---------------------------- المدفونة ----------------------
لمن لايعرف ماهي المدفونة؟ فهي طبق يشتهربه سكان اقليم تافيلالت وهي عبارة عن خبز محشو بخليط من اللحم و الشحم والبصل والبيض واللوز والتوابل .وللمدفونة عدة أسماء حسب المناطق:ففي الرشيدية تسمى :الخبز المورق وبأرفود تسمى خبز الدواز وبأوفوس :خبز الوسط .أما إخواننا الأمازيغ فيطلقون عليها :أغروم نوماس.وكلمة مدفونة تشتهر بها مدينة الريصاني والنواحي.

مدفونة تافيلالت المدفونة الفلالية
نحتاج
كيلو طحين
ملح
خميرة
ماء دافي
يعجن العجينة العادية متل الخبز
وناخد نصف كيلو لحم مقطع طريفات

150 كرام لوز مسلوق ومقشر ويبقى صحيح
بصلة
2 بيضات
ربطة قزبر
ربطة معدونس
و 20 كرام راس الحانوت
50 كرام كمون
إبزار
سكينجبير
ملح

نخلط هاد المكونات ونخليها على جنب
حتى ترخا لينا العجينة
ونعمروها بالحشوة نتاع اللحم في الوسط وتجمع من الجوانب
فحال الرزمة
وتكرس فحال خبز بالشحمة
و من أحسن طيب في فرن الزنقة
وتقدم مع أتاي يكون بمرددوش

تمن المدفونة الفلالية لا يتعدى 120 أو 130 درهم وتجيك حتى الدار






--------------- اشهر ماقيل في المدفونة ----------

سماوها مدفونة من جيل لجيل مشهورة
والسامع بها مبهور يعشق دوقها بدهورة
بها يفرحوا قبايل الواحة بكل من جا زاير
يقدموها فطباق شهية تخلي الواحد حاير
ببرارد الشاي بالنعناع تحلى البنة فيها
دغمة منها تخلي العاشق يتغنى بها
فالشوفة تبان خبزة والداخل كلها متمورة
واللي ما يدري ما يشوف شوفة محكورة
تفتي من قبل بالوصية لا تنسى لفكاير
من عند الكزار تسوق تدي ما هو داير
من القلب شوية يتقطع فالمضغة تسها
أوزيد الكبدة بطراف صغيرة تعطيك دواها
الهبرة بقياس والشحمة قلل راه ضرورة
من التوابل قرصة قرصة ما تدير حرورة
بالخلاط خلط المقادر وتقسم وتساير
تعطي الحق لكل خبزة ما يكون مغاير
باللوز والبيض المسلوق يتدردر فيها
هكدا تكون وفيت لكل وحدة حقها
فالفران والبال عليها ما تخرج مبتورة
النار مزندة والعين عليها ما تزيغ بدورة
الكلسة تحلى والكلام يعطر لمقام
تاكل بالصحة وتفرق البسمة بتمام

تبارك الله عليك وفيتي في الشرح وإعطاء قيمة لهاد الخبز الشهي ونزيدك هادي خبزة بلادي الله يعيطك الخير ونوصي البنات يجربوها راه هائلة جدا ومغدية

مرحبا بيك أزيندونك هي نتي فيلالية أ شاكرة النعمة

لالة بتينة كتب:

مرحبا بيك أزيندونك هي نتي فيلالية أ شاكرة النعمة

انا احبيبة أمازيغية بنت الراشيدية والحمد لله كاع الناس دالراشيدية واحد
تشرفت بالإنضمام لهاد المنتدى اللي استافدت منو الكثير الله يجازيك بخير

ALLAH YA3TIK ASSAHA