معلومات العضو
عضو فضى
معلومات إضافية كيف تعرفت علينا : جوجل
الجنس : 
المهن : 
الهواية : 
المزاج : 
الدولة : 
عدد المساهمات : 290
تاريخ التسجيل : 29/06/2012
معلومات الاتصال  |  موضوع: تجميع نصائح أطباء جلد الشعر و العشابة بخصوص تساقط الشعر  الإثنين أغسطس 12, 2013 3:40 pm | |
| السلام عليكم البنات
مبروك العيد اتعيدوا واتعاودو
المهم انا مفقوصة من شي حاجة سميتها الشعر حيث انا اللي خرجت عليه بايديا
فهاد الموضوع غنعطيكم جل المعلومات اللي عرفتها
سواء من تجاربي تجارب الناس اللي كنعرف ونصائح اطباء الجلد والشعر وحتى العشابة
بغيت نقوليكم واحد لحاجة شخصيا كيبان لي بان اي مشكل جمالي الا تعطلنا فعلاجو كتكون عندنا امكانية نلاقاو نتائج مرضية الا الشعر حيث العناية بيه ولوصول نتائج مرضية خاصو مدة
اللي كناكد عليه هي المفروض نهتمو بيه واحنا تحت سن العشرينات حيث فهاد الفترة كيكوننو بوتيرة سريعة والامهات ليهم دور كبير
كترث عليكم ولكن صبرو عليا
خاصكم تاكدو من واحد الحاجة ان امكانية تغير طبيعة الشعر هي جد ممكنة خاصة من الاحسن للاسوء
اول مشكل غنتكلم عليه هو التساقط
والاسباب نتاعو متعددة وغندكر الاساسي منها واللي كيسبب تساقط بشكل خااايب
فقر الدم،العصاب،والمنااااعة اللي كتكون ضعيفة واحد المعلومة الناس اللي كيشربو العشوب خاصة اللي كيبغيو يولدوا بيها انتبهوووووا وسولو عليها،لكواط،العديد من الامراض الجسمانية
وفهاد الحالة كننصح بانك تداوي من لداخل حيث الماسكات والشمبوانات مغيفيدوش
بالنسبة لشمبوانات فغالب الاحيان لماكنتش طبيعة اولا من عند اخصائي فالتداوي بالاعشاب مغتعطيكش نتيجة مرضية
الخلطات والماسكات
هادي كتحد من التساقط والشعر كينوض بطريقة خيالية وفمدة سريعة
مكوناتها،
مراطق دهبية،زنجلان،زريعة الكتان،حبة راس،تكاوت
كتاخدي المكونات كتحمصيهم وطحنيهم وديريهم فقريعة مع زويتة بلدية اللي كتكوني سخنتيها قبل على حساب الملحة لمدة اسبوع حتى كينزل التخت لتحت ودهني بيه وملي تمشي للحمام تدهني راسك بيه
غير هو بنت من العائلة جربتها لسنوات رجعت ليها شعرها رطب وقوي وكثيف انا ادرج ليا ونشف بزاف
الثومة وزيت الزيتون كتحكيها وديريها مع الزويتة المسخنة وتخليهم وتعودي دهني بيها مجربتهاش بزاف ولكن كتحد من التساقط
زيت الحلبة هداك كيشد الزغبة مكيخليهاش طيح انما كيوقف الزغبة كيحرشها بزاف
زيت الخرواع ونوى التمر والزيتون غزالين الشعر كينمو ومكيتسببوش فالجفاف دالشعر
زيت الورد ننصح بيه اللي شعرهم عادي كيخلي الشعر زوين كيبري وريحتو زوينة
زيت اللوز مداومتوش ولكن حسيت بيه مفادنيش
الحنا ولازاز والصابون البلدي لمعان ولوين زوين وجفاف مبيهش
الترمس جفاف ملحوظ
ا ماء البصل جربتها مرة ولكن حيث نشفت شعري بواف معاودتهاش
انا هادشي جربتو غير على قبل التساقط الصراحة مبقاش شعري ولله الحمد كيطيح ليا ولكن راه داويت حتى فقر الدم واخلف ليا واخا ماشي كيف الاصل والاصل ان شعري كان كثيف قوي ورطب وممووج كاااان يا مكاان
المشكل اني ملي اتصابيت بفقر الدم مداويتش تزاد الجفاف ووالتساقط وانا حيث كان كيتساقط بزاف وخلعني خرجت عليه بكثرة الوصفات خاصة من لقدام حيث درت واحد لكوب باش يساهل عليا نداوي ما اثر فالجدور
اه نسيت حتى مغلى الزعتر جربتو ولكن نشف ليا الشعر ومداومتوش
اجيو نعطيكوم معلومات من هنا وهنا
الحنا الا عرفتي تستخدميها فوصفا كتعطيك الوان شهوة منها ولكن كتنشف الشعر بزاف
اليكاباج حتى هو كيرجعو الشعر حالتووو
الباتشا مكتسببش التساقط وانما الشعر اللي كيتساقط هو الشعر الضعيف اللي على سبة
نصيحتي اختاري قصة شعر متساهمش فالتدرج يا تخليه مطلوق او الظفيرة وحاولو متجبدوش الشعر راه مع الوقت كيخوا من لقدام
لشعرك حرش متخليش الترطيبة حاجة لاغنى عنها اولا كتسبب فالتساقط ومع لمداومة ماكتبقاش ليك بزاف وكيولي غير العرق ياثر عليها
الامهات متعارضوش الحسانة لدراري الصغار حيث كيطلع خفيف
بالنسبة للقشرة الخل كيقضي عليها وكينشف الشعر
القمل الحل نتاعر فيرموكال والخل من بعد الغسيل هههههههه ماشي انا مولاتو
ضرني عنقي بالكتابة ونسيت بزاف لمعلومات لتفكرت نرجع نكتبها فرد
اه حاليا مخلطة زيت الخرواع واللوزوالافوكا مع بعضياتهم وكندهن بيه مزيانين
وملي غنسالي شمبواني وخلطة اسومة وهاد قرعة الزيت
غنبدا تريتمون من عند واحد اخصائي فالاعشاب السيرة نتاعو مقنعة والا عجبتني النتائج نقولها ليكم
تهلاو فريوسكم
شي دعيوة ليا بالهداية والنجاح |
|
