دجاج الأعراس
شكون عزيز عليه دجاج الأعراس ؟!

جبت لكم اليوم طريقة طهي دجاج الاعراس طريقة خديتها من واحد طيابة ممتازة جربوها و ردو علي:
الدجاج غسلاتو مزيان عاد دارتو فالحامض عاد فالملحة دارتو فشبكة يتقطر
هاد المقادير ل 8 دجاجات:
دارت 2 ديال ريوس التومة كبار نقاتهم وحكاتهم رقاق
دارت 2 دالقبطات القزبور كرداتو رقيق
معلقة كبيرة ابزار
2 معالق سكينجبير
معلقة ك خرقوم بلدي
2 ساشيات خرقوم ملون
زعفران شعرة
زيت بلدية و رومية عينها ميزانها
سمن معلقة كبيرة
عود القرفة
بصلة مشلضة 1كلغ لكل طير
هاد المقادير ل 8 دجاجات

الدجاج كلو شرملاتو بالليل بالتوابل خلاتو يبات بش يشرب الشرمولة, الغد ليه دار تليه الخيط ملي بغات تردو يطيب وكتمرق بالماء عينها ميزانها مع القياس ديل البصل باش يطيب الدجاج، ماشي البصلة كلها .
الكبدة قلاتها فالزيت عاد زاتها للمرقة ولبصلة الباقية مادارتها حتى هزات الدجاج يتحمر , وكتحرك مزيان فوق العافية باش تجينا هديك الدغميرة الزوينة ولكبدة تفرتت... ولاحت في لمرقة اللب ديال الحامض مصير والزيتون.
أما الدجاج كدهنو بالزبدة عاد كاتحمرو , هادشي للي برككت ليكم

chokran akhti 3la had lwassfa mais llah ijazik bghit nsawlak hit mafhamtch had l3ibara بصلة مشلضة 1كلغ لكل طير , wach l KOLL DJAJA KILO DYAL BASSLA!!!! MACHI BZZEF??? +  wach madartch fih 9a39alla w bssibissa ??? + w bach dahnathom mlli bghat t7ammarhom ????  kanchakrak marra okhra w ntmanna tjawbini alhbiba

ah dahnato b zebda desolée machoftch la derniere phrase m3a khtak bayta sahrana hhh daykha b n3as

بصحتك حبيبة دجاج أعراس كلشي تايعجبو

hhh tbarekelah 3elik akhti chehana rire men lektaba 

والله يعطيك الصحة على هاد التبركيكة ههههههه
لهلا يخطيك

ana 3ziz 3liya bzayf obl akhas dyal lwalida tw7chto