موضوع: وصفات متنوعة وجديدة خاصة بالقطنية(القطاني)من الشاف الهادي برنامج حديت ومغزل الثلاثاء ديسمبر 15, 2015 6:39 am
وصفات متنوعة وجديدة خاصة بالقطنية(القطاني)من الشاف الهادي برنامج حديت ومغزل بيصارة بالحمص و اللفت الأبيض من عند الشاف هادي 250 غرام من اللفت ، 200 غرام من الفول اليابس ، 300 غرام من الحمص ، ملح ، ابزار ، كامون ، 3 شعيرات من الزعفران الحر ، 2 معالق كبار من الحليب سائل ، 100 غرام من القشدة الطرية السائلة ، نصف لتر من الماء المغلى و بارد و منسم بورقة سيدنا موسى و عرش الأزير ، زعيترة ، 2 ضروس من الثومة بصلة صحيحة و بالقشرة ديالها و تكون مغسولة جيدا .
توضعي القطنية في طنجرة و تضيفي ليها الماء حتى يغلي ثم تزيدي الابزار و تطحني الكل و ترجعي الخليط للطنجرة ثم تضيفي اللفت مربعات و الحليب و الكامون حتى يطيب الكل و تقدميها بالصحة و الراحة
بيصارة بالقمرون و الجلبانة من عند الشاف هادي نصف كيلو من الجلبانة يابسة ، ملح ، ابزار ، 2 معالق من الحار ، نصف كأس صغير من الزيت البلدية ، 200 غرام من القمرون ، 2 فصوص من الثومة ، القزبر و المعدنوس طريين و مكرضين .
تغسل الجلبانة حتى ازالة الرغوة ثم يضاف اليها 1لتر و نصف من الماء حتى تغلى جيدا و تطيب ، ثم تضيفي التوابل و يطحن الكل و تتركيه جانبا ، تشحري القمرون مع الثومة و الزيت و الربيع ثم في اناء التقديم تصبي البيصارة و في الوسط توضعي القمرون ثم الكامون و زيت العود و الحار و تزيني بأوراق المعدنوس وتقدميها بالصحة و الراحة
البيصارة التقليدية بالفول من عند الشاف هادي
نصف كيلو من الفول يغسل جيدا حتى ازالة الرغوة و يصبح الماء صافي ، 2 لتر من الماء ، ملح ، ابزار ، 5 فصوص من الثومة ، نصف كأس زيت العود ، الفلفل الحار و الكامون .
يطيب الفول في الماء البارد لمدة 45 دقيقة في طنجرة واسعة لأن حجمه يزداد ثم يطحن و يضاف الثوم الى الطنجرة في 5 دقائق الأخيرة و يطحن الكل من جديد و تقدم البيصارة بالصحة و الراحة .
بيصارة مشكلة بالفول و العدس و الجلبانة من عند المستمعة فاطمة من أكادير رابعة الفول ، رابعة العدس ، رابعة الجلبانة ، تفوريهم في كوكوط مع الملح و الابزار و سكينجبير و 3 فصوص من الثومة صحاح و الكامون و الزيت البلدية ثم تطحنيهم حتى الحصول على خليط رائع و تضيفي الزيت البلدية و الكامون و التحميرة و السودانية .
للتزيين : الفرماج محكوك على الوجه و تقدمي البيصارة بالصحة و الراحة.
تشيز كيك بالحمص من عند الشاف هادي
المقادير :
200 غ من الشكلاط الأسود اللي فيه نسبة الكاكاو مرتفعة ، 150 غرام من السكر جلاصي ، 150 غرام من الزبدة بومادا ، 400 غرام من الحمص مسلوقة في الماء و منشفة مزيان ، 3 من أصفر البيض ، 3 من أبيض البيض ، شوية من كاكاو غبرة .
الطريقة :
يذوب الشكلاط في حمام مريم ، ثم تطربي الحمص مع الزبدة و السكر و تزيديهم للشكلاط ثم تطربي أصفر البيض و تضيفيهم للخليط ثم تخدمي أبيض البيض حتى يولي ثلجا قم تضيفيه تدريجيا .
تدهني اناء الفرن بالزبدة و تدردري عليه الكاكاو و تسكبي الخليط و ترفعي يديك للفوق و عاد تسكبي باقي الخليط باش يدخل ليه الهواء .
تطيبي الكيك في فرن ساخن لمدة 35 دقيقة و تطفي الفرن و تخليها في الفرن مع فتحه قليلا ثم تخرجيها و تخليها تبرد ربع ساعة عاد تزوليها من المول ثم تزينيها بكريمة الفرماج للحصول على شيز كيك .
كريمة الفرماج : 250 غرام من القشدة الطرية ، 300 غرام من كريمة الحليب أو الجبن الأبيض ، 75 غرام من السكر ، قشرة حامضة محكوكة و قشرة برتقالة محكوكة ، عصير نصف حامضة و عصير نصف برتقالة .
تطربي السكر و الجبن بيديك ثم تضيفي قشرة الحامض و قشرة البرتقال ثم تزيدي 250 غرام من القشدة الطرية حتى يتجانس الكل و توضعيها فوق الكيكة ديال الحمص و الشكلاط الأسود أو تفتحي الكيكة من الوسط و توضعي فيها الكريمة و تضيفي الجزء الثاني و تقدميها بالصحة و الراحة.
وصفات متنوعة وجديدة خاصة بالقطنية(القطاني)من الشاف الهادي برنامج حديت ومغزل
إذا وجدت وصلات لاتعمل في الموضوع او أن الموضوع [ وصفات متنوعة وجديدة خاصة بالقطنية(القطاني)من الشاف الهادي برنامج حديت ومغزل ] مخالف ,, من فضلك راسل الإدارة من هنا