الدجاج بالشعرية الصينية:
تحضير الدجاج:
نأخذ دجاجة و ندهنوها بخليط مكون من (شوية سمن و/أو زبدة+ثوم+زعفران حر اذا موجود+خرقوم+ملح+ابزار+شوية موطارد+معدنوس و قزبر مقطعين نمزج الكل جيدا) ثم نتركها جانبا مدة ساعة تقريبا ثم نضعها في انية نغطيها بورق الالمينيوم و ندخلها الفرن بعد ما تطيب كنزولوا الورق لتتحمر.
تحضير الشعرية الصينية:
في طنجرة على النار نضع بصل مقطع صغير+ثوم مقطع+زيت زيتون+ملح+ابزار+خرقوم ومعدة وعنق الدجاج مقطعين ثم كنشحروهم شوية ثم نضيف الماء و نغلق الطنجرة و نتركوهم يطيبوا من بعد ما يطيبوا (كنشوفوا قياس المرق للي نحتاجوا لطهو الشعرية إذا كان المرق كثير كنخليوه يشرب شوية). نضيف قطع الكبد، المعدنوس و القزبر مقطعين و الشعرية الصينية (بعد ما نقسموها بالمقص) ثم نحرك جيدا حتى تتشرب الشعرية المرق.في صحن التقديم كنوضعو الشعرية و نوضعو فوقها الدجاج و نزين بالزيتون مقطع و الحامض مرقد. بالصحة و الراحة.