سفة المدفونة
المقادير غادي نقولهم باختصار
شعرية مفورة فالتفويرة الاخيرة كنزيدولها شوية زبيب
دجاجة مقطعة
بصلة
قسبر و معدنوس
عطرية
ملح
ضامة البنة
زيت
لوز مسلوق و مفسوخ و مقلي شوية منو مهرمش و شوية وافي للتزيين
سنيدة او سكر كلاصي
تمر محشي باللوز
قرفة
عسل
فلكوكط كنقليو قطع الدجاج فالزيت و نزيدو البصل مقطع مربعات و نقليوهم مع شوية ملح و زعفران
من بعد كنصبو فوقهم شوية لما و الربيع مقطع و العطريه و ضامة البنة و نسدو عليهم يطيبو
ملي ينضج الدجاج كنخليو المرق يشرب حتى يبقا خاااااتر ما فيهش لما
كناخدو طبق التقديم و نحطو فيه طبقة من السفة و الزبيب و فوق منها نفرشو مرق الدجاج كاين لي ما كيديرش المرق كيكتفي بالدجاج
فوق المرق نوزعو الدجاج لي كان سبق لبنا بعد ما طاب زولنا ليه العظام و الجلد و قطعنا طريفات و فالاخير نديرو طبقة اخرى من السفة و نزينو كما فالصورة انا كل مرة كنزين فشكل كنبغي نجدد كل مرة هاد المرة هاكدا جات ههههه