السلام عليكم البنات و عواشركم مبروكة 

غندخل ديريكت فالموضوع، المهم انا رجليا ما عمرني درت لهم شي ماسك أو شي حااجة من غير كريمات مرطبة لانني كنلبس ديما غير الصبابط مغطيينهم حيث عامرين بليطراس و خصوصا فوق الصباع. من بعد ما مشات ليا خدمتي قلت بالاك نديرر لهم شي حاجة، المهم قريت بزاف ديال الوصفات و اختاريت هذي اللي عندي المكونات ديالها
الصابون البلدي + غبرة ديال الفلفلة حمرا باش كنصبو و تكون ما حاراش + الخميرة الفورية أو الخمييرة ديال الحلوة الزا الحمرة 
خلطت كل شي يلاه بغيت ندير و شفت فالمجر و لقيت عندي لما ديال لوريال 3% و قلت بلاك ندير عملية انتحارية و نزيدو معاهم ما عندي ما نخسر درت منو جهد معلقة صغيرة طليت داكشي على رجليا لبست الميكات و 2 تقاشر و نعست. الصباح فقت قضيت شغلي و دخلت للحمام لقيت القشرة الفوقانية كلها تحيدات و حتى الجلد الميت اللي تحت الرجلين كيتفرتت بوحدو المهم  حكيت و خرجت،  لقيت رجليا كيشعللوا  و الله ما تيقت. نشفتهم و شديت بواطة خلطت فيها الجليسرين و الجليسوليد و زيت اللوز و لبست تقاشري باش يبقاو رطبين. من بعد يومين دوشت ثاني و خرج منهم منك يا وسخ و تفتحو مازال على المرة الأولى .

هذي هي تجربتي مع هاد الوصفة و إلى كان شي سؤال هاني هنا.سمحوا ليا على الإطالة 
نهاركم مبروك و دعيوا ليا اخواتاتي الله يكمل لكم ما نويتوا كلكم