وصفات لالة مولاتي على ميد راديو الجزء الرابع

تاريخ التسجيل : 14/05/2012

وصفات لالة مولاتي على ميد راديو الجزئي الرابع

وصفات ميد راديو من برنامج لالة مولاتي 14/3/2011

شهيوات ميد

نوكا بزنجلان

المقادير
كاس كاوكاو مقشر و محمر
2 كيسان زنجلان منقي و محمر
2 كيسان سنيدة
2 معالق كبار عسل
2 معالق عصير حامض
1 كاس زيت

الطريقة

غادي ناخدو كاسرونة فوق العافية نديرو فيها سنيدة وزنجلان و كاوكاو و 2 معالق كبار عسل و 2 معالق عصير حامض ونحركو مزيان
بملعقة خشبية حتى اتجمع الخليط فوق مائدة ندهنوها بالزيت نحاولو مان طعطلوش باش ماي لصق الخليط في الكاسرونة نصبو الخليط فوق مائدة مدهونة بالزيت و نشدو مدلك مدهون بالزيت ايضا ندلكو الخليط حتى اولي سمك سنتيم ونقطعوها مربعات او مثلتات حسب الاختيار ندخلوها لثلاجة تبرد شوية ومن بعد نخرجوها نديروها فكويغطات و بالصحة الراحة

حلو صابلي

المقادير

رابعة الزبدة
زلافة سكر كلاصي
بيضة وحدة
خمارة وحدة
نصف كيلو دقيق خاص بالحلويات
للتزين
شكلاط ابيض و اسود
علبة حليب مركز محلى
و اللوز مهرمش و لا الكوك

الطريقة

نخدمو الزبدة مع سكر حتى تولي بحال الكريمة و نزيدو بيضة و ايضا خمارة و الدقيق تدريجيا حتى نحصلو على عجين مرخوف و نبسطوها على مائدة تكون رقيقة ونعملو منها اشكال مختلفة بالمرشم نستفوها في لاطة وندخلوها طيب مدة 20 دقيقة كات جي بيضة شوية
ناخدو علبة حليب مركز في لكوكوط مع لتر ماء ونسدو عليها مدة ساعة حتى اولي لون دهبي
نغطسو حلوة صابلي في الكراميل و مرمدوها في اللوز مهرمش
ممكن ايضا نلصقو كل 2 بالكراميل ديال حليب مركز وندهنو من الفوق بالكراميل ونرشو الكوك
و ممكن نغطسو جهة بالاسود و جهة بالابيض
التزيين حسب الاختيار

تاريخ التسجيل : 14/05/2012

وصفات ميد راديو ليوم برنامج لالة مولاتي 20/3/2011

منى من تزنيت
كيكة
المقادير

2 بيضات
كاس لاروب زيت
كاس سنيدة
1 خميرة حمراء
1 فاني
1 ياغورت صغير فاني
دقيق حسب الخليط
نخلطو كولشي تجي خفيفة شوية وندخلوها لفران فاش طيب نسقيوها بسيرو لي فيه سنيدة و الماء و من بعد نديرو طبقة كريم باتسيير التزيين ممكن نفرشو طبقة ديال البنان ولا فريز من بعد نديرو 2 فلان فاني و كاس عصير ليمون حتى اتبخ مزيان فوق العافية ونكبوه الفوق و بالصحة و الراحة
حنى من بوجدوور
كرص
كاس ياغورت كريمي
كاس سنيدة
نصف كاس زيت
2 بيضات
1 خمارة
1 فاني
معلقة كبيرة خميرة خبز
شوية ملح
نصف كيلو فرص
الماء دافئ ولا بارد
نخلطو كولشي نعجنو مزيان تجي مرخوفة شوية نخليوها ترتاح ساعة و نصف فاش تخمر ندهنو الطاوة ونكورو كويرات صغار شوية و نبعدهم شوية وندهنوهم بصاف بيضة و ندردرو زنجلان ونخليوهم ارتاحو 10 دقايق وندخلهم للفران

عصير

راعبة كرعة حمراء
راعبة خيزو
3 كيلو الليمون
1 فاني
1 خنيشة عصير غبرة خوخ
سنيدة حسب الدوق
لتر ماء
نقيو خيزو و الكرعة ونصلقوهم فلتر ماء فاش اتصلقو نطحنهم مع فاني و خنيشة عصير غبرة و سنيدة
ونعصرو الليمون ونخلطوه مع العصير لي طحنا و بالصحة و الراحة
ام ريان من الداخلة
وصفات للأطفال
كاس سميدة رقيقة +7 ثمرات معلقة كبيرة زنجلان مدقوق+2 كيسان ماء فكاسرونة ونزيدو عليها كاس سميدة رقيقة ونخليها حتى طيب مزياان مع تحراك و نزيدو معلقة زنجلان مدقوق و ايضا 7 ثمرات لي زولنا ليهم النوات اطيبو مزيان ونزيدو عليهم كاس حليب نزيدو شوية ملح ونطحنو كولشي فطحانة هادي وصفة من 6 اشهر لفوق

-- بطاطة مصلوقة 2 معالق زيت العود فرماجة مثلت نمعكهم مزياان
عتيقة من مراكش
وصفة تخفيف البطن 2 معالق خل التفاح
ليمونة مقسومة على 4 بلقشور ايضا حامضة مقسومة على 4
2 اوراق كرمب

تاريخ التسجيل : 14/05/2012

السلام عليكم و رحمة الله

يوم الخميس اللي فات كونت مشغولة بزاف و مدركتشي نسجل الوصفات و بقيت كنقلب عليهم هنا فالمنتدى و مالقيتهمش و الحمد لله وجدتهم فأحد المنتديات اللي مسجلة فيهم و فكرت ندرجهم هنا باش تعم الفائدة

وصفات لالة مولاتي يوم 16.6.2011

حمام العروس

2 بيضات بلدين
16 معلقة ديال زيت الزيتون
8 معالق زيت درة
8 معالق زيت اللوز
3 معالق عسل حر
معلقة دواء الاحمر
16 معلقة حليب السائل
صابونة بدون رائحة محكوكة
نخلطوهم ونديروهم فشي قرعة ونديروهم في الثلاجة فاش نبغيو نمشيو للحمام ناخدو مقدار منو ونخلطوه مع ماء دافئ في الحمام وندهنو بها الجسم ونبقاو مدة ونغسلوه

ماسك طبيعي اخر

كيس حمام رطب نرقدوه في كمية ديال نخالة وماء دافئ باش طلق النخالة ناخدو الماء نشللو به الجسم ديالنا من بعد نفركو الجسم بالكيس لي عامر بنخالة

شهيوات ميد

نزهة من طنطان

حلوة بحلاوة
نصف كيلو دقيق
معلقة كبيرة زبدة
2 معالق كبار سكر كلاصي
2 معالق كبار زيت
معلقة كبيرة ديال العسل
نجمعو هاد العناصر بشوية ديال الماء
ندلكوها مزيان ونقسموها 4 كويرات ونغطيوها ببلاستيكة

الحشو

كيلو كاوكاو كبير
نقليوه حتى اتدهب اللون
نطحنو كيلو لاروب و رابعة نخليوها للتزيين
هديك كيلو لاروب نزيدو ليها معلقة صغيرة ديال القرفة
معلقة كبيرة زبدة
نصف كاس عنبة ماء زهر
نجمعو بالعسل حتى نحصلو على عجينة ممكن نتحكمو فيها

ناخدو كويرة ديال العجين وندهنو طاوة بزيت ونسحو العجينة بالمدلك تكون رقيق
ناخدو الحشو نحربلوه حربل طويل ونحطوه فوق العجينة ونحربو بحال شكل الكعبة غير هو طويل ون قطعو الجوانب نصاوبوهم ونبسطو شوية من الفوق ياخد شكل مستطيل ونقطعوه مربعات على شكل كرميلة ونغمسو الجوانب في بياض البيض و في زنجلان محمر ونحطوهم في طاوة حتة نكملو العجينة ديالنا وندهنوهم من الفوق بصفار البيض
ونديرو نصف كاوكاوة في الوسط
ونخليوها تبات في طاوة في صباح نطيبوها مباشرة فاش طيب نسقيوها بالعسل
نخليوها 3 سوايع ونسقطروها ونديروها فقويغطات

حلوة الفريزة
600 غرام دقيق
120 غرام زبدة
4 معالق كبار ماء زهر
2 معالق كبار سكر كلاصي
نجمعوها بماء ونديروها كريصات
وناخدو شوية نخليوه نقسموه على 2 واحد نعملو معاه ملون اخضر و الباقي باللون الاحمر
ونخليوهم ارتاحو

الحشوة فيه
نصف كيلو اللوز
نصلقوه ونطحنوه مع رابعة السكر كلاصي
2 قطيرات روح الفريز نعجنوهم ونصنعو منهم كويرات قد زيتونة ونخليوه على جهة
ناخدو الكويرة من العجينة ونسرحوها في طبلة من بعد ما دهنا طبلة بزيت ونسرحو العجينة بالمدلك ونقطعوها دوائر صغار
ناخدو الحلقة ديك لي تاي عمل الخياط في الصبع فاش تاي كون تاي خيط ندخلو فيها ديك دائرة ديال العجينة وناخدو الحشو وندخلوه من وسط العجين ونجمعو الجناب من لتحت ونقطعوها بالمقص ونخلجو ديك العجينة تان حصلو على شكل بحال لفريزة متقبة ونحطوها
ناخدو هديك العجينة لي خلطنا معها ملون اخضر نسرحوها تكون رقيييقة ونقطعوها بالمرشم على شكل وريقات ونديروهم من الفوق ونخليوها تبات صباح فاش نطيبوها وندهنوها بنباج ولا العسل ونديروها في القويغطات

حلوة شكلاط على شكل مروحة
ندوبو رابعة الشكلاط ابيض في حمام مريم
فاش ادوب نضيفو عليه 3 معالق كبار ديال الكوك مطحون
و 120 غرام اللوز مصلوق وقلي غا شوية ومطحون شوية
و علبة الفواكه الجافة مقطعة
نخلطو كولشي وناخدو قويغطات اما دهبيين و لا فضيين نديرو مقدار معلقة صغيرة وناحولو نطويو ديك القويغطات على 2 ونخليوها حتى تبرد ونحلو تان حصلو على شكل مروحة

مريم من العيون

تبريمة

فيها
نيلة الفاسية
نيلة يمنية
الورد
خزامة
حلبة
بابونج
سككر كلاصي
كل حاجة منها شوية نديروهم في كاسرونة فيها الماء ونخليوها تغلا و نصفيوها وناخدو داك الماء لي تغلات فيه ونخلطو به الحنة ونعملوه للجسم و بالصحة و الراحة

حورية من المحمدية
وصفة العروسة لي خرجو فيها الحبيبات

معلقة زيت العود
معلقة ص شبة مدقوقة مزيان
نخلطو هاد الخليط ونديرو معاه شوية بياض البيض
ونديروهم للوجه و العنق

وصفة البواسر

زيت الحبة السوداء و شوية زعتر مدقوق نخلطو كولشي ونديروه في مكان البواسر

وصفة العناية بالرجلين و اليدين

كوماج طبيعي
معلقة زيت العود
معلقة سنيدة
معلقة عصير حامض
نخلطو كولشي وندهنو به الرجلين و اليدين ونخليوه من بعد نديرو كوماج مزياان مزيان مباشرة نديرو خلطة فيها
2 معالق ياغورت طبيعي و 2 معالق زيت لكلسرين و 2 معالق زنجلان مدقوق مزيان و 4 معالق عصير بطاطة
3 معالق حليب سائل ومعلقة شبة نخلطو كولشي حتى نحصلو بحال لاكريم مباشرة بعد الكوماج ندهنو باهاد الوصفة ونلبسو تقاشر ونديرو ليكات

العروس دائما تحاول تشرب عصير الجزر

وصفة تبييض البشرة

طريف بطيخ
ربطة صغيرة ديال المعدنوس
ونحاولو نديروهم فمكينة العصارة فاش تخرج لينا العصارة ناخدو منو قدر 4 معالق ونديرو فيه معلقة زنجلان كبيرة مطحونة ومعلقة عسل ومعلقة ياغوورت طبيعي و صفار بيضة بلدية معلقة ص زيت الورد نخلطو كولشي ونديروه للبشرة بعد ما درنا ليها كوماجديال روز و حليب غبرة
ونخليوه حتال 2 ساعات على الوجه من بعد فاش نغسلو البشرة نمسحو بماء البطيخ و المعدنوس لي بقا لينا مدة اسبوع تبان نتيجة

وصفة رائحة العرق

مجرد مات مشي للحمام ناخدو ريحان يابس ونطحنوه ونحاولو فاش نمشيو للحمام ونحكو ندهنو الجسم بداك ريحان ونبقاو مدة 15 دقيقة وفي اللي نشربو كاس مغلي ريحان بالليل

عتيقة من مراكش

صابونة

قبصة معدنوس
كاس ماء ورد
3 معالق نشا
3 معالق حليب غبرة
معلقة زيت الزيتون
صابونة بدون رائحة
ناخدو ربطة المعدنوس نفرموها ونديروها في الخلاط مع كاء ماء ورد و نشا و حليب غبرة و زيت الزيتون ونطحنو كولشي ونديروهم فكاسرونة على نار مهيلة حتى اغلا ونزيدو عليهم صابونة بدون رائحة محكوكة حتى دوب ونديروها فشي باطة ونديروها في ثلاجة ونبقاو نستعملوها

صابونة تانية

صابونة عادية
كاس ماء
معلقة روز مطحون
معلقة عسل حر
معلقة ص زيت اللوز المر
معلقة زيت الورد
ناخدو الصابون نحكون ونديروه في كاسرونة على نار مهيلة مع الماء حتى ادوب ونزيدو عليه المكونات لخرين ونخليوها حتى ادوب ونديروهم فشي باطة وندخلوه للثلاجة حتى اجمد ونقطعوه ونستعملوه للجسم و البشرة

وصفة تبريمة بعد الغسل
عصير حامضة
5 معالق حليب غبرة
نستعملوه للجسم كامل

وصفة ترطيب اليدين و الرجلين
معلقة سكر سنيدة
معلقة زيت الزيتون معلقة زيت الكلسرين نستعملوهم على اليدين مدة 15 دقيقة ونبقاو نكوميو

وصفة تبييض و ترطيب اليدين و الرجلين

معلقة خميرة الخبز
معلقة حليب سائل
معلقة عصير حامض
معلقة زيت الكلسرين
معلقة روز مطحون
معلقة ص زيت الزيتون
معلقة طحين فورص
نستعملوه على اليدين و الرجلين

وصفة تبيض البشرة جميع انواع البشرة

معلقة دقيق الدرة
2 معالق نخالة
2 معالق عصارة خيار
قطيرات حامض
نستعملوه مدة 15 دقيقة ونغسلو بماء دافئ و ماء بارد

سناء من برشيد

غريبة باللوز و شكلاط

5 بيض البيض
نصف كاس سكر سنيدة
100 غرام اللوز مقشر ومقطع ايفيلي
4 كيسان اللوز مطحون
نصف كيلو شكلاط اسود
نخلطو بيض البيض مع سنيدة حتى اولي فحال ثلج ونزيدو اللوز مقطع ايفيلي و 4 كيسان اللوز مطحون ونخلطو مزيان ونديروهم كويرات صغار حجم مشماشة نديروهم متبعدين في لاطة ملي تخرج من الفران نديروها مباشرة في شكلاط اسود مدوب ونلصقو نصف لوزة فوق الحلوة

غريبة معمرة بلكوك
2 بيضات
10 معالق سنيدة
2 خمارات
2 صفار بيض
رابعة زبدة
1 فاني
دقيق حسب الخليط

العقدة
كاس كوك مطحون
قشور ليمونة محكوكة
3 معالق كبار كونفتير

نخلطو الزبدة مع سنيدة تم كان ضيفو البيض و صفار البيض و دقيق و الخمارة حتى تجمع لينا العجينة ونديرو كويرات صغار وسط كويرة العجينة نديرو شوية من العقدة ديال الكوك ونسدو الكويرة ونبسطوها شوية ونديروها في لاطة وندهنوها بصفار البيض و كونفتير و لكوك و زهر وندخلوها للفران و بالصحة و الراحة

حلوة اللوزة الخضرة

800 غرام سكر
كيلو اللوز
2 فاني
1 بياض البيض
1 فاني ديال الزهر
ربع معلقة مسكة حرة
ملون اخضر
اللوز مقلي التزيين
شكلاط اسود للتزيين
و شوية سنيدة

نخلطو 800 غرام سكر مع اللوز نطحنوهممزيان و نزيدو عليهم 2 فاني و 1 بياض البيض و 1 فاني زهر
و مسكة حرة و ملون اخضر ونصنعو منو كويرات صغار قد المشماش ونصنعو منها شكل اللوزة من بعد نفندوها في سنيدة ونقسموها من الوسط ونديرو وسطها لوزة ونغطسو راس ديالها في شكلاط اسود ونديروها في قوغطات و بالصحة و الراحة

ام هاني من اكادير

حميمات باللوز و روز
12 حمامة
كيلو بصلة
150 غرام زبدة
250 غرام اللوز
شوية ملح وابزار و سكنجبير
معلقة كبير زعفران معلقة معدنوس مفروم
250 غرام روز كلاصي ممتاز

نغسلو الحمام عادي بحال كيف تان غسلوالدجاج بلحامض و سكنجبير و الملح ونخليوهم اتسقطرو

نصلقو اللوز ونقشروه
ونقشرو البصلة ونقطعوها شنايف
وناخدو البصلة و اللوز و الحمام و العطرية و زبدة ونديروهم في طنجرة ونديرو الماء الكافي فاش اطيبو ونخليوهم اغلاو المعدنوس مان ديروهمش نخليوه حتى اطيبو الفريخات عاد نديروه

ناخدو الروز نديروهم فشي كاسرونة ونكبو عليه ماء طايب باش اتنفخ

من بعد ناخدو زلافة من المرق ديال الحمام ونطيبو فيها الروز حتى انشف

ناخدو طبق التقديم نديرو فيه الجناب الفراخ نستفوهم و الروز نديروه فشي مول ونعمروه ونقلبوه في طبسيل في الوسط
ونديرو فوق من الروز البصلة و ندردرو الروز و بالصحة و الراحة

تاريخ التسجيل : 14/05/2012

<BLOCKQUOTE class="messageText ugc baseHtml">حلقة لالة مولاتي على ميد راديو يوم 10/5/2011

شهيوات ميد

كيكة الماء
2 بيضات
1 خمارة
كاس ونصف سنيدة
كاس زيت
رابعة طحين فورص
كاس ماء سخون طايب
2 معالق شكلاط غبرة مسحوق الكاكاو
نطربو 2 بيضات مع كاس ونصف سنيدة و نزيدو زيت و الماء سخون و شكلاط غبرة وحنا تان طربو ونضيفو باقي العناصر ونحركو كولشي و من بعد نصبو الخليط فمول مدهون ندخلوه للفران اطيب فاش طيب كان غطيوها بكريمة
كاس ياغورت فاني و شكلاط مربعات
ندوبو الشكلاط و نحيدوه من فوق العافية ونضيفو ياغورت وندهنو وجه الكيكة و ندخولها للثلاجة و بالصحة و الراحة

عصير خوخ
2 خوخات
2 بانانات
لتر عصير ليمون
4 معالق سنيدة
نخلطو كولشي فطراب الكهربائي و بالصحة و الراحة

سعدية من شيشوة:
غريبة زنجلان: 500غ زنجلان، 2 بيضات، م ك فورص، 250غ سكر كلاصي، 2 م ص خمارة، م ك مربى سائل، 4 م ك زبدة مدوبة للتزيين: ماء زهر، سكر كلاصي. الطريقة: زنجلان محمر و مطحون و نزيدو لعناصر و نخلطو مزيان و نضيف زبدة و تكون عجينة متماسكة و نشكلو منها كويرات و نغمسوها فماء زهر ثم سكر كلاصي و نديروهو فلاطة مدهونة بزبدة و مرشوشة بطحين و ندخلوها لفران.
ام زينب من رباط.

شوصون حلوين:250غ فورص، 125غ زبدة، ملح، 50غ اللوز، 50غ سكر كلاصي، نصف م قرفة، 2م ك ماء زهر، صفر بيضة نعجنو كلشي و نخليوه يرتاح . و نوجدو لحشوة: 2 شريحات مقطعين، 2 تمرات مقطعين، 2 مشمشات مقطعين شوية مسكة حرة، م ك ماء زهر، نحف كاس ماء زهرو نخلطو كلشي فوق عافية مهيلة. نطلقو لعجين بلمدلك و نقطوها ونديرو لحشوة اما نديروهم دائرية او مثلثات و ندهنوهم بصفر لبيض و ندخلوهم لفران.
لبنى من كازا:
قريشلات ملحين:نصف كيلو فورص+100غ زبدة+ك زيت+ ملحة+ ابزار+20غ خميرة+1 خمارة+ حليب حسب لخليط نخلطو كلشي و نجمعوها بلحليب و ندلكوها و نسرحوها بلمدلك و نرشوها بزعتر مطحون او زيتون مطحون و نحربلوها بحال لفقاص و ندخلوها لمجمد ونقطعوها و ندخلوها لفران.

كيكة: كاس ماء ، ك سنيدة. ك زيت، 4 م كاكاو، 4 م نيدو، نخلطو كلشي بلخلاط لكهربائي و نقصو منها كاس دحياتي و نخليوه جانبا للتزين و نضيف 2 بيضات ونخلطو مزين و نزيدو لفورص تدريجيا حسب لخليط و 2 خمارات و نديروه فمول مدهون و ندخلوها لفران و حيت تطيب و تدفى شوية نخوي فوقها لخليط لي خلينا فكاس دحياتي و نديروها فتلاجة.
سناء من كازا:
شكلاط للدهن:ندير نصف كاس حليب +30 قطعة دشكلاط + نيسكافي يدوبو على عافية مهيلة.و ناخدونصف كاس حليب آخر و نطحنوه مع باكية دهنيريس و نخلط لخليطين ب2.

كيكة بالطون: 2 خمارات، 2 حكاك ديال طون و نحيدو ليها زيت، 4 بيضات، 100غ فرماج محكوك، نصف كاس حليب، نصف كاس زيت، ك و نصف فورص، شوية ملح ،ابزار،زعيترة نخلطو لعناصر كلها و نديروها فمول مدهون و نرشوها من لفوق بزعيترة و ندخلوها لفران.
عتيقة من مراكش:
كريب بلقمرون: لعجين: 3 بيضات+2 كيسان كبار د لعنبة حليب+ 300غ فورص+ملح+راس م ابزار+ راس م كوزة نخلطو كلشي فلخلاط لكهربائي و نخوليها ترتاح نصف ساعة. لحشوة: 5 م ك بيشاميل، م ك فرماج محكوك، 60غ زبدة، زلافة لقمرون، بصلة مشلضة، 2 وريقات موسى، ابزار، ربع كاس زيت بلدية، باكية الشعرية الصينية. فمقلة ندير زبدة +بصلة حتىتنزل. فمقلة اخرى نشحر قمرون مزيان+زيت ملح ابزار و نزيدوها على لبصلة و نزيدو شعرية لي درنا فما طايب و قطعنا ولفرماج و لبيشاميل و نعمر كريب ديالنا ونديروهم على شكل سكار و نستفوها فلاطة و ندردرو عليهم 100غ فرماج محكوك ي ندخلوهم لفران.

تصفية لبشرة: بنانة ممعوكة+م ص حامض+بياض بيضة و نديروه ربع ساعة.
كنزة من اكادير:
بريوش بالليمون: 900غ فورص، ملح، ك عنبة سنيدة، 1فاني، م قشور ليمون ،3 بيضات، 2م ك خميرة دلخبز، ك ص زيت، ك كبير عصير ليمون،ك صغير زبدة مدوبة . نجمعو كلشي و نخلطوه مزيان و نديرو كويرة حدا كويرة فلمول لمتقوب و ندهنوه بلبيض و لما يخمر ندخلوه لفران.

كوكيز:كاس لاروب سنيدة،،2 ك زبدة مدوبة، ك لاروب سكر اسمر، 2 ك و ربع فورص، 2 بيضات، 2م بيكرابونات صودا، 2ك اللوز محمر و مهرمش، كاس كاكاو ،شوية فاني نخلطو كلشي مزيان و نكونو منها كويرات و ندخلوها ربع ساعة لفران</BLOCKQUOTE>

تاريخ التسجيل : 14/05/2012

<BLOCKQUOTE class="messageText ugc baseHtml">¨° (وصفات 15.05.11)

ليلى ام ياسين:

اعادة تدريج بينيي بشكلاط:

رابعة دلفورص، بيضة، م ك زيت، شوية ملح، م قشور حامضة، م ك سنيدة، شوية خميرة لخبز مطلوقة فشوية حليب دافي، لحليب لكافي باش نجمعو لعجينة.
نجمعو لعناصر كاملة و ندلكوها مزيان و نخليوها تخمر و نعاودو ندلكوها و نخليوها تخمر و نطلقوها و نقطعوها بكاس لعنبة و نديرو تقبة فلوسط و نخليوها تخمر و نقليوها فزيت و نصف ندردرو عليه سنيدة و نصف نغسو لوجه ديالها فشكلاط للي دوبنا فحمام مريم.

الروز بدجاج:بصلة مقطعة مكعبة، 2م ك زبدة، 250غ الروز، 125غ شرائح دجاج، ملح، ابزار، 2لتر و نصف ماء ، او مرق الدجاج، اصفر 2 بيضات، نصف علبة حبوب الدرة، 4 م ك فرماج احمر.للتزيين: بيض مصلوق.الطريقة: اولا نصلقو الروز نصف صلقة . و ناخدو شوية من شرائح دجاج نتبلوهم بشوية ملح و يبزار و ندوزهوم فلبيض ثم فخبز محمص و نقليوهوم فزيت.
و ناخدو طنجرة نديرو فيها زبدة و لبصلة تشحر و نزيدو دجاج و الروز و ملح و ابزار و نحركو ونزيدو لماء و نخليوه يطيب على عافية مهيلة و نخليوه يبرد و نزيدو حبوب الدرة و اصفر لبيض و لفرماج محكوك و نخلطو بشوي ونديروه فمول متقوب و مدهون بزبدة و نديرو لمول فلاطة فيها لماء و ندخلوها لفران تطيب و منين تطيب نقلبوها فصحن التقديم و نزوقو بلبيض و شرائح دجاج للي قلينا.

عصير اقتصادي: عصير كيلو حامض و نحكو لقشور ديالها، باكية الصفراء دالسكر،نديرو السكر+العصير+القشور فبواطة و نحركوها مزيان و نديروها فتلاجة ليلة كاملة و لغد نصفيوه و نبقاو نبركو بييدينا باش يخرج كلشي و التخت للي بقا نزيدو عليه 1 لتر ماء ونشربوه و لكونسونتري نديروه فقرعة معقمة فتلاجة ا نبقاو نديرو كاس و ربع في 1 لتر ماء.

مليكة ام صارا:

محنشة ديال بيبي:
كيلو لاروب ورقة، نصف كيلو بيبي، نصف ك زيت، رابعة صغيرة زبدة ،م سكين جبير، نصف م ابزار، نصف كاس عصير حامض، 2 م معدنوس مفروم، م ص موتارد، 2 فصوص توم، ورقة موسى،ضامة دلبنة دلحوت، الشعرية الصينية، الهريسة، زيتون مقطع.
فمقلات نديرو زبدة + بيبي مقطع رقيق بزاف+ ورقة موسى+م حامض+ملح + كل لناصر و نخليو كلشي يتشحر مزيان حتى ميبقاش لماء. و نسرحو لورقة مقطعة على2 و ندهنوها بزبدة و نديرو لخليط و نشكلو منها محنشة و ندهنوها باصفر لبيض و ندخلوها لفران و حيت تقرب طيب نرشوها بلفرماج محكوك و بالصحة و الراحة.

مليكة ام صارا:

حلوة: 3 بيضات، 3 م اللوز مطحون، قبصة ملح، ك سكر كلاصي، رابعة زبدة ، 2 باكيات حب ملوك لاحمر و لاخضر مقسومين على 2، 1 خمارة حمرة، 2 فاني، فورص حسب لخليط.
في اناء نخلطو زبدة و 2 اصفر البيض و واحدة كاملة وسكرو فاني و اللوز و فورص و لخمارة و نخلطو مزيان و نسرحوها بلمدلك على طبلة و تكون رقيقة و نقطعوها بمرشم طويل و على حسب رغبة اما نلصقو غير 2 او نلصقو 3 لحلوات المهم من الاول نحسبو و نقطعو وحدة عادية و 2 متقوبات او وحدة عادية و وحدة متقوبة و ندخلوهم لفران يطيبو . و حيت نخرجوهم و قبل منلصقوهم ندردر على وجه لمتقوبات سكر كلاصي حتى تولي بيضة و نلصق 2 او 3 بلعسل او بلكونفتير و تقبات نسدهوم بنصف حب ملوك جهة بلاحمر و جهة بلاخضر.

سناء من آسفي:
اكلة الروز بلفلفة و لقمرون: فلفلة مقطعة مكعبات صغيرة، 2 م ك زيت، 2م ك زبدة، ملح ،ابزار، رابعة الروز مصلوق، 500غ قمرون مقشر، شوية بلقشور ديالو، م ك معدنوس مفروم .
فمقلة فوق عافية مهيلة نديرو زبدة + فلفلة + قمرون و يتشحرو مزيان و نزيدو لقمرون و ملح و ابزار و نزيدو الروز و نخلطوه مزيان و نزيدو معدنوس. و نديروه في طبق التقديم و نزينو بالقمرون بلقشور للي صلقنا فماء + ملح + حامض و نزينو بلحامض مقطع الى دوائر.

عطيفة من اكادير:

حلوة الشكلاط الكمية للي تتقدم فلحفلات:
500غ كركاع مطحون، 500غ اللوز مطحون، 500غ كاوكو مكلي و منقي و مطحون، 8 باكيات دلبيسكوي العادي، 4 علب نيستلي. للتزيين: 2 بكيات الشكلاط الاسود.
نخلطو لعناصر كاملة ونشكلها كويرات صغار و نغطسوهم فشكلاط للي دوبنا فحمام مريم و نحطوهم في اناء مدهون بزيت باش ما يلصقوش و حيت ينشفو نديروهم فبابيي المنيوم و نقدموهم.

تتبيلة دللحم دكباب:لكيلو دللحم:
م ص و نصف راس لحانوت، نصف م ص تحميرة، نصف م ص كمون، نصف م ص السودنية، م ص قزبور يابس مهرمش، فلفلة خضراء حلوة محكوكة بلحكاكة لغليضة، م ص سكين جبير، 4 م ك زيت زيتون، ملح ،ابزار و نشرملو اللحم.

لكلاص:
نصف لتر حليب، علبة شانتيي بودرة، 1 نيستلي، 1 ياغورت فاني.
نطرب لحليب و شانتيي مزيان حتى تطلع و نزيدو نيستلي و نطربو مزيان ث ياغورت. و نقسموها على 3 واحد نديرو فيه نكهة ديال نيسكافي مدوب مع شوية دلما. و التاني نخلطو مع كاكاو و التالت نخليوه ابيض و عندنا لاختيار اما نديرو كل نوع فبواطة لوحدو او نديرو فمول وحدة فوق وحدة و ندخلوهم المجمد.

رجاء من سطات:

كيكة شكلاط: لعبار دلعنبة.
2م كاكاو او مسحوق دشكلاط، ك زيت ،ك سنيدة، ك ماء، 3 بيضات، 2 خمارات، 1 فاني، فورص حسب لخليط.
ناخدو فكاسرونة على عافية مهيلة كاكاو+سنيدة+ماء+زيت و نحركو مزيان ثم ناخدو نصف كاس من هاد لخليط و نخليوه جانبا. حيت يبرد لخليط نزيدو 3 بيضات و فاني و لخمرات و طحين و نخلطو مزيان و نديروه فمول و ندخلوه لفران و مرة مرة ندخلو فيها لموس الىخرج ناشف راه طابت و نخرجوها و نتقبوها بلكوردون و نخويو عليها داك نصف لكاس دلخليط للي خلينا و نزوقو بشكلاط ابيض.

عصير:4 خيزويات مقشرين و مصلوقين ، 1لتر حليب، 1فاني، 1 ياغورت فاني، سنيدة حسب الدوق نخلطو كلشي فلمكسور.

لطيفة من كازا:

عصير خيزو: خيزو مصلوق بلما ديالو+ عصير لليمون+ 3 ياغورت او 2 دلفريز +1فاني+سنيدة نخلطو كلشي فلمكسور.

طورطة د لبطاطا:
بطاطا مقطعة مربعات صغار و مقلية نصف قلية، خيزو مقطع مربعات صغار و مصلوق نصف صلقة، جلبانة مصلوقة، صدر دجاج طايب و مفرتت، علبة الدرة، بيض، الربيع مفروم، ملح، ابزار ،نصف كاس حليب.
نخلطو دجاج مع لخضرة و نديروهم فمول و ندير فوقهم طريفات زبدة. و نطرب حليب+بيض+ابزار+ملح+معدنوس مفروم و نخويوه فوق لخضرة و نرش كلشي بلفرماج محكوك و ندخلوه لفرن .

الهام من مراكش:

تنقية لوجه: اصفر بيضة+ حمص مطحون و نديروه ماسك على لوجه و نبقاو دائما نطليوه ب زيت الدرة او بزيت اللوز لمر او بزيت لمشماش.
تجاعيد حول لعينين: نبقاو نمسيو دائما بزيت جنين لقمح.

تبريمة للجسم: حنة+ فول مطحون+حمص مطحون+ خرطال+ دقيق شعير و نخلطو كلشي بلماء للي طبخ فيه الروز.

حليمة من مراكش:

فقاص: نصف لتر حليب، 150غ زبدة، 250غ سنيدة، شوي دلخميرة دلخبز، 6 بيضات، قبصة ملح، كيلو و نصف فورص، 2فاني، 2 خمرات حمرين، 150 غ زبدة للدهن.
نخلطو لبيض+زبدة+ سكر+لخميرة +ملح+فاني + خمارات +لفورص و نجمعو لعجينة ب لحليب و ندلكوها مزيان و نخليوها ترتاح.ونقسموها 4 او5 اكورات ثم نسرحوها بلمدلك و ندهنوهم بزبدة و نبرموهم و حيت يخمرو ندهنوهم باصفر لبيض و ندخلوهم لفران اطيبو نصف طيبة ونخرجوهم و حيت ابردو نقطعوهم و نرجعوهم اتحمرو.

كلاص شكلاط: 125غ شكلاط اسود، 2م ك ماء، 4 اصفر لبيض، 80غ سنيدة، 2 علب قشدة طرية.
نطربو مزيان لقشدة الطرية. فاناء اخر نطربو اصفر لبيض + سنيدة حتى تولي كريمة بيضة. و فحمام مريم ندبو شكلاط مع لماء ثم م نزيدو خليط ديال لبيض و حيت ويعقاد نزيدو كريم فريش و نديروه فمول و ندخلوه لمجمد.

عصير:كيلو عصير دلحامض و قشورو محكوكين+2 كيلو عصير لليمون و قشور 4 لليمونات محكوكين+800غ سنيدة و ندير كلشي اطيب ربع ساعة و لما يبرد نصفيوه بزيف حياتي و نديروه فتلاجة و فين مبغينا نشربوه ناخدو كاس د حياتي من لعصير و 3 كيسان حياتي دلماء.

خديجة من فمزكيد:

صنع خل تفاح: كيلو تفاح اكون فيه لماء و نقطعوه قطع صغيرة بجلوفو و نديروه فقرعة زاج معقمة و نبركو عليه مزيان و منخليو حتى فراغ بين تفاح و نسدو عليه مزيان و نخليوه 30 يوم فشي بلاصة و نقطروه بزيف حياتي .

مايونيز:فلخلاط الكهربائي نديرومح بيضة +فرماجة+ك حليب+ملح+ابزار + زيت و نطربو مزيان.

صنع مطيشة دلحك: ناخدو كيلو لفلفة لحمراء لحلوة نقتعوها طريفات بدون زريعة و نديروها فلكسكاس ديال لكوكوط و غير تصفر نحيدوها و نطحنوها و نديروها فمقلة مع نصف كاس زيت زيتون و شوية ملح و نبقاو نحركوها حتىتنشف تماما من لماء و نديروها فقرعة معقمة و نحتافظو بها فتلاجة.

نصائح:
المداد للي فلحوايج: نطليوه بمعجون لاسنان وحتى ينشف عاد نصبنوهم.

التونية: نبقاو نديرو وسط الزرابي او الكواش الخزامة + عواد الدفلة او اوراق الدفلة.

رائحة لمكينة الصابون:الخزامة نرقدوها فكاس لما طايب و حيت يبرد نصفيوه و نديروه مع واحد تصبينة او نديروه بوحدو فواحد تضويرة دلمكينة.

لكحولة دلبراد: نديروه يغلي مع شوي دلما + مسحوق التنظيف+ قطرات دجافيل .

مريم من كازا:

لمعان الشعر:اصفر بيضة + م ص زيت اركان+ م ك زيت لخروع+م ص زيت زيتون+ م ص خل تفاح
نخلطو كلشي و نديروه ساعة على الشعر و يشلل بماء + قطرات دلحامض او قطرات خل</BLOCKQUOTE>

» وصفات لالة مولاتي على ميد راديو الجزء التاسع
» وصفات لالة مولاتي على ميد راديو الجزء العاشر
» وصفات لالة مولاتي على ميد راديو الجزء الأول
» وصفات لالة مولاتي على ميد راديو الجزء الثالت
» وصفات لالة مولاتي على ميد راديو الجزء الخامس

وصفات لالة مولاتي على ميد راديو الجزء الرابع

وصفات لالة مولاتي على ميد راديو الجزء الرابع

مواضيع مماثلة

مواضيع مماثلة