الدجاج المحمر على الطريقة المراكشية

نحتاج جوج طيور دجاج من كيلو ونصف حتى جوج كيلو

بش يطيب لينا بسرعة

ينضف بالماء والملح ليلة كاملة قبل

نعدلو شرمولة نحتاج فيها إلى
جوج بصلات مشلضين رقاق
2 بابات المصير
1 كاس صغير عصير الحامض

التوبل نحتاج

سكينجبير
إبزار
مساخن غير راس معلقة صغيرة
الكمون غير راس معلقة صغيرة
والسر باش يجينا لديد هو بسبيسة ولي متيعرفهاش راه هي قشرة الخارجية ديال الكوزة
تم قليل من الزعفران العادي

1 سمن
قليل من المعدونس ولقزبر

تجمع هاد المكونات معكاس عصير الحامض ويبات ليلة كاملة

في الصباح نطيب هاد الدجاج في كميلة وبلا مانقليوه مع شرمولة وباقي العناصر وعود قرفة

من أحسن عود بش تطلق النسمة وماتسبغشي اللون
وشي جوج بصلات مشلضين يوضع على نار مهيلة جدا شي تلات سوايع
ونقلبو مرة مرة غير من صدر وضهر بلا جوانب

ومرة مرة نتاقبوه ب كوردان قطيب العود لي كنستعملو في الشواء

وزيد كاس لرب زيت مخلط مابين رومية وبلدية
ملي يطيب نهزوه يستقطر مزيان
وناخدوو قناصي ولكبيدات يسلق مع قليل من الحامض وبعض ذلك نعملهوم مع الدغميرة

أما الدجاج فيقلا في زيت غزيرة ضروري فريتووزا تكون عأمرا بزيت

ونخلط مع زيت الخل مع جوج دامات البنة

ونقلوه ويقدم بصحة والراحة تيجي غزال وبنين

chokran bzaaaaaaaaaaaaaaaaaaaaaaf 3la had lwasfa ra2i3a lah y3tik saha

بصحتك وراحتك حبيبة

تبارك الله عليك  ابنت مدينتي   وصفة  غزالة بهجوية 100/1000

mmmmmmmmmmm bayene bnine ya3tik saha wa raha

chokrane lakom

تبارك الله عليك اختي