السلام عليكم

قشور ثوم فيها فوائد كتيرا لكن نحن من عادتنا أننا تنرميهوم ف زبل حشاكم

لكن من ليوم إنشالله كلنا نعاودوو نستعملهووم أ نتستافدو من فوائد لكبيرة لي فيهم

على بركات لله

ملي تنقي ثومة وتشيت ليك قشورها جمعيهم أ عملهم ف شي قرعة ديال زجاج

حتى تجمعي كمية مابيهاش وزيدي عليها زيت لعود أ عودي طيبي بها

تيجي زيت منسم بثوم غزال ف طياب سوا ف طاجين أو كوكووت

أ حتى لي ضربك لبرد أو أحد من وليداتك دهني ليه صدرو بها فهو مفيد مزيان

أ حتى ف بيتزا تاتجي غزالة

ماشي ضروري تعملي غير مرة

لا ممكن ليك كل مرة نقيتي فيها ثوم أنك ضيفيه على قرعة

نتمنى فكرة تكون مفيدة للجميع

نخليكم مع تصور لي مافهمتش شي حاجة أنا ف لخدمة

سلام عليكم