السلام عليكم اليوم جبت ليكم هاد لينيم على شكل سيكار كيحمقو بجد وكيتقدمو في المناسبات السعيدة
المقادير
نصف ك ورقة
صدر الدجاج او بيبي
4 فصوص ثوم
1 كاس زيت
100غ من الشعرية الصينية
ملعقة ص من les 4 epices
ورقة سيدنا موسى -ورق الغار
القليل من الفكيع الاسود
ملح ابزار
الطريقة
نقطعو الدجاج او بيبي قطع صغيرة نزيدو عليهم الثوم مدقوق الملح الابزا ر العطرية الاربعة الزيت ورقة الغار

نوضعو الكل في طنجرة ونحركو مزيان حتى يتقلى نضيفو واحد الكاس ديال الماء ونتركوه يطيب 15د

نفزكو الشعرية في الماء الغليان من بعد مترطاب نقطعوها كدالك الفكيع نوضعوه في الماء الغليان حتى يتنفخ ونقطعوه

رقيق ونضيفهم للخليط ونبقاو نحركو حتى تنشف الطنجرة ونخليوها تبرد مزيان

من بعد ناخد الوقة ونطويو على شكل سيكار ونقليو في الزيت وتقدم بالصحة والراح