وصفة تبعيها باش تفتح لك لون شعرك طبيعيا بشوية بشوية وفنفس الوقت مغدية للشعر :


الوصفة 1 :

غتاخدي معلقة صغير يازير

معلقة صغيرة بابونج

معلقة صغيرة قرنفل

نص كاس قهوة معصرة

كاس ديال الماء

غتبخي ف كاس ديال الماء البابونج والازير والقرنفل وتخليهم حتى يطلقو ويبردو وصفيهم وزيديهم مع القهوة

المعصرة وديريهم فقرعة تكون تترش مني تعومي وينشف شوية شعر ترشي ليغاسين ودلكي مزيان وترشي ودلكي

وتمشطي شعرك وجمعيه ينشف وبقاي ترش من ديك القرعة كل ليلة قبل النعاس وعملي مساج ونعسي مزيانة

لتقوية الشعر وتفتيحو مع المدة زيادة على ديك رويحة زوينة لي تتبقى لك فشعر

بالنسبة لخلطة 2ديال الحمام تعمليها مرة فالاسبوع:

جوج معالق كبار نسكافي

واحد طريفة سواك

قشور الدنجال

سواك وقشور الدنجال تغليهم ف الماء يتبخو غير كاس الماء وخليهم يطلقو وصفيهم زيديهم على القهوة زائد معلقة

بابونج مطحون معلقة بالحساب حيت هو الى كثرتي منو تيولي مسموم زائد معلقة حلبة مطحونة ومعلقة لازاز راه

عند العطار ومعروف للشعر ومعلقة زنجلان مطحون خلطي هادشي وقسمي شعرك ووزعيه على الاطراف كلهم

وفالاخر دلكي شعرك كلو وليغاسين ومساج واحد ربع ساعة والى شعرك طويل ممكن تضاعفي الكمية باش يقدك

لششعرك وجمعيه وعملي بوني وفوقو زيف وخليه 4 سوايع ومع المدة غتلاحضي الفرق ولوين بني طبيعي وغزال

وممكن تستعملي هداك الماء تغلي فيه سواك وقشور الدنجال وبابونج صحيح وتصفيه وديريه تاهو فقرعة ومرة مرة

رشي منو شعرك لنتيجة سريعة

وبقاي تستعملي بالليل الماءا اللي فيه ليازير فالخلطة الاولى ليلة والليلة الثانية لوسيون اللي حصلتي عليه من السواك

وقشور الدنجال والبابونج