أمثال مغربية ♥

* هذي من لغرايب , لمرا مكحلة وراجل غايب .
* هو دق علينا و حنا عرفناه آشنو ناوي و جاوبناه الكبير في الكركاع خاوي .
*اللحية في البيت و العايلة خرجات تجيب الزيت .

* ديرها فالرجال وترجاها و ديرها فالنسا و لاتنساها.
* لا يعجبها لعجب ولا الصيام فرجب.
* المثلة للسارية و المعنى للجاية.
* شد تصيب ما اتحل.
* الليخرج من دارو كيتقل مقدارو.
* و هده يبرة بلاعين.
* ما ينفع غير الصحيح اما الراشي كايديه الريح.
* اللي شاف شي يقول الله يستر.
* لا مكحلة لا سكين غيرالله لعوين.
* اللي فاتك بليلة فاتك بحيلة.
* مول البنات ما يباتهاني.
* ازرب تعطل.
* لو كان الخير فيا ما يتزوج راجلي عليا.
*خيزو بالتقاشر ومسلالة بالنظاظر.
*لي خلص دينو شبع.
*لبحر ما كيطمعش في الما ديال سواقي.
*لي جاب الطبق يدي التمر والي جا بالمعروف يدي الفضل
*مكتوبة فالدلو إلى ما عجبك صاحبك بدلو .
*العسل بالفنتة و الزبدة بالقطبان.
*لله ينجيك : ... من لكداب إلى تــاقْ ...ومن الساكت الى دوا ...من الغدار الى نوا...
*العمود مايطيح غير على اللي قريب منّو
*مثقوب الحنك ما يصفّر
*ايلا تكبر عليك شي عيفة قول ما كيتنفخ غير الجيفة
*امدح صاحبك مع الناس ولومه الراس فالراس
*إلى شفتي مول الدار كيضرب البندير ,لا تلوم الدراري على الشطيح.
*الدليل فالرجال هو اللي كيعطي الضحك لجار و الهم لدار



قالوا زمان :

* كون كان تخراج العينين كيخلع .... كون الببوشة خلعات السبع

* مجا يفوج .... رجع مزوج


* قالت ليها.يا امي اجي نتفايشو...قالت ليها.حتا يموتو اللي كيعرفونا

* اللي قالك لا تقولو و اللي سولك لا تعطيه خبار.

* اللي ما لقى الخير فركانو يكون الخير فلسانو.

* يلا شفتيها بسعدها عرفها مكملا من عندها.

* يلا فاتك الكلام قول اسمعت ويلا فاتك الطعام قول اشبعت.

* ادفع ما في الجيب يجيب الله ما في الغيب.

* الله يرحم من مات، وخلى الميدة( المائدة) عامرة بالفتات

* اللي فاتك خليه لبناتك.

* الراجل بدراعو ماشي بمتاعو.

* عيطت على ديالي جاني عيطت على ديال الناس مشى و خلاني.

* اللي حبك ما بنالك قصر واللي كرهك ما حفرلك قبر.

* ما ينفع غير الصحيح اما الراشي كايديه الريح.

* شحال ما طال الليل كيصبح النهار.