ا
لسلام عليكم حبيباتي،بم أنني كنت تعلمت الحلويات عند واحد الأستاذة الله يجازيها بالخير واستفدت من عندها حبيت نعطيكم واحد الحلوة مشهورة في الشمال والإسم ديالها بالإسبانية حيث جات من عندهم وقيلا طولت عليكم،هاد الحلوة سميتها ''حلوة متشوينة''.

المقادير؛نصف كيلو دقيق فورص محمص+رابعة الشكلاط أسود+رابعة الشكلاط أبيض+رابعة لوز مصلوق ومقلي ومهرمش+رابعة زنجلان محمص حبوب+زلافة زيت أو أكثر.

للتزيين،سكر كلاصي+كويغطات خاصين بهاد الحلوة.

الطريقة،نخلطوا دقيق+جنجلان+لوز،ندوبوا شكلاط أبيض+أسود في حمام مريم نزيدوا عليه زلافة زيت،ثم نصبوه على خليط دقيق نجمعوها مزيان ثم نسرحوها في بلاستيك ثم نطلقوها بالمدلك،نخليوها شوية غليظة،ثم نقطعوها بطابع دائري،ندخلوها إلى الثلاجة،تقصاح شوية ثم من بعد نفندوها فالسكركلاصي،و من بعد نلويوها فالكواغط الخاصين بها،و إلا ماكنوش هاد الكواغط متوفرين،نوضعوهم فكواغط ديال الحلوة عاديين.نتمنى تعجبكم،و تعجب وليداتكم،متنساونيش من دعاوتكم لي و لولادي،و نتمنى تجربوها و تردوا عليا .

شكرا بزآآف على ردودكم و دعاوتكم،و ربي يخليكم .