السلام عليكم ورحمة الله تعالى وبركاته

جبتلكم اليوم الوصفة المورانغ بزاف السيدات يقولو  قليل فين تصدق  وتجيزوينة 
بعد انا شيبتني باش تعلمتها هههههه 
الى اني وجدت هذه الوصفة في احدى المنتديات جزا الله صاحبة الوصفة خير الجزاااء وطبقتها بحذافرها ونجحت فيها من اول تجربة والنتيجة هاهي :
لذلك قررت اليوم  نحطلكم طريقة المورانغ الصحييييييييييحة وباسرارها كاملة لكن الشرط المهم في نجاح المورانغ هو التقيد الصحيح بكل الخطوات بشكل مضبوط تماماااااااااااااااااااا هذا اول سر..



**السر الثاني والمهم بزاااااااااااااااف هو الفرن  لازم يكون سخوووووووووووووووووووووون بزاف يعني ملي تبداي الخدمة اول حاجة ديريها هي تشعلي الفرن  تبداي الخدمة

المقادير :
لكل بياض بيضة واحدة نستعمل 100 غ سكر ...
حوالي ملعقة ونصف واذا كانت البيضة صغيرة نقصو شوية 
رشة ملح شوي فاني وملون اختياري
- اول خطوة نحطوه فوق بانماري أو حمام مريم  نطلعو بياض البيض مزيان مع رشة ملح بلاما نزيدو عليه السكر..
- غير يطلع نزيدو كمية السكر على 3 دفعات وفي كل مرة نخفق مزيآآآآآآان  حتى يولي شاد فراسو ....
ونضربو بالباتورجيداااااااااااا  حوالي 10 د او اكثر حتى يولي شبه طايب
 وتحسوه بيه بدا  يثقال والسكر ييبس في الجوانب  تاع الحاجة أو المول لي درتو فيها

ملي تكملي  الخفق خصك ولو يتقلب الوعاء  يبقى شاد  نفس الشكل وما يتحركش 

*-السر الثالث هو انو مباشرة من الباماري بعد ما تكملوالخفق الى الكونجيلاتور المجمد
على طول ويبقى فيه  حتى يبرد الاناء لي راهو فيه....ماشي يجمد يبرد الاناءصافي 
باش تسهل الخدمة ديرو لابوش ادوي في كاس وصبو فيها الخليط


شكلوه عادي كيما بغيتو أي أشكال تخطر في بالكم  ودخلوه الفرن 
 وهنا السر الرابع الفرن لازم يكون حاااااامي حاااااااامي 
يعني سخون بزاف 
لكن بمجرد ما تدخلي ليه البلاطو نقصي درجة الحرارة الى اقل درجة ممكنة
 وخليه يطيب فقط 10 د هذا هو الوقت المضبوط اذا كانو الحبات كبار 15 دقيقةعلى أبعد تقدير 
بدون زيادة 
 غير انساو هاذوك الوصفات لي فيهم ساعة وزوج باش يطيب 
بعد ذلك فتحو  الفرن  وطفيو النار وخليوه دقيقة  وحطوه بحذر ما تخبطوهش
 وغير  يبرد  زولوه عادي وقدموه  كيفما بغيتو ..
إذن هادي هي كل اسرار المورانغ والطريقة الناجحة والمضمووونة لكن يلزم التقيد بكل الخطوات كما هي مذكورة وغير  تحطوه في المجمد ماشي هو لي يجمد يبرد الاناء صافي  ...

جربوها راهي روووووعة و أحسن ألف مرة من ديال الزنقة 
لازم تخرجوا البيض من الثلاجة على الاقل 1/2ساعة ترتاح ماتحضروهش مباشرة

دعواااااتكم بصلاح الأحوال