الروز مسقي بالدجاج
نحتاج
فروج أو دجاجة من وزن كيلو وربع مقسمة علي 4
2 بصلات متوسطين مقطعين و مشلضين
2 معالق كبار طماطم مصبرة
ربطة قزبر و معدونس
زعفران حر
خرقوم
سكينجبير
ملح
قرفة أعواد
إبزار
معلقة صغيرة سمن
كاس إلا ربع مخلط زيت بلدية وزيت عادية
750 كرام روز كلاصي مول الحبة الكبيبرا
150 كرام زبدة
70 كرام زبيب

الطريقة نغسل الروز ويرقد ربع ساعة في الماء
ويفور في كسكاس تفويرة الأولى ملي نزلو ونرشو رشا خفيفة بالماء الساخن من لي؛في البرمة
ونردو يفور في التفويرة الثانية نملحوه وندهنوه بالزبدة ونردوه يفور
وكذلك في كل تفويرة نعود ندهن بالزبدة
وعدد التفويرات 4 تقريبا باش يجي كل حبة مفرقة ولذيذ
الدجاج يطيب عادي
نشحرو البصل مع الطماطم المصبرة والتوابل و السمن وزيت
نسدوو عليه يطيب حتى تعقد لينا مريقة مزيان وتنشف
وملي يقرب يطيب نزيدولو الزبيب
لانه كايطيب بسرعة
ويقدم بصحة والراحة