مقادير العجين: نصف كيلو سميدة رقيقة
3 د الخميرات د الحلوى
شويش د الملح
ملعقة د السكر صغيرة اختيارية
قياس ديال الماء
الحشو: كفتة
بصلة مشلضة
عطرية والربيع
فرماج احمر محكوك
الطريقة : كنعملو الماء ف مولينيكس، نزيدو السميدة شويش بشويش، نزيدو 3 د الخميرات من بعد، الملحة، السكر ايلا بغينا، نشعلو الماكينة ونخليو الكل يتطرب ونطفيو .
كنخويو الخليط ف اناء، ونبداو نطيبو البغرير ديانا عادي غير هو خصو يكون صغيور من الاحسن .
كنشلضو البصلة، ونشحروها ف الزيت، نزيدو الكفتة مفرتتة تتشحر، نعملو العطرية: اليبزار، سكنجبير، مليحة، ….والربيع . نحيدوها ونخليوها تبرد شوية ، ونبداو نعمرو البغريرات ديانا،. نلويوهوم بعد الحشو على شكل نصف دائرة، نرشوهوم بالفرماج محكوك من فوق ، نسخنو البغريرات ف الفران او ف مقلاة على عافية مهيلة غير باش يذوب الفرماج ويلصقو البغريرات، ونقدموهوم بالصحة والعافية
الثلاثاء سبتمبر 19, 2017 1:39 am من طرف 
موضوع: بغرير بالكفتة و الجبن مممم 
