اليوم جبتلكم طريقة جديدة لتحضير المرانغ
لذلك نحطلكم طريقة المورانغ الصحييييييييييحة وباسرارها كاملة لكن
الشرط المهم في نجاح المورانغ هو التقيد الصحيح بكل الخطوات بشكل مضبوط
تماماااااااااااااااااااا هذا اول سر..



**السر الثاني والمهم بزاااااااااااااااف هو الفور لازم يكون
سخوووووووووووووووووووووون بزاف يعني كي تبدي الخدمة اول حاجة ديريها هي
شعلي الفور ثم ابدي الخدمة

المقادير :
لكل بياض بيضة واحدة نستعمل 100 غ سكر ...حوالي ملعقة ونصف واذا كانت البيضة صغيرة نقصو شوي
رشة ملح شوي فاني وملون اختياري
- اول خطوة نحطوه فوق باماري نطلعو بياض البيض مزيان مع رشة ملح بلاما نزيدو عليه السكر..
- ملي يطلع نزيدو كمية السكر على 3 دفعات وفي كل مرة نخفق مزيان حتى يولي شاد راسو مزيان ....
ونضربو بالباتور مزيان حوالي 10 د او اكثر حتى يولي
شبه طايب وتحسوه ثقال والسكر ييبس في الحواشي تاع الحاجة لي درتو فيها

ملي تكملي الخفق مام يتقلب يبقىيولي شاد راسو مزيان الشكل وما يتحركش طوووول

*-السر الثالث هو انو مباشرة من الباماري بعد ما نخلصو الخفق الى
الكونجيلاتور == المجمد== طول ويبقى ثم حتى يبرد الاناء لي راهو
فيه....ماشي يجمد يبرد الاناء
باش تسهل الخدمة ديرو لابوش ادوي في كاس وصبو فيها الخليط
شكلوه عادي كيما تحبو ودخلوه الفور وهنا السر الرابع الفور لازم يكون
حاااااامي حاااااااامي لكن بمجرد ما تدخلي البلاطو ليه نقصي درجة الحرارة
الى اقل درجة ممكنة وحطيه يطيب فقط 10 د هذا هو الوقت المضبوط اذا كانو
الحبات كبار 15 دقيقة ماكسيموم ما كانش فوقها == انسو هاذوك الوصفات لي
فيهم ساعة وزوج باش يطيب ثم حلو الفور وطفيو النار وخليوه دقيقة وابدوه
وحطوه بحذر ما تخبطوهش وكي يبرد زولوه عادي وقدموه كيما تحبو..
هاذي هي كل اسرار المورانغ والطريقة الناجحة والمضمووونة لكن يلزم التقيد
بكل الخطوات كما هي مذكورة وكي نحطوه في المجمد ماشي هو لي يجمد يبرد
الاناء ...

جربوها راهي روووووعة وخير من تاع برا