كنتمنى هاد الموضوع مايكونش مكرر بحكم انني ما قارياش المواضيع كاملة
حنا في المنطقة ديالنا كنديرو هاد الطريقة اللي كتخلي الخبز بحاليلا عاد طاب
عجني القياس اللي بغيتي واللي يكفيك الايام اللي بغيتي من بعد مايطيب
صبري علية غي شي 5 دقايق فرقيه على بلاستيكات من بعد ما تكوني لويتي فالزويف
كل بلاستيكة ديري فيها داكشي اللي غادي تحتاجي فالنهار و ديريه فالفريكو
فالصبح منين تنوضي تحيدي واحد البلاستيكة
وعلى مايجي وقت الغدا غادي يكون الخبز داب اولا بحال ليلا عاد طاب داك النهار
هاد الطريقة كتصلاح خصوصا العيالات الخدامات الل ماعندهمش الوقت باش يطيبو كل نهار
دمتم في رعاية الله و حفضه

had tari9a kandira katb9a lkhebzghzala wrtba bhal li yallah t3jnt