الغسول المسيق بالتفصيل الممل للجسم و الشعر الوصفة الأصلية المحضة
3 كيلو غسول طوب الطبيعي ديال الحجر
125 كرام ورد بلدي
100 كرام سنبل
100 كرام ريحان
1 معلقة كبيرة قرنفل منقويوش حيت هو سخون وكاينشف الشعر
2L ماء طايب لدرجة الغليان
الطريقة

تخلط كل الأعشاب ويصب عليها الماء غليان ونحطها على نار مهلة جدا
شي 3 دقائق فقط نطفيو عليه غير يجيب تغليا نطفيو

وتاخد المغرف ديال لكسكس ومرة مرة تصبي عليه حتى يشرب وتزيدي
متصبيش عليه مباشرة
بشوية بشوية
المرحلة تانية تحطي غربال ودوزي عليه بيديك تكوني معمرة بلغسوول وتمعكي مزيان

حتى تنزل ليك غير دمعة وشوائب و الحجر يبقى معزول الفوق

المرحلة الثالتة
نفرش ديك الخلاصة ديال الغسول لي تتكون بشكل الزبدة أو الكريم فوق لاطة أو طبلة
وتبقى مواجهة للشمس يوما كاملا فقط
ونحولها الضل تبقى 4 أو ( أيام حتى ييبس ويتشقق غير وحدو
ونحتفظ به لحين الاستعمال في شي صاك ديال الثوب
أوكد حاجة ديال التوب يبقى ليك حتى أكتر من سنة
ويمكن استخدامو لكافة الأعمار حتى بنيات الصغار

وكذالك عند الاستخدام تخلطي مغلى ديال ليازير أو البابونج أو حتى الزعتر أو أي عشبة تتوافقك

تستعمليه للجسم وكذالك للشعر
وتغليه في الماء ودك الماء تخلطي به الغسول عند الاستخدام
وبصحة و الراحة

شكرا رائع راني جربتو

إوا بصحتك أزين

ولكن فين تتصاور التطبيق ؟؟؟ هههه