الى بقات خبزة شايطة تنعمل بيها الفيسة العميا او التردة كتجي غزالة
ممكن نعملو شرائح ونعملو في البيض مخلط مع الحليب ونقليه في الزيت
كيجي بحال البينيي غزال
قشور الكروفيت مكنرميهمش كنيبسهم في الفرن وتنطحنهم وكتبقى عندي بنة الحوت فاش مبغيت نستعلها كنكهة
قشور اللوز حتى هما كنيبسهم وكنطحنهم ونعملهم في اي حلوة بغيت نسمهاباللوز
الراس ديال الحوت مني كنقي الحوت مكنرميش الريوس ديال الحوت كنعملهم في طنجرة مع 1جزرة وحدة وحدة من الحاجة يعني من الخض شوية الكرافس والربيه حبوب ابزار وتنعملهم يطيبو فوق البوطة حتى يطلق نسمة الحوت مزيان نخليه يبردونعملو في مربعات الثلج وندخلهم المجمد ونبقا نسم بيهم اي حاجة فيها الحوت
الكيس ديال الحمام مني كيصبح غير صالح كنحك بيه اواني الجيكس كيخرجهم كيشعلو
مني كنمشيو للحمام ونغسلو شعرنا بالغاسول الى بقا علينا الغاسول ممكن نستغلوه والنتيجة روعة
تاخدي الغاسول تديره فشوية ديال الماء و من بعد تطلي بيه لافابو ديال الماعن ديال اينوكس كلو و تخليه ليلة كاملة فالصباح غسليه و شوفي النتيجة
بقاياصابون الطاوس ولا الحجرة كنزيد عليهم 2لتر ماء سخون وكنخليه ليلة كاملة فالصباح كنزيد عليه رابعة اومو ونصف طاسة اوني وكيعطيني4 او5 طاسات من عجين صالح لغسيل المواعن
نضيف ملعقة عصير الحامض مع الروز باش يجي بيض
لكل زلافة روز نضيف معلقة من العصير
الى تحرقتلك الطنجرة نديروا
الما و الملح فالطنجرة المحروقة 15د و نغسلوها
او
2م بيكاربونات الصودا مع الما سخون نخليهم مدة و نغسل
لازالة رائحة العطرية من الطحانة ندير فيها قطع الخبز المحمص و نطحنوه فيها كيمتص الروائح
نضيف قبصة الملح لبياض البيض ملي نبغيو نطربوه باش كيطلع بزربة
باش تهناي من ريحة البيض
استعملي دائما بعض قطرات عصير الحامض مع البيض في اي وصفة كانت سواء حلوى او معجنات او طرطات لان زفورية البيض كاتخصر النكهة
ملي كتبغي تصايبي بسيطلات اصغار ومكتوفريش على المول ديالهم ولهادا استعملي بكية الفرماج مدوبل خاوية ديال لفاش كيرى كتوضعي فيها الوريقات وعاد كتعمريهم وملي تكملي تسدي البسيطلة قلبيها على الوجه الي التحت وبهادا كيجيوا البسيطلات مقادين وبنفس القياس احسن ماكتعمريهم غير هاكاك وكتكري العملية حتى كتسالي
باش الكلمار ما يطرطقش في القلي
قطعي الكلمار دوائر و رقديه في الحليب مع رأس ملعقة صغيرة من البيكاربونات الصود و مليحة و ابزار.
ملي تبغي تقليه اسقطريه و ديريه في الدقيق عاد ديريه في زيت ساخن .حتى و حدة ما تهز الرأس .
الا درنا كيك بالشكلاط نغبر المول بعد ما دهناه بالشكلاط غبرة باش منى نقلبها ما يجيش فيها الطحين ابيض وحتى بالنسبة لاى حلوة فيها كوبيل حتى هى نغبر الطابلة فين نطلقها بكوبيل
مين كنديرو كيكة بدانون فالغالب ماكيجيشي المذاق اديالو باين الى ابغيت يغلب مداق دانون فالكيكة خلطي المقادير العادية اديال كيكة ومين اتخلطي بالطحين ضيفي دانون هو الاخير و تشوفي الفرق
باش الكيس ديال الحمام يبقى احرش
الكيس أو الخرقة ديال الحمام دغية دغية كيرطاب و ما كيبقاش يحك مزيان ، كيولي حافي
إيوة إذا بغيتيه يبقى مدة طويلة حرش شوية و كيقضي الغرض بلا ما تشري كل ساعة الجديد ملي ترجعي
من الحمام صبنيه بالتيد إيه التيد و تشوفي كيف يولي ثم شلليه و انشريه ينشف و ردي علي الخبار.
فتات الحلوى لي بقات من بعد العيد ههههه
انا شخصيا كنطحنهم ونخلطهم مع الشكلاط مدوب او نستلي مع اضافة بعض المكسرات ونعملهم في كويغطات الحلوى
او نطحنهم ونعملهم كقاعدة لتشزكيك عوض البسكوي
الا بقات القهوة لما عمرت لبريق يعني شاطت مترميهاش ديريها فالقالب ديال مربعات الثلج وخليها فالمجمد ولما تغلي لحليب وتكبيه فالكاس ديالك زيدي المربع ديال القهوة وهانت حصلت على قهوة حليب
التومة الحمرا او البيضا كتفرك شوية باش نزلو منها القشرة والنباتة ومن
بعد نهرمشوها فى المهراز مع الملح
نديروها فى طبسيل مفرش بطرف التوب او ورق ابيض وتشمش حتى تنشف وتطحن فى
الخلاط وتغربل وتنديروها فى قرعة
تنفورو التومة ولما تبرد تنعصروها فى قرعة ونضيفو الزيت حسب كمية التوم
وقبصة الملحة نحركوها ونسدوها
تومة الى كانت كتيرة نديروها فى بلاستيك ونخبيوها فى المجمد كتبقى طول
العام
منين تلصق لينا الحلوة فاللاطة ديال الفران نديرو اللاطة فوق البوطة على
نار مهيلة بزاف بحال الشمعة و منين تبدى تسخن نزولوها بشي حاجة غدي تقلع من
اللاطة بسهولة
واحد النصيحة الى شاطت لك السميدة مفورة خدي مقدار منها زلافة صغيرة مثلا وعجني عليها الخبز تيجي الخبز رطب وهشييييييييييييييش
منين تشري الكيس ديال الطحين هاداك الخيط لتتكون مخيطة به زوليه وغسليه مزيان بجافيل والمسحوق ونشفيه وخزنيه
ومنين تبغي اطيبي الدجاج كتفيه بيه او تعملي اللحم ملفوف عمليه مكان خيط المطبخ
في بعض المرات متيكونشي متوفر عندنا خيط المطبخ تيكون بديل ليلو
-ومنين تغسلي الربيع او النعناع في شي باسينة تيكون الماء كثير مترميهشي تقدري تسقي بيه النباتات ديالك وهانتي وفرتي في الماء
زيت قلي البطاطة ندهنو بيه الاطفال مكان الحفاظة تيمنع الطياب
الفقاص لتفتت ليك طحنيه جيدا وجمعيه بشويش دالزبدة مدوبة وعمليه كقاعدة لتشيزكيك
المسمن لشاط ليك طروفا وقصاح شويش بخريه في الكسكاس حتى يطرى وعمليلو لاسوس دالرفيسة وسقيه واكلة هنية
لعضومة دالتمر نجمعوهم ونعملوهم في الفريكو
ومنين نبغيو نطيبو الكرعين او اللحم قاصح متيبغيشي يطيب او اللوبية رميو معاهم واحد لعضيم تيفتيهم
الزبدة البلدية لرجعات فيها هاداك المداق ديال المرورة منين تطول وخا في الثلاجة مرميوهاشي
نملحوها بالزعتر وزعيترة وازير وورقة الرند وعود سكين اجبير والملح الحية
نصبو على هاد المواد الماء طايب ونخليه حتة يبرد مزيان ونملحوها بيه وها السمن ممتاز عندنا
قشوروعضومة التفاح مترميهمشي
عمليهم في قرعة وصنعي منهم خل التفاح
الفوطة منين تقدام ومتبقايشي تستعمليها مترميهاش عمليها جفاف كتخلي الارضية تتشعل
لبقا ليلك البارزيان /الباكيط/ قطعيه دوائر مائلة وعمليلو لعمارة دالبيتزا ورشي عليه الفرماج محكوك ودخليه الفرن غير يدوب الفرماج
واقتراح تاني عمليه في المجمد حتى يقصاح وحكيه وهاهي عندك لاشابلير
قشور البرتقال او الحامض
قبل ماتعصريهم زولي هاديه القشرة الرقيقة ديالهم بموس البطاطا وعمليها تنشف مزيان في الفرن مطفي وطحنيهم وعمليهم في قراعي وخزنيهم وبقاي تستعمليهم كمنسم للحلويات او الكيك او حسب الرغبة ديالك بدل الفاني
واللب عسليه اي عمليه فواكه معسلة
فكرة اخرى لقشور البرتقال والحامض انا تنعنلها دائما كستعمال يومي معمرني ترميهم شحلا ماكانت الكمية
تتغلي هادوه القشور في الماء حتى تيطلقو وهاداك المحلول تتجفي بيه تيخلي الارضية نقية ومعقمة وفي نفس الوقت هاديك الريحة لتيطلق عند الغليان تتعطر البيت
الحليب لخسر ليك زيدي عليه قطرات من الخل او الحامض وقبصة ملح وخليه حتى يبرد وصفيه في شي ثوب رقيق وهاهو عند الجبن البلدي بصحتك
دائما مع الحليب في بعض المرات تنفيضوه في كاسرونة دالعدن وتيشيط اي تيعطي ريحة الشياط في هاد الحالة نخويوه في اناء اخر و نفزكو فوطة نقية ونعصروها من الماء ونغديوه بها ونبقاو نعاودو العملية حتى تتزول الريحة دالشياط
لقدر الله وغفلنا على الاكل فوق النار وحرق لينا ما نزيدوشي عليه الماء ابدا
نزولو برفق داكشي ليفالطنجرة ونعملوه في صحن وللسق في القاع وتحرق نخليوه وناخدو طنجرة اخرى ونعملو فها شويش دالزيت وبصلة مقطعة جوانح رقيقة ونخليوها حتى تنزل عاد نزيدو عليها داكشي لكنا تنطيبو نعملو اللحم ثم الخضرة
ونزيدو عليه شويش ديال العطرية والقوام والماء و تكمل طياب عادي
لبقا ليك الارز او ليباط طايبين
عمليهم كراتان
لكانوطايبين بلاصوص عمليهم في المول وصبي فوقهم البشاميل ورشي الجبن محكوك ودخليهن للفرن يتحمرو تيجي مداق رائع
ولكانو بالحليب زيدي عليهم شويش دالبشاميل وخلطي كلشي ورشي الجبن ودخليهم الفرن او عملي طبقات طبقة معجنات وطبقة مثلا كفتة بالصوص وفي الاخير عملي البيشاميل والجبن ودخليهم تكراتيناو وبالصحة
اتفل او لقامة ديال الشاي نغسلو بها القراعي لتيكون فيهم الزيت تيزول بسهولة ومتتبقاشي فيهم الريحة دالزيت او نعملو ليهم تفل القهوة
لبقات ليك الحرشة فتيها وعمليها رفيسة
لبقات ليك كرواصة بالحق الممتازة المورقة
عمليها ام علي
وليبغات المقادير والطريقة ديالها انا رهن الاشارة
قشور الخيار عمليهم في المكان دالنمل تيهرب منو
الشطة صوص منين تقدام مسحي بيها رؤوس لعوينات الكويزينيار
الطالك منين يطول عندك عمليك في الاحدية اعز ك الله لكانت رجلك تتعرق
قشور البيض مسلوق فتيهم وعمليهم كسماد للغرس
قشور البنان /الموز/
مسحي بيهم وجهك
كدلك مسحي بيهم الحقائب و الاحدية الجلدية
الرماد دالفحم
حكي بيه الاواني النحاسية تيرجعهم تيشعلو
وعمليه كدلك في لمحبق دالغرس كسماد
عندك خيار كتير و خايفة ليخسر ليك
تجريبتي المتواضعة لتنعمل
اي خضرة متتصبرشي بحال الكورجيط لخيار الربيع ........
تتعمليهم في توب مقطن دالمطبخ وتويهم فيه وتعمليهم في الثلاجة تيصبرو مدة طويلة
ونتمنى من الاخوات لعندها شي فكر ماتبخلشي علينا بها الكل يستفيد
المقلة دالبغرير لمبقاتشي تطلع البغرير او دوزتي فيها ليدام مثلا طيبتي فيها ليكريب
عملي فيها الحليب ومنين يغلى زيدي عيه شويش دالنخالة وحركي مزيان حتى تشرب الحليب بالكامل وتنشف
تترجع بحال عاد شريتيها
هادي تجربة شخصية
عندك كيوي بالزايد قشريه وقطعيه ورشي عليه شويش دالسكر وعمليه في اكياس صحية وعمليه في المجمد
لعندك اي حليب مرطب مبقيتيشي تتستعمليه او نتهت الصلاحية ديالو
مسحي بيه اللوح دالبلاكار او اي خشب عندك
الطجين لتشقق
عمري مكان الشق باصفر البيض تيلتحم الشق
فرشات الاسنان لقدامت
غسلس بيها المجوهات
نضفي بيها الكلافيي
نضفي بيها اليد دالثلاجة وكدالك الجلدة ديالها
نضفي بيها حافات الروبيني د لافابو
وجميع الاماكن ليمتتوصلسي ليلهم الشيتة لكبيرة
بقايا الكيك
في كؤوس لتنقدمو فيهم المثلجات عملي قاعدة من التحت ديال الكيك وسقيها بشيش دالسيرو ثم طبقة من الفواهك مقطعة ثم طبقة كريمة وهكدا حتى النهاية وزيني بالكريم فريش ورشي اللوز او الفيرميسال وقدميه بارد
او عملي طبقة كولي اي فاكهة ثم طبقة الكريمة ثم الكيك وهكدا حتى النهاية وزيني دائما بالكريم فريش ويتقدم بارد
لتبقى ليك الدجاج او اللحم دالمناسبات
فتيهم وعملي بيهم
اما بسطيلات فردييين او حتى بسطيلة كبيرة اما مالحة
شحري بصلة مع التوابل والربيع وزيدي عليها الفطر والزيتون المصير و الشعرية الصينية والفرماج وخلطي كلي وعمري بيه
او حلوة
زيدي اللوز مقلي وعملي دغميرة دالبصلة والبيض وعمري كيف العادة
او عمليهم كراتان
او بريوات
او رغيفات في الفرن............................................. .
البخاخ ديال الصابون الخاص بالزجاج والمرايات منين يتسال حتافضي بيه
-عملي فيه الماء والشبة مطحونة ورشي بيه الركاني تيمنع تكون العنكبوت /رتيلة/
-وعملي فيه جافيل ورشي بيه الحيوط والسقف ليفيهن لغمال ومتحكي ماوالو منين غادي ينشف مغاديشي يبقى الاثر دالغمولة نهائيا
-والبخاخ الصحي يعني متكونشي فيه مواد كيماوية
-عملي فيه الحليب ورشي بيه المعجنات لمتيدهنوشي بالبيض
-او عملي فيه الزيت للرش الطاوة اواي حاجة تتدهن بالزيت
الخضرة للوات
عمليها في ماء مثلج دقائق قليلة وراها غادي تجمع راسها
واحد النصيحة منين سمعتها من اللقاء المتوح وانا تنعمل بها
الجلدة دالكوكوط منين تشريها جديدة دهنيها بالزبدة عاد ركبيها
منيني تبغي تحلي الكوكوط متعمليهاشي تحت الماء ابدا ولخفت من البخار ينتشر في المطبخ
زولي الصفارة وغطي مكانها بثوب وخليها حتى يخرج المخار عاد فتحي
بهاد الطريقتين غادي تنساي تشري الجلدة
انا كنت من قبل واكلاني كل مرة خاصني وحدة حتى رجعت نشري بالصطوك
ولكن الحمد لله ديا معلتشي حتى على متى ركبتها
-صوص فينيكريت
لكرا ليها الخل وجاتنا زايدة في الحموضة
نضيفو ليها شويش دالسكر على حساب الكمية لعامليين تينقص من حدة الحموضة
-العصير لعملناه حلو زايد نضيفو لو عصير الحامض تينقص من الحلاوة دالسكر
ليبات لقدامو نعملو فيهم النباتات والازهارالعطرية /خزامى-قرنفل-ورد -نقطة زيت عطري في قطعة قطن /
وعمليهم في بلاكار الملابس وفي ركاني الصالون وفي اي ركن في البيت
-والتقاشر دالقطن مسحي بيهم الغبرة
لستعملتي بياض البيض وبقى ليك الاصفر عمليه في كاس او زلافة وغطيه بالماء وغطيه ببابييي فيلم وخليه في الثلاجة تيبقى صالح لمدة 3ايام
اكياس الشاي واكياس المانصنية /البابونج/ ليتنعطيو للاطفال من المغص
منين نستعملوهم نعملوهم كمادات للعينين تيزولو النفاخ وترتاح العين
صابلي منين تبقى لينا نطحنوها ونعملوها قاعدة ليتشيزكيك
او نزيدو عليها من بعد مانطحنوها الكوك و الفواكه الجافة /لوز -زبيب- كركاع -كاوكاو ....../
ونجمعو الكل بالحليب المركز ونكورو ونعملوهم في الشكلاط مدوب ثم نفندو في الكوك او الفيرميسيلوتقدميهم في كواغك الحلوة
-ويمكن تمعي الكل بالشكلاط وتحربليهم بحال الفقاص دهنيهم بالشكلاط وتخليهم حتى يجمد عليهم الشكلاط وتقطعيم مربعات او على شكل فقاص وتقدميهم في الكواغط دالحلوة
نفس الشيء بالنسبة لحلويات اللوز بحال /الملوزة وما شابه......./
نضيفو عليهم من بعد الطحن الكوك والفواكه ليعندنا مهرمشة ونجمعو بالشكلاط ابيض او الحليب المركز ليمتيحبشي الحلاو بزايد يعمل الحليب مركز مسوس وتكور وتفند في اللوز فيلي وتقدم في كواغط
او حسب دوق كل وحدة المغربيات فنانات تبارك الله
الى تحرقات ليك الماكلا في شي طنجرة اولا طجين اولا كوكوط كتاخدي الملح والماء
وتخليه يغلى 15 دقيقة وتحيديه وتغسليه عادي.
او الماء والخل ولما يبدى يغلي تحكي بملعقة خشب وهو تيغلي تتزول الحراق بسهولة
قلنا من قبل قشور البيض نعملوهم كسماد للنباتات المنزلية
كدلك الماء ليتسلق فيه نعملوه للنباتات بشرط ميكونشي فيه الملح او الحامض
لان الملح تتيبس النباتات وتتقتلهم
هادي فكرة اخرى لعندك شي نبات مزعج وبغيتي تخلصي منو رشي عليه الملح
عملي في كيس المكنسة الكهربائية بعض القطرات من الريحة لمتستعمليهاشي اوشي ريحة عندك
منين تتخدميها تتخلي ريحة مزيونة في البيت
دائما مع الريحة انا تنعمل غلاقة في الماء الكافي وتنجفف بيه البيت
طريقة رائعة لتنظيف زجاج النوافد بدون ماء شفتها وجربتها في الحين النتيجة مبهرة وحبيت نعطيها ليكم
المسالة بسيطة جدا عندك تقاشر/ الجوارب/ دالنيلو مسحي بيهم ناشفين الزجاج تيرجع تيشعل
دخلي يدك في التقشيرة ومسحي بيها ناشفة وشوفي النتيجة بنفسك
لحفظ الخضروات الورقية في الثلاجة طازجة لأطول فترة ممكنة قبل غسلها ضعيها في أكياس ورقية حتي لا تتعرض لتيار هوائي بصفة مستمرة ولا داعي لوضعها في أكياس من البلاستيك إلا إذا قمت ِ بغسلها وتجفيفها ثم لفها بفوطة نظيفة ثم تضعين الفوطة داخل الكيس البلاستيكي فهذه الطريقة تحفظها لكِ ليومين أو أكثر جاهزة للأكل الفوري منها.
تزال رائحة الطبخ عن اليدين بفركهما بالخل .
تزال رائحة البصل عن اليدين بفركهما بورق البقدونس .
تزال رائحةالثوم عن اليدين بفركهما بتفل القهوة .
تزال رائحةالسمك عن اليدين بفركهما بالليمون .
الطارط بالفواكه باش تقطعيها ويبقى شكلها جميل
عملي السكين في ماء مغلي ومسحيه وقطعي بيه
ونفس العملية في كل مرة
كيفاش تسلقي البيض المهرس
يمكنكِ تغليفه في ورق الألمنيوم ثم إسقاطه في الماء المغلي
.أما إذا كان البيض سليم من الشروخ فيوضع في ماء فاتر عند سلقه حتى لا يتكسر .
لنكاصات دالضو والبوانيي دالابواب
حكيهم بالجيكس ناشف بال ما بلا والو ومسحيهم تيرجعو تيشعلو
الدجاج لفوت في الطياب وتحل
زولي لغطا دالطنجرة وخليه حتى يبرد تماما راه غادي يشبر راسو
عاد هزيه برفق وعمليه في مول دالفرن وزيريه مع بعضياتو لكان بزاف
اما لكان غبر واحد عمليه على جنبو ودخليه للفرن يتحمر من بعد ما تكوني دهنتيه بالزبدة
الكرعة الحمرا للقيتيها باسلة
تسلق مع السكر بضع دقائق وتستعمل
زيت الزيتون لقدامت
زيدي فيها بضع حبات زيتون اخضر وتترك في مكان مظلم 4ايام تترجع بحال الجديدة
دجاج باش متزولشي ليه الجلدة دالصدر
منين تكوني تتنضفيه فصلي الجلدة على الصدر متبقاشي لاسقة فيه بحيث دخلي يدك مابين الجلدة واللحم بلا ماتقطعيها
وشملي مزيان ما بينهم وخليه حلى ضهرو ليلة كاملة حى يشرب شرمولة مزيان
وفي الطياب متغطيشي الطنجرة كاملة غير النصف فقط
وفي الاول نزليه على جنابو وفي ربع ساعة الاخيرة عاد على صدرو
طريقتي الخاصة متتزولش لي الجلدة
الكرعة السلاوية لجاتك باسلة
رقديها في الماء والملح قبل الطهي
الكرعة الحمرا لكانت عنك بزايد
عمليها
عصير
مربى
الفيزر تيفسدها متعليهاشي فيه ابدا
الدلاح لجاك باسل عمليه عصير
لعملتي المربى وجاك حلو بزاف زيدي فيه عصير الحامض
لعملتي العسل وجاك قاسح
عمليه فوق نار هادئة وزيدي عليه قليل ماء مغلي وخليه غير يتجانس وطفي عليه
الماء على حساب الكمية ليعاملة واش قليلة اوكثيرة عينك ميزانك
لبقا ليك في اخر الشهر بقايا من اللحم والدجاج والصوصيط والكفتة كل حاجة منها غير شوية
قطعي الكل بالتساوي وشحريهم كل واحد لوحده مع قليل بصل وتوابل ومن بعد خلطيهم كاملين مع بعضهم
وعملي قاعدة بالعجين المكسر مالح وصبي فيها الخليط كامل
وطربي البيض الكافي مع قليل كريم فريش دالطبخ وصبيه فوق الكل ودخليه الفرن يطيب
وهانتي عندك كيش بدوق مميز
لبقى ليك الارز مسلوق طحنيه مع قليل جبن وكوريه وعملي فيه ثقب وعمريه بالجبن محكوك وعاود كوريه من جديد بحال الكبة
وفنديه في البيض ثم في الشابلير وقليه في الزيت غزير وبالصحة هاد الفكرة خديتها من الشيف يسري
منين تعملي البرقوق مشماش سفرجل ..... معسلين
زيدي في الاخير م ك مربى مشمش وم ك زبدة تيجي منضر ومداق رائعين
لبقى ليك البرقوق او المشماش او الكرموس معسلين دالفرح
لكان مزيودة فيهم المرقة داللحم في اطياب
عمليهم في بواطات وعمليهم في المجمد ووقت ليحتجتيهم خرجيهم وسخنيهم عادي
ولكنو معسلين غير بالماء والسكر التعسيلة العادية
عمليهم مربى معسيهم اوطحنيهم وزيدي ليهم السكر لحتاجو وخليهم فوق نا مهيلة حتى يعقادو وزيدي عصير قليل حامض وبالصحة
منين تتعملي البسطيلة تيبقى هادوك الجناب دالورقة او شي ورقة مقطعة تتاخديها
تندوزيها في المكينة دالرزيزة وترشوها بالزبدة مدوبة وتنعملوها اعشاش
وتنزينو بها البسطيلة
لكانت حلوة تتعمري الاعشاش بالمكسرات
ولكانت مالحة تتعمريهم باي حاجة مالحة مقطعة رقيقة بحال كورنيشو وزيتون وفطر او طيبيهم خاويين وعاد عمريهم ببيض السمان مسلوق او غير البيض العادي مقطع على 8
وزيني بيهم البسطيلة من الفوق
منين تشري النعنان العبدي او لكناوي وتنقيه حتافضي بجدورة او السيقان ديالو وغرسيهم في محبق وعمليه في البالكو او شي مكان مهوي
وبقاي تسقيه بالماء لتغسلو به الربيع او الخص او النعنان او .....
ومن بعد مدة قصيرة ها النعناع عندك طبيعي والريحة ومنضر روعة وغير عريش منو يكفي
باش تتهناي من سراق الزيت الصغير ديال المطبخ عملت لو واحد 3 الحوايج ومع عرفتشي اشنوليجاب الله عليه السبب
المهم عملت الكافور وبايكون غبرة واحد الصاشية تتباع ب5دراهم تتخلط مع دانون صغير
تتعمليهم في الركاني واي بلاصة تيتواجد فيها من بعد غادي تفاجئي بالجيوش دصراق الزيت لغادي تلقاي ميتين
باش تقشري الزنجبيل الطري بلا ما ضيعيه قشريه بالملعقة الصغيرة راه تتزول غير القشرة الرقيقة
لتخنقو ليك لعيون دالفورنو عملي فيهم بضع نقاط من الخل
الميكة ديال السباكيتي مترميهاشي
منين تخويها حتافضي بها
طيبي فيها الكاشير
الجرائد معمر ترميهم
مسحي بيهم النوافد الزجاجية والمرايات
من بعد مترشي عليهم الصابون الخاص بيهم مسحيهم بثوب مسحة خفيفة ثم مسحي بالجريدة تيرجعو تيشعلو
للقتي البطيخ باسل /الشمام / مترميهشي
عمليه عصير او مربى
او قشريه وقطعيه مربعات وعمليه في المجمد ووقت لبغتي تعملي العصير تلقايه موجود
لنبت ليك شي راس دالثوم
عمليه في كاس طويل وعملي عليه الماء غير يغطي الجزئ السفلي ديالو وخليه ومرة مرة زيديه الماء لقل
وغادي تحصلي على الثوم القصبي
علبة كلينيكس منين تسالي
عمليها لحمل الاكياس البلاستيكية
ش تحافضي على النتاف ومقص الاظافروغيرهم من الضياع
عملي قطعة مغناطيس /الهند/ في الصيدلية ديالك ولسقيهم فيها
لاصوص ديال الكسكس إلا شاطت لوحي فيها بطاطا مقشرة أأطراف حتى تصلق و طحني كلشي و ها صوبة واجدة في دقائق و كذالك مفيدة بزاف.وحدة أخرى تفكرتها تاني ههه
لاصوص ديال الرفيسة إلى شاطت ,كنرمي الشعرية أو لسان الطير كتجي غزالة منسمة بالعطرية والسمن
إلى درتي كسكس بزاف وشاطلك ومابغتيس دريه سكوك مع البن
دهنيه بالزبدة بزايد ودريه فطبسيل وزوقيه بالوز وقرفة وسكر وبيض وهاهو ولا سفة لكوتي مع براد أتاي
باش ميكحالكش نعناع فالثلاجة دريه فورق لكنشفو به زيت ولويه فيه وعاد دريه فبلاستيكة
من تسلالك القراعي دزاج ديال مربى أو مطيشة متميهمش غسليهم مزيان وستعمليهم لتخزين الأعشاب المنسمة اليابسة بحا ل زعتر ـ لويزة ـ رند ـ .....
من تخوي الطن من حك ديالو مترميش زيت خبيها فقرعة دزاج ونسمي بها الباييلا
من تكون عندك مطيشة بزايد قشريها وقسميها على 4 ودريها طيب مزيا من بعد طحنيها فلألة ليدوية ورديها للطنجرة وزيدي عليها ملحة لكافية وتحميرة وبزار وزيت ورديها طيب مرة 2 ومن تشوفيها شوي نشفت كوبيها وهي سخونة فقريعات زاج وسديهم مزيان باش ميدخلش لهو ى وقلبيها على غطاية ديالها ودريها فمكان مظلم تحت بوطاجي مثلا وكل ماجبتي قرعة باش تستعمليها دريها فالثلاجة
ن تشري حب الملوك حيديلو الأغصان ديولو وغسليهم ونشفهم مزيان وأستعمليهم لتزيين حلويات لكتكون على شكل فواكه
لغلاقة نتاع شمبوان لأوفال غسليها وستعمليها بحال مرشم تاع حلوة
إلى كنتي عكزانا باش توجدي لكوتي من تعجني فصباح حيدي شي كرة تاع لعجينة دلخبز وحتافظي بها فالثللجة وفلعشية إجبديها كرصيها غتكون خمرات وقطعيها مربعات وقليهم وهالبطبوط عندك واجد
إلى كانت فخاطرك مونادا ومقدتيش تشربيها حيت فيها الغاز بزاف دري فيها قطعة ديال الخبز غادي تشرب الغاز كامل لفالكاس
لمعلقات لكيكونو فالقابسة تاع السيرو متلوحيهمش ستعمليهم فقيريعات العطرية وهكد غتفاداي توسخي الملحة سكينجبير بتحميرة وزعفران ...............
إلى كنتي مسافرة وكان عندك المأكولات فالكنجيلاتور وخفتي يكون تقطع الكهرباء وكلش داب وولا جمد ونتي معرفاش غتخدي كاس ديال لماء ولونيه ودريه يجمد من بعد حيديه من لكاس وولي رجعيه فشي بلاسيكة إلى كان ضوء تقطع مدة طويلة غتلقاي ماء ملون مبقاش فشكلو هكدا غتعرفي واش الحويجات فسدو إلى لكاس بقى هو هو يعني كلش راه مزيان
لخنشة ديال أرز أوسميدة غلفيها بشي ثوب ودري فها الخبز كيبقى رطب
إلى كان عندك حب لملوك بكثرة غسليه ودري عليهه سنيدة وبيتيه فثلاجة ولغد ليه دريه فوق العافية مهيلة حتى يطيب مع تحراك مرة مرة ويولي مربى بصحة وراحة كيجي هائل
القراشل او لبريوش يلا جاو مدقصين او بداو تيقصاحو
قطعيهم بالموس على شكل فقاص و ستفيهم في اللاطة و دخليهم يتحمرو في الفران
تيجيو بحال الفقاص بنان
مني تسالي ليك لبواطة تاع معجون غسل الاواني بحال oni ماتلوحيش لغلاقة
ستعمليها كقطاعة تنفعك في البينيي البطبوط الحرشة الشوصون و غيرها
و كل مرة شري حجم مختلف باش يولي عندك قطاعات دائرية من كل الاحجام
خدي قرعة صغيرة دلميكة وسخني قطيب وعملي بها ثقابي
وحطي فيها صابون لغسيل وسديها وحطيها في محل الماء لكرسي الحمام ( السيفون )
وكل ما تدخلي للحمام تبقى ريحتة نظافة
اذا بقى ليك العظام اللحم او الدجاج لا ترميها
حطيها بقدر الضغط ( الكوكوط ) وحطي معاها فلفل رومي
بصل ثوم واي منكهات تحبيها وشوي ما وقفليها وخليها تطبخ
ثم صفيها وحطيه بقوالب حسب حاجتك وحطيها بالفريزر
ولما تجمد ممكن تشيلي الطبقة الي فوق تكون بيضاء لاصحاب الريجيم
ولا انا افضلها تبقى وتحتفظي بيها بالفريزر
لوقت الاستعمال
باش تصايبي لاشابلير حطي بقايا الخبز بصينية وكل ما تشتغلي بالفرن وتخلصي وتطفيه دخلي صينية الخبز
لين تنشف واطحنيه وانخليه وحطيه بقرعة واحتفظي بيه هذه طريقتي فيه
بالنسبة لسؤالك الثاني ما دري قصدك الفواكه المسكرة ؟ ولا المربى ؟
العلب ديال الجزم لا ترميها غلفيها بذوقك واستخدميها للبكلات
وعلب البلايز استخدميها بتقديم ظيافتك
اجمعي القطع الصغيرة المتبقية من الصابون في قطعة نايلون مشبكة (مثل أكياس البصل)، اربطيها وعلقيها على حائط الحمام.
* إذا سحاب الفستان أو البنطلون لا يبقى مقفلاً، رشيه بقليل من سبراي الشعر وسيبقى مقفلاً كل اليوم.
* الجوارب القطنية ممتازة للتلميع والتنظيف من الغبرة، البسي واحد في يدك وامسحي الغبار
* الصوف ممتاز لتلميع الفضة.
* إذا قررتي أن ترمي خزانة الدروج التي توضع في غرفة النوم، لا ترمي الجوارير (الدروج)، ضعي قطع بلاستيك من أسفلها، ليسهل جرها، ضعي داخلها قماشاً وأغراضاً أخرى ثم جريها تحت السرير.
* للثقوب التي في الحائط، ضعي معجون أسنان، دعيه يجف ثم ادهني فوقه.
* دليل الهاتف الكبير، بإمكانك أن تغلفيه بالقماش، أو ورق الحائط، وتضعيه على كرسي ليجلس طفلك عليه.
* الشعر الذي على الذرة الطازجة، من السهل إزالته بماديل ورقية مرطبة.
* حتى تبقى مرايا الحمام صافية من الضباب، نظفيها بمعجون الحلاقة.
* عندما تفصلي البياض عن الصفار لصنع حلو معين، تحتارين في استخدام الصفار، في هذه الحال، اسلقيه، ثم ضعيه في منخل واسع الثقوب، اضغطي عليه ليخرج من الثقوب. وعندها يصبح لديك برش للبيض يؤكل فوق السلطة.
* حتى لا يختنق المجلى ويبقى الماء جارياً، ضعي في المجرى كربونات الصودا واسكبي فوقه خل.
* ضعي بعضاً من حبوب الرز داخل المملحة حتى لا يتجمد الملح في أيام الرطوبة.
* لعمل زيت زيتون منزلي، ضعي 4 حبات زيتون كبيرة داخل كوب زيت عادي. ضعيه في البراد، وغطيه بإحكام لمدة أسبوع، ثم استخدميه. طعمه سيكون مثل زيت الزيتون.
* زيت الطبخ ينظف الشحم الأسود من اليدين. اتركيه قليلاً ثم افركيه.
* لإزالة الرائحة من الأحذية، اصنعي المعطرات الخاصة في البيت؛ ضعي قليلاً من كربونات الصودا في قطعة قماش قطنية، اربطي الأطراف بقطعة مطاط. ضعي واحدة في كل حذاء حتى الصباح.
* لإزالة رائحة الدهان، اخلطي ملعقة كبيرة من الفانيلا في كل 4 أكواب من الدهان. وهذا لا يؤذي الدهان. أو قطعي بصلة قطعاً كبيرة، ولا تقشريها، وضعيها في وعاء به ماء بارد في الغرفة التي تدهن.
* حتى تتخلصي من الدموع عند تقطيع البصل، لا تقصي جذر البصلة، اتركيها فهذا هو القسم الذي يدمع العينين.
* لتنظيف الجوارب البيضاء لتصبح ناصعة البياض، اتركيهم فترة في ماء مغلي به شريحة حامض.
* ضعي الشمع في الفريزر قبل تشعيله حتى لا تذوب بسرعة.
* ولديكور جديد، استخدمي قطعاً من القماش لتزين الحائط بدلاً من ورق الجدران، مثلاً الدائر المزخرف حول الغرفة، ممكن استبداله بقماش. تصنعين المخدات للكنب ومن نفس القماش قصي عرض 10 سم وطول على حسب الرغبة، وضعيهم حول الغرفة على الحائط، ثم ثبتيهم بمسامير ملونة بنفس اللون، أو لونيهم حتى لا يظهروا من فوق القماش.
* إذا كان لديكِ خزانتين فوق المجلى وبينهم فراغ، ضعي بينهم عصا من التي تستخدم لتعليق الستائر، وعلقي عليها ما تريدين، مثل الملاعق الكبيرة، والمغارف.
* أيضاً لفن جميل، ممكن أن تأتي بأحجار ناعمة ومصقولة، وتضعيها داخل وعاء زجاجي، حتى ممكن تلوينها إذا شئت. أو ممكن تأتي بصدف وتقومي بعمل نفس الفكرة. وبإمكانك أن تضعي الوعاء بعد أن يمتلئ أو كما تحبينه أن يكون، فوق شباك المطبخ. أو ممكن ملئ وعاء زجاجي بماء ملون ووضعه على الشباك، أو أوراق ورد معطرة، أو خرز وغيرهم من الأشياء التي تجدينها في البيت.
* ضعي مرآة كبيرة في غرفة صغيرة حتى تظهر بأنها أكبر.
* إذا كان لديك أطفالاً يحبون الرسم على الحائط، شجعي هذه العادة، هاتي لفائف من الورق الرخيص والكبير الحجم، مثل ورق الجدران، وعلقيه على الحائط بواسطة دبابيس خاصة، ودعيهم يرسموا حتى يناموا وممكن أن تعلقي على حائط بأكمله على طول الطفل.
* سلال الغسيل الكبيرة تفي بالغرض أفضل بكثير من صندوق الألعاب لتخزين ألعاب الطفل. فهي أسهل في التنقل، أرخص بكثير من الصناديق الخشبية، غير مؤذية إذا وقعت على الطفل....
*افركي بقعة الصدأ بطباشير ثم امسحيه بمنديل او قطعة قماش ناعمه ..
ممكن تستعملين بيكربونات مخففه بقليل من الماء وافركي البقعه بنعومه..
* ممكن لازالة الصدأ تدهنين مكانها بزيت او فازلين لتجنب رجوعه ثم امسحيها بعد فترة ..
في كل الحالات لاتستخدمين اي شئ خشن للفرك استخدمي قطعة قماش ناعمه ..
لي عنها شي افكار تعتقنا بيهم شكرا ليكم اخواتي
ارجو من الله جل جلاله ان تكون هده الاعمال الفنية الفريدة قد نالت استحسانكم
دمتم في رعاية الله القادر المقتدر
الثلاثاء سبتمبر 19, 2017 1:39 am من طرف 
موضوع: المرأة المتولة تتصنع الحلوة من التراب إوا أجو نتعاونو ونكوونو متولات نصائح فريدة وحصرية 
