شنيك مورق ورائع بطريقة المسمن
السلام عليكم ورحمة الله تعالى وبركاته
اللهم صل على محمد وعلى آله وصحبه أجمعين
المقادير

بيضة
كاس صغير زيت مخلط مع الزبدة مدوبة
كاس صغير ماء
كاس صغير حليب
كاس صغير معامرش سنيدة
قبسة ملح - خمارة الحلوة
2 معالق كبار خميرة الخبز


فورص لي غيجمع العجين بعدما غنطحنو المقادير الاولى بوحدها
زبدة طرية للتوراق
بيضة



للحشو :

كريم باتيسييرأو مربى أنا استعملت مربى المشمش
زبيب او فواكه مجففه
او مكسرات

الطريقة :
تطحن جميع المقادير

بالنسبة لحليب و الماء ندفيوهم فميكرواند او فوق البوطة
بعدما نكونو طحنا المقادير
نضيف فورص بشوية بشوية حتى تجمع العجين
نغطوها بفيلم اليمونتير ونخليها تخمر

تم نقسمها الى 6 كويرات
نعملهم على شكل رغيفة وندهنهم بالزبدة تكون بوماد ونسدها

نوضعها جانبا ونكمل باقي الكويرات حتى نساليهم
تم نبدا نورق 1 و ندير الزبدة

نورق وحدة اخرى و نحطها فوق الاولى
وهكدااااا حتى نكملو العجيييييييين
ندخلوها تلاجة لمدة 1/2 ساعة
تم نورقها

وندير طبقة مربى  و زبيب
ونلفها وندخلها الفريكو حتى تجمد مزيييان باش يساهل تقطع
تم تقطع دوائر وتبقى تخمر

وندهنهم بالبيض و يدخلو الفرن
مني يتحمرو يدهنو بالنباج او العسل وبالصحة والراحة