لحم  عجل او غنم (الكمية حسب عدد الاشخاص)

2 بصلات من الحجم الكبير بيضين مشلضين
2 فصوص كبيرة ثوم مهروس او مدقوق
او ثوم يابس ان توفر يكون احسن
1ملعقة صغيرة عطرية  (مروزية)
راس ملعقة صغيرة عطرية اللحم (مساخن او راس الحانوت)
1 ملعقة صغيرة خرقوم
شعيرات زعفران
مسكة حرة مطحونة مع سنيدة
نصف ملعقة صغيرة سمن بلدي
15 حبة قاعقلا صاينة
5 حبان بسيبيسة صاينة
ملعقة وريقات نويويرة صاينين
ملح
2 معالق زيت
ملعقة صغيرة بودرة الفنيلا
ملعقة كبيرة سكر
خليوه يتخمر فالشرمولة
زبيب أسود و أصفر

عادة كنخمرو و نبيتو فالثلاجة ليلة كاملة عاد نطيبو الغد ليه
او ندخلو مشرمل للكونجيلاتور لحين نحتاجو

للتعسيل و التحمير :
ملعقة فانيلا غبرة افضل من السكر الفاني
2 معالق زبدة
راس ملعقة قرفة
التحضير
 الشمولة كناخذ إناء كندير فيه فصوص كبيرة ثوم مهروس او مدقوق او ثوم يابس ان توفر يكون احسن
+ 1ملعقة صغيرة عطرية الدجاج (مروزية)
راس ملعقة صغيرة عطرية اللحم (مساخن او راس الحانوت) + 1 ملعقة صغيرة خرقوم
شعيرات زعفران + نصف ملعقة صغيرة سمن بلدي
15 حبة قاعقلا صاينة + 5 حبان بسيبيسة صاينة
ملعقة وريقات نويويرة صاينين + ملح
كنضيف للكل قياس نصف كاس صغير ماء و كندق الكل باش تتجانس النكهات و تذوب فبعضها مزيان
ثم كنشد اللحم  كندهنو مزيان بهاد الخليط و نحكو مزيان باش يتشربو
ثم ضفت للشرمولة البصل المشلض و عملت الكل فطنجرة الضغط و خليتو يتشحر شوية مع 2 معالق زيت
بعد مكيتشحر كنضيف ليه قياس الماء الكافي فاش يطيب اللحم و كنسد عليه حتى ينضج
بعد مكيطيب اللحم كنعزلو على المرقة
و كنخليه ينشف من المرقة
 كنوجد الخليط باش غنحمرو
و هو :

ملعقة فانيلا غبرة افضل من السكر الفاني
2 معالق زبدة
راس ملعقة قرفة
كنخلطهم مزيان
و كندهن بيهم اللحم من كل الجهات
و كندخلهم للفرن يتحمرو
مرق للي بقى خليتو تشحر شوية
حتى تبخر الماء الزائد و وقف و عقاد