السلام عليكم ورحمة الله وبركاته
اليووووم جبت ليكم طريقة تحضير بعض الزيووووت فالدااااار خصوصا انه صعيييب نلقاوو الأصلي والطريقة ساهلة بزاااااااااف
اول شئ تحضير زيت اللوز
2 - •·.·`¯°·.·• طــريقة تحضــير زيت اللــــــوز •·.·`¯°·.·•
مساءكم / صباحكم
طبعا الكل يعرف زيت اللوز وفوايده للبشرة والشعر
وهادي تجربتي الشخصية وطريقتي لتحضير زيت اللوز فالدار
غاتجيبي اللوز الكمية لي بغيتي كل مايكثر اللوز تحصلي على زيت أكثر
انا كانستعمل اللوز عادي بقشوره
المهم كاطحنيه مزيااااان حتى يولي ناااعم
ومن بعد كاتحطيه فقصعة او فماعون وتبداي تعجنيه بيديك وبقاي تزيدي ملعقة صغيرة دالماء ديري بالك غير معلقة صغيرة بشوية بشوية وعجني وهاكا غايبقا اطلع ليك الزيت وبقاي تزيدي الماء حتى تعصريه كله وهانتي حصلتي على زيت لوز أصلي مئة بالمئة أحسن من الي كايتباع فالسوق
الثلاثاء سبتمبر 19, 2017 1:39 am من طرف 
موضوع: طريقة تحضير زيت اللوز طبيعي في المنزل 
