معلومات العضو
Admin
معلومات إضافية كيف تعرفت علينا : غيره
الجنس : 
المهن : 
الهواية : 
المزاج : 
الدولة : 
عدد المساهمات : 4981
تاريخ التسجيل : 14/05/2012
معلومات الاتصال  |  موضوع: صائح عن كيفية شراء العطور واختيارها  الأحد يناير 20, 2013 1:12 pm | |
|
]العطور أنواع كتير
أول حاجة لازم نعرفها إن العطور أنواع كتير قوي فيه منها
"العطور الخفيفة"، وفي "العطور المركزة"... وده هنقدر نعرفه بإننا لما
نشتري أي زجاجة برفان نقلبها على ظهرها ونشوف مكتوب عليها إيه؟!
فلو كان مكتوب عليها "Perfume" فده يعني إن زجاجة
البرفان دي فيها عطر مركز جدا وإن رائحته هتدوم أكثر من 12 ساعة تقريبا
ومعنى كده إننا ناخد بالنا وأحنا بنحطه لأن رشة واحدة منه هتملى الدنيا.
هوأقوى المنتجات لأنه يحتوي على نسبة كبيرة من الزيوت العطرية.
to 15 to 25% of perfumed oil
]أما بقى لو كان مكتوب عليه "Eau de perfume" فده معناه إن البرفان ده مش مركز قوي وهيدوم لمدة 8 ساعات..
وتحتوى على نسبة أكبر من الزيوت العطرية8-15 %
لكن لو كان مكتوب عليه "Eau de toilette" فده معناه إنه برفان خفيف ورائحته هتدوم لمدة 4 ساعات.
يحتوي على نسبة 4-10% من الزيوت العطرية
مناسب للأستعمال اليومي
أما لو كان مكتوب عليه "Eau de cologne" فده معناه أنه برفان خفيف ومش بيدوم أكتر من ساعتين وده بيكون مناسب جدا للناس اللي مش بتحب البرفانات اللي ليها رائحة قوية.
يحتوى على 2-5 % زيت عطري.
غالبا تلقاه بعطور الأطفال
إزاي تشتري البرفان
فيه حاجات كتير قوي لازم ناخد بالنا منها وأحنا بنشتري البرفان وهي..
وقت الشراء
أنسب وقت ممكن أننا نروح نشتري فيه البرفان هو بالليل وبلاش نروح نشتري
بالنهار.. وده لأن حاسة الشم بتبلغ قوتها عند الإنسان بالليل أكتر من
النهار وبالتالي هنقدر أننا نحكم على رائحة البرفان كويس.
نشم على مسافة 5 سم
لو رايحين المحل ومفيش في دماغنا نوع معين من البرفان ناويين إننا نشتريه
يبقى مفيش أي مشكلة من إننا نطلب من البائع إنه يسمح لنا أننا نشم البرفان
الأول قبل ما نشتريته.. وده عن طريق أنه يرش البرفان على الأوراق المخصصة
لتجربته أو على غطاء الزجاجة ويكون بينا وبين الأوارق دي أو الغطاء ده
مسافة حوالي 5 سم علشان نقدر نحكم على رائحة البرفان كويس.
بلاش رش البرفان على الملابس
في غلطة كتير منا بيقع فيها وهي إنه بيرش البرفان على ملابسه علشان يجربه
ودي حاجة مش صح بالمرة لأن بكده مش بيقدر إنه يشم رائحة البرفان كويس كمان
رش أكتر من نوع من أنواع البرفان بيخلي من الصعب تحديد أي نوع إحنا عايزين.
وكمان بلاش رش البرفان على إيدينا
من الحاجات الغلط اللي بنعملها واحنا بنشتري البرفان أننا بنرش البرفان علي
إيدينا علشان نشم رائحته ودي حاجة غلط لأننا ممكن يكون عندنا حساسية تظهر
مع رش أكتر من نوع برفان على جسمنا.
بين كل نوعين خد راحة 5 دقائق
ياريت وأحنا في المحل ما نحاولش نجرب أنواع كتيرة من البرفانات وده علشان نقدر نحكم كويس على البرفان..
ولو كنا محتارين وهنجرب أكتر من نوع من أنواع العطور يبقى ممكن أننا بعد كل
نوعين نخرج من المحل لمدة 5 دقائق ونرجع تاني وده علشان نقدر إننا نحكم
كويس على الرائحة الجديدة..
وفي حاجة حلوة قوي أنا باعملها لما أكون رايح أشتري برفان وهي أني باخد
معايا "كيس بن" أو "حبوب بن" ودي علشان أشمها بعد كل نوع برفان أشمه وده
طبعا علشان أقدر إني افصل بين كل نوع والتاني من البرفانات اللي أنا بشمها
وده لأن القهوة والبن ليهم ريحة نافذة هتغطي علي ريحة البرفان.
المشكله هنا ان المحلات الكبيرة يبيعونك نوع
Eau de perfume
بسعر
perfume
لاننا غافلون وكثير منا لا يعرف هذه المعلومات
إزاي نحط البرفان
أفضل
وقت لوضع البرفان هو بعد الاستحمام مباشرة، وده لأن الجلد في الوقت ده
بيكون نظيف والمسام مستعدة لاستقبال المادة العطرية وياريت ما نحطش مزيل
العرق في الأماكن اللي هنحط فيها البرفان..
أحسن طريقة لوضع البرفان هي أننا نبدء بوضع البرفان من الأسفل إلى أعلى، لأن الرائحة العطرية تصعد إلى الأعلى.
عايز كمان أقول لكم على حاجة إني ما بافضلش أننا يكون عندنا أنواع كتيرة من
البرفانات كفاية قوي ثلاث أنواع من البرفان بس تكون من الأنواع الكويسة
المعروفة لأن الأنواع غير المعروفة ممكن أنها تسبب لبعض الناس حساسية في
الجلد أو حساسية في الجيوب الأنفية.
كمان أنا بافضل إننا نجدد في استخدامنا لريحة البرفان وبلاش نثبت على ريحة ثابتة مميزة.
إزاي نخلي ريحة البرفان تثبت؟!
لو عندنا برفان وكل
ما نحط منه نلاقي إن ريحته بطير على طول ومش بتثبت فده ليه حل حلو قوي وهو
أننا نقفل زجاجة البرفان كويس قوي ونحطها في الفريزر لمدة أسبوع وبعد كده
نطلعها ونحطها لمدة أسبوع كمان في مكان مظلم وليكن مثلا في الدولاب بين
الملابس وبعد كده نطلعها ونستخدمها هنلاقي إن ريحتها بقت بدوم أكتر من
الأول بكتير..
إزاي نحتفظ بالبرفان لأطول وقت ممكن؟!
لو كنتي عروسة وبتجهزي وعايزة تجيبي برفان وتشيليه لغاية ما
تتجوزي يبقى اشتريه وشيليه زي ما هو كده في علبته الكرتون في مكان مظلم
وليكن مثلا بين ملابسك وبلاش تطلعيه نهائي لأن العطور بتفسد من الضوء
والهواء.
|
|
معلومات العضو
عضو ذهبى
معلومات إضافية كيف تعرفت علينا : بينغ
الجنس :
المهن : 
الهواية : 
المزاج : 
الدولة : 
عدد المساهمات : 821
تاريخ التسجيل : 31/08/2012
معلومات الاتصال | | موضوع: رد: صائح عن كيفية شراء العطور واختيارها الإثنين فبراير 04, 2013 1:39 pm | |
| |
|
