مايونيز ببطاطا مسلوقة بحال الفرماج

الوصفة

اولا اخواتي السلام عليكم ورحمة الله تعالى وبركاته كنتمنى تكونو كلكم بالف الف خير هادي واحد الطريقة خاصة ديالي حيت بزاف ديال المرات كنبغي ندير المايونيز وماكيكونش عندي البيض ولا الفرماج واليو م جربت هاد الطريقة وجا مايونيز تقولو واش الفرماج المقادير هي بطاطا متوسطة مسلوقة زدت عليها كاس حليب وشوية ملح وشوية ابزار ونصف كاس زيت وخدمت الخلاط وبقيت كنزيد نصف كاس اخر زيت بشوية وربع كاس عصير حامض ورجع خاتر ووقفت الخلاط وخويتو فزلافة ودرتو فالثلاجة وزاد قصاح جا واعر وصحي مافيه بيض كنتمنى اعجبكم الى جربتوه

وها المايونيز واجد بحال الفرماج بالصحة والراحة

اخواتي عندي لكم مايونيز غزالة جدا
مقادير بطاطا مسلوقة مقشرة 1 بيضة 1 فرماجة 2 معالق كبار خل و زيت حسب الخليط ونصف كاس حليب
ملح
طريقة تاخدي كاس مولينيكس تعملي بيضة ومولينكس خدامة وتضيفي لها خل شوية الزيت حتى تضرب مزيان فرماجة و وتبقي ترمي بطاطا قطعة بالقطعة ونصف كاس حليب ملح وزيت نزيدو بشوية بشوية حسب الخلط حتى تصير عندنا مايونيز عاقدة كمية المايونيز كثيرة ولديدة بزافلما تبقى لك مايونيز عمليها في قنينات زجاجية فرغي عليها خل وغلقي قنينات مزيان وضعيهم في ثلاجة وبالصحة جربوها غادي تعجبكم مداق ولدة ومايونيز كثيرة

الله يعطيك لخير
فعلا بزاف ناس تتكون عندهم حساسية من البيض
وكين لي تيكون عامل ريجيم
تايبغيه يكون لايت
نواعدك غادي نجربو ونرد عليك لخبآر

لا تحرمينا من جديدك المميز