وصفات متنوعة وجميلة بالقطاني أو القطنية من الشاف الهادي ( منتديات لالة بثينة )

تاريخ التسجيل : 30/06/2012

معلقة صغيرة من الزيت البلدية ، بصلة مشلظة ، الملح و الابزار حسب الذوق ، 200 غرام من مطيشة مقطعة ، 200 غرام من السبانخ مقطعين ، نصف كيلو من العدس ، 1 لتر و نصف من الماء ، معلقة صغيرة من القزبلا مطحون ، معلقة صغيرة من الكامون ، معلقة من التحميرة ، معلقة صغيرة من مركز الطماطم ، 4 البيضات .

في طنجرة كتشحري الخضر مع الزيت ثم العدس ثم تمرقي بالماء و تخليهم يطيبو مدة نصف ساعة ثم تضيفي القزبر و مطيشة الحك ثم السبانخ و تخليهم يطيبو شوية و تفقسي البيض بلا ماتخلطي و تقدميه بالصحة و الرحة .

اللوبيا البيضاء باللفت الأبيض و الكلامار من عند الشاف هادي
4المعالق كبار من الزيت البلدية ، 2 معالق من الكامون ، نصف ملعقة صغيرة من سكينجبير ، 2 معالق كبار من القزبر الطري ، ربع كيلو من اللوبيا البيضاء مرطبة ليلة كاملة ، 150 غرام من الكلامار ، ربع كيلو من اللفت الأبيض ، 2 بصلات مشلظين ، 2 معالق صغار من مركز الطماطم ، نصف ملعقة من الهريسة ، عصير نصف حامضة ، ملح و الابزار ، 1 لتر من الماء .

تشحري البصل مع الزيت ثم تضيفي اللوبيا ثم الطماطم ثم العطرية و الهريسة و تمرقي حتى يطيب الكل مدة نصف ساعة ثم تضيفي اللفت يطيب ثم تزيدي الكلامار مقطع شرائح أو دوائر و تخليهم يطيبو بالمهل و تقدمي الطبق بالصحة و الراحة .

وصفات متنوعة وجميلة بالقطاني أو القطنية من الشاف الهادي ( منتديات لالة بثينة ) Langouste-au-lard-et-haricots-blancs