زيت ممتاز للشعر (يعالج جميع أنواع مشاكل الشعر) :


شدي رابعة من كل حاجة فهادشي :

الزنجلان

زريعة الكتان

اللوز الحاار ( قولي للعطار اللوز الحار)

شديهم طحنيهم بلا متحمريهم طحنيهم هكاك كلهم وخلطيهم مع بعض وديريهم فشي قرعة كبيرة وشدي قياس القرعة

من زيت العود وديريه يسخن تزول منو الملوحة وزيدي واحد راس الثومة فرشخيه بالمهراز بقشورو وتبخيه فداك

زيت على نار مهيلة بين ماشرب الزيت مفعول الثومة وجهد ديالها وتصفي الزيت من الثومة وخويه فوق من

داكشي اللي درتي فالقرعة تكون ديال الزاج مني يبرد زيت العود , خودي فلفلة خضرا عادية نقيها وزولي منها

زريعة تكوني غسلتيها ونشفتيها من قبل وقطعيها طراف وزيديها على المكونات سدي القرعة بطرف دلبلاستيك عاد

سديها بغلاقة والى كانت عندك قرعة محكمة الغلق وكتسد مزيان بلاش البلاستيك ايوا تسدي القرعة وخليها مدة

اسبوع متحليهاش بقاي كل نهار مرة مرة تمخضيها مزيان مني تمر سيمانة بقاي تدهني بداك زيت يوميا لشعرك

ومني تكون غتعومي ولا غادة للحمام هزي تخت وشققي بيه راسك ودهني مع عمل مساج مدة ربع ساعة وزيتيه

مزيان وعملي بوني دلبلاستيك مدة ثلاتة سوايع ولكن يكون البوني منفس وفالساعة الاخيرة سيدي زيف على البوني

وخليه ساعة ودخلي تعومي مني تغسلي شعرك دهني الاطراف فقط بسيروم املا بزيت الحية أو بسيروم لي

يناسبك والى عندك تراشوب تاخدي منو كمية يكون شعرك فازك تقلبه القدام وتعملي الزيت

فالجدور وتعملي عاود مساج

دائري بشوية بما تشرب الزيت ومشطيه للقدام بمشطة طويلة تكون اسنانها واسعة مشطيه

مزيان القدام عاود مشطيه

على جناب الايمن والايسر وعاود رجعيه اللور ومشطي وجمعيه وديري ليه زيف قطن وخليه ينشف ولا بلازيف

اللي بغيتي نتي بزوجهم مزيانين المهم ينشف طبيعيا بلا سوشوار

ايوا تبعي هادشي ثلاتة المرات فالاسبوع وتفكريني وغت لاحضي الفرق من اول غسلة

غير هو لازم تبعي فنفس الايام مثلا الاثنين والاربعا والجمعة ومشي بالضرورة تعومي الى مبغيتيش غسلي شعرك

عادي وجمعيه غير غسلة وحدة رغويه مزيان وشللي وجمعيه ومتنسايش مني ينشف الشعر دهنيه بزيت اللي فيه

داكشي زيت بوحدو وتبقاي دهني يوميا