السلام عليكم حبيباتي توحشتكم بزاف غاية  التوحش ههههه 
كنتمنا تكون أموركم مزيانة 
وعواشركم  مبروكة  شريتيو الحولي  أو مزال 
بديتوا توجدو أو والو 
المهم  ندخل في الموضوع 

شكون فيكم  كتعجبها هدى ليداري خبيرة الطبخ  لي كتجي  في شدى إ يفم في شهيوات لذيذة ومجربة  .؟


انا صراحة كتحمقني وبالاخص الوصفات لي كتجيب ممتازة وساهلة
من هاد  المنبر مكرهناش نجمعو جميع وصفاتها لي كتجي يوميا الخاصة بالنصائح المطبخية  و الوصفات المجربة 

بمعنى أن هاد  الموضوع غادي نخصوه  فقط لوصفاتها باش تكون مرجع للجميع أي وقت يستافد 

الى قديتو عافاكم  البنات تجمعو لينا الوصفات لي فاتو يكون  احسن 
لان كل واحد  وظروفو كاين لي مايخدملوش الراديو وكين لي يكون خارج أو ممساليش 
انا شخصيا إلى فاتتني شي وصفة كايبقا  في الحال 
اوا اشنو رايكوم يا الغزالات
كاينين شي معجبات هدى او لا ؟؟؟
أنا على نفسي  نبدا الأولى بالوصفات لي سجلت 
ويريت يا بنات منبخلوش على بعضياتنا 
بما أننا في ايام عيد الأضحى المباركة دونك غادي نكتب الوصفات لي عطاات في بهاد المناسبة هما الأولين 

لمروزية – هدى اليداري 08-10-2013

اللحم كيلو ونص حتى 2 كيلو من السنسول + 2 بصلات مشلظين رقاق + م ص السمن + م ونص ك ديال عطرية المروزية + 2 عظم التمر + شوية زعفران حر + نص م ص خرقوم بلدي + الملح + م ص سكين جبير + 2 عواد قرفة + مسكة حرة + نص كاس زيت عادي + م ك ماء زهر + ربع كاس الماء ونخلط مزيان و نخليه راقد نص ساعة و من بعد نشحروه وعاد نضيف زعفران حر و المسكة حرة حبة او 2 مدقوقة مع القليل من السكر ومن بعد نضيفو كاس كبير ديال الماء في جوانب الطنجرة وحبات التمر و نغطيها و نخليها كطيب على نار مهيلة
مللي يطيب 20 دقيقة نضيف الزبيب رابعة او اكثر حسب الاختيار ومن بعد نص ساعة نضيف 2 م ك العسل او م ك العسل حر .
ممكن اضافة اللوز من الفوق عند التقديم



الصوصيص ديال اللحم – هدى اليداري 08-10-2013

ناخدو المسارن ديال العيد نغسلوهم و نقلبوهم و يترقدوا في شوية الماء و الملح و م ص خل التفاح و م ص خل عادي مدة ربع ساعة و من بعد نقلبوهم
نشروهم في الشمس غير شوية حتى ينشفو و نستعملوهم
ناخدو كيلو الكفتة ديال الغنمي او الماعز + زلافة صغيرة معدنوس + نص م ص ثومة غبرة + 2 م ك مرجان او م ص وراق الزيتون مطحونة + م ص سكين جبير + منبت النافع م ص مطحون + 2 اوراق النعناع عبدي مقطع صغير + شوية الملح + نص م ص طحميرة + ممكن اضافة السودانية غبرة
ممكن اضافة شوية من بقايا التفاح المستعمل في خل التفاح مجفف و مطحون للاحتفاظ بالصوصيص مدة شهر .
من بعد كنبدا نعمر الصوصيص






صلصة الكوطليط - هدى اليداري - 08-10-2013

ناخدو الكوطليط + نص م ص موطارد + م ص المرجان + 2 ضروي الثوم + عريش ديال ازير او شوية مطحون + شوية الزعتر + م ك زيت + ملح + م ص عصير الحامض + ابزار
يتخلط كولشي و يترقد ساعتين
ونديروه في الفران او شواية الضوء

الصلصة المرافقة للكوطليط او باقي اللحوم
المايونيز ديال الدار ديال الحليب او ديال البطاطا تقريبا زلافة صغيرة
+ راس م ثومة غبرة + م ص مرجان + 2 م ك المعدنوس + شوية الملح + ابزار + م ص عصير حامض و نخلطو كولشي وممكن اضافة القليل من الزعتر مطحون او اوراق الزيتون .








القديد - هدى اليداري - 08-10-2013

كيلو اللحم + 2 ثوم او نص م ص ثوم غبرة + م ك المرجان + م ص قزبر يابس مطحون + شوية الزعتر + الملح م ك +م ص البيكتين + م ص خل التفاح + م ك زيت عادي او اي زيت اخر بلدي + نص م ص اوراق الزيتون مطحون .
نخلطو كولشي و نرقدوه ليلة كاملة في علبة مغطية في الثلاجة و نشروه يومين في الشمس او من الاحسن في الظل وهو مغطي بثوب ديال القطن و ندخلوا من بعد الفران سخون بلا نار
نخرجوه و نديروه في بلاستيك و يدخل المجمد

نصيحة بالنسبة للحم عموما : ممكن دهن اللحم قبل ادخالو الى المجمد و بعد اخراجو منه بزيت المرجان







حريرة عيد الاضحى – هدى اليداري – 08-10-2013

كيلو مطيشة مطحونة و مصفية من الزريعة + بصلة كبيرة مشلظة او محكوكة + الربيع و القزبر و المعدنوس + زلافة صغيرة ربيع مخلط + نص م ص كروية مطحونة + 2 عود ديال القرفة + م ص سكين جبير + نص م ص خرقوم بلدي + نص م ص ابزار + م ك السمن الدايب او نص م ص السمن عادي + طريفات اللحم او العظومة + الملح + نص م ص عطرية المروزية + نص كاس الماء صغير + 2 عظومة التمر
نشحروها مزيان 15 ساعة ومن بعد + 2 كاس الما كبار + الحمص و العدس
ونسد الكوكوط من 20 دقيقة حتى نص ساعة
في الاخير ندوروها بالخيزو و البطاطا مصلوقين و مطحونين مع شوية الماء + شوية الشعرية .
زلافة الربيع حتى الاخير



يتبع

الثومة غبرة - هدى اليداري

كيلو الثومة + 100 غ الملح نمسحوها بمنديل رطب و نخليها بالقشرة ديالها ونحيد ليها القلب ديالها
وندقوها في المهراز او نطحنوها
ناخدو لاطة نديرو فوق منها منديل نسرحوا عليها الثومة و نديروها 3 ايام في الشمس و في الليل كندخلوها
نهار 3 ايام نحيدو المنديل وندخلوها الفران ساخن بدون نار
ونعاود نطحنها مرة اخرى و ممكن اضافة اوراق الزيتون 20 او 30 غ للناس اللي عندهم الطونسيون
ممكن نحيدو القشرة و ممكن الاحتفاظ بها
ونحتفظو بيها في قرعة ديال الزجاج



خبز العيد - هدى اليداري

زلافة الدقيق فورص + زلافة قمح سبيسيال + م ص زبدة + نص م ص سنيدة + ملح + 2 م ك حليب مجفف + 2 حبات مسكة حرة + شوية نافع و الزنجلان
و العجين كالمعتاد




الخبز بالحليب - هدى اليداري

3 زلايف دقيق فورص + 4 معالق كبار حليب مجفف + شوية الملح + ربع م ك سنيدة + خميرة الحلوى وحدة + م ك خميرة الخبز + زلافة الحليب + بيضة + 100 غ الزبدة
العجين كالمعتاد




عجينة البيتزا بالقمح - هدى اليداري

زلافة القمح + ربع كاس زيت الزيتون + م ك خميرة الخبز + شوية الملح + م ص سنيدة + م ص الحامض + شوية الزعتر
العجين يتجمع بالماء بارد و نكرصو العجين بالحمرة ديال الدقيق



هادشي لي كين أحد الساعة لي عودة لي أكيد

شكرا جزيلا 
أختي 
ههههه سبقتيني حتى أنا كنت نفكر نحط شي موضوع فحال  هكذا 
بصح يبقى مرجع لي أخت بلا مانبصاو تالفين مابين الصفحات 
هههه 
بنسبة ليا هاد شي لي موجود عندي هاد الساعة 


الكوكيز - هدى اليداري

المقادير : 250 غ اللوز بالقشرة محمر و مهرمش + 125 غ زبدة + 250 سكر سنيدة + خمارة و نص + 2 م ك بودرة الكاكاو + 90 غ حبوب الشكلاط + 200 غ الدقيق + فاني + روح النوكا
الطريقة : نخلطو الدقيق مع السكر و بودرة الكاكاو و نعجنوا العناصر مع الزبدة ثم نضيفو باقي المقادير





Les gauffres - هدى اليداري

المقادير : 8 م ك فورص + 2 م ك سنيدة + 1 فاني + خميرة الحلوى + 3 بيضات + 2 م ك زبدة + 2 م ك الحليب
الطريقة : يخلط الكل في خلاط كهربائي ثم يوضع في جهاز خاص بطهي les gauffres
مدة الطهي 5 الى 10 دقائق بحال طريقة البغرير




قطبان اللحم - هدى اليداري

بصلة مشلظة + نص م الثومة غبرة + 2 م ك زيت الزيتون + 2 م الخل او 2 م ص عصير الحامض + سكين جبير حسي الدوق + بصلة يابسة + 2 م ص الطحميرة + نص م ص الكامون + الربيع مقطع + نص م ص راس الحانوت + نص م ص القزبر يابس
نخليو اللحم راقد مدة ساعتين ثم نبدأ بالشواء









دوارة العيد – التقلية - هدى اليداري

دوارة ديال العيد مغسولة و مصلوقة + 4 الضروس ديال الثوم + نص م ص السمن + ربع كاس زيت العود + 2 م ك الربيع مقطع + م ص سكين جبير + نص م ص الابزار + الزعفران حر + نص م ص خرقوم بلدي + ربع م ص راس الحانوت + م ص قزبر يابس + ربع كاس الماء + م ص ديال الخل الصحراوي او 2 م ص عصير الحامض
الطريقة : نديرو كولشي في كوكوط






بريوات ديال الدجاج - هدى اليداري

المقادير : دجاجة + م ص السمن + 2 م القرفة +زعفران حر + زعفران بلدي + سكين جبير + الثومة + الماء + راس الحانوت + الملح و الابزار
الطريقة : ترقد الدجاجة في العناصر لمدة ساعة كاملة
كنشحرها و نضيف عليها بصلة مشلظة و نسد عليها في الكوكوط
من بعد نشربها مزيان حتى ما يبقاش الماء نهائيا من بعد نفرتتو اللحم ديالها و نحضروا بيها البريوات






شوربة السمك على الطريقة اليابانية - هدى اليداري

المقادير : 250 غ ديال الكروفيط + 250 غ السمك هبرة + 2 حبات بطاطس + بصة صغيرة + ضامة البنة ديال السمك + م ص من صلصة الصوجا + 2 او 3 فرماجات مربعة + الملح + الابزار + القشدة الطرية + كاس كبير ديال الحليب
الطريقة : ناخدو الماء ديال السمك محضر مسبقا بالشوك ديال السمك او الريوس ديالو و كنضيفو عليه كل المقادير و نخليو القشدة الطرية اخر حاجة
ونخلي كولشي على نار مهيلة لمدة 20 دقيقة





بولفاف بالكبدة و الرئة - هدى اليداري

المقادير : الكبدة + الرئة + فلفلة حمراء + قزبر يابس + الملح + م ص الحامص او الخل الصحراوي + الكامون + الثومة غبرة
الطريقة : نشوي الكبدة و الرئة نص شوية كالمعتاد من بعد نقطعوهم قطع صغيرة و نخليهم في التتبيلة لمدة ساعة و نعمرو بيهم من بعد القطبان






الكتف محمر - هدى اليداري

المقادير : كتف + م ص السمن + م ص الكامون + 4 الضروس الثوم + ربع كاس زيت عادي + زعفران حر + ربع م ص خرقوم + كاس ديال الما
الطريقة : يترقد الكتف لمدة ساعة في التوابل
نوضعوه في الوكوكوط حتى يطيب ثم ندهنوه بشوية الزبدة و ندخلوه الفران




الحوت في الفران - هدى اليداري

المقادير : ناخدو اي نوع من الاسماك + 2 ضروس الثوم + الزعتر او زعيترا + 2 م ك عصير الحامض + الملح + الربيع + قزبر يابس + نصف م ص موطارد .
الطريقة : يرقد السمك في التوابل مدة 10 دقائق او اكثر و يدخل الفرن .

مرسيي البنات درتو فينا خير و الله شكرا عا الفكرة الرائعة 

طريقة تحضير فروماج باهض الثمن بثمن بسيط
فروماج الدهن
المقادير
2 كيسان عنبة حليب غبرة + 2 كيسان عنبة حليب سائل + نصف معلقة ملحة + 2 فرماجات مربعين + 1 خمارة ديال الحلوة
يوضع الكل في الخلاط الكهربائي ثم كنسموه بعد دلك بقطع الشوكلاط أو الفاني خسب الدوق
و لي عندو أطفال ممكن يضيف الخليط 100g شكلاط مدوب




همبرجر السمك للاطفال – هدى – 12-09-2013

كيلو لاربع من السمك الابيض نطحنوه بلا قشرة ونحك فيه كرعة وحدة و خيزوة بالحكاكة الرقيقة + بطاطا صغيرة تشحر شوية الخضر قبل ما تخلط مع كفتة السمك مع الملح و الابزار و شوية الزيت مللي تبرد نضيفوها على الهبرة
+ ربع م ص ثوم غبرة + ملح + ابزار + م ص عصير الحامض + شوية زعتر مطحون او محكوك + م ك قزبر + م ك معدنوس
ونعجنوها وممكن اضافة قطعة او 2 ديال الفرماج او 100 غ ديال الموتزريلا او فرماج احمر
نخلطو ونكرصوها وسط 2 ساشي و نطبعوها بالطابع ديال الحرشة
ندوزو الدوائر في لاشابلير ونديروها في بلاطو وندخلوها المجمد ساعة على الاقل
مللي نخرجها على ورق الطهي في الفران و نرشو ورق الطهي و الدوائر بالزيت
نديروه في الخبز سخون و ندهنوه بالكيتشوب + الكفتة + المايونيز + مربع الفرماج + ورق الخص او دوائر الطماطم






همبرجر كفتة للاطفال – هدى – 12-09-2013

رابعة الكفتة + نص م ص زبدة + ملح + ابزار + شوية فرماج محكوك
تعجن و دار خبيزات ودخل المجمد ودار في الفران او مقلة طيفال مع م ص زيت طيب على جهتين
في خبز مدهون بالكيتشوب + الكفتة + مربع فرماج + مايونيز + الخص + الطماطم
الفريت باش يجي مقرمش : ناخدو نص كيلو بطاطا مقطعة ونديروها في ماء غير اللي يغطيها فيه م ك خل ابيض نخليه ربع ساعة او ثلث
نصفيها و ما نغسلوهاش و نشفوها في الصفاية و نمسحوها من الماء ونقليها نص قلية 2 دقايق او 3 في زيت ساخن و نخليها تبرد ومن بعد ندخلها المجمد
اما ايلا كنا بغينا ديك الساعة نقليوها نص قلية ونخليها تبرد شوية و نعاود نقليها











كفتة على شكل قضبان - هدى – 12-09-2013

رابعة الكفتة بدون توابل دجاج او لحم + الربيع + ثوم غبرة + طحميرة + كامون + سكين جبير + ابزار + قرفة + ملح + مرددو ش ادا توفر + 3 قطع فرماج
نعجنوا ونديروها على شكل قضبان تقريبا 3 سم
نديرهم في الفران يطيبو على ورق الطهي
نخرجها من الفران و نقطعها دوائر غلاظ شوية - ممكن نديرهم في قضيب ديال العمود واضافة اطراف الفرماج










شوارما للاطفال - هدى – 12-09-2013

رابعة هبرة دجاج او ستيك اللحم مقطع شرائح رقيقة + م ك صلصة الصوجا - لاجل اللون البني للدجاج - ياغورت بدون سكر + قشرة الليمون غير حكة او 2 + شوية قشرة الحامض كدلك حكة او زوج + م ص عصير الحاممض + م ص عصير الليمون + ربع معلقة ص ثومة غبرة + شوية الملح و الابزار + نص م ص سكين جبير للدجاج و ربع م ص للحم + ربع م ص ثوابل الشوارما + م ص صلصة الطحينة
ناخدو نص ياغورت + الهبرة + كولشي المقادير و نديروها في الثلاجة و نديروها في علبة و نخليها ساعة او اكثر
الغد ليه كنصفيوها من الما و نديرها في المقلة مع م ك زيت وتشح رمزيان و نديروها في العيش اللبناني فيه الخص و الكورنيشو اختياري و مطيشة و البصلة مصلوقة 3 دقايق في الماء و الملح
+ الهبرة و من بعد + م ص الطحينة او (نص ياغورت مسوس + ملح و ابزار و ثوم غبرة )

المايونيز : فرماجة مثلثة + نص كاس صغير حليب + ملح + ابزار + شوية الخل + ثوم غبرة + في خلاط كهربائي و نطرب ونضيف الزيت شوية بشوية - نص كاس زيت – ممكن نسموا بالزعتر في مكان الزعتر  






سلطة اور دوف – هدى 11-09-2013

رابعة خيزو + رابعة بطاطا + رابعة باربة +رابعة ليشو احمر او اخضر + رابعة الدرة + جلبانة + رابعة كرعة خضراء + رابعة اللوبيا + رابعة الروز + الخيار + 2 حبات مطيشة + الخص + 4 بيضات + علبة الطون + مايونيز + الكاشير اختياري
معدنوس للتزيين
صلصة لكل انواع السلطات ممكن الاحتفاظ بها لمدة اسبوع في الثلاجة
نصف كاس زيت مائدة + نصف كاس زيت الزيتون + ربع كاس الخل + الملح + الابزار + م ص الموطارد + م ك الربيع
كولشي في كاس عصير + نصف كاس الماء و يتطحن
الخضر كاملة تصلق في ماء مملح او تبخر مع قليل من الملح تقطع بنفس الطريقة
نخليها تبرد نخلطها مع الصلصة
ناخدو طبسيل مربع ناخدو الخص نقطعو طويل ونرشو على الطبسيل وندير خطوط طويلة بكل نوع من الخضر - البطاطا + اللوبيا او جلبانة + خيزو + الدرة + مطيشة + ليشو + الخيار الروز مخلط مع الطون و شوية الدرة ممكن اضافة الطون على جوانب الطبسيل كامل + البيض يتقطع على 4 ونفرقها على الطبسيل
صلصلة خاصة بها : 2 م ك مايونيز + شوية الربيع + خليط الصلصة الاولى شوية + شوية الطون + شوية فرماج احمر محكوك + 2 فرماج مربع ممعوس + م ص صلصلة الصوجا ونطحنوا كولشي
ونزينو بيها كخطوط او في اناء الخاص












سلطة المقرونية - هدى اليداري - 11-09-2013

رابعة المقرونية نصلقها بالماء و الملح وورق سيدنا موسى في مقلاة مع م ص زبدة + 1 ثوم محكوك + شوية ربيع + شوية ملح + ابزار + شوية زعتر + شوية ازير تشحر شوية وممكن اضافة شوية الكروفيط معاها على نار عالية و نضيف عليها فرماج احمر و نخايه يدوب
الخضر : 2 بطاطا + 2 خيزو + 2 الكرعة نحكهم خضريين طوال ونشحرهم كلهم في مقلة مع م ك زبدة + ملح قبيصة و ابزار + م ص صلصة الصوجا + شوية عصير الحامض تشحر شوية و نحطها تبرد
من بعد نخلطو الخضر و المقرونية
الصلصة : قرعة صغيرة ندير فيها م ك عصير الحامض + ربع كاس زيت + م ص صلصة الصوجا + ملح + ابزار + نصف م ص موطارد + راس معلقة سكر + الربيع + ونخلطو مزيان القرعة حتى نحصلو على صلصة خاترة و نضيف عليها زنجلان ابيض او (العادي من بعد ما يتحمر )
كندير الصلصة كخطوط من فوق السلطة و نزينو بالزنجلان من الفوق

ارك الله عليكم والله افدتونا كتير

تبارك الله عليكم والله افدتونا كتير

فعلا فكرة جيدة جدا جعلها الله في ميزان حسناتكم 

طريقة تحضير المخ و الكبد – هدى اليداري 10-10-2013

المخ كنغسلوه و نديروه في الثلاجة في علبة مغطية
ثاني عيد ناخدو و نخوي عليه شوية الماء مغلى مدة دقيقة و نحيد القشرة ديالو
ونقطعو مربعات
نديرو في مقلة مع شوية زيت العود وزيت عادي و 2 ثوم و الربيع و الطحميرة و الكامون و السودانية و عصير نص حامضة و شوية الملح
على نار مهيلة و يتغطى و يطيب 2 دقايق بلا تحراك ثم نقلب طرف بطرف 2 دقايق اخرى
نطفي االبوطة و نزين بقشرة الحامض




الخليع - هدى اليداري 10-10-2013

2 كيلو القديد نغسلوه بماء بارد و نخليه يغلي 2 دقايق في ماء مغلى و نصفيع و نغسلو بالماء البارد
ناخدو الشحمة ديال الكلاوي تقريبا كيلو او كيلو و نص و نقطعوها ونطحنوها ونغسلوها بالماء بارد و نديروها في طنجرة + م ك الثومة غبرة + 2 م ك قزبر يابس + م ك الكامون + حبة مسكة حرة مدقوقة مع راس معلقة الطحين
نخليها على نار مهيلة و نخليها دوب على مهلها ثم نضيف قطع اللحم + 2 كاس كبير الماء
ونغطي الطنجرة و نخليها طيب على خاطرها ساعة او اكثر خص القديد ما يبقاش فيه الماء
من بعد ما يطيب نقليوه شي نص ساعة



الصوصيص ديال اللحم – هدى اليداري 10-10-2013

ناخدو المسارن ديال العيد نغسلوهم و نقلبوهم و يترقدوا في شوية الماء و الملح و م ص خل التفاح و م ص خل عادي مدة ربع ساعة و من بعد نقلبوهم
نشروهم في الشمس غير شوية حتى ينشفو و نستعملوهم
ناخدو كيلو الكفتة ديال الغنمي او الماعز + زلافة صغيرة معدنوس + نص م ص ثومة غبرة + 2 م ك مرجان او م ص وراق الزيتون مطحونة + م ص سكين جبير + منبت النافع م ص مطحون + 2 اوراق النعناع عبدي مقطع صغير + شوية الملح + نص م ص طحميرة + ممكن اضافة السودانية غبرة
ممكن اضافة شوية من بقايا التفاح المستعمل في خل التفاح مجفف و مطحون للاحتفاظ بالصوصيص مدة شهر .
من بعد كنبدا نعمر الصوصيص




العطرية ديال القطبان – هدى اليداري 10-10-2013

القزبر يابس و مطحون م ك + م ك الطحميرة + م ك الكامون + م ص التومة غبرة + م ص بصلة غبرة + م ص سكين جبير + نص م ص الابزار + شوية الربيع يابس او طري شوية السودانية + ربع م ص او 3 اوراق الزيتون يابسين و مطحونين
مللي نبغي نحضر القطبان في الوقت اللي بغينا نضيف شوية من هاد العطرية تقريبا م ص في نص كيلو و نضيف م ص عصير الحامض + بصلة مشلظة و الربيع مقطع و م ك الزيت و الملح
ونخليهم راقدين داخل الثلاجة ساعتين على الاكثر





توابل طهي اللحم و المروزية – هدى اليداري 10-10-2013

التوابل كاملة تغربل هو الاول ثم تمسح من قبل بمنديل ناشف و نسخنها شوية ونطحنها
م ك بسيبيسة + م ك الهيل او قعقلة + 4 حبات مسكة حرة بلا ما تسخن
م ك ظهر الفلفل + م ك النويورة + زعفران حر بلا ما يسخن
م ص الكوزة الصحراوية + 1 كوزة صغيرة + م ك سكين جبير + م ك خرقوم بلدي
م ص ابزار كبير + 6 حبات القرنفل + م ك لسان طير + م ص القرفة او عود كبير مهرس + 4 عظم التمر يابس و مدقوق
ممكن الاحتفاظ بها في قرعة ديال الزجاج او في ساشي غدائي في المجمد مدة 6 اشهر بدون ان تفقد نكهتها





على  فكرة صور منقولة من قوقل مش دياولييي 

للأمانة فقط 

كانتمنى البنات ماتبخلوش علينا بتدوين وصفات خبيرة الطبخ hhouda  elyadari  

راه ينفعونا دابا ويبقاو حسنة مورانا

اللحم بالبرقوق – هدى اليداري – 14-10-2013

اللحم في طنجرة + 2 بصلة مشلظة + عود القرفة + م ك المروزية
+ 2 عظم التمر + 1 ثوم + ربع كاس الزيت + نص كاس صغير الماء + م ص سكين جبير + م ص ابزار + نص م ص خرقوم بلدي + م ص ماء الزهر
نخلطو و نخليه يتشحر 10 دقائق + معدنوس مقبط + الملح
نخليه يطيب ومللي يقرب اللحم يطيب + 2 حبات مسكة حرة مدقوقة مع ربع م ص السكر + زعفران حر .
ونخليه يطيب
البرقوق عسلوه في كاس الماء و عود القرفة و مسكة حرة وحدة و قبصة الملح و الزبدة 10 دقائق ومن بعد نضيف العسل و ماء الزهر
نفند البرقوم في اللوز محمر و مهرمش
ونزوقو بالاناناس ايلا كان معلب ناخدوه نديروه في مقلة مع م ص العسل و م ص الزبدة و م ص ماء زهر و حبة مسكة حرة ندوبوا كولشي ونديرو فيه الاناناس يتعسل 3 دقائق
ندير دوائر الاناناس و سط منهم البرقوق




اللحم اما من السنسول او الكتف يتعمل في الطاجين + 2 تمرات بالعظم + م ص من العطرية ديال اللحم – سبق و عطيناها –
+ عود القرفة + 2 حبات مسكة حرة + 2 ص سكين جبير + خرقوم بلدي نص معلقة + نص م سمن دايب + نص كاس كبير الماء + الملح
نخلطو كولشي و نشرملو اللحم على جهتين و نخليه راقد 5 دقايق
نحط الطاجين على الفاخر و نستفو التمر شي 10 حبات فوق اللحم و + 6 الحبات ديال اللوز في جوانب الطاجين و ما نضيفوش الماء
نغطيو الطاجين و نخليه يطيب حتى يوجد ساعة او ساعة و نص ديال الطياب .. وحتى تقرب طيب الطنجية و نضيف الزعفران حر

الطنجية مالحة
نفس الطريقة بلا التمر نهائيا و بلا عود القرفة و بلا سكين جبير ونعوضوها بالثومة 4 ضروس و ربع كاس الزيت + م ص الكامون + مصيرة كبيرة او 2 مغسولين من لداخل و مقطعين على 4 + الربيع مقبط











الضلعة معمرة بالكفتة و الكبدة – هدى اليداري 2013-10-22

االحشوة
رابعة الكبدة بكري + رارعة الكفتة + 2 م ك معدنوس مقطع + 2 فصوص ثوم + ربع م ص توابل ديال اللحم + م ص السمن دايب + بصلة مشلظة رقيقة + ملح + ابزار + 4 قطع فرماج مربع او مثلث + 100 غ فرماج احمر محكوك + نصف علبة او 100 غ قشدة طرية ثقيلة
الطريقة
ناخدو البصلة + م السمن دايب + الثوم تشحر على نار مهيلة + الكبد + الكفتة + المعدنوس + توابل اللحم + ملح غير شوية + ابزار . نخليهم يتشحروا حتى ينشفوا
+ القشدة و نخليها على نار عالية باش ما طلقش القشدة الماء و نحرك بسرعة 3 دقائق حتى يندمج الخليط و نطفي البوطة + الفرماج احمر و قطع الفرماج
نخلط كولشي و نخلي الحشوة تبرد
ناخد الضلعة نحلها ما بين العظم و الجلدة و نعمرها بالحشوة و نغلقها بالعويدات
نديرها في طنجرة مع بصلة كبيرة مشلظة + ربع كاس ديال الزيت + نص م ص السمن + 1 ثوم + عود القرفة + نص م ص عطرية اللحم + ربع م ص سكين جبير + الربيع مقبط + ملح + خرقوم بلدي نصف م ص + شوية الماء و نخليها تشحر
من بعد ندهنوها بالثومة غبرة + راس معلقة كامون + شوية اليمن دايب
او ندخلها في الفران مباشرة من بعد ما ندهنها بشوية السمن و نص م ص موطارد و توابل المروزية
التزييت : عويدات صغار معمرين بالكفتة مشوية و الكبدة









كتف معمر بالفواكه الجافة – هدى اليداري -2013-10-22


الحشوة :
250 غ هبرة اللحم او قطبان اللحم من الفخد او الكفتة بكري + بصلة مقطعة رقيقة + م ص السمن دايب + عود القرفة + ربع م ص توابل المروزية + شوية الملح + م ك الربيع مقطع + ربع م ص سكين جبير + ربع كاس الماء و نخليه يتشحر و نضيف كاس كبير الماء و نخليه يطيب + 2 تمرات بالعظم ديالهم على نار مهيلة
مللي طيب الحشوة و ينشف تماما من الماء نحيدو التمر و القرفة
100 غ مشماش يابس + 100 غ الشريحة + 100 غ اللوز محمر و مهروش + 100 غ التمر + 3 قطع اناناس مجفف + ممكن اضافة الزبيب 100 غ
تغسل الفواكه مزيان و كولشي يتقطع مربعات صغار وتعمل في مقلاة + م ك زبدة + حبة مسكة حرة مدقوقة مع شوية السكر ونخليها ترطاب + 2 م ك ماء زهر + او نقطة روح الزهر + م ك الماء مللي يتحمر مزيان + 2 م ك عسل مزيان بالليمون يكون احسن
نخليهم يتشحروا مزيااان حتى يلمعوا و نضيفو كولشي على الصلصة ديال اللحم + زعفران حر
ناخدو الكتف نحلوه ونعمروه ونخيطوه بابرة جديدة تكون في الحامض او الخل ونخيطو بخيط مطوي على 2 معقم بالحامض او الخل
في طنجرة نديرو 2 بصلات مقطعة دوائر + م ص سمن دايب +ربع كاس ص الزيت + فص ثوم + عود قرفة + 2 حبات مسكة حرة غير مدقوقة + م ص عطرية اللحم + الربيع مقبط + ملح + 2 حبات التمر + شوية سكين جبير + ربع م ص ابزار + خرقوم بلدي مخلط مع الملون و شوية زعفران حر + بع كاس ماء ديال العنبة و نخليه يتشح رمزيان + الكتف ونقليه على 2 جوايه + كاس كبير الماء طايب فوق الفاخر
مللي يطيب ندهنوه بالسمن دايب و يدخل الفران
ونخلي البصل في الطنجرة يتعلك مزيااان
مللي يتحمر شوية نرجعوه الطنجرة و نقليه على 2 جوايه
التزيين : الاناناس كنغسلوه و نديروه في ماء مغلى 3 دقائق و نزولوه و نديروه في مقلاة مع م ك زبدة + 2 م ك عسل + م ص ماء زهر + شوية مسكة حرة
نفس الطريقة نعسلوا بيها المشماش
و اللوز نيروه ايفيلي

مسمن بريستيج - هدى اليداري

رابعة الطحين الفورص + رابعة الطحين فينو + نص م ص زبدة + شوية الملح + 2 خمارات + نص م ص سنيدة + ماء بارد للعجين .
كنعجنوه مزيان و ندلكوه و يكون خفيف ونقطعود كويرات بحال المشماش ونغطيه ببلاستيك ابيض
باش العجين ما يتشققش وما يديرش القشرة . . . نقطعو العجين الى 16 كويرة
ناخدو كل كويرة بوحدها ونورقوها على شكل دائري براحة اليد بالزيت و الزبدة الخاصة بالتوراق
مقدار 150 غ الزبدة او 3 معالق كبار مخلطة مع كاس الزيت او الزبدة ماركرين
ناخدو 100 غ ديال النشا
نورقو الكويرة الاولى بالزيت و الزبدة و نرشوها بالنشا + نورقو الكويرة الثانية و نديرو نفس الطريقة و نحطوها فوق منها و نبقى نستمر في نفس العملية حتى نوصل ل 8 الكويرات فوق بعضها
نخليهم مورقين على شكل دائري وحدة فوق وحدة و نخليهم يرتاحو مغطيين بالبلاستيك
ونبدا نخدم 8 الاخرين
ناخدو 8 الاولين نورقهم ولكن ماشي بزاف وناخدو موس ماضي اوقطاعة البيتزا و نديرو زائد
غادي يعطينا 4 المثلثات .... كل مثلث نقسمو على 3 بالتالي غادي يعطينا 3 المثلثات
كل مثلث ندير في الراس ديالهم شوية الحشوة : 150 غ كفتة منسمة مثلا مع البصل + 2 فرماج او 3 او فرماج احمر ... ثم نلوي العجين و نقوسوه شوية ونسدو العجين ببيضة مطربة مع شوية الملح و الابزار وندهنوا كامل ونخليه يرتاح 5 دقايق
من بعد نعاود ندهنوا و نديروها في لاطة غير مدهونة وندخل الفران لتحت تقريبا 10 دقايق حتى ياخد لون بني ثم الفوق غير شوية




         

مسمن بالفواكه الطرية – هدى اليداري
نديرو العجين ديال المسمن بريستيج
نورقوه على 4
ناخدو الفواكه مقطعة : التفاح او الكيوي او الكرموس العادي او البعويد او البنان
في مقلة نديرو م ك زبدة + م ص ماء الزهر + م ك العسل او 2 + نصف سكر فاني + عود القرفة نخلطو مزيان و نضيفو الفواكه 5 دقايق على الاكثر
نخليهم يبردو
ونستعملهم في العمارة في كل ورقة ندهنو بالزبدة و النشا و سنيدة و عمارة الفواكه
نطويه و يتدهن باصفر الببض و شوية سنيدة و حليب غبرة و 2 معالق ك الحليب و يدخل الفران مللي يخرج ندهنوه بالعسل و اللوز ايفيلي
بالميي palmier








الصلصة البيضاء ديال لي باط – هدى اليداري

الطريقة الاولى :
بصلة مشلظة رقيقة بزاف + م ك زبدة + 2 م ك زيت عادي تشحر مزيان + ابزار + ملح + 4 قطع فرماج ونمعسوه + راس م ص ثوم غبرة + القشدة الطرية ثقيلة و نخليها على نار عالية حتى تقال و نخليها حتى تنشف و ضسفوها على لي باط
لي باط : نشحرهم بشوية الحبق و الربيع و م ك الزبدة + م ك زيت عود + 1 ثوم + ملح + ابزار
الطريقة الثانية : القشدة الطرية ثقيلة نديروها في كاصرونة + ضامة البنة + شوية الكوزة + ملح + ابزار + راس م ص ثومة غبرة + قبصة عطرية اللحم + 4 قطع فرماج ونزولوها من النار و نحركوها مزيان حتى يدوب الفرماج + فرماج احمر محكوك 100 غ
ونخلط مع لي باط اللي مشحرين و منسمين بنفس الطريقة الاولى
ايلا بغينا نديروها في الفران نديرو نصف طبقة لي باط + الحشوة + نصف الصلصة + نصف لي باط + نصف الصلصة المتبقية + الحبق + فرماج محكوك.




كريب بالسميد – هدى اليداري

نص ايطرو الحليب + 4 بيضات + كاس السميد رقيق + م ك النشا او 2 م ك الفورص
ايلا كان حلو نستعمل ساشي سكر فاني + 2 م ك سنيدة + حبة مسكة حرة مع ماء الزهر من المنسمات اختيارية او قشرة الليمون او قشرة الحامض + م ك زبدة








الكالينطي - هدى اليداري

400 غ الطحين ديال الحمص + 6 البيضات + نص م ص الملح + رشة ابزار + 2 م ك زيت + 2 م ك زبدة مدابة
نخلطو كولشي ونضيف ماء دافئ باش نجمعو العجين ويكون العجين خفيف بحال العجين ديال الكريب لكن ثقيل
ناخدو صينية ندهنوها بالزيت او الزبدة و ندخلها الفران يطيب و يقساح من لتحت وحتى الاخير و يطيب من الفوق





الكرعين - طنجية – هدى اليداري

كرعينا الغنمي او البكري
ناخدو الكرعين نديرهم في كوكوط + بصلة كبيرة شرائح + 3 ثوم محكوك + ربع كاس زيت العود + م ك سمن الدايب او زيت عادية 4 م ك + الربيع مقبط + عود القرفة + نص م ص كامون + نص م ص سكين جبير + نص م ص خرقوم بلدي + شوي زعفران حر + ربع م ص ابزار + ملح + الحمص مرقد + 2 حبات التمر بالعظم
الروز نديرو في كموسة مرخوفة + 2 كاس كبير الما
على و غير تبدا تصفر نقص البوطا على مهل تقريبا ساعة من الطياب

بصطيلة الحوت - هدى اليداري - 31-10-2013

كيلو او 2 من 4 انواع ديال الحوت
الكروفيت + الكلمار + الميرلا او القرب او ميلو + هبرة السمك من لالوط + بكية شعرية صينية متوسطة + علبة الفطر متوسطة + زلافة الربيع مخلط صغيرة + نصف كاس زيت مخلط 8 ضروس الثوم + عطرية الحوت البيضاء ديال الشينوة او العطرية التالية : عصير 2 حامضات + ربع م ص ازير + م ص مطيشة الحك + ربع م ص سكين جبير + م ك الهريسة او السودانية + راس م ص زعتر مطحون + ملح + شوية ابزار + 2 م ك صلصة الصوجا الثقيلة + او لي زويطخ
بصلة كبيرة مشلظة رقيقة بزاف + ربع كاس زست مخلط + 2 او 3 اوراق سيدنا موسى مهرسة ومسخنة في الفران شوية ومدقوقة - ربع م ص + 2 الثوم .... على نار مهيلة و تقلى 10 دقايق + 10 حبات من الكروفيط على نار عالية + الفطر يتصفى و يتغسل 2 مرات
يتشحر + ازير + سكين جبير + شوية الربيع من ديك الزلافة + الملح + 2 م ك صلصة لي زويطخ + شعرية في الما طايب ثم الما بارد و مقطعة + صلصة الصوجا
كنشحرو كولشي ونخليهم يبردو
الحوت منقي مصاوب و مقطر
الكلمار في ماء مغلى مع طرف الحامض + الملح + ورق سيدنا موسى ويتصلق 5 دقايق نحيدوه ونغسلوه بالما بارد الكروفيط في مققلة على نار عالية + م ص زبدة + راس م ص ازير + ورق سيدنا موسى + 2 ثوم + ملح + ابزار + نقطة او 2 من صلصة المحار على نار عالية 3 دقايق
الكلمار في مقلة + نفس مقادير الكروفيط دقيقة واحدة
الحوت لا لوط نبخروه مع الملح و ابزار
نحضرو صلصة : في زلافة : م ك الربيع + 2 ثوم مدقوق + شوية ازير + ورقة سيدنا موسى + ملح القليل فقط + م ك عصير الحامض نخلطو و نضيف 2 م ك زيت مخلط
ونشرمل بيه الحوت غير بشوية باش ما يتفرتتش و نخليه ربع ساعة
الحوت قرب او ميرلا او ميلو يتقطع و يتشرمل بهاد الصلصة نعاودو نفس المقادير ديالها وندخلوه الفران على ورق الطهي ربع ساعة
نخرجوه نقطعوه ونحيدو الشوك و يتقطع قطع كبيرة
نحضرو الصلصة الاخيرة نفس صلصة الحوت + الثوم غبرة او ضامة الثوم + م ص مطيشة الحك + 2 م ك زيت مخلط + الهريسة + 2 م ك عصير الحامض
نص هاد الصلصة يتخلط مع الشعرية الصينية
والنصف يبقى جانبا
تحضير خليط ورقة ديال البسطيلة : ناخدو م ك الربيع + نص كاس زيت عادي + 2 ثوم محكوك + ملح و ابزار + ونخلط
مللي نحط الورقة 3 اوراق في الجوانب وواحدة الوسط .. كل ورقة كندهنها بخليط البسطيلة وحتى الاطة كندهنها
نعمر البسطيلة بخليط الشعرية هو لتحت ونحك عليه الفرماج احمر و نضيف عليه الحوت قد ضامة البنة في القياس كل طبقة بوحدها و ما بين طبقة و طبقة كنسقي بشوية الصلصة تقريبا م ك و شوية الفرماج محكوك
من الاحسن الحوت ديال لالوط يبقى هو الفوق ونسقيه من الفوق و فرماج احمر
كنسد الورقة و ندهنا بشوية الزيت من الفوق و دخل الفران 20 دقيقة نار متوسطة 180 و يكون سخون حتى تخرج و نحك عليها الفرماج




سفة ديال الروز - هدى اليداري - 31-10-2013

نص كيلو الروز كلاصي نخليه نصف ساعة في ماء بارد حتى يتحيد منو النشا و نصفيه و نخليه ربع ساعة حتى ينشف و نديرو في طنجرة مع ربع كاس زيت + م ص زبدة + عود القرفة + م ص ماء زهر + ملح و يتشحر على نار مهيلة 2 دقايق
+ زلافة الماء مغلي و نخليه حتى يقرب ينشف من الماء من 5 الى 8 دقايق
نحيدو و نصفيه و نخليه حتى ينشف و نديرو في كسكاس يتبخر تقريبا 20 الى 25 دقيقة حتى يطيب
نحطو و ندهنو بم ك زبدة عند التقديم و 2 م ك سكر كلاصي و راس م ص المسكة حرة و يتخلط و نحطوه في صحن التقديم
100 غ الزبيب نديرو في ماء مغلى فيه م ص ماء زهر 20 دقيقة
نصفيه و نديرو في مقلة مع م ص زبدة + م ك العسل + راس م ص مسكة حرة و يتشحر 4 حتى 5 دقايق حتى يتعسل
ممكن اضافة اللوز للتزيين

تباركك الله على الحذقات مبخلتوش علينا
 حاجة الله يتقل بيها ميزانكم يوم الحساب
حتى أنا لابد نحط لكم شي بركة
إذا قبلتو عليها


معقودة بالبطاطا - هدى اليداري - 31-10-2013

نص كيلو البطاطا مصلوقة و مطحونة في الطحانة اليدوية + 2 بيضات + 2 ثوم + شوية الربيع مقطع + ملح + ابزار + شوية الهريسة + ممكن اضافة ملون + ساشي خميرة الحلوة النصف ديالها + ممكن تنسيمها بالزعتر او ازير او قشور الكروفيط و نجمعها على شكل خبيزات و دوز في الطحين و تقلى او دوز في بيضة مطربة ثم الطحين ثم الزيت

مايونيز بالبطاطا - هدى اليداري - 31-10-2013

حبة بطاطا كبيرة مصلوقة وتمعك في خلاط كهربائي + بيضة خضرا + 2 فرماجات + ملح + ابزار + نصف م ص الموطارد ونخلط مزيان و نبدا نزيد نصف كاس ديال الزيت شوية بشوية و نخلط – ممكن في الاخير نسموه بالزعتر او الربيع او الثوم




تاكرا بالشطون - هدى اليداري - 31-10-2013

الشطون نحيد ليه الراس و الشوك و ندير ليه الخل و الملح و ابزار ونشرملو في الربيع + قزبر يابس+ ملح + ابزار + كامون + ثوم + طحميرة + شوية الهريسة + ورقة سيدنا موسى + 2 م ك زيت الزيتون
في التاكرا كندير لتحت الزيت 2 العادية م ك + 2 ثوم محكوك + شوية الربيع و القزبر يابس و نستف بطاطا دوائر و فوق منها دوائر مطيشة منقية بالزريعة ديالها و فوق منها بطاطا و فوق منها الشطون مشرمل و نسقيه في الاخير ب م ك الربيع + 1 ثوم + قزبر يابس+ م ك عصير الحامض + ملح و ابزار و نسقي من الجاونب و نضيف ربع كاس الى نصف كاس من الماء ديال العنبة و دوائر الحامض من الفوق على نار مهيل

الرايب - هدى اليداري - 06-11-2013

ايطرو حليب + م ك النياق - قلب القوق البلدي - ندقوه في المهراس وع قبصة الملح و يدار في منديل حياتي و يتعصر الماء ديالو و نضيفوه على الحليب بارد + السكر
فوق النار غير يسخن الحليب 3 ثوان + و يدرا في كؤوس و نحطهم في طنجرة فيها ماء مغلى و نغطيه و نخليه يجمد


الطحال معمر - هدى اليداري - 06-11-2013

طحال واحد بكري + نص كيلو الكفتة + نص كيلو الروز عادي مصلوق + زلافة صغيرة الربيع + 4 ثوم + م ك العطرية اللحم او المروزية + طريفات الكبد اختيارية + ربع كاس زيت الزيتون + م ك الطحميرة + م ك الكامون + الهريسة او السودانية بحسب الدوق + هبرة نص حامضة مرقدة + الزيتون مقطع اختياري +
نخلط كولشي مزيان و نعمر بيه الطحال من بعد ما نفتحوا عند الجزار و نخيطوه و نتقبو بالقطيب و ندخلو الفران



قريشلات حلويين - هدى اليداري - 06-11-2013

نص كيلو الدقيق + كاس زبدة مدوبة + م ك نافع + م ك الزنجلان + بيضة + خمارة + كاس و نصف سنيدة + شوية مسكة حرة + ماء بارد للعجين + 2 م ك ماء زهر
نعجنوها عجين عادي بحال ديال الخبز
و من بعد نديروهم حريبلات رقاق و نقطعهم ديك الساعة


القريشلات المالحين - هدى اليداري - 06-11-2013

نص كيلو الطحين + 3 قطع فرماج مثلث + م ص موطارد + نص م ص عامرة الملح + راس م ص ثوم غبرة + نص كاس زيت زيتون + م ك الزبدة + شوية الفرماج محكوك + نص خمارة + ماء بارج للعجين



الصابون ديال الماكينة - هدى اليداري - 06-11-2013

2 لتر من الماء نخليه يغلى + نطفي البوطة + صابونة ديال الحجرة نحكوها في حكاكة غليظة + م ص عصير الحامض و نحركوه و نغطيه ليلة كاملة

بالميي حلويين ومالحين – هدى اليداري 14-11-2013

نص كيلو الفورص + م ك زبدة + م ص الخل + شوية الملح + م ك سنيدة + فاني + خمارة + ماء بارد
نعجنوها غادي تكون العجينة قاسحة و نخليها ترتاح 10 دقايق و نحربلوها و نقسموها على 8 بالسكين و نخليها ترتاح 5 دقايق
نطلقها بالمدلك و النشا و الطحين 2م ك من كل واحد
ناخدو 250 غ الزبدة الخاصة بالتوراق تكون مرخوفة و نقسموها على 7
ناخدو العجين الاول نديروه دائرة و نسرحوا الزبدة من فوق منو و نديرو العجين الثاني و الزبدة من الفوق و هكدا حتى كنكملوا
ونخلي العجين يرتاح في الثلاجة ربع ساعة
و نسرح العجين و نورقوا ورقة وحدة على شكل مستطيل ناخد 2 م ك زبدة و ندهنوا وجه العجين و ناخدو 100 غ او 150 غ سنيدة و نرشوها فوق الزبدة و نضغطوا عليها بالملعقة باش دوب سنيدة مع الزبدة
نقطعوا العجين كل 4 سم او اكثر ونلوي من الجهتين و كيتلقاو الوسط و كنديروهم في المجمد و من بعد كنقطعهم
وندخلهم الفران 10 دقايق
نفس الطريقة بالنسبة للمالح كنحيدو م ك زبدة اللي كندهنوا بيها المستطيل و سنيدة و كنديرو في بلاصتها م ص موطارد او ندهنوا ب 2 فرماج مثلث و نرشوا فرماج احمر محكوك
او ناخدو شوية الزيتون اسود او اخضر بلا عظم و نطحنوه مع شوية زيت العود و شوية الزعتر و ندهوا بيه فوق الفرماج مثلث




طارط بالحامض – هدى اليداري 14-11-2013

رابعة الفورص او زلافة + شوية ملح + 2 م ك سنيدة + نص فاني + 100 غ زبدة + اصفر بيضة + م ك كونفتير جاري ديال الحلوى
نحيد 2 م ك الطحين و نضيف 2 معالق ك اللوز مطحون بالقشرة ديالو
ونعجنوا و نخليها ترتاح في الثلاجة 15 دقيقة و نطلقها بالطحين و نديرها في المول بلا ما ندهن المول بالزبدة غير بالطحين و يكون المول في المجمد من قبل بنصف ساعة
وندخل الفران
لاكريم بالحامض : كاس كبير الحليب + 2 اصفر بيض + نص كاس عصير حامض + نص كاس كريم فريش ثقيل + 150 غ سنيدة + قشرة حامضة محكوكة + ملعقة و نصف النشا
نديرو فيه اصفر البيض و سنيدة و نطربوه مزيان + النشا و يتطرب مزيان بطراب يدوي او كهربائي + عصير الحامض و الكريمة و نخلطو مزيان حتى ينسجم
ناخدو الحليب يدفى دقيقة و نضيفوه و نطرب بسرعة
نرجع كولشي في كاصرونة و نديروه فوق نار متوسطة بينما تقالت الكريمة
غير تحط من البوطة نضيف عليها نصف م ص زبدة و نخلط و نضيفوها على لاطارط
التزيين اما بالشكلاط خيوط او قشرة الحامض معسلة منا الفوق










الفقوصة – هدى اليداري 14-11-2013

كيلو الفورص خاص بالحلوى + م ك خميرة الخبز + 150 غ سنيدة + شوية مسكة حرة 2 او 3 حبات مدقوقة + ممكن اضافة النافع + 2 م ك زبدة + نصف كاس صغير ماء الزهر + فاني اختياري + بيضة + ماء بارد + 2 معلق حليب بودرة أو كاس صغير حليب
ممكن ادابة الخميرة وم ك سنيدة مع الحليب
نعجنوها و ترتاح 10 دقايق نقطعها كريصات صغار و نخليها ترتاح و نكرصها شوية و ندير ليها الطابع و يرتاحوا و يخمروا 30 دقيقة حتى 45 دقيقة وتمشي للفران ديال الزنقة في نار باردة






بقلاوة بعجين المسمن – هدى اليداري 14-11-2013

نص كيلو الفورص + بيضة + 2 م ك سنيدة + خمارة + فاني + 2 م ك ماء زهر + 2 حبات مسكة حرة + شوية الملح + 100 غ زبدة مرخوفة
يتعجن و يرتاح و يتقطع كريصات صغر
نورقوا بالزيت و الوسط ندوز شوية الزبدة مدوبة ديال التوراق على شكل مربع
وحدة فوق وحدة
الكاوكاو يتحمر و يتقشر و يتطحن بلا ما يتلين يتهروش + 2 م ك ماء زهر + 2 م ك العسل + 2 حبات مسكة حرة + نصف فاني + نقطة روح اللوز + م ك زبدة دايبة
كل 2 ورقات ندير بيناتهم الكاوكاو حتى نوصل لستة لااوراق او اكثر حسب عرض الحلوى
اوراق العجين كتصاوب فوق اللاطة من بعد كنخلوه المجمد 10 دقائق
كنبداو نقطعوا العجين مربعات صغار ونخليوها بلا نفرقوها و ندخلوهم الفران تقريبا 15 دقيقة حتى تحمر
مللي طيب كنسقيوها بالعسل فيه م ك زهر و شوية مسكة حرة و نسخنوه
ونخوي عليها العسل مللي يالله كتخرج من الفران
ممكن اضافة شوية الزنجلان محمر او اللوز مهروش او الكاكاو مهروش





غريبة بالكوك – هدى اليداري 14-11-2013

نص كيلو الكوك + 4 بيضات + كاس صغير زبدة مدوبة + خميرة + الطحين فورص 4 م ك + او 4 م ك سميد رقيق + م ك كونفتير او الكليكوز + نص كاس زبدة + 150 غ سنيدة
نديروها كويرات و تفند في سكر كلاصي




قريشلات حارين صغار – هدى اليداري 14-11-2013

نص كيلو الفورص + 2 بيضات + 2 قطع فرماج مثلث + م ص موطارد + 100 غ فرماج محكوك + خمارة + نص م ص ملح + نص م ص سودانية + قليل من ابزار + راس م ص ثومة غبرة + نص كاس عنبة زيت زيتون + م ك زبدة + ماء بارد + - م ك مركز الطماطم و م ص الطحميرة - ايلا بغينا اللون الاحمر .
نعجنوا كولشي ونخليها ترتاح 5 دقايق و العجين مغطي بمنديل
ونطلقها بالمدلك على قد اللاطة ونديرها وسط اللاطة فوق ورق الطهي او نرشو بالطحين و نطبعها .

بسبوسة مالحة – هدى اليداري

نص كيلو سميد رقيق + شوية الملح + 4 بيضات + 2 خمارة + 2 قطع فرماج مثلث + 1 ياغورت بدون سكر + ربع م ص ثومة غبرة + نص كاس زيت + م ك زبدة + شوية ابزار + 100 غ فرماج احمر محكوك + 250 غ كفتة + بصلة كبيرة مشلظة
الطريقة
السميد في اناء + ملح + بيض + زيت + ياغورت + زبدة مرخوفة + خميرة + فرماج قطع + ابزار
الحشوة : كنشحرو الكفتة و البصلة و الثوم و الزيت و نخليها تبرد
ناخد لاطة الفران او مول ديال الزجاج ندهنها بالزبدة و ترش بالسميد
نوضع فيها نصف مقدار السميد و فوق منو الحشوة و فوق منها فرماج احمر وفوق منو باقي السميد و نقادو الوجه باليد وندخلها الفران حتى تحمر شوية واحد 20 حتى 25 دقيقة
تخرج ونقطعها مربعات ونسقيها بكاس ما كبير مغلى في كاصرونة فيه شوية ملح و ابزار و م ص زبدة و شوية ثومة غبرة و م ص زيت الزيتون كولشي فوق النار حتى يغلى ومن بعد نحيدها و نضيف و 50 غ فرماج احمر محكوك .
للتزيين : اللوز محمر مالح و مهروش




اسهل طريقة للفقاص - هدى اليداري

في كصعة : كيلو ونص الدقيق + في وسطو حفرة فيها 300 غ زبدة مرخوفة + 7 بيضات + قبصة الملح + 300 غ سندة + اللوز بالقشرة مهروش بلا تحمار + شوية النافع و الزنجلان و الزبيب اختياري + 2 م ك ماء الزهر + 2 م ك ماء بارد + خمارة وحدة باش ما يتشققش لينا الفقاص + ربع م ص الخميرة الفورية باش يجي رطب و منفوخ + م ك كونفتير باش يجي معلك
الزبيب ممكن نجمدو ونهروشو باش ما يبانش في العجين
في بلاصة الزنجلان و اللوز و النافع و الزبيب نديرو في بلاصتهم فواكه كونفي مع قشرة نص ليمونة
نعجنوا العجين وندلكوه غير شوية و نديروه حرابل و ندهنوه نصف كاس الحليب و م ك بودرة الكاكاو و فاني - و نخليوه يخمر 15 دقيقة
من بعد نعاود ندهنوا و ندخلو الفران بارد حتى يطيب من لتحت على نار 180 ندهنو اللاطة بشوية الزيت
نعرفوه بالسكين ندخلوه في العجين
ومن بعد نطيبوه من الفوق
مللي نخرجوه نغطيوه بفوطة مبللة بشوية ديال الما زهر 3 دقايق
من بعد ساعتين نقطع واو نديروه في المجمد ساعة و نقطعوه
ونعاود ندخلو الفران بلا ما ندهن اللاطة
ايلا كان كيتحل فاش نكونوا كندوروه حرابل نضيفو ما زهر ولا الماء

بطاطا purré - هدى اليداري
كيلو بطاطا بيضاء مقطعة + ملح + نص م ص زبدة + قبصة ابزار ابيض + م ك حليب غبرة و تصلق في كاس كبير الما 5 دقايق
ونطحنها من بعد و نضيف عليها وهي باقة سخونة 3 قطع فرماج مرب غاو مثلث + 100 غ موتزريلا محكوكة او فرماج احمر + قبصة تزمة غبرة + 2 م ك قشدة طرية

حلوى لاكريم - هدى اليداري

المقادير : 5 بيضات + 180 غ سنيدة + 50 غ الكوك او بودرة اللوز او النشا +200 غ الدقيق + نص م ص زبدة + م ك ماء + م ص كونفتير مشماش بلا خمارة
نحضروها البيض مع سنيدة ثم الما و الكونفتير و الدقيق مغربل و الكوك و نخلط ونديرها طيب في لالاطة 30 سم /40 سم فوق ورق الطهي مدهون بالزيت و اللاطة ندهنها بالماء
السيرو : ضروري منها في اي كيكة باش تجي كتكال بالمعلقة
سيرو الحليب : كاس كبير الحليب + فاني + 2 م ك حتى 3 حليب مركز محلى او سكر
نديرو يدفى فوق النار
خصهم بزوج يكونوا باردين اثناء السقي
السقي ديال البسبوسة و الكيك خص تكون واحد فيهم سخون بعكس لاجينواز
سيرو الليمون : كاس كبير الليمون + قشرة ليمونة محكوكة في حكاكاة غليظة ونغليها غير شوية + فاني و 2 م ك سنيدة و في الاخير نصفيها- ممكن الاستغناء غن قشرة الليمون ايلا ما بغيناش مداق المرورة
الكريمة : 2 ساشي بودرة الكريم شانتيي ديال 100 غ للواحد فاني + نديرهم في اناء + نص ايطرو حليب يكون بارد بزاااف في طراب كهربائي حتى يتقال 3 دقايق واحنا كنطربوا نضيفو + ياغورت كريمي فروماج جوكي
في اناء اخر : 100 غ زبدة مرخوفة + نصف علبة حليب مركز محلى متوسطة
ونطربوا بالطراب الكهربائي حتى تولي كريمة
ثم نضيفو هاد الكريمة على الكريمة الاولى
في الاخير نسقيو لاجينواز بالشيتة يعني ما نسقيوهاش بزاف
ونقطعوها على 2 يعني على نص ماشي من الوسط لانها رقيقة ولكن تقسم كولها على 2
ندير فوق منها نصف الكريمة + طريفات الكركاع و الشكلاط موكيز او عادي او بيسكوي كوكيز مهرس بالمدلك

ندير فوق منها لاجينواز 2 و نضيف ما تبقى من الكريم ونخليها تبرد في الثلاجة 4 ساعات
من بعد ما تخرج نزينها في الجوانب بفرميسال شوكولا او الكوك او الشكلاط مقطع عشوائيا و يتقطع في الجناب على شكل مثلثات
ناباج : 2 م ك الناباج يدوب في حمام مريم و نسرحوا فوق الحلوى باش يعطي لمعان و يغطي العيوب ..... ممكن نزوق بالكريم شانتيي في البوق و نزوقها او الشكلاط
نصيحة ،: العصير نقدر نرمي فيه شوية الكوكيز بيسكوي
حلوى جدع الشجرة – هدى اليداري

مقادير لاجينواز : 4 بيضات + 200 غ سنيدة رقيقة + نطربوها مع قبصة ملح
+ م ص زبدة + م ك ماء + 200 غ الطحبن او رابعة ناقص 2 م ك + 2 م ك بودرة الكاكاو او شكلاط غبرة - ايلا بغينا اللون يجي اسود – م ص الكونفتير
نطيبوها 10 دقايق تقريبا - غير تخرج من الفران نرش شوية سنيدة تقريبا م ك و نلويها ديك الساعة بورق الطهي ديالها
ناخد فوطة مبللة شوية و نحطها فوق منها ونخليها تبرد في الكوزينة 15 دقيقة
نوجد الكريمة : ساشي ديال شونتيي شكلاط و نطربوها مع كاس كبير حليب بارد جدا + 3 قطع فرماج مربع يتطحن مع الحليب هو الاول عاد يتطرب مع الشونتيي حتى طلع
نجيب لا جينواز و نحلها و نحيد منها سنيدة و نقيها بالشيتة بكاس ديال العنبة ديال الحليب و فيه ساشي قهوة سريعة الدوبان و م ك سنيدة ندفيه شوية و نخليه حتى يبرد و نسقيه بيه كامل وندهن بالكريمة و نلوي مرة اخرى واخا تهرس ما نخافش لانها غادي دخل الثلاجة المجمد ساعتين مللي تخرج ناخد ساشي اخر من الشنتيي مع الفرماج و الحليب بحال الاول ونخليها تبرد وندهنها كولها بالكريم حتى الجوانب ودخل المجمد ساعة و مللي تخرج ندير تموجات بالفورشيط او خطوط
ممكن اضافة اللوز ايفيلي من الفوق

صابلي مالح – هدى اليداري
كيلو الدقيق + رابعة زبدة + 4 قطع فرماج مربع او مثلث + نص م ص ملح + شوية ابزار + 50غ فرماج احمر محكوك + 4 بيضات + خمارة + نص م ص موطارد + 2 م ك النشا ... يتعجن عادي بلا دليك ... ايلا جا خفيف يدخل للثلاجة باش يتجمع
نقسموه على 4
ربع نسمو بالزعتر مطحون و مغربل
ربع نسمو بكاشير محكوك في حكاكة رقيقة
ربع نسمو زريعة كتان بلا طحين
ربع نسمو بوالو او بفرماج احمر محكوك
نورقو في وسط بلاستيك و نقطعوه وندخلوه الفران
ونزوقوا في الاخير باللوز مهروش ايلا بغين




لي باط بالصلصة البيضاء - هدى اليداري
رابعة لي باط يتصلقو في ماء مغلى مع ضريس الثومة + الملح و الابزار + وورقة سيدنا موسى و طريف زبدة و م ك زيت عود
مللي تطيب نصفيها و نغسلها بالما بارد و نشحرها في مقلة مع م ك زيت العود
و الملح و الابزار + ثوم 1 + م ك زبدة + الربيع
الصلصة البيضاء :
في مقلاة : م ص زبدة + ثومة 1 + الكروفيط على نار عالية دقيقة او قطع الدجاج + الملح و الابزار يتشحرو شوية + 2 قطع فرماج مربع او مثلث + قشدة الطرية مكتوبة بالاحمر .. فوق النار عالية دائما حتى تقال 2 دقائق
مللي نطفي البوطة نضيف 100غ فرماج احمر
ايلا بغينا الوجه يجينا مدهب نضيف عبى الفرماج بيضة + و تطرب + ملح + ابزار + 2 قطع مثلث و يتمعس مزيان
ناخدو المول ندير فيه لي باط مخلط مع لاصوص بلا ما يكون مدهون
دخل الفران 7 حتى 8 دقايق - الفوق و لتحت

مسمن ديال اللوز – هدى اليداري
رابعة اللوز عقدة : رابعة اللوز يتصلق و يتنقى و يتنشف + 150 غ سنيدة + يتطحن و + نص م ص زبدة + حبة مسكة حرة مدقوقة مع شوية السكر + قليل من ماء زهر م ص و نعجنوها
العجين : نص كيلو فورص + 2 حبات مسكة حرو مدقوقة + 2 خمارة + او خمارة ايلا ما بغيناهومش منفوخين بزاف + م ك سنيدة + ربع كاس ماء زهر + شوية نافع مطحون نص م ص +م ص زبدة + بيضة نعجنوه بالما بارد من الروبيني - غير شوية - ايلا بغيناه يكون اصفر نضيفو الملون او زعفران حر
نعجنوه و يكون خفيف نقطعوه صغير بزاف و يتورق غير بالزيت غير شوية وسط منو شوية العقدة و نبسطوها و نطويه على 4 و يتقلى في الزيت و يتطفى في العسل يكون منسم بماء زهر و حبة مسكة حرة

مسمن ديال الزنجلان – هدى اليداري
العجين : نص كيلو فورص + 2 حبات مسكة حرو مدقوقة + 2 خمارة + م ك سنيدة + ربع كاس ماء زهر + شوية نافع مطحون نص م ص +م ص زبدة + بيضة نعجنوه بالما بارد من الروبيني - غير شوية - ايلا بغيناه يكون اصفر نضيفو الملون او زعفران حر
نعجنوه و يكون خفيف نقطعوه صغير بزاف و يتورق بالزيت و الزبدة و نطويع على 4 و نقليه و نطفيه في العسل و ندير فوق منو الزنجلان


كيكة ملكية ديال العيد – هدى اليداري
150 غ الزبدة + 2 كيسان سنيدة + بكية كوكيز الاحمر + 3 دراهم اللوز او نص كاس يتحمر و يتهروش بالقشرة ديالو + شوية الفواكه ملونة اختيارية + درهم شكلاط طريفات او 3 دراهم شكلاط كوكيز + نص كاس الكوك + قشرة ليمونة معسلة او نحكو قشرة ليمونة + 2 م ك بودرة اللوز + 2 كيسان الطحين + 2 خمارات + 2 م ك حليب غبرة + نص كاس عصير البرتقال + او نص كاس الحليب + نص م ص الخل + 4 البيض + قبصة ملح + م ك النشا + 2 م ك الما + فاني اختياري
الطريقة : في طراب كهربائي نوضع البيض و السكر و الليمون و الزبدة مرخوفة ونطرب + قبصة ملح .... نحيدوها من الطراب و نضيفو باقي المكونات 
من بعد نديروها في المول مدهون و ندخلها الفران 
الكلاصاج : ندهنوها بياغورت شوكولا او ياغورت فرماج 
او سيرو فيه : 2 م ك الكونفتير + ربع كاس الماء + فاني + م ص سنيدة حتى يغلى و ندهنو بيه الكيك في الوجه و الجوانب 
ندير في الجوانب اللوز ايفيلي ناخدو 5 دراهم و نحمروه شوية و نهرسوه باليد من بعد ما يبرد و الفوق الكوك 
او باسطة ديال دريهم تحك و تزين بيها الجوانب ومن الفوق الشكلاط


لصابلي – هدى اليداري
250 غ زبدة عادية + 200 غ سنيدة او رابعة ناقص 2 م ك + نص كيلو الدقيق + 4 م ك النشا + 2 فاني + خمارة و نص + 2 م ك الكونفتير + 2 م ك الما بارد + ربع كاس الما زهر + نص قرعة صغير ديال المشماش ديال الحلوى للتزيين + رابعة اللوز مصلوق ومحمر غير شوووووووية و مهروش + ايلا ما بغاش يتجمع نضيف اصفر بيضة 
الطريقة : في اناء الزبدة + سنيدة و نعجنها حتى تولي كريمة + ما زهر + فاني + كل المكونات واخر شيء هو الدقيق و النشا و الخميرة ونعجنها 
من بعد 5 دقايق ناخد لاطة ديال الفران و ندير فوق منها ورق الطهي مدهون شوية او لاطة مدهونة بالزيت و الدقيق ونقسم العجين على 2 و نورقو فوق البوطاجي مرشوش بالدقيق واو فوق بلاستيك و نديرو في لاطة من بعد ما نلويه في المدلك و نكمل التوراق في اللاطة و ندهن بالكونفتير وجه الصابلي و نجيب اللوز و نرشو ناخدو قطاعة البيتزا و نقسموه مربعات او مثلثات ونصيفطها الفران او نطيبها في الدار و مللي تخرج نعاود نقطع على الاثر الاول



حلوى الغراف – هدى اليداري
رابعة الدقيق + بيضة + شوية نافع مطحون + 2 م ك سنيدة + مسكة حرة مدقوقة + فاني + ماء بارد + خمارة + مليحة غير قبصة العجين خصو يكون خفيف
الطريقة : نعجن كولشي و ندلكها و نقسموها كويرات صغار و نورقها بالزيت بحال مسمن التريد
من بعد نهزوها من الوسط و نحطوها فوسط الغراف فيه زيت ساخن عامر 
وفي الاخير نرشوها بالسكر كلاصي و القرفة



البغرير – هدى اليداري
2 كيسان سميد رقيق + كاس فينو + 6 كيسان الما بارد + م ك خميرة عادية + 2 خمارات + شوية الملح + م ص الخل 
كنخلطو كولشي في الخلاط الكهربائي و نخليوه يخمر من 10 الى 15 او 20 دقيقة 
ونبدا نطيب و نقدر نمسح المقلة بمنديل فيه الما و الملح


عصيدة العيد – هدى اليداري
نص ايطرو الما مغلي + م ك زبدة + ملح + م ك سنيدة + شوية المسكة حرة + 2 م ك ما زهر اختياري + من بعد ما يغلى نضيف رابعة السميد رقيق نخويها شوية بشوية ونحرك باش ما تعجنش .... تبقى طيب على نار مهيلة حتى تنشف و في الاخير وهي باقة فوق النار نضيف عليها شوية الحليب حتى يغلى الحليب و يتقال ... خصها تكون خفيفة شوية و خصها تقدر ديك الساعة 
و تحط في طبسيل كبير مع الزبدة بلدية و العسل في الجوانب في زليفات او نقيطات فوق منها


حلوى ديامونتيت مالحة لاصحاب السكري
رباعة الفورص + نص م ص ملحة + 100 غ زبدة + 2 فرماج مربع او مثلث + بيضة + 2 م ك الما بارد + 100 او 150 غ اللوز مهروش بالقشرة ومملح او تشريه واجد يكون مهروش رقيق
الطريقة : في كصعة ندير الطحين و الوسط ندير باقي المكونات و نعجنوها حتى تولي العجينة ملسة ماشي ضروري ندلكها بزاف و نغطيها ببلاستيك ابيض و نخليها ترتاح 5 دقايق ومن بعد نديرها حرابل صغار وناخدو ابيض بيض نطربوه مزيان و ندهنو الحرابل من الجهتين و ناخدو اللوز مهروش بالقشرة وندوز الحرابل في اللوز وندخلها المجمد ربع ساعة او نصف ساعة حتى تقبط مزيان و نقدر نقطعوا دوائر و يدخل الفران

الدجاج بالفواكه الجافة - هدى اليداري

2 دجاجات نديرو ليهم 3 بصلات مشلظين رقاق + 2 فصوص الثوم + نص م ص عطرية الدجاج + 2 عويدات القرفة صغار + ملحة + م ص خليط الزعفران + م ص السمن + م ص سكين جبير + ابزار غير شوية + 2 حبات التمر + نص كاس الماء ديال العنبة + نص كاس الزيت مخلطة + الربيع مقبط
كولشي على النار يتقلى على نار متوسطة حتى تطلع الغلية مزيااان و من بعد نخليه على نار خفيفة 10 دقايق حتى كيتعلك ونخليه يطيب
مللي يطيب و قبل ما ينشف من المرق ناخد شوية من المرق نديرو في كاصرونة و نطيب فيه المشماش + السكر + ماء زهر + مسكة حرة
اي فواكه جافة خصها طيب في هاد المرق