لكل المبتدئات لي بغاو يصاوبو الحريرة اللذيذة ولي داقها يسولهم كيف مصاوبة تدخل


في طنجرة الضغط نصفها ماءا وفيه لحم ولو القليل منه والحمص الكمية كلها اللي بغينا نديروا نخليهم بجوج يغلاو ويطلقوا بنتهم في الماء لمدة 10 دقائق تقريبا ثم نظيف ماطيشة كِيف هي يعني بقشرتها غير تكون مغسلة مزيان لمدة 7 دقائق تقريبا مع غير شوية ديال الربيع ملعقة صغيرة غير باش يطلق البنة
الناس كتطيّب الحريرة بالماء ونتي غدي تطيبها بماء اللحم والمنسم بالبنة الحمص وماطيشا والربيع
الآن
نخرج من الكوكوت ماطيشا مع شوية ديال الماء اللي فالكوكوت ونطحنها في الخلاط الكهربائي ونصفيها
ونظيف الخليط الى الكوكوت مع إضافة ما يلي :
حفنة من الكرافص مكرض رقيق + ملح + ابزار + سكين جبير + شوية خرقوم + كاس العنبة ديال الزيت + حفنة قصبور مكرض رقيق + ملعقة حك ماطيشا + بصلة متوسطة محكوكة فالحكاكة + نصف كأس العنبة ديال العدس
نقفل على الكل باش يطيب وبعد لحظات سوف تصدر رائحة رائعة ديال الحريرة.
لا نفتح حتى نكونوا متأكدين أن الحمص طاب
الآن ملي يطيب الحمص نضيف حفنة ديال الشعرية رقيقة وبالذات الرقيقة لانها هي اللي كتكون بنينة
نحركها مزيان ونقفل عليها لمدة 7 دقائق ثم نفتح من جديد
الآن : في ماء غليان مسكوب في كأس الخلاط الكهربائي نمزج 5 معالق الفورص ونسكب الخليط المطحون في الكوكوت وهي تغلي نبقاوْ نحركوا باستمرار لمدة 10 دقائق باش يطيب الطحين مزيان وما يلصقش ويكون ذلك على نار مجهدة باش تغلى مزيان وفي هذا الوقت نظيف 2 الى 3 ملاعق حك ماطيشا خاص تغلى
الآن : نظيف شوية ديال السمن وبعد قليل شوية ديال سكين جبير وشوية القرفة
ملي تقرب توجد الحريرة نظيف شوية ديال القصبور رقيق أو الكرافص و هما معا حسب ذوقك نخليهم يغلاو دقيقة وجوج ونطفئ النار
ونسدو الكوكوت ونديروا ليها الصفارة ريثما نضعها الحريرة على المائدة
نتذوق الملح إلى كان الملح ناقص فذلك يؤثر في بنة الحريرة
نضع عصير الحامض على المائدة
ملي تكون الحريرة كتطيب دائما يكون ماء غليان واجد
حتى الى بانت ليك خاترة بزاف نزيو الماء الغليان افضل من الماء بارد
إلى كانوا الاطفال كيخليوا الحمص في قعر الزلافة ممكن تطحني ربع كأس
الحمص مع ماء في الميكسور وتديري الخليط في المرحلة الاولى