الطون معلب - هدى اليداري
ناخد الطون الكبير تقريبا كيلو دوائر و مقشر من القشرة ديالو نغسلو ونقطعو اطراف كبيرة فيكوكوط + 2 م ك عصير الحامض + قشرة حامض مقطعة مربعات كبيرة + 2 م ك خل ابيض او عادي + 2 كاس زيت عادي + شوية الملح + ورقة سيدنا موسى + 1 ثوم + نص كاس الما عنبة و نسد الكوكوط ونخليها حتى تغلى و تصفر و نقص البوطة ونخليها 20 دقيقة ونحلها غادي نشوف الحوت ابيض ونحيدو ونخليه يبرد ونديرو في قراعي الزجاج صغار بقدر الاستعمال يومي ونخلي المرق يغلى حتى تبقى غير الزيت بوحدها ونخويها فوق الطون حتى يغطيه من بعد ما نحيد الحامض و الثوم وورقة موسى ونسد القراعي ونديرهم في المجمد وممكن يبقى غير في الثلاجة لتحت لمدة اسبوع


مايونيز بدون بيض – هدى اليداري
كاس عنبة حليب + 3 قطع فرماج أي نوع + ملح + ابزار + 2 م ك عصير حامض او خل + كاس او كاس ونص من زيت عادي تضاف شوية بشوية في خلاط كهربائي حتى يتقال المايونيز
ممكن نسمو المايونيز بالثوم غبرة او 1 ثوم محكوك او ممعوس او زعتر او عطرية الباربيكيو او ازير او الربيع مخلط


حوتة في الفران بمداق الشوا – هدى اليداري
عود كرافس + الربيع + ورقة موسى + نص كاس زيت عادي او اكثر حسب الدوق + م ك عصير حامض + ملح + ابزار + 2 ثوم+ الزعتر اختياري ونخلط الكل
ناخد الحوتة ونخليها تقطر مزيااان ومن بعد ندهنها من لداخل و برا ونخليها ترقد ومن بعد ندخلها الفران وما نخليهاش طيب مدة طويلة تقريبا غير 20 او 25 دقيقة على الاكثر



فلفلة مرقدة حارة – هدى اليداري
الفلفلة نص كيلو نغسلها ونقص من العود ديال الراس ديالها وناخد كاصرونة فيها نص ايطرو ماء مغلى مسبقا و شوية الملح وندير فيه الفلفة ونخليها 8 او 10 دقايق بدون نار ونصفيها ونشفها بشي منديل مزيااان ونديرها في قراعي الزجاج مع 2 ثوم وورقة سيدنا موسى ونستفها كاملة بحيث تكون متزاحمة جدا ونخوي فوق منها الزيت حتى تغطى سواء عادي او زيت زيتون ونسد القراعي ونخليهم في الكوزينة تقريبا 10 ايام او 2 اسابيع
- الزيت ديالها الاول ما نرميهش ممكن نستعملو كزيت حار يضاف الى الاكل


كرطان الشيفلور– هدى اليداري
ناخد الشيفلور ونقطعو صغير جدا يعني عريات صغار ونرشو بالملح و نبخرو في ماء فيه الحامض 10 دقايق
الشرمولة : نص كاس زيت العود + م ك الربيع مخلط + شوية زعتر وريقات + ملح + ابزار + م ك عصير الحامض + شوية قزبر يابس + 2 ثوم ممعوس ونخلك الكل وندهن بيه المول ونستف الشيفلور ونخوي عليه الشرمولة المتبقية
لاصوص بيشاميل منسمة : في خلاط كهربائي ندير فيه ربع كاس زيت + م ك ونص دقيق + نص ايطرو حليب + ثوم غبرة + الربيع مخلط + ملح + ابزار + ربع م ص موطارد ونخلط مزيااان الكل 5 دقايق وندير الخليط في كاصرول ونحرك حتى يتقال نضيف ونخويه فوق الشيفلور ونحك الفرماج احمر او الكراتيناج بالبيض وندخلو الفران




تحضير الزيتون مرقد لمدة عام – هدى اليداري
ناخد الزيتون تقريبا 10 كيلو
ناخد منها 2 كيلو نشقها و الباقي نديرو في ما عادي و قبصة ملح و نسد عليه في برميل
داك 2 كيلو نشقهم ونديرهم في قرعة مع الما بدون ملح ونسد القرعة وكل يوم بالليل نصفيه ونبدل الما كامل
النهار 3 ندوقوا ايلا حلى نصفيه النهار الرابع
ناخد حامضة مرقدة ونطحنها بدون زريعة نضيفها لداك الما + 2 اوراق سيدنا موسى + 2 م ك كامون حبوب + الملح م ك تقريبا + عصير 3 حامض ونخويه على الزيتون + فلفلة حارة + 4 ثوم صحاح ونسد القرعة ونخليه مدة 5 ايام نهار السادس نجبد الزيتون ونستهلكوا عادي

تحضير الزيتون مرقد لمدة عام – هدى اليداري
ناخد الزيتون تقريبا 10 كيلو
ناخد منها 2 كيلو نشقها و الباقي نديرو في ما عادي و قبصة ملح و نسد عليه في برميل
داك 2 كيلو نشقهم ونديرهم في قرعة مع الما بدون ملح ونسد القرعة وكل يوم بالليل نصفيه ونبدل الما كامل
النهار 3 ندوقوا ايلا حلى نصفيه النهار الرابع
ناخد حامضة مرقدة ونطحنها بدون زريعة نضيفها لداك الما + 2 اوراق سيدنا موسى + 2 م ك كامون حبوب + الملح م ك تقريبا + عصير 3 حامض ونخويه على الزيتون + فلفلة حارة + 4 ثوم صحاح ونسد القرعة ونخليه مدة 5 ايام نهار السادس نجبد الزيتون ونستهلكوا عادي


فرماج الدار - هدى اليداري
كاس حليب غبرة + كاس حليب سائل + 2 فرماج مثلث + 2 م ك زبدة بلدية او رومية مرخوفة الكل في طراب كهربائي + ياغورت كريمي بدون سكر خمارة + 2 او 3 م ك عصير الحامض باش يعقاد نضيفو غير شوية بشوية من الفوق ونخلط حتى يعقاد ونديرو في علبة مغلوقة في الثلاجة 4 ساعات غادي يعقاد اكثر
ممكن نسموا : نضيف عليه 5 دراهم فرماج احمر نديرو في المجمد حتى يجمد ونحكو باش يكون بودرة عاد نضيفو



تحضير الكيتشوب في الدار - هدى اليداري
ناخد كيلو مطيشة حمار يعني طايبة نغسلها ونحيد ليها الزريعة و الراس اخضر + كاس عنبة الما + قبصة ملح + 1 ثوم صحيح في كوكوط ونخليها تصفر عليها 10 دقايق على نار متوسطة
ونطحنها في الروبو او طحانة يدوية رقيقة وعاد نطحنها في خلاط كهربائي مزيااان 2 مرات حتى تولي لينة ونصفيها في صفاية رقيقة و نرجعها للطنجرة + ملح + م ك زيت عادي ونخليها فوق النار مهيلة + م ك النشا مدوبة في نص كاس الما عنبة وانا كنحرك 5 دقايق تقريبا حتى تقال + سكر كلاصي تقريبا 2 م ك او 4 حسب الدوق





مخرقة حلوى - هدى اليداري
بيضة + كاس حليب + نص خمارة + قبصة ملح + م ص سنيدة ونطرب مزياان + ربع كاس زيت + 2 م ك النشا + فاني اختياري + دقيق شوية بشوية
كتكون خفيفة حيث كدوز في جيب الحلواني وكنرسمعها على شكل دوائر في حمام زيت ساخن جدا - من بعد نطفيها بالنخالة



الفلفلة حلوة مخللة - هدى اليداري
ناخد الفلفلة نحيد الزريعة ونقطعها مستطيلات كبار تقريبا على 4 طولا و على 2 عرضا ونخليها تسقطر ونديرها في قراعي او علب تقريبا كيلو او كيلو الاربع نعصر عليه 3 حامض + 1 ثوم صحيح + بصلة مشلظة رقيق جدا + كاس تقريبا اللي يغطيها هو و الزيت الماء بارد عادي + شوية الملح غير بالاصابع + زيت العود نص كاس ونسد القرعة مزياان ونخليها في كوزينة ومرة مرة نحركها و نقلبها مدة اسبوع كتكون واجدة



املو ديال اركان - هدى اليداري
كيلو اللوز نمسحو ونحمصو شوية يعني نحمرو شوية في طاجين ديال الطين حتى يولي دهبي ونطحنو في 1 – 2 – 3 حتى يولي غبرة + اركان تقريبا نص ايطرو او اكر + سكر كلاصي او العسل وعاد نطحنو مرة اخرى



الكاشير ديال الدار - هدى اليداري
4 بيض + نص كاس زيت + شوية الملح + ابزار + 100 غ كفتة أي نوع + 8 م ك الروز ابيض مصلوق حتى يتعجن + نص م ص موطارد + خمارة + السودانية ايلا بغيناه يكون حار + المنسمات : ثوم غبرة + اما الربيع او الفلفلة مشوية و مقطعة رقيق + او الكوزة او القزبر يابس او الزيتون او قطع فرماج
من بعد نخلطوه في خلاط كهربائي ونعمرو في ميكة ديال السباكيتي وما نعمروهاش حتى الاخير ونسدوها من لتحت و الفوق ونحطوه يتبخر 30 دقيقة ايلا كان في كسكاس الكوكوط او برمة وكسكاس مدة ساعة

مطيشة الحك ديال الدار - هدى اليداري

مطيشة الحك ديال الدار - هدى اليداري
ناخد قشرة المطيشة نديرها في المجمد حتى تجمع لينا تقريبا كيلو او كيلو ونص ونضيف عليها كيلو من مطيشة حمراء نغسلها مزيانونقسمها ونحيد ليها الزريعة ونديها في كوكوط + كاس كبير الما + ملح ونسد الكوكوط 20 او 25 دقيقة
نحل الكوكوط ايلا كان باقي الما نحيد الغطا ونخليها تنشف نهائيا من الماء
ونطحنها في روبو ونصفيها من صفاية رقيقة جدا مرتين

وناخد التخت هو مطيشة الحك نديرها في قرعة الزجاج مغطية بالزيت في الثلاجة او في المجمد في علب صغيرة


موطارد محضر في البيت - هدى اليداري
نص كيلو حبات الخردل تقريبا نغسلو ونقيه من العويدات صغار وناخد طنجرة نديرو فيها + ملح + عصير 2 الحامض + كاس كبير الما ونغطيه ونخليه يطيب مزيااان حتى ينشف من الما
ونطحنوه في روبو ونصفيه في ثوب حياتي رقيق 2 مرات او صفاية رقيقة جدا
صافي و نحتفظ بيه في الثلاجة في قراعي ديال الزجاج



السردين معلب - هدى اليداري
2 كيلو سردين نحيد ليه الشوك و الشوكة اللي في الظهر ونرش عليه شوية عصير الحامض ونخليه 5 دقايق ونحيد ليه القشرة ديالو
نديرو في كوكوط + كاس زيت مخلط + ورقة موسى + 1 ثوم صحيح + ملح + شوية قشرة الحامض طراف كبار فقط للتنسيم ونسد عليه غير تصفر الكوكوط ونقص البوطة ونخليها 15 دقيقة
ناخد السردين ونديرو في علب
ممكن نسموا بالقزبر يابس او الربيع مخلط او الزعتر
وممكن اضافة م ك مطيشة الحك ل 2 كيلو السردين مخففة في الما ايلا بغيتو بمطيشة

عجينة السكر : ابيض بيضة نطربو غير شوية حتى يدير فقاعات + م ك كليكوز او 100 غ + نص م ص عصير حامض مصفي ونطرب في اناء ناشف من الما تماما ونظيف مزيااان + نص كيلو تقريبا او اكثر بقليل سكر كلاصي سبيسيال ونخلط بالاصابع حتى تجمع وتولي كورة
ايلا بغيت شي لون نضيفو من الاول مع البيض او نخليها بيضاء مع شوية ملون ابيض
نطلقها بين 2 بلاستيك مرشوشن بمايزينا او الدقيق ونحطها فوق الحلوى في مكان مهوي ما ندخلهاش الثلاجة غير تنشف ونزوقها باللي بغيت
ايلا بغيت نحتفظ بيها حتى لشهرين : نلويها في بلاستيك غدائي ونديرها في بواطة بلاستيك ونسد عليها في بلاكار


الشومبينوين معلب - هدى اليداري
ناخد الشومبينيون طري نغسلو ونشفو مزيااان ونقطعو شرائح ونديرو في ما مغلى مسبقا فيه شوية الملح ونخليه 10 دقايق
من بعد نصفيه ونديرو في قراعي الزجاج معقمة + الما اللي صفينا تقريبا نص كاس حتى يتغطاو ونسد عليهم ونديرهم في كوكوط وندير الما اللي يوصل تقريبا للنص ديال القرعة ونخلي الكوكوط تصفر 25 دقيقة ونخليها تبرد مزيااان ومن بعد نحيدهم

كيفية تحضير التحميرة في الدار - هدى اليداري
ناخد الفلفلة تكون حمرا بزاااف نغسلها ونشفها مزيااان وندخلها الفران تصهد مزيااان ومن الفران مباشرة نطحنها ونغربلها مزياان وغادي نحصل على تحميرة

بان دو مي - هدى اليداري
زلافة الفورص + زلافة القمح بالنخالة + ندير فيه حفرت فيها بيضة + 2 م ك زيت المائدة + م ص زبدة + خمارة + ملح + قطرات الخل + م ك خميرة الخبز مدوبة في نص م ص سنيدة و حليب دافي تقريبا نص كاس صغير ونعجن بالما دافي خصو يكون مرخوف شوية وتدلك مزياان ونغطيها ونخليها 20 دقيقة حتى يتضاعف حجمها
نرش النخالة الغليظة فوق طاولة ونكرص العجين على شكل مستطيل بحال القياس ديال خبزة في العرض ونلويه ونحطو بدون تكراص في مول طويل ديال بان دو مي
او نستعملوا مول عادي ديال الكيك ولكن نقسم قبل العجين على 2 لانه كيتنفخ
المول ندهنوه بالزيت و نرشوه بالنخالة
نخليه يخمر حتى يطلع وندهنوه بالحليب وندخلو الفران سخون 5 دقايق وتكون لاطة تحت منو ونخليه يطيب على نار مهيلة تقريبا نص ساعة