موضوع: ديدان الامعاء او الحنيشات الثلاثاء يناير 22, 2013 8:08 am
غادي نتكلم لكم على ديدان الامعاء او oxyuorose
Le vecteur ولا السبب فهاد المرض هو واحد البارازيت او نيماتود سميتو الانتربيوس فيرميكيلاريسl'Enterobius
vermicularis ولا الاسم ديالو نيت l'oxyure
الدكر ديالو كيبلغ الطول ديالو من 1 ل 4 ملمتر اما الانتى فهي اكبر شوية بحيت كتبلغ من 8 حتى ل 13 ملمتر
كنفرقوهم على بعض بالطول وبالمءخرة لانو الانتى عندها مؤخرة طولة رقيقة
pointue و effilée
بيضا كتبان فالخروج ديال المريض في حين الدكر كنشوفوه نادرا فالخروج اللهم الى عملنا واحد العملية كتسمى purgation
متلا نعطيو المريض يشرب شي حاجة باش يخوي محتوى المصران وكتكون المؤخرة ديالو دايرة على البطن ديالو وغادي نشرح علاش من بعد كنلقاو غي الانتى فالخروج
هنا واضحة الصورة باش نفرقو بين الانتى والدكر
الانتى كتهاجر جهة مءخرة المريض بالليل من بعد عملية التزواج وكتوضع البيض ديالها اللي كيوصل من بين
عشرة حتى ل عشرين الف بيضة عندها فمها
des crochets
كتشد بيهم المؤخرة د المريض منين كتبغي توضع البيض و كتفرز كدلك مادة كتسبب الحكة substance irritante
, هاد العملية كتوقع غي بالليل ولا اخر المساء الشي اللي كيفسر الحكة اللي كتكون قوية عند المريض فاليل لانو الانتى كتوضع البيض ديالها باليل هاد البيض كنلقاوه فالخروج و كيكون معد مباشرة لانو كيحمل جنين فالبيضة .فالى حك المريض وماغسلش وعمل يديه ففمو او صافح شي واحد او كلا ماكلة فكلشي هاد الاسباب راها اسباب عدوا البيضة كدلك شديدة العدوة لانها volatil
البيضةكنلقاوها فالخروج و la taille ديالها حوالي 50 مكرومتر اي بمعنى ماكتبان الا فالمكروسكوب
هدا شكل البيضة طيب نعاودو دورة حياة الاكسيير. الاكسيير دورة الحياة عندو كتدوز فالجهاز الهضمي كيتبدا بالماكلة ديال البيض فشي مواد غدائية contaminées ولا بعد الحك ديال المؤخرة ندوزو صباعنا للفم او مصافحة الخ الخ هنا البيضة كتكون كيف قلت فيها الجنين كتفقص فالمعدة وتحول من بيضة a des larves كيهاجرو للمصران ومن تماك كيتحولو لاوكسير اما دكر ولا انتى اي بمعنى كينضجو كيتجاوز الدكر مع الانتى من بعد زوج حتى ل 4 اسابيع كتنزل الانتى جهة المؤخرة توضع البيض ديالها فالليل هاد البيض اللي كيكون بمجرد وضعو معد وبواسطة حك المؤخرة ولا نقيسو باليد اكل ما كنجيبو البيض للجهاز الهضمي وهكدا هي دورة حياة الاكسيير
اعراض المرض
كيف قلنا حكة شديدة خاصة بالليل تانيا يقد يبان للمريض دويدات صغار بويض فالخروج اضطرابات هضمية وحتى نفسية لانو هديك الحكة كتعصب وكتفقد التركيز هاد المرض معدي بزاف كيف قلت وكيكتر فالاوساط الجماعية خاصة المدارس د الاطفال الى كان فقط واحد فيه المرض يقد يعادي كلشي البنت يقد يكون عندها حتى حكة على مستوى المهبل عللاش لانو الاكسيير فحال طاكسي صغير c'est un petit taxi d'intestin كيحمل معاه على ظهرو مكروبات موجودة عادية ماكتضرش المصران لانها من la flore normale intestinale لكنها فمنطقة اخرى كتولي ضارة كيحملها من المصران للمهبل متلا عند البنت وبالتالي كتسبب التهابات بكتيرية ولافطرية
اما بالنسبة لنا فالمختبر كيفاش كنعرفو المريض
كنعملو لو مع العشية اخر المساء ولا الليل واحد التست اللي سميتو test de garaham او سكوتش تست انال scotch test anal lameواللي كيف واضح من سميتو كنعملو السكوتش على مؤخرة المريض و كيتوضع على
ويتقرا فالمكروسكوب باش نقدو نشوفو البيض
هدا هو التست هنا كيف كيبان البيض فالمكروسكوب
هنا واضحة البيضة مزيان عاملة فحال حبة القهوة ووفروقة من الوسط بخط هداك الخط هو الجنين اللي من بعد كيف قلنا تفقص البيضة فالمعدة يعطيبنا
larve
بالنسبة للدوا ou traitement كتكون بال mébendazole او Flubendazole
اللي هوما ادوية antiparasitaire موجودة فالصيدليات عندنا كنلقاو غالبا كيتعطى azole دوا موجود رخيص بزاف ويقد يتواجد مجانا حتى فمندوبيات الصحة ولا المراكزالصحية
الشيح على الريق مهم بزاف وماشي غي العادة اللي كتقول هادشي لكن حتى الطب القديم يحبت ابن سينا ركز على انو الشيح البلدي كيعمل على طرد الديدان مع الامعاء على الريق بالنسبة للتغدية يبعد المريض من المواد الحلوة يكتر من شرب الحليب كل صباح لانو الديدان كتكره الحليب وكتكره اللحم المشوي ونقطة اخيرة نشير لها الديدان كتاكل معانا هدشي لاش المريض كيحس بزاف بالجوع خاصو كل مرة ياكل ماخصوش يجوع لانو الى جاع بزاف الديدان كتمشي لجدار الامعاء وتبدا تاكل فيهم
الثلاثاء سبتمبر 19, 2017 1:39 am من طرف 
موضوع: ديدان الامعاء او الحنيشات 
