الماء فاش تسلقات كل النشويات





(روز، معجنات ، پات، بطاطة...)
معروف عليه لما كيبرد كيولي عاقد يعني كيكون بحال الكريمة خفيفة





لذلك لو معملناش فيه الملح فممكن نستغلوه و نطحنو بيه العصائر بدل منعملو الماء العادي
فالماء فاش سلقنا النشويات عامة لما كنطحنو بيه الفواكه كيعطيها ثقل و كتاڤة اكثر من لو انها تطحنات غير بماء جاري


و هنا ممكن تاخذي فكرة عن استعمال ماء المعجنات فالعصائر


كوكتيل الفواكه و... لذيذ مغذي واقتصادي بطريقتي بالصور كالعادةمن كزينتي





و لو كانت الفواكه ميهة بزاف و بغيتيها تجي ثقيلة و تقدري تشكلي بيها طبقات فالكاس
ممكن طحنيها مع الروز مسلوق مزيآآآن




كيخليها ثقيلة و عاقدة و فنفس الوقت مكيبانش الطعم ديالو مجهد












الى عندك الحامض كثير




الحامض ممكن تعملي بيه بزآآاف تالحاجات









اما عصير كيف كنقولو ليه عصير سيترون السيتروناد
نعطيكم 3 طرق باش كنصايب الليمونادة هي تقريبا نفس المبدء لكن الاختلاف غير فامراحل
الطريقة و المقادير:
لو كان حامض من الحجم الكبير ديري 3 حامضات لكل 1 ليتر ليمونادة و ممكن ضيفي الماء حسب درجة الحموضة للي كتفضلي
غتاخذي الحامض اما اخضر او اصفر غسليه مزيان بالماء و الخل و شلليه
و حكي القشرة باش تحصلي على الزيست ديال الحامض
حكي غير القشرة الخارجية بلى متوصلي للقشرة البيضاء لانها كتعطي المرورة
عصري الحامض كيف العادة بعصارة الليمون
و خوذي السكر القياس للي يناسبك حسب واش كتبغي الليمونادة حلوة او حامضة
الطريقة الاولى :
سخني السكر مع الماء قياس كاس كبير ماء
حتى يذوب و يعطيك سيرو و كبيه على قشر الحامض الزست
وخليه يطلق فيه البنة وا حد نصف ساعة او اكثر كلما طلق كلما كان المذاق الذ
ثم ضيفي عصير الحامض المصفى و ضيفي الماء القياس للي بغيتي لسانك ميزانك ههههه
يعني ملي توصلي للطعم للي كتفضلي حبسي الماء
الطريقة الثانية:
هي نفسها لكن دون تسخين السكر مع الماء ،
هادي كديريها الى مكنتيش مزروبة لانك كتخليه يبات ليلة كاملة ،
كتاخذي السكر و الزيست و تضيفي عليهم الماء و تدخليهم للثلاجة يباتو حتى للغد ليه عاد كتضيفي ليهم عصارة الحامض
و طبعا لسانك ميزانك ذوقي و لو احتاج اضافة الماء ضيفي القياس للي يناسبك

الطريقة الثالثة :
نفس الطريقة الاولى او الثانية لكن كتضيفي كاس موناضة غازية بيضاء
شويبس سيترون او فانتا حمض او ولماس او ملعقة بيكاربونات صودا دوبيها فكاس الماء
باش كيعطيك داك الطعم الغازي فالليمونادة ديالك
طبعا وقت الصيف ديري الماء المثلج مع مكعبات الثلج و قطع اليمون و النعناع او اليازير للتنسيم و التزيين
و وقت البرد ديري غير ماء بحرارة المطبخ
او ممكن دفيه و تحلي بالعسل كيكون مشروب منعش و فنفس الوقت دواء لنزلات البرد و الحلاقم عفانا الله اجمعين




او تعمليه مع عصائر الفواكه الاخرى لنه عندو ميزة حفظ الفواكه من التاكسد
مثلا بغيتي ديري عصير التفاح او البنان او اي فاكهة اخرى و بغيتيه يبقى فلونو الطبيعي بلى ميكحال و يتاكسد كديري معاه كاس من عصير اللحامض

ممكن تنسمي بيه السلطات بدل الخل


ممكن طيبي بيه و ديريه فالخلطات مثلا ترقدي فيه الحوت الدجاج اللحم مع الشرمولة طبعا راه كيخليها طرية و كيسرع الطياب ديالها و ايضا كيعطيها طعم مميز


ممكن تعمليه مصير اما بالطريقة التقليدية بالملح و الترقاد او تعمليه بالطريقة السريعة و هي انك تحفظيه فالكونجيلاتور دون اي اضافات غيت تغسليه مزيان و تعمليه فبلاستيكات نضاف و تستفيه فالكونجيلاتور وقتما حتاجيتي تخضري بيه فطويجين او مريقة او حوت فالفران كتجبديه تخليه يديكونجلا و تقطعيه و تزيني بيه الطبق ديالكم و يطيب كيف العادة


و ديري بيه طارط أوسيترون كتجي شهوة منها




ممكن تستغلي القشرة ديالو فالكيك و السابلي و الطارطات و غيرها راه كيجي غزآآآآآ

المهم الحامض راه يصلاح لشحال من حاجة حتى ملي دوشي و تشلي شعرك و تسالي كبي عليه شوية عصير حامض مخفف فالماء (مثلا نصف كاس عصير حامض مصفى مع نصف كاس ماء حسب طول شعرك) و تشوفي ديك الساع اللمعان و النقا فالشعر كيف كيكون

ايضا الى شاط ليك و بدا يخسر حكي بيه الماعن (انوكس، فضة ، المونيوم، نحاس و حتى الزاج...) راه كيخليهم كيلمعو

لا بقا ليكم الخبز كرموه فالفرا او طحنوه اولي شابلير او كرص بيه الخبز راه كيجي غزال او الا شاطت ليكم الكيكة ديرو بيها les délices الا بغيتو المقادير نعطيهم ليكم را كيجيو واعرين






الله يطعمكم من الجنة و نعيمها