كلما  نقليو  السردين لي ريحتو  تتكسر الدار ماتقدريش تقعدي فيها ولو   نديرو لي باغفيمور  مي تبقى وزيد يكتر الدبان عليه

وانا جبتلكم 2طرق ان شاء الله تفيدكم باش تتهناو من ريحتو ويبعد عليكم الدبان وهمو

طريقة أولى 
ماعليكم غير تاخدو قشور تاع  برتقالة  +قشور تاع حامضة   +وقشور تاع تفاح

تلات عيدان تاع القرفة +ماء

على نار نوضع الماء
من بعد نحطو قشور ا تاع  برتقالة  +قشور تاع حامضة   +وقشور تاع تفاح
نخليوهم يغلو مزيان   تتخرج ريحة هايلة وتزول  ريحة السردين كاملة  وتبعد عليك ديرونجمون لي هو الدبان

طريقة تانية
خودي كاسغول حطيها فوق نار وفرغي عليها الماء وخليها على نار هادية كي يولي الماء يغلي ارميو عليها
4  مورصوات تع الحامض 
زيدولو شوية خل تاع التفاح


ونخليوهم يغليو مع الماء منبعد
تولي تنطلق وحد ريحة تعبق الدار وتهنيك من ريحة السردين

ارجو ان تنال اعجابكم