب نطفي البوطة + عصير نص حامضة + راس م ص كامون




كريمة الحامض - هدى اليداري
نضيف م ص في بكية ديال الكريم باتيسيير محايدة مع الحليب
نصاوبها بروح الحامض او لاروم ديال الحامض هي اما سائلة او على شكل عجين
كاس عصير الحامض + كاس ديال الما دافي يتخلطو نسخنهم على نار عالية و نبدا نضيفو على هاد الخليط
الخليط : 2 اصفر البيض + م ك النشا + نص قشرة حامضة او شوية ديال روح الحامض + 4 م ك او 6 ديال سنيدة + نص فاني و نخلطوهم مزيان
و في الاخير نرجع كولشي للكاصرونة و نخليه يعقاد + م ص زبدة
ايلا بغينا نكهة خاصة : ممكن تعويض السكر كامل ب نصف علبة ديال الحليب المركز المحلى







القاعدة الاساسية ديال الكونفتير - الفريز – المشماش – التفاح البرقوق – هدى اليداري
كل كيلو ديال الفاكهة تنقى و تقطع و يتصفى + نص كيلو سنيدة + 3 م ك عصير الحامض + م ص لابيكتين و نغطيو الاناء و نخليه ساعتين و من بعد نديرو فوق النار مدة معينة من بعد الغليان و مللي يبرد نطحنو







الخبز بالطحين ديال الشعير - هدى اليداري
2 زلايف طحين الشعير + زلافة الفورص او طحين القمح فينو + م ك الحليب غبرة + مليحة + م ص الزبدة + م ك الخميرة + نص ساشي الحلوى
شوية السكر + ممكن اضافة م ك الكامون حبوب او مطحون + الماء سخون للعجين خصو يطلع خفيف
ممكن نجمعوه بكاس صغير ديال اللبن و نكملو بالماء
ويخمر و يمشي الفران






بصطيلة السردين - هدى اليداري
الشرمولة : 2 كيلو السردين مطحون بلا قشرة – يتطحن في الطجونة اليدوية باش تحيد القشرة + م ك الربيع + شوية ثوم غبرة نص م ص + ملح + عصير حامضة + م ص طحميرة + م ص كامون + م ص عطرية اللحم + نص م ص القرفة + م ص سكين جبير + نص م ص قزبر يابس نخلطو كولشي و نخليه راقد
الحشوة : 2 بصلات كبار مشلظين رقاق + 3 ثوم + نص كاس زيت عادي + 2 وراق سيدنا موسى تقلى مزيان + علبة الشمبينيون مصفية من الما اختياري + علبة الصوجا اختيارية + م ص الهريسة و نخلط و نخليه يتقلى 10 دقايق على نار هادئة + عطرية الحوت
العطرية ديال الحوت : نص م ص طحميرة + ربع م ص ابزار + 2 م الربيع + ضامة السمك .
+ السردين شوية بشوية و نغطي الطنجرة بلا تحرام و بلا ماء على نار عالية و نغطي الطنجرة مدة 3 دقايق عاد نبدا نحرك
غير تقبط الكفتة في راسها نضيف بكية كبيرة ديال الشعرية الصينية مرقدة و مصاوبة + 3 م ك صلصة الصوجا الثقيلة + نحرك مزيان حتى يندمج الخليط
ومللي طيب نخليها تبرد
نرجعو ناخدة زلافة صغيرة نصاوب فيها الشرمولة : 2 م ك الربيع + عصير حامضة + 2 م ك زيت زيتون + نص م ص مطيشة الحك + ربع م ص الكامون + شوية الهريسة + شوية القزبر يابس و نخلط كولشي مع الخليط الاول و نخلطو بيدينا
و من بعد نعمرو البصطيلة

لازان بالكفتة – هدى اليداري
اوراق لازان تصلق في الماء مللي يغلى + م ك زيت + ملح + ورقة سيدنا موسى + 1 ثوم 6 دقائق او 7 .... حتى ترخى
نصلقو كل 3 او 4 بوحدهم و يتخالفو في الحطة ديال الصليق باش ما يلصقوش
مللي تصلق نغسلها بالما بارد
ونديرهل في شبكة و نحطها فوق منديل نظيف
الصلصة بولونييز : بصلة كبيرة مشلظة رقيقة بزاف + 3 م ك زيت + 1 ثوم + ملح و نخليها تقلى مزيان + خيزوة و كرعة خضراء و ممكن لفتة محكوكة في حكاكة رقيقة + و يتشحرو مزيان + 3 مطيشة محكوكة بالزريعة + الربيع و نغطي الطنجرة و نخليها تقلى 10 دقايق حتى دوب مطيشة
رابعة كفتة في مقلة + 2 م ك الماء بدون زيت و نصوطيها و نضيفها على الصلصة
+ م ك مطيشة الحك نرخفوها في شوية الماء + العطرية م ص طحميرة + نص م ص كامون + ابزار + راس م ص عطرية اللحم نحرك كولشي و نخليه 5 دقايق حتى ينسجم الخليط و يولي خاتر و نطفي البوطة + م ك زيت العود و نخليطها
نجيب المول مدهون بالزبدة و نستف لازان على القاعدة ديال المول و نغطيها بالحشوة و نضيف لازان الاخرى و ندير عاود الحشوة و نضيف لازان حتى نكمل 3 او 4 طبقات
صلصة البيشاميل خفيفة : نسموها بالقزبر + الملح + ابزار + ثومة غبرة + كوزة غير قبصة
نصف لاصوص بيشاميل كنديرو فوق الكفتة ديال الطبقة الثانية و في الاخير نضيف النصف الثاني مخلط مع بيضة كاملة و شوية فرماج محكوك و نخويه الفوق و ندخلو الفران 10 دقايق و يكون الفران سخون شوية











الدجاج محمر - هدى اليداري
الدجاجة + م ك فورص + نص عصير حامضة و نخليه 5 الى 10 دقايق ومن بعد كنبدا نقيه
نغسلوه بالماء و + بصلة صغيرة محكوكة + شوية سكينجبير + شوية الملح ماشي بزاف + عصير نص حامضة و نخليه 5 او 10 دقايق من بعد كنغسلوه و نديروه في ماء غازي ابيض كاس كبير و نخليه 10 دقايق
ما نعاودش نغسلو من الماء الغازي وكنصفيه و نخليه يطلق تقريبا ساعتين

عطرية الدجاج : ناخدو بانيو و ندير فيه م ك الربيع مدقوق او مقطع رقيق بزاف + 2 ثوم + عصير نص حامضة + نص م ص السمن + نص م ص سكينجبير + نص م ص عطرية الدجاج + زعفران حر + نص ملون بدون ملح نضيف فقط هبرة نص حامضة مرقدة + راس م ص ابزار + ربع م ص الهريسة + خرقوم بلدي راس م ص + عود القرفة صغير + ربع كاس الما ونخلط وممكن اضافة م ص ديال البصلة يابسة او غبرة وندهن الدجاجة من برا ومن لداخل و من تحت الجلدة و نتقب الصدر بالقضيب او عود السنان و ترقد عل الاقل ساعتين او اكثر حتى ليلة كاملة ماشي مشكل .
كنربط الدجاجة بخيط ديال الخنشة ديال الدقيق من بعد ما نغسلهم و ندير ليهم الما و الخل و نربط بيهم الرجلين و ندورهم على الدجاجة كاملة و نربط في الاخير اليدين يعني كنكمطها بحال الطفل الصغير .
ونقليه في الما ديالو بدون زيت ومن بعد ما يتقلى نضيف كاس الما كبير في جناب الطنجرة ونغطي الطنجرة و نخليه يطيب ربع ساعة حتى 20 دقيقة
ناخد 3 بصلات كبار مشلظين رقاق نديرهم في كوكوط + 4 او 5 م ك الزيت + 1 ثوم + شوية عطرية الدجاج + ملح + ابزار تقلى شوية و من بعد نضيف عليها كاس الما ديال العنبة و نسد الكوكوط علة نار مهيلة و من بعد غير تصفر الكوكوط بشوية نحلها و غادي نلقاها طابت ونضيفها من بعد على الدجاج + ربع كاس الزيت + قشاوش الدجاج من بعد ما نديرهم يغلاو في الما مع طريف الحامص + 1 ثوم صحيح
ونخليه يطيب ربع ساعة اخرى
نحيد الدجاج من بعد ما يطيب و نخليه يتسقطر من الما ونخلي المرق يطيب على نار مهييييلة حتى ينشف و يبقى غير الزيت و البصل معلك
الدجاج في الفران : نجيب م ك زبدة عادية + نص زعفران + قبصة عطرية الدجاج و نعجنها مزيان وندهن بيها الدجاجة قبل ما دخل الفران الفوق و لتحت تبقى حتى يولي اللون بني
مللي نخرجها من الفران نرجعها للطنجرة ونقلبها مزيان وسط المرق حتى تسخن و نخليها في الطنجرة











خبز بالزيتون - هدى اليداري
نص كيلو القمح بالنخالة + رابعة اما ديال الفورص او الفينو ندير حفرة وسط الكصعة + نص خمارة الحلوى + م ك خميرة الخبز مدوبة في شوية الما دافي + نص م ص السكر + م ك حليب غبرة او 4 م ك حليب عادي + نص م ص زبدة + 4 م ك زيت العود او ربع كاس + ملح + ونعجنو بالما دافي
من بعد ما يتعجن ناخد زيتون اسود او اخضر مقطع طريفات او هما معا
نخلي العجين يرتاح 10 دقايق و من بعد نقطعو خبيزات صغار بزاف بحال مسمن متوسط و نضغط عليهم من الفوق غير شوية او نديرهم حرابل طوال و نخليهم يخمروا
مللي يخمرو نجيب شيتة و ندهنو من الفوق بالماء وممكن نرش من بعد شوية الدقيق باش يجي الشكل ديالو ابيض من الفوق .... ونفلحهم على شكل زائد من الفوق ...
و يدخل الفران






عطرية الدجاج - هدى اليداري
م ك الهيل او قعقلة + م ك بسيبيسة + 2 حبات القرنفل + 4 او 5 حبات مسكة حرة + م ك سكينجبير + م ك خرقوم بلدي + شوية زعفران حر + شوية ثوم غبرة
كولشي غادي يتدق و يتغربل و يتخلط
عطرية الحوت - هدى اليداري
م ك ثوم غبرة + م ص قزبر يابس ومطحون + الربيع يابس + م ص زعتر مطحون + راس م ص ازير + م ص كامون + م ص ملح صيني + م ص طحميرة
نخلط كولشي و نبدا نستعملوا

لاجل رابعة ديال الروز او محيمصة او لسان الطير او الشعرية - هدى اليداري
بصلة كبيرة مشلظة + 2 ثوم + شوية زيت 4 م ك + نصف م ص السمن + طريفات الدجاج : الجنحين و العنق نديرهم في طنجرة يتقلاو على نار هادئة + ورقة سيدنا موسى + حبة جزر و كرعة مقطعة رقيق + ربع م ص سكينجبير + شوية ابزار + ربع م ص عطرية الدجاج + نصف م ص خليط زعفران + ملح + الربيع مقدار 2 م ك + ربع كاس الماء العنبة و نخليه يتقلى 10 دقايق مع التحراك
+ 2 كاس كبير الما او نص ايطرو و نغطي الطنجرة و نخليها طيب 10 دقايق
في كاصرونة اخرى نوضع رابعة لي باط و نشحرهم في الزيت و شوية الملح 5 دقايق على نار مهيلة + ونضيفهم من بعد على الطنجرة الاولى و نخليهم 15 دقيقة على نار مهيلة .

لاجل رابعة ديال الروز او محيمصة او لسان الطير او الشعرية - هدى اليداري - ايلا كانوا بالحليب
مللي يغلى الما + لي باط في طنجرة + م ص زبدة + عود القرفة + م ص ما زهر + الملح + نصف فاني + 2 م ك الحليب غبرة + حبة مسكة حرة مدقوقة ونخليه يطيب + كاس كبير ديال الما غير يبدا المرق ينشف نضيف نص ايطرو الحليب + 3 او 4 م ك السكر

ايلا كانو بمطيشة
3حبات مطيشة يتحكو بالزريعة + 3 م ك زيت زيتون و يتشحروا مع 2 ثوم + ربع م ص عطرية اللحم + 2 م ك الربيع + م ص طحميرة + ربع م ص الهريسة + ربع م ص الكامون + الملح +شوية ابزار - ممكن اضافة الكفتة او طريفات دجاج او اللحم - و تقلى مزيااااان حتى تولي الشرمولة مشحرة + م ك مطيشة الحك مخففة بشوية الماء بارد و تشحر شوية + 2 كاس كبير الما حتى يغلى و نضيف لي باط على نار مهيلة دائما و نخليه 20 دقيقة حتى يطيبو








الدجاج معمر بالخضر في الفران – هدى اليداري
ستيك مفلح و فيه الملح و الابزار + شوية عصير الحامض يرقد فيها مدة 5 دقايق
الحشوة : 2 خيزو 2 حبات بطاطا + 2 كرعات + 1 لفت محكوكين غليظة + بوارو مقطع رقيق + 2 بصلات حريف مقطعة حتى الجانب الاخضر منها او بصلة عادية
ناخد المقلة ندير فيها البوارو و البصل + 3 م ك زيت + 1 ثوم + ورقة سيدنا موسى + ملح و يتشحروا + الخضرة + ابزار + م ص صلصة الصوجا خفيفة او م ص عصير الحامض و تقلى مزيان و نحطها تبرد
ناخد شرائح الدجاج و ندهنوه ب 2 فرماج مربع او مثلث و نحط الحشوة غير في الوسط و نلويها و نسدهم بعود اسنان من 2 جوانب
في لاطة الفران ندهنا بملعقة زيت و نستف الشرائح و ندهنها من الفوق ب م ك الزيت و ندخلها الفران ... مللي يطيب و يخرج نقطعهم دوائر ندير ليهم الصلصة
الصلصلة : في مقلاة م ص زبدة دوب + 2 فرماج مثلث + راس م ص ثوم غبرة او بلاش + ملح + ابزار على نار مهيلة + ياغورت مسوس و نحرك الخليط و نجهد البوطة باش تشرب الماء ديال الياغورت و نطفي البوطة مللي يختر و نحك عليه فرماج احمر محكوك و شوية الربيع ... ونحط الشرائح و نخوي عليهم الصلصة




مطيشة يابسة - هدى اليداري
كيلو مطيشة مهبرة نقسمها على 2 على العرص و ما نحيد الراس الابيض الدخلاني و نحيد ليها الزريعة بملعقة صغيرة و ناخد ورق التنشيف او ثوب ابيض نظيف و نرشها بالملح غير شوية و نخليها 5 دقايق ونقلبوها على الوجه ديالها فوق هاد الورق او الثوب ونخليها مدة ساعتين حتى تطلق الما ديالها كلو و ايلا بان لينا الورق او الثوث مبلل نبدلوه
ايلا كان الصيف نعرضوها للشمس النهار كامل و الوجه اللي فيه الملح هو اللي لفوق
مللي ندخلوها في العشية من الشمس نديروها في اللاطة مدهونة بزيت الزيتون و ندخلها لفران سخون و تكون الحرارة ديالو قليلة . ويكون الوجه ديالها الفوق
و نخليها ساعة حتى تيبس
و نطفي الفران من بعد و نخليها في الفران
مللي تبرد نحتفظ بيها بحال هكداد او نديرها في قراعي + ورقة سيدنا موسى + 1 ثوم منقي و يكون صاين + زيت الزيتون يغطيها








الدجاج بالكيتشوب في الفران - بصلصة الباربيكيو اللي فيها الكيتشوب - هدى اليداري
الدجاج يترقد في عصير نص حامضة + الملح + الابزار
بصلة متوسطة مشلظة رقيقة بزاااف في مقلاة + 4 م ك زيت + نص م ص زبدة + شوية ملح و تشحر على نار مهيلة + الملح + ابزار + م ك صلصة الصوجا خاترة تشحر شوية و من بعد نطفي البوطة و نضيف 3 او 4 م ك الكيتشوب راس م ص سودانية
وندهن الدجاج و ندخلو الفران

طاجين اللحم بالبسباس

نصبو اللحم عادي مع شوية زيت الزيتون و م ص الزبدة + 2 بصلات مقطعين رقاق مشحرة مزياااان و بدون مطيشة و بدون ربيع - سكينجبير و الثوم 3 و الملح و قليل من ابزار و م ص خليط زعفران و يتقلى مزيااان مع ربع كاس ديال الما يكون مع العطرية
مللي يتشحر نضيف الما 2 كيسان كبار حتى يطيب اللحم شوية 20 حتى 25 دقيقة في كوكوط غادي يبقى فيه غير شوية الما
ناخد 3 حبات البسباس كبار يتنقى و يتقطع على 6 و نحيدو القشرة الفوقانية و نديرو في مقلة مع م ك الزيت او اكثر على حسب + 1 ثوم و م ك الربيع و خليط زعفران و ملح + عصير نص حامضة و يتقلى مزيااااااان حتى يشرب العطرية
ونستفو فوق اللحم و ناخد نصف حامضة مرقدة و نغسلها و نستفها فوق الطاجين و نرش ابزار و نخليه يطيب على نار هادية
من بعد ما يغلى و يطيب البسباس تقريبا 10 دقايق او اكثر
ممكن في الاخير من بعد ما نطفي البوطة كنضيف زيت الزيتون و شوية الربيع

السلام عليكم
فين غبرتو شحال هادي مضفتو الوصفات
المهم تكونو بخير

sweina يسول فيك الخير حبيبة أنا كنت في اكادير ياالله جيت وهاني ماجيتش بيدي خاوين هههه 




الحريرة – هدى اليداري
كيلو مطيشة مطحونة + بصلة كبيرة مشلظة رقيقة او محكوكة + عود قرفر كبير + زلافة الربيع + الحمص و العدس + ربع م ص الكروية + مص سكينجبير + نص م ص ابزار + ششوية خليط زعفران + نص م ص عطرية اللحم + م ص السمن + م ك زيت عادي + طريفات اللحم او العظام
على النار و يتقلى نص ساعة على نار مهيلة - في الاول نجهد البوطة حتى تغلى ونقص البوطة
+ الما فاش يطيب اللحم و الحمص و نخلي الكوكوط 15 دقيقة حتى 20
نضيف الما ديال الحريرة على حسب و مللي يغلى مزيااان
+ الشعرية او الروز نخليها تغلى شوية و ندورها
باش ندوروها : 3 بطاطا كبيرة + 2 خيزو يتصلقو في كاس كبير الما مع الملح و يتطحن في طحانة يدوية
في الاخير مللي كنطفي البوطة كنضيف ربع م ص السمن و ربع م ص القرفة




لخميرة بلدية – هدى اليداري
شوية الطحين ديال الشعير يتعجن عادي بلا خميرة غير بالما دافي او اللبن طبيعي و الما دافي مخلط و الملح و نخليه في علبة 24 ساعة حتى تولي حامضة
من بعد كنستعمل العجين كامل و نعاود نقص شوية من العجينة الجديدة
باش نخترو مرق البسباس بزاااف :
ناخد م ص الطحين دوب في شوية الما و م ص زيت زيتون و نضيفو في جوانب الطاجين

كرتان ديال الخضرة – هدى اليداري
3 الدنجال مقطع بالقشرة على شكر طولي شرائح و نديرو في الما و الملح شوية و نسقطرو من بعد من الما و نديرو في لاطة فيها ورق الطهي او مدهونة بالزيت و نستفو و ندهنوا من الفوق بالزيت و ندخلو الفران + الكرعة الطويلة مقطعة بحال الدنجال
2 خيزو + 2 بطاطا دوائر في شوية الما و الملح تغلى غير شوية
2 بصل دوائر و نحمروه في الزيت ة الملح
ناخدو 3 بيضات + كاس الحليب كبير ديال الما + ملح + ابزار + شوية فرماج محكوك + كوزة غير شوية + الربيع مقطع + ضامة البنة ايلا كانت ديال الدار
ناخد مول ديال الفران يتدهن بالزبدة و نستف الدنجال بحال لي باط و نخرجوه من الجناب شوية + البصل غير شوية من اللي صوبنا + خيزو + مغرفة من الخليط اللي صاوبت + بطاطا + كرعة + ما تبقى من البصل + و نسقي بما تبقى من الخليط
ممكن نضيف في هاد الكرتان الفلفة و مطيشة مقليين في الزيت و الملح
ممكن نسقي كل طبقة بالخليط ايلا بغينا



ضامة البنة ديال الدار ديال اللحم - – هدى اليداري
ناخد الخضر متنوعة نغسلوها و نقشروها وناخدو القشور ديال كل الخضروات الا البصل و مطيشة نشفها و نيبسها في الفران مطفي او الشمس مباشرة و نطحنهم حتى يوليو بودرة
ناخد منهم 5 م ك + م ك عطرية اللحم + 5 او 6 حبات ديال الحلبة + حبة قرنفل + 2 حبات مسكة حرة + نص م ص خرقوم بلدي + شوية الملح اختياري + بصلة يابسة م ص + م ص ثومة غبرة
نخلط كولشي و نخليه في قرعة و ممكن نحتفظ بيه حتى لشهر او شهر و نص




الكنافة على طريقة الشعرية - – هدى اليداري
ناخد الشعرية نديرها في الزيت حامي اما ديال التاج او الخاتم او العش و نقليها حتى ترطاب .... غير تحمر نهزها و نسقيها بالعسل

الحوت في الفران بشكل مختلف أي نوع من الحوت - السردين - هدى اليداري
يتغسل و يتحيد ليه السنسول ونحلو على ورقة و يبقى بالقشرة ونرشوه بالزعتر و الملح و الخل و الابزار
وناخدو بصلة كبيرة نشلظوها رقيقة و نشحرها في م ك الزيت او 2 و ملح و ابزار وورقة سيدنا موسى و 3 الثوم نشحرها مزيان + قزبر يابس + نص م ص الهريسة + م ك الربيع او 2 حتى تدبل و نطفي البوطة و + 3 فرماج مثلث ونغطي المقلة حتى يدوب و من بعد نمعسو و نخلطو + فرماج محكوك غير طريف اختياري
السردين كنعمرو ب م ص من الحشوة و ندير وحدة على وحدة ونحطو
ناخد ابيض بيضة نطرربوه مزيان + ملح + ابزار + قزبر يابس + ثومة غبرة غير شوية + م ك ياغورت مسوس بلا سكر
نغطسوا الحوت في هاد الخليط و ندوزوه في لاشبلير و نديرو في لاطة مدهونة بالزيت و نرشوه من الفوق بالزيت و ندخلوه الفران
اللي بقى من ياغورت مسوس كنديرو في زلافة + عصير نص حامضة + ملح + ابزار + ثوم 1 + 2 م ك زيت عود + الربيع و نطرب مزياان و غيولي عندنا صلصة مرافقة للحوت





طاجين ديال اللحم و الخضرة على الطريقة الامازيغية - هدى اليداري
ناخدو طاجين ديال التراب ندير فيه اللحم + شوية ملح + زيت الزيتون + 2 ثوم + يتقلى مزيان بوحدو + شرائح البصل كبيرة و تقلى شوية + العطرية : طحميرة + ابزار + ملح + سكينجبير + خليط الخرقوم + عطرية اللحم غير شوية + ربع كاس الما يتشحر شوية + 3 حبات مطيشة بلا قشرة بالزريعة طريفات صغار بلا ما نحركها
نشرمل الخضر : بطاطا + خيزو + جلبانة + لوبيا ...... أي نوع بشوية الربيع + + ثومة غبرة + خليط الزعفران + ملح + عصير نص حامضة + ابزار + 2 م ك زيت الزيتون + عطرية اللحم
ونستفها من الفوق ونقطع مطيشة بلا قشرة و بالزريعة دوائر و نغطيه و نخليه يطيب بلا ما - ممكن اضافة الزيتون اخضر بلا عظم + نص حامضة مرقدة مغسولة من الفوق
يطيب ساعة الى ساعة و نصف






قطع الدجاج في الفران - دجاجة - هدى اليداري
نغسلوه بنفس الطريقة اللي عطاتنا هدى و ممكن ايلا بغينا نحيدو الجلدة
نديرو في طنجرة ما مع خيزوة مقطعة على 2 وورقة سيدنا موسى + 1 ثوم + ربع بصلة مقطعة + نص حامضة خضرا مقطعة + ملح و يغلى
من بعد ما يغلى + الدجاج و نخليه يتصلق 10 دقايق و يتصفى الدجاج
مللي يبرد الدجاج نديرو مع 2 ياغورت بدون سكر + شوية سكينجبير طري او الاخر + ملح + ابزار + عصير نص حامضة اخضر + شوية + ثومة + عطرية الدجاج
نخليه يترقد اطول مدة على الاقل ساعة
ناخدو 2 م ك الكورونفليكس ديال الدرة مهرس باليد + 2 م ك شابلير ونهز الدجاج و ندوزو في الخليط و ندخلو الفران في لاطة مدهونة ونرش الدجاج بالزيت







السفة ديال الروز - هدى اليداري
كيلو الروز الاصفر في ماء بارد من بعد ما يتغسل + ملح + م ك الزيت + عود القرفة + م ك ماء زهر + 2 م ك حليب بودرة او نص كاس الحليب ---- يتصلق نص صلقة 5 ديال الدقايق من بعد الغليان و نصفيه
نديروه يتبخر تقريبا نص ساعة و نغطي الكسكاس وممكن نضيف الزبيب معاه يتبخر تقريبا 10 دقايق الاخيرة
مللي كنحطوه وهو باقي سخون + علبة حليب مركز محلى + م ك ماء زهر اختيارية او فاني او هما بزوج
ونزوقوه باللوز منقي ومحمر و مهروش وممكن اضافة الفواكه الجافة كلها محمرة بنفس الطريقة
ايلا ضفنا الفواكه الجافة غادي نشحروها مع 2 م ك حليب مركز محلى + م ك ماء زهر
على نار مهيلة حتى ترطاب
او ممكن نضيف في بلاصة الزبيب اللي تبخر كاس الكوك يتبخر 10 دقايق و نزين باللوز و الكوك من الفوق في الاخير





لي باط حلويين - هدى اليداري
ناخدو نصف كيلو لي باط الصغار بحال النجيمات او الروز او أي نوع اخر نديرهم في ماء مغلى مع م ص الزيت و نص فاني + ملح
نخليه يطيب مللي يقرب يطيب + م ك الزبيب مجمد حبيبات صغار ومطحون + ونخليه يطيب + نصف كاس عنبة حليب مركز محلى ونخليه يغلى + نص ايطرو الحليب ومللي نطفي البوطة + م ك اللوز محمر ومهروش بالقشرة او بدون بحال بحال
ممكن نضيفو عود القرفة في الاول مع الزيت و م ك ماء الزهر في الاخير






ديسير ساهل بمناسبة عيد الحب
ايطرو الحليب
الحليب يدفى + 3 ساشي فلون ديال درهم + ملون احمر او روح الفريز
نحضر الفلون عادي في فلون ديال القلب نديروه في الثلاجة و نخليه ليلة كاملة ونغطيه بالبلاستيك
الغد ليه نقلبو و نزوقو بالشكلاط ونكتبو اللي بغينا

شوربة الدجاج بالدرة – هدى اليداري
رابعة او نص كيلو ديال هبرة الدجاج
بصلة كبيرة مشلظة رقيقة + 1 ثوم + زيت عود وتقلى على نار مهيلة بلا ما يتغير لونها + قطع الدجاج مربعات + ورقة سيدنا موسى و تقلى + نص م ص عصير الحامض باش نزولو رائحة الدجاج + نص م ص سكينجبير + ابزار + عطرية الدجاج راس المعلقة + مطيشة صغيرة محكوكة في حكاكة رقيقة + خليط زعفران يتقلى + الربيع و يتقلى ثاني + الما + رابعة الدرة مهرسة + م ص حليب مجفف
ونخليه يطيب من بعد ما تغلى على نار عالية نقصو البوطة و نخليها طيب



رابعة الصوجا ترقد في الما بالليل – هدى اليداري
بصلة مشلظة رقيقة في كوكوط + 2 ثوم + 2 سيدنا موسى ونخليها تقلى مع شوية الزيت و نخليها على نار مهيلة باش تقلى + 3 مطيشة محكوكة بالزريعة + خيزوة محكوكة رقيقة + الربيع + نص قبطة ليزيبينار تقطع رقيقة الاوراق و العود ديالها و تقلى مع مطيشة + نص م ص طحميرة + نص م ص كامون + م ص ابزار + شوية الهريسة + شوية عطرية اللحم و نخليهم يتشحروا 5 دقايق على نار متوسطة + م ك مطيشة الحك مخففة و تشحر 2 دقايق + ايطرو الما + الصوجا و نسد الكوكوط و نخليها طيب نص ساعة من بعد التصفار
مللي طيب زيت زيتون و الكامون نضيفها و بالصحة

صلصة القوق - هدى اليداري
في كاس العصير ندير بصلة صغيرة مشلظة رقيقة + عصير حامضة + معدنوس + 2 م ك مايونيز + 2 م ك زيت عود + ابزار ملح + شوية فرماج احمر او فرماجة مثلثة او مربعة او م ك ياغورت بدون سكر


كوكلي معمر باللوز بمرق مالح – هدى اليداري
3 كوكلي منظف و ناشف
العمارة : رابعة اللوز مصلوق ومحمر و مهروش + 2 م ك العسل + م ك الزبدة + م ك زبيب مجمد و مطحون + شوية زعفران حر + ملح قبصة + م ك ماء زهر
نعجنوهب اليد و نعمر بيه الكوكلي نخيطهم من بعد ما نعقم الابرة بالماء مغلي ثم الخل و بالخيط ابيض
3 بصل مشلظ رقيق في طنجرة + م ص زبدة + شوية زيت + عود القرفة + ملح و تشحر 5 دقايق + الكوكلي + عطرية الدجاج + سكينجبير+ ابزار + زعفران حر + خرقوم بلدي + ملون و يتقلى على نار مهيلة 10 دقايق و من بعد نجهد البوطة و نضيف كاس ماء كبير و نخليها تغلى ملي يغلى نقص البوطة ونخليه يطيب تقريبا ربع ساعة من بعد الغليان
مللي يطيب نخرجو و ندهنو بالزبدة م ك مرخوفة مخلظة مع مسكة كرة وحدة مدقوقة و شوية زعفران حر و ملون و ندهن الكوكلي و يدخل الفران
نخلي المرق ينشف من الماء و مللي ينشف نبدا نمعس بالمغرفة ديك البصلة باش تعقاد
مللي تخرج
شوية اللوز نحمروه و نزينو بيه او فواكه جافة معسلة




الروز بالخضرة - هدى اليداري

جميع انواع الخضر نقطعو رقيق بزاف
في طنجرة بصلة كبيرة مشلظة رقيقة + زيت + ورقة موسى + 2 ثوم و تقلة 5 دقايق على نار مهيلة + مطيشة محكوكة 1 رقيقة و نحرك شوية و من بعد نضيف الخضر تقلى + الربيع + راس م ص عطرية اللحم + خليط زعفران + م ص سكينجبير + ابزار + قزبر يابس و نقليها 10 دقايق و الطنجرة مغطية دائما على نار مهيلة + ملح
الروز كلاصي نرقدوه مدة ساعة في الماء و نصفيه مزياااان و نضيفو على الخليط و نخليه يتلقى - ايلا درت نص كيلو الروز اي 2 زلايف + 3 زلايف الماء + ربع حامضة مرقدة
طريفات اللحم او الدجاج او الكروفيط او الحوت اختيارية ممكن نضيفهم مع الخضر



عجين بيتزا ديال الزنقة - هدى اليداري
250غ طحين + م ك طحين الدرة + ربع كاس زيت زيتون + ثومة غبرة غير شوية و بصلة غبرة + م ص خميرة الخبز + 2 قطرات الخل + ملح + سكر غير شوية
تعجن بالما دافي او اللبن من الاحسن
مللي تعجن تغطى و تبقى 10 دقائق و نطلقها باليد و نتقبها و ندخلها الفران
ايلا بغيناها بحال ديال الزنقة من الجوانب نكرص غير الوسط بلا جناب
ندخلها طيب نص طيبة تقريبا 10 دقايق
ندهنها بصلصة الطماطم فوق منها الموتزريلا محكوك + فلفلة و باقي الحشوة و رشة فرماج احمر او موتزريلا
ونعاود ندخلها 5 دقايق بينما داب الفرماج





لاصوص شمبينيون هدى اليدار
ناخدو شمبينيون علب او طبيعي نقطعو مربعات صغير في مقلة : كل 220 غ نديرو معاها م ك زبدة + ملح + راس م ص ثوم غبرة او راس واحد نحكو و نخليه يدوب و يتشحر على مهل 5 دقايق + ملح + ابزار + قشدة طرية ثقيلة و نعلي النار ونخليها تغلى و مللي تختر نطفي البوطة و نضيف فرماج اي نوع محكوك و نحرك حتى يدوب



طاجين ديال قنية – هدى اليداري
قنية مقطعة كنغسلها بحال الدجاج بالدقيق و الما و نصفيها و نعاود ندير ليها سكينجبير و عصير حامضة و الملح بدون ما و تبقى راقدة نصف ساعة و نغسلها بالما و هاهي واجدة
نديرها في طاجين + زيت عود + 2 ثوم + ورقة موسى + ملح و نغطي الطاجين و نخليه يتقلى مع التحراك 10 دقايق + بصلة كبيرة مشلظة رقيقة و تقلى مزيااان + ربع م ص عطرية الدجاج + سكينجبير + خليط زعفران + عصير نص حامضة + 2 م ك الربيع + ربع كاس الما و يتشحر ربع ساعة اخرى + زعفران حر + كاس عنبة الما + نص حامضة مصير مغسولة و نغطي الطاجين و نخليه يطيب
مللي يقرب يطيب + زيتون احمر او اخضر نديرو غير تطلع فيه الغلية في كاصرونة و نحيدو نضيفو على المرق



طاجين ديال قنية – هدى اليداري
قنية مقطعة كنغسلها بحال الدجاج بالدقيق و الما و نصفيها و نعاود ندير ليها سكينجبير و عصير حامضة و الملح بدون ما و تبقى راقدة نصف ساعة و نغسلها بالما و هاهي واجدة
نديرها في طاجين + زيت عود + 2 ثوم + ورقة موسى + ملح و نغطي الطاجين و نخليه يتقلى مع التحراك 10 دقايق + بصلة كبيرة مشلظة رقيقة و تقلى مزيااان + ربع م ص عطرية الدجاج + سكينجبير + خليط زعفران + عصير نص حامضة + 2 م ك الربيع + ربع كاس الما و يتشحر ربع ساعة اخرى + زعفران حر + كاس عنبة الما + نص حامضة مصير مغسولة و نغطي الطاجين و نخليه يطيب
مللي يقرب يطيب + زيتون احمر او اخضر نديرو غير تطلع فيه الغلية في كاصرونة و نحيدو نضيفو على المرق









طاجين ديال قنية – هدى اليداري
قنية مقطعة كنغسلها بحال الدجاج بالدقيق و الما و نصفيها و نعاود ندير ليها سكينجبير و عصير حامضة و الملح بدون ما و تبقى راقدة نصف ساعة و نغسلها بالما و هاهي واجدة
نديرها في طاجين + زيت عود + 2 ثوم + ورقة موسى + ملح و نغطي الطاجين و نخليه يتقلى مع التحراك 10 دقايق + بصلة كبيرة مشلظة رقيقة و تقلى مزيااان + ربع م ص عطرية الدجاج + سكينجبير + خليط زعفران + عصير نص حامضة + 2 م ك الربيع + ربع كاس الما و يتشحر ربع ساعة اخرى + زعفران حر + كاس عنبة الما + نص حامضة مصير مغسولة و نغطي الطاجين و نخليه يطيب
مللي يقرب يطيب + زيتون احمر او اخضر نديرو غير تطلع فيه الغلية في كاصرونة و نحيدو نضيفو على المرق



طاجين ديال قنية – هدى اليداري
قنية مقطعة كنغسلها بحال الدجاج بالدقيق و الما و نصفيها و نعاود ندير ليها سكينجبير و عصير حامضة و الملح بدون ما و تبقى راقدة نصف ساعة و نغسلها بالما و هاهي واجدة
نديرها في طاجين + زيت عود + 2 ثوم + ورقة موسى + ملح و نغطي الطاجين و نخليه يتقلى مع التحراك 10 دقايق + بصلة كبيرة مشلظة رقيقة و تقلى مزيااان + ربع م ص عطرية الدجاج + سكينجبير + خليط زعفران + عصير نص حامضة + 2 م ك الربيع + ربع كاس الما و يتشحر ربع ساعة اخرى + زعفران حر + كاس عنبة الما + نص حامضة مصير مغسولة و نغطي الطاجين و نخليه يطيب
مللي يقرب يطيب + زيتون احمر او اخضر نديرو غير تطلع فيه الغلية في كاصرونة و نحيدو نضيفو على المرق







كرطان الخضر ريجيم - هدى اليداري
الخضر : بسباس او خيزو و بطاطا واحدة + كرعة حمرا + كرعة خضراء + لفت + ليشو + لوبيا خضراء + البروكولي + الشيفلور + السبانخ
نبخروها بالملح
في مول غير مدهون ناخدو الخضر مللي تبرد نضيف ليها الربيع و الثوم و زيت عود و عصير نص حامضة و ملح و ابزار و نوضعها في المول و ندير معها صلصة البيشاميل
صلصة بيشاميل ريجيم : كاس حليب كبير + كاس ماء اللي نزل من الخضر نديرهم في كاس غصير + م ك مايزينا + ملح + ابزار + عطرية اللحم و يتخلط و نرجعها على النار و نسمها بنص ضامة البنة البكري او الكوزة و نخليها تختار غير شوية ماشي بزاف
و نخوي الصلصة على الخضر و دخل الفران








دجاج رولي بالخضر و الكفتة – هدى اليداري
صدر الدجاح شريحة واحدة يتغسل بسكين جبير و الما و الملح و عصير الحامض و يتصفى
نرش عليه الملح + ابزار + ثوم غبرة
الحشوة الاولى : 250 غ الكفتة نفرتتها فوق صدر الدجاج و نستف الفوق شرائح الفرماج او نحك فرماج احمر و نضيف الخضر متبلة
الخضر : بطاطا + خيزة + كرعة خضرا + كرعة حمرا + لفتة كولشي محكوك رقيق + ملح + ابزار + زيت زيتون + ثوم 1 + الربيع و يتشحرو 5 دقايق و نضيفهم فوق الفرماج و نلوي الصدر و نسدو بعويدات السنان ممسوحين بالما والخل
في لاطة مدهونة بالزيت و فيها ورقة موسى + 2 ثوم + نص كاس الما + الدجاج و نخليه يطيب من بعد ما ندهنوه بالزبدة و اثناء الطياب نتقبو بقطيب بزاف المرات باش يخرج الما
مللي يطيب نقطعو دوائر






سلطة خضراء – هدى اليداري
في طبسيل نفرش اوراق الخص فوق منها ليشو مقطع رقيق + خيزو محكوك + فلفلة بالالوان مقطعة رقيقة + شرائح مطيشة و الخيار + بصلة دوائر رقيقة ونحلوها السبانخ مقطعة رقيقة + قطع الدجاج صدر مقطع رقيق و ندير معاه ملح و ابزار و و شوية الملح و يرقد شوية و من بعد نصلقوه شوية و يتنسم مع زعتر و ثومة + الطون
في كاس العصير ناخد بصلة صغيرة مشلظة رقيقة + معدنوس + نص كاس زيت زيتون + ربع كاس ما دافي + م ص موطارد + عصير حامضة + ملح + ابزار و يتطحن و يبقى في قرعة في الثلاجة
كل ما نبغي الشلاظة نحرك القرعة و نسقيها

شربة ساخنة

كل الخضر نقطعوها مربعات صغيرة في طنجرة + طريفات اللحم او الدجاج او الكرفويت و لكن حتى الاخير + نص م ص الزبدة او الزيت + بصلة صغيرة مشلظة + تشحر مزيااان الخضر + الملح و الابزار طريطقة + و ربع م ص سكينجبير + خرقوم بلدي + عطرية اللحم او الحوت او الدجاج على حسب اشنو استعملتي و تشحر شوية و + الما و نخليها طيب في كوكوط 5 دقايق
مللي طيب ندورها بالشعرية الرقيقة + ربع م ص مطيشة الحك مخففة

طاجين لحم الراس – هدى اليداري
كيلو الراس + سكين جبير و عصير الحامض و الملح و شوية الما كاس صغير و يترقد نصف ساعة و يتغسل و يتصفى
نديروه في كوكوط + بصلة مشلظة + زيت عود و 4 ثوم محكوك و الملح و عصير نص حامضة و يتشحر مزيااااان حتى ينشف ربع ساعة + م ص طخميرة + م ص سكين جبير + ابزار + ربع م ص عطرية اللحم + ربع م ص كامون + الربيع + شوية قزبر يابس يتقلى و نزيد الما مع 2 تمرات و نسد الكوكوط و نخليه يطيب
مللي يطيب + الزيتون بلا عظن و نص حامضة مرقدة و نغطي الطنجرة و نخليها محلولة غير شوية و نقص البوطة و نخلي المرق يختر و يتعلك
في الاخير عصير نص حامضة و شوية زيت العود



عصير الخضر – هدى اليداري
2 حبات خيزو مصلوق و حبة بطاطا مصلوقة مللي يبرد مزياان + نص ايطرو حليب او ايطرو حسب الختورية اللي بغينا و كاس كبير اللبن ديال العلبة حلو + اي نوع من الفواكه + سكر 5 او 6 م ك و نطحن

دنجال معمر في الفران - هدى اليداري
4 حبات دنجال صغير خصو يكون قاسح و كيلمع من بعد ما يتغسل مزياان
نقسموه على 2 على الطول و نخلي الراس ديالو و نحيد غير الشناتف اللي في الجنب و نقطع شوية من الراس
نخويه من الوسط بملعقة و نقطع الوسط ديالو طريفات و نديرو في مقلة
يكون عندي الما مغلي مزييان ويكون كثيير و معصور فيه نص حامضة + الملح وندير فيه الدنجال حتى يتغطى مزياان يبقى 3 دقايق فوق العافية + ورقة سيدنا موسى
نصفيه و نغسلو بالما بارد و نخليه في الما بارد راقد
اللب ديال الدجال يكون في مقلة + الزيت + بصلة مشلظة رقيقة + ثوم غبرة + ملح و يتغطى و نخليه يتشحر + مطيشة محكوكة 2 + الربيع 2 او 3 م ك و يتشحر حتى تعلك مطيشة + كفتة تكون مشحرة مسبقا مع الملح و الابزار و الزيت + م ص طحميرة و ربع م ص هريسة و كامون و قزبر يابس راس م ص + عطرية اللحم
يتشحر مزياان و نطفي البوطة و نخلي الحشوة تبرد و نعمر الدنجال و نديرو في المول و نحك عليه الفرماج و ندخلو الفران 10 دقايق من لتحت



شوربة ساخنة – هدى اليداري
كل الخضر نقطعوها مربعات صغيرة في طنجرة + طريفات اللحم او الدجاج او الكرفويت و لكن حتى الاخير + نص م ص الزبدة او الزيت + بصلة صغيرة مشلظة + تشحر مزيااان الخضر + الملح و الابزار طريطقة + و ربع م ص سكينجبير + خرقوم بلدي + عطرية اللحم او الحوت او الدجاج على حسب اشنو استعملتي و تشحر شوية و + الما و نخليها طيب في كوكوط 5 دقايق
مللي طيب ندورها بالشعرية الرقيقة + ربع م ص مطيشة الحك مخففة




حلوى غريبية - هدى اليداري
رابعة زبدة مارغرين + كاس زيت + 3 بيض على حساب اللي يجمع لينا العجين + نص م ص ملح + 200 غ سنيدة و نعجنوها + اللوز مهروش رقيق بالقشرة + م ك النشا + كيلو الا ربع دقيق + 1 خميرة و نعجنها و نكورها كويرات
نفندها في ابيض البيض و شوية اللوز مهروش بلا ما يتحمر غير مصلوق
ونديرها في اللاطة و دخل الفران





سمك الغرنك او الصنوراو اي سمك بالبصلة و الزبيب – هدى اليداري
3 بصلة شرائح في مقلة باليدين ديال الحديد مع نص م ص الزبدة + شوية زيت عادية + ربع م ص ثوم غبرة تشحر شوية و + عود القرفة و نخليها تشحر مزيااان حتى تدبل
+ زعفران حر + راس م ص عطرية اللحم + ملح و ابزار و راس م ص سكينجبير و خرقوم بلدي و نحرك مزيان و تقلى و نضيف الحوت مشرمل
الحوت مشرمل : كيلو الحوت نفلحوه و نخليه بالراس ديالو و ندهنوه بخليط من ربع م ص السمن + ربع م ص عطرية اللحم + نص م ص الزبدة + ملح + ابزار + سكينجبير و نخلط و ندهن الحوت من الخارج و الداخل و نخليه راقد ربع او نص ساعة
و نضيف في نفس الوقت نص كاس صغير ديال الما + زعفران ملون من الفوق و نغطيه و نخليه يطيب 10 دقايق و يكون عندي الزبيب راقد
الزبيب راقد في كاس نديرو فيه الشاي الاسود و نزول الشاي و نخلي الما ديالو يكون باقي دافي مدة 5 دقايق كيكون راقد صافي
و نضيفو من بعد ما نغسلو و نخليه يطيب 10 دقايق اخرى و نضيف من بعد م ك سنيدة و رشة قرفة . ايلا بغينا ممكن ندخلوه للفران باش يتحمر

قريشلات ريجيم بدون ملح ولا سكر - هدى اليداري
نص كيلو الدقيق او السميد الرقيق + كاس زبدة مدابة + م ك زنجلان محمر + م ك نافع محمر + م ص حبة حلاوة + م ك ز بيب مجمد اختياري + نص كاس حلييب سائل + م ص خميرة العجين + خمارة + فاني + 2 بيضات
نعجنوه و ممكن اضافة شوية الما بارد للعجين
ونعجنوه خصو يكون خفيف

طاجين اللحم بالمحفور – هدى اليداري
في طاجين نشرملو اللحم بالعطرية الملح + الابزار + سكينجبير + عطرية اللحم + 2 ثوم + عصير نص حامضة + خرقوم شحرناه في ربع كاس الما + الزيت و البصل مشلظ رقيق او محكوك غليظ كنشرحوه مزيااان حتى تعلك + الما و نغطيه و نخلي اللحم يطيب نص ساعة في الطاجين و 10 دقايق في كوكوط
نصلقوه في كاصرونة مع ملح 10 دقايق ونصفيه و نغسلو بماء بارد و نشرملو ب 2 م ك الربيع + ثومة + زعفران بلدي + ملون + عصير نص حامضة + شوية ابزار + شوية عطرية اللحم + م ك زيت الزيتون و نديروه فوق اللحم فوق منو حامض مصير و نخليه يطيب


الشباكية - هدى اليداري
كيلو الدقيق نغربلوه و في وسط منو حفرة فيها كاس الزيت مخلط + كاس زبدة مدوبة + م ك قرفة + كاس و نص الزنجلان مطحون ملين + كاس اللوز بالقشرة محمر و مطحون ملين + خمارة الحلوى + نص م ص خميرة الخبز مدوبة في كاس الحليب + ضامة زعفران + قبصة ملح + م ص سنيدة + شوية زعفران حر + ضامة الزعفران + م ص عطرية اللحم + 2 م ك حليب بودرة + ربع كاس الخل ديال العنبة + نص كاس ماء زهر + 2 حبات مسكة حرة مدقوقة بالما بارد
نخلط كولشي و نجمع و ندلكها مزييان و نخليها ترتاح
نقطعها خبيزات صغار و نديرها في ميكات و نطلقها بالدقيق او بين 2 ساشي و نبدا نقطعها بالجرارة و نبدا نطيبها في حمام زيت و غير نهزها من الزيت نطفيها في العسل و نديرها في شبكة حتى تبرد و ندوزها في الزنجلان او اللوز



غريبة بالفواكه الجافة - هدى اليداري
رابعة الزبدة مرخوفة اي نوع + رابعة سنيدة + 4 بيضات + كاس عنبة الزيت نطربو مع قبصة ملح باليد + فاني + 2 خمارات او وحدة اختياري او وحدة و نص باش تجي في الحجم متوسطة
كيلو الا ربع الدقيق + 2 م ك النشا ومغربل + 2 م ك حليب مجفف ... نضيف اما الزبيب بوحدو او مع باقي الفواكه الجافة او الزنجلان او النافع .... و نجمعوها ونديرها كويرات ونطبعها في وسط اللاطة و ندخلها الفران و مللي تخرج نخليها تبرد و ندوزها في سكر كلاصي



كيك مالح – هدى اليداري
4 بيضات نضيف ليهم علبة حليب مركز محلى + كاس الا ربع زبدة مدابة باردة + م ص الملح + راس م ص ثومة غبرة + ابزار و نطرب مزيان في الطراب الكهربائي + كفتة مشحرة او قطع كاشير محكوك او زيتون مقطع
رابعة الدقيق + 2 م ك النشا + 3 خمارات + 2 م ك الما و نبدا نضيف هاد الدقيق على الخليط الاول ندخلها الثلاجة نصف ساعة و نديرها في المول و ندخلها الفران

شوارما – هدى اليداري
نص كيلو سطيك الدجاج او اللحم نجمدوه نصف ساعة حتى لساعة في المجمد نقطعو شرائح رقيقة طويلة شوية نغسلهم و نصفيهم + 2 م ك عصير الحامض + 2 م ك عصير البرتقال + م ص عطرية الشوارما + ربع م ص ثومة غبرة + ملح + ابزار + ربع م ص سكينجبير + ياغورت بدون سكر
نخلط كولشي و نرقدوه مدة ساعة في الثلاجة و يكون مغطي
في مقلة نديرو 2 م ك زيت عادي على نار عالية ونشحر الخليط حتى ينشف من الما و نبقى نحرك حتى طيب
في زلافة : ياغورت مسوس + ثومة غبرة قبصة + ملح + ابزار و نخلط و ناخد م ك منو ندهن بيها العيش وندير الخص و مطيشة و كورنيشو و شوية من الخليط
ممكن اضافة شرائح البصل مصلوقة في الماء مع الملح و الابزار  



بطاطا صغيرة شلاظة – هدى اليداري
نص كيلو بطاطا مصلوقة بالقشرة مع ملح و شوية عطرية الدجاج و نصفيها و نقيها و نشرملها .
ايلا بغيناها سخونة : نشرملوها ب 2 م ك الربيع + عصير نص حامضة + شوية عطرية الدجاج حبيبات + شوية زيت الزيتون + ملح + ابزار و نشحرها شوية
كتمشي مع الحوت في الفران او مقلي او الدجاج كدلك
ايلا بغيناها باردة : بصلة مشلظة رقيقة + م ك معدنوس + شوية موطارد + ملح + ابزار + زيت + عصير نص حامضة + قبصة توم غبرة .





قريشلات بالزرع - هدى اليداري
نص كيلو القمح بالنخالة او الفينو بدحدو + م ك النشا + 2 خمارات + 2 م ك بودرة اللوز (5 دراهم اللوز نمسحها و نطحنها بالقشرة) + م ك او 2 حليب غبرة + فاني + شوية النافع + شوية الزجلان + حبة حلاوة + كاس او كاس و نص سنيدة + م ك كونفتير مشماش + قبصة ملح + نص كاس زيت + م ك خميرة الخبز مدوبة في شوية الحليب دافي و نص م ص سنيدة + نص كاس ماء زهر + 2 بيض + كاس زبدة مدوبة عادية و نجمعهم بكاس الحليب او الماء على شكل خبيزات بلا ما ندلك نديرهم في كوكوط 20 دقيقة
ونكورهم و نخليهم يخمروا 30 دقيقة و ندهنهم باصفر بيضة مخلط مع الحليب و السكر و يدخلوا الفران سخون شوية .





الحرشة اللي كتجي مشققة من الفوق - هدى اليداري
250غ سميد رقيق + 250 غ طحين الدرة + كاس زبدة مدوبة + كاس زيت + م ك كونفتير + كاس سنيدة +م ك شوية النافع + شوية الفواكه المعسلة + قبصة ملح + 2 خمارة + م ك خميرة الخبر مدوبة في شوية الحليب + م ك حليب مجفف + نصف كاس ماء زهر وممكن اضافة نص كاس حتى ل كاس الا ربع ديال الماء ايلا ما تجمعاتش
نبسبس الدقيق و سنيدة و نضيف باقي المكونات ما نعجنهاش غير نبسبسها بالاصابع
ترتاح 5 دقائق و نهزها نديرها كويرات و نفندهم في شوية سميدة ونخليها تخمر بلا ما نكرصها 20 دقيقة وندخلها للفران بلا تكراص الفران يكون سخون و نشعلوه من الفوق و من لتحت


كيك بالفلون – هدى اليداري
كاس زبدة او نص رابعة مرخوفة عادية او ديال العلب + كاس حليب كبير + 2 ساشي فلون + 5 بيض + 350 غ دقيق + م ك النشا + م ك حليب غبرة + قبصة ملح + رابعة سنيدة + 3 خمارة + فاني
ندوب الفلون في الحليب ونخلط و نديرها طيب



تشيز كيك باط بالبيسكوي - هدى اليداري
ناخدو 6 البيسكوي منسم بالشكلاط او الكوك نطحنو النص و نهرمشو النص + اصفر بيضة واحدة + م ك الكوك + نص كاس زبدة مدوبة + نص كاس حليب مركز محلى + قشرة الحامض ايلا درنا بيسكوي ديال الكوك + م او 2 م ك عصير الحامض
او نضيفو في بلاصة م ك الكوك م ك بودرة اللوز ومعاها قشرة ليمونة و م ك او 2 عصير الليمون
ونخلط و نديرو في القالب و ندخلو الفران 10 دقايق

حلوى ديال الكاوكاو - هدى اليداري
نص كيلو كاوكاو منقي ومحمر في الفران + زلافة الكوك + كاس زبدة عنبة مدوبة اي نوع + 5 بيضات + قبصة ملح + 2 كاس سنيدة + م ك الكليكوز + 3 خمارة + نقطة روح اللوز او فاني .
ناخدو الكاوكاو نصلقوه ونقيه و نحمرو نهروشوه رقيق + الكوك + الخميرة + الزبدة + السكر + الملح + الكليكوز + روح اللوز او فاني نخلط و نجمع و نبدا نزيد في البيض
نكوروها و ندوزوها في سكر كلاصي بلا ما نبسطوها وندخلها الفران يكون سخون شوية كامل و مللي ندخلها نشعل الفران الفوق حتى تشقق و عاد نشعلو من لتحت



الحرشة ديال المقلة بالحمرة - هدى اليداري
كاس كبير السميد رقيق + كاس كبير الحمرة الرقيقة + شوية الملح + م ك سنيدة + نص كاس زيت + م ك زبدة مدوبة + خمارة و نص + كاس كبير الما بارد
ناخدو السميد نديروها في بانيو هي و الحمرة + سنيدة + زيت + زبدة + ملح + الخميرة + ونخلط بالاصابع + الما
ممكن اضافة النافع + و في بلاصة سنيدة نخليو غير الملح و نضيفو الزيتون اخضر او اسود و شوية الربيع و شوية زيت الزيتون و راس م ص ثومة حمرا + او فرماج احمر و م ك زيت الزيتون و شوية الزعتر .
ترتاح شوية و في مقلة ثقيلة ندهنا بالزبدة و نرشها بالسميد و ندير دائرة الحرشة و نصاوب حرشات صغار

كريب بالليمون - هدى اليداري
في كاس العصير : 4 بيضات + قبصة ملح + كاس كبير الليمون + كاس كبير الحليب + 2 م ك سنيدة + م ص الزبدة + نحك شوية من قشرة الليمون + رابعة الدقيق
ممكن تعويض كاس كبير الليمون بكاس العنبة ديال الحامض مع كاس كبير و ربع ديال الحليب
وممكن تعويض الدقيق الفورص ب200 غ سميد رقيق
يرتاح 5 دقايق او اكثر و نطيبوه في مقلاة ما كتلصقش
بلا ما ندهن المقلاة بالزبدة - لانها كتدهن غير في الكريب المالح

بيتزا ساهلة - هدى اليداري
رابعة الطحين + نص كاس زيت العود + م ك خميرة الخبر دايبة في ربع كاس حليب دافي و قبصة سنيدة + الملح + شوية زعتر + شوية بودرة البصل اختيارية + شوية ثومة غبرة اختيارية + شوية الما دافي للعجين
خص العجين يكون خفيف نكورها و نغطيها و نخليها ربع ساعة حتى تخمر
نسرحها بالسميد رقيق او الدقيق باليد وكنكرصها رقيقة كنتقبوها بالفورشيط و ندخلها الفران طيب غير من لتحت - غادي تبقى بيضة و فيها شوية الحمورية
من بعد كنخرجها و ندير فوق منها صلصة طماطم و اللي بغينا من الحشوة و كنرشوها بالفرماج و كندخلوها يدوب الفرماج
ومللي كنخرجها كنسقيها بزيت العود فيها الثومة 1 وورقة سيدنا موسى و زعتر و ازير اختياري



المحنشة حلوة - هدى اليداري
كيلو اللوز مصلوق ومنقي + نص كيلو السكر + 3
حبات مسكة حرة مدقوقة مع شوية السكر و يتطحن كولشي + م ك زبدة + م ص روح الزهر او 2 م ك ماء زهر و نعجنو مزيااان + بيضة كاملة باش ما يتشققش اللوز ... كنديروها حرابل 
وكنجيبو ورق البسطيلة و كنقطعوها طويلة وكنلصقو الورق مع بعضياتها بالبيض وفاني حتى كتولي عندنا ورقة طويلة كنعمروها بالحشوة و كنسدو الورقة بالبيض و فاني و نبدا نديرها دائرة و ندهنا من الفوق بالزبدة او الزيت و ندخلها افران
غير تخرج باقة سخونة في اللاطة و نسقيها بعسل من النوع الممتاز معاه شوية الماء زهر و مسكة حرة ونخليها تبرد و نرشها باللوز مهرمش




دجاج مقلي بالحامض و الزيتون في الطاجين - هدى اليداري
زيت + بصلة كبيرة مشلظة + 2 ثوم و تقلى فوق النار + دجاجة نقطعوها
زلافة صغيرة ندير فيها الربيع + ثومة غبرة شوية + عصير حامضة + نص م ص عطرية الدجاج + سكينجبير + خرقوم بلدي + ملح + ربع م ص السمن + نص كاس عنبة الماء و نسقي بيه الدجاج من الفوق و نستف فوق منو الحامض مصير نص و نخليه يطيب مللي يطيب نضيف عليه الزيتون احمر او اخضر بلا عظم من بعد ما طلع فيه الغلية في كاصرونة و الفريت و زيت العود

طبوط صغير بزريعة الكتان - هدى اليداري
نص كيلو القمح بالنخالة + رابعة الفورص او الفينو + 2 م ك زريعة الكتان مهرمشة او مطحونة + ملح + م ك حليب غبرة + م ك خميرة الخبز + م ص الزبدة و نعجنوها بماء دافي و نقطعهم دوائر و نخليهم يخمرو ونطيبها
و نعمرهم باش ما بغينا




حلوى الكوك و الزنجلان معلكة - هدى اليداري
رابعة الكوك الرقيق + رابعة الزنجلان محمر غير شوية و مطحون + نص كاس حمرة النخالة الرقيقة + ندير حفرة الوسط +رابعة سنيدة + فاني + 2 م ك ما زهر + م ك الكليكوز او 2 م ك الكونفتير + 3 خمارة + نص كاس زبدة مدوبة + 4 او 5 البيضات على حسب اللي غيجمع لينا العجين
نديوهم كويرات و نفندهم في سكر كلاصي سبسيال بدون ما تبسط باليد وندخلها الفران سخون شوية طيب من الفوق حتى تشقق عاد طيب من لتحت






فلون ديال البيض بالكراميل - هدى اليداري
6 بيض كاملة + فاني نطرب بطراب يدوي او بفورشيط + كاس و نص سنيدة ونطرب + نص ايطرو قشدة طرية ثقيلة و نطرب + كاس حليب كبير مدوبة فيه م ص النشا ونطرب + 2 بيسكوي يتهرس او يتطحن و نضيفوه على الخليط او نص كاس بودرة اللوز مع قشرة نص ليمونة او نص كاس الكوك مع قشرة نص حامضة او قشرة نص حامضة بوحدها او قشرة نص ليمونة بوحدها – على حسب الاختيار ديالكم ونطرب
ناخد لاطة ديال الفلون وندوبوا الكراميل : كاس العنبة سنيدة + م ص الخل فوق النار المهيلة ونحركو حتى يدوب السكر و يولي اللون ديالو بني
ونديرو في قاع المول و نضيف فوق منو الخليط ديال الفلون
ونديرو في حمام مريم و يكون الما مغلي و ندخلوا الفران و نخليه يطيب حتى يجمد 40 دقيقة .
يخرج من الفران نخليه يبرد في المطبخ ساعة او ساعة و نص و عاد ندخلوه لثلاجة
و عند التقديم نقلبوه .
اللي ما عندوش القشدة الطرية : يدير نص ايطرو ديال الحليب + 2 ياغورت فرماج

دجاج معمر مالح - هدى اليداري
دجاجة نشرملوها بالثومة غبرة او 3 ثوم مدقوق + م ك زبدة + نص م ص السمن + نص م ص عطرية الدجاج + عصير نص حامضة + شوية سكينجبير + الربيع + ملح غير شوية + زعفران حر + خرقوم بلدي + ابزار ة نخلط و ندهن اللدجاج من برا و لداخل و نتقبو الصدر بقضيب و ندخلو الشرمولة لداخل و ندهنو تحت الجلدة
الحشوة ديال الدجاج من لداخل : اما الكفتة او الكبدة
بصلة كبيرة مشلظة رقيقة في مقلاة + 1 ثوم + زيت + ملح و تقلى + الكفتة رابعة مشرملة او الكبدة و نشحر مزيااان + عصير نص حامضة + الربيع مقطع + نص م ص عطرية الدجاج + ابزار + سكين جبير طري او عادي نص م ص و تشحر مزيااان + علبة شومبنيون او شوية زيتون مقطع او ما ندير والو + فرميسال مرقدة في الما طايب و مغسولة في الما بارد و مقطعة + 2 م ك صلصة الصوجا الثقيلة كتشحر مزيان
و نخليها تبرد من بعد ما طيب و نعمر بيها الدجاجة و نخيطها او نسدها بالعويدات و ندخلها الفران و نتقبها مرة مرة بالقطيب


صلصة حلوة مرافقة للنيم - هدى اليداري
خل البلزميك 4 م ك + 2 م ك صلصة الصوجا خفيفة + 6 م ك زيت الزنجلان + م ك سنيدة + شوية الملح + قطرة عصير حامض و نخلط مزياااان في قرعة باليد و نقدموها


تشيز كيك - هدى اليداري
200 غ بقايا الحلوى ديال الدار او 6 بكيات ديال الصابلي بيسكوي كيتطحن مزيااان + 2 م ك الكوك او بودرة اللوز و قشرة الحامض او الفاني او قشرة الليمون محكوك
ايلا دنا البيسكوي كنضيف اصفر بيضة + كاس الا ربع زبدة مدوبة و نعجنها بالاصابع
ايلا درنا بقايا الحلوى + بيضة كاملة + نص كاس زبدة مدوبة و نعحنها بالاصابع
و نبسط العجين في لاطة ديال لاطارط و ندخلها الثلاجة نص ساعة حتى تقبط الزبدة و نخرجها و نضيف ليها الحشوة
الحشوة : كاس كبير الحليب + 2 بيضات + 500 غ الجبن + 50 غ مايزينا + 150 غ سنيدة + قبصة ملح + فاني نطرب بالطراب اليدوي : البيض مع النشا و فاني + الملح + السكر و نطرب مزيااان حتى تولي كريمة + الجبن و نطرب حتى تولي كريمة و نضيفو على العجين و ندخلها نص ساعة للفران سخون


كيتشوب - هدى اليداري
كيلو مطيشة نحيد ليها القشرة و الزريعة ونقطعها و تصلق في كاس كبير الما + قبصة ملح
مللي طيب نطحنها في الة كهربائية للطحن و نرجعها للنار + 100 الى 150 غ سكر + م ك زبدة + م ك الطحميرة و نخليها فوق النار حتى تنشف
ممكن ندوزها في صفاية رقيقة بزاااف باش تكون رطبة - صفاية ديال الشينوة –
ايلا بغينا الكيتشوب منسم : + 1 ثوم + طرف البصلة اثناء الصلق



صابلي ديال التمر - هدى اليداري
رابعة زبدة العبار تعجن مع 200 غ سكر كلاصي + حبة مسكة حرة مدقوقة مع شوية سكر + فاني او روح فاني و تعجن + بيضة + نص كيلو دقيق + نص خمارة الحلوى
نعجنها و نديرها في الثلاجة 15 ساعة بينما قبطات في راسها
ناخد التمر المعجن نص كيلو + م ك الزهر + م ص الزبدة + حبة مسكة حرة مدقوقة و نعجنو مزيان حتى يرطاب
ناخدو العجين يتقسم على 2 و يتورق بالنشا ما بين 2 بلاستيك و نورقها بالمدلك على شكل مربع و نقطع الجناب و ناخد التمر و نطلقو ما بين 2 ساشي بالنشا و ندير نفس قياس المربع ديال العجين
ناخد المربع ديال التمر و نديرو فوق العجين رقم 1 و نجيب العجين رقم 2 ندير الفوق و نضغط شوية باش يلصق و ندهنوا ببيضة مطربة مع ساشي قهوة سريعة الدوبان او شوية الكاكاو و نزوقها بالفورشيط و نبدا نقطعها مستطيلات و ندخلها الفران و مللي تخرج نفندها في سكر كلاصي او غير نرشوه بالصفاية على وجه الصابلي

اللحم بالمشماش و الأناناس

9 كيلو اللحم في بانيو + 2 كاس كبير الما + 3 م ك سكينجبير + 2 م ك عطرية اللحم + م ص ثومة غبرة او 4 ثوم مدقوق + بصلة كبيرة محكوكة + 2 م ك السمن + شوية زعفران حر محكوك بين اليدين + 4 مسكة حرة مدقوقة مع السكر + نص م ك ابزار + خرقوم لدي م ك + 4 حبات التمر بدون عظم + الملح + شوية خرقوم ملون + الربيع مربط 3 ربطات + 4 عواد القرفة وكنشرملو اللحم مزيااان
ندهن و نحط في الطنجرة و نخليه مرقد 30 ساعة و نديرو يتقلى على نار مهيلة بدون زيت + بصلة 3 او 4 كيلو مشلظة رقيقة مشحرة بوحدها في كاس ديال الزيت و عاد نضيفها ونقلب اللحم باش تولي الابصلة لتحت و + كاس عنبة الزيت مخلط و تشح رمزيان و + الما مزيان و نخليه يطيب
مللي يطيب نحيد الربيع و اطراف اللحم ندهنهم بالزبدة و شوية زعفران حر و ضامة زعفران او عطرية اللحم و م ص السمن و نديرهم في لاطة مدهونة بالزبدة و نخليه يتحمر
ونخلي المرق يتعلك على نار هادئة و نحيد منها عواد القرفة
مللي تعلك مزيان نرجع اللحم للمرق و نخليه فيها مدة 15 ساعة حتى يشرب شوية المرق
ويكون مغطي بميكة بيضاء باش ما يقساحش
الاناناس مصبر في مقلة مع م ك الزبدة و 2 م ك سنيدة و نقطة زهر و شوية عطرية اللحم و نعسلوه من الجهتين و نفند الاناناس في اللوز ايفيلي مهرس
كيلو و نص المشماش نديرو في كاصرونة فيها الما و الملح و شوية زهر و عطرية اللحم و 2 مسكة حرة مدقوقة و م ك الزبدة و نخليه يطيب في الما ديالو و مللي يطيب نضيف ليه م ك الكليكوز + 200 غ سنيدة او رابعة سنيدة ايلا ما كانش الكليكوز
في التقديم نحط اللحم و المرق و نزوق بالاناناس و المشماش