المقفول باللوز و الزبيب

3 طيور بلديىن مقطعين دجاج بلدي

شرمولة عادية
الثوم
البورو
قرفة
سكينجبير
عسل حر
زبدة
ملح
حامض مصير
زيت المائدة
نشرمل دجاج البلدي بهاد الشرمولة ونخليوها تشرب

ونعملو نافخ يشعل ونحضرو المجمر وحتى يحمار الفاخر
نوضعوو الطاجين يكون كبيبر شوية
ونوضعو فيه دجاج مع المتبقي من شرمولا
ونشحروه مزيان
ونضيف ليه بصيلة صغيرة لي تنقولولها ألماسة
ونزيد لوز
و الزبيب الأبيض يكون كبيبر شوية
يكون مسلوق قبل
ونسدو عليه حتى يطيب على خاطرو
منعملوشي الربيع
معدونس مكيدارش في المقفول

ملي نحسوو به قرب يطيب
نطرب 10 بيضات بلديات
مع قليل من المسكة الحرة ونصبه فوق الطاجين
وناخد الرماد لي بقى في المجمر ونحطوه ف شي طبسيل حديد ممكن طاوة ديال البسطيلة ويوضع فوق الطاجين أي يغطى به
حتى يطيب البيض ويبقى الدجاج فحال المشوي ويشرب البيض المرق من التحت ويقدم في طيفور الفضة من الاحسن
و يزين بقشور الحامض