السلام عليكم

هاني جيت تاني اليوم بطلب اخر >>> وليني مبرزطة هادي

اليوم بغيت منكم واحد الطلب جد مهم

بغيت نعرف السفوف او سلو نتاع النافسة باش كيتصاوب . انا صافي بقات 4 ايام وندخل لشهري , ايوا نبدا نوجد من دابا دكشي لي خصني
وبغيت تنصحوني اشنو نبقا ناكل باش يكون فيا الحليب ومنخسرش صحتي
مع ختكم غليضة بزاف >>> العكس طبعا , غير يسوط عليا شي حد يوصلني لامستردام
المهم بغيت نصائح من الحادكات لي فايت مجربات
وخاااااااصة بالنسبة للسفوف باش غادي نقادهم الله يعطيكم الخير والخمير والربح الكبير

سمحو لي ديما مصدعاكم ...

السفوف أو سلو من الوصفات التي تحضر في شهر رمضان و لا تخلو أي مائدة رمضانية منها في كل البيوت المغربية وهو عبارة عن عجين من المكسرات والدقيق المحمص مع السكر والزبدة اليكم الطريقة :



المقادير :


- 1 كيلو دقيق أبيض محمص في الفرن
- كيلو لوز مسلوق ومقشر ومحمر في الزيت ومطحون نص طحن يعني مهرمش
- 500غ كاوكاو ( فول سوداني ) محمر في الزيت ومطحون
- 500 غ الجنجلان (سمسم ) منقي و محمص ومطحون نصفو النصف التاني نخليه مثل ما هو
- كأس من النافع (اليانسون ) محمص ومطحون جيدا
- كأس حبة حلاوة ( شمر ) محمص ومطحون جيدا
- سكر بودرة (الكمية حسب الرغبة)
- 2/1 كيلو زبدة مذابة
- الزيت حسب الخليط (أي الزيت الذي قلينا فيه اللوز والفول السوداني)
- 200غ قرفة ( دارسين)
- ملعقة صغيرة مسكة حرة ( مستكة) مدقوقة مع القليل من السكر
- حبة من جوزة الطيب مدقوقة
- كأس كبير من عسل
- ذرة ملح


الطريقة :

نضع الدقيق المحمص في انية ثم يضاف اليه المقادير التي ذكرناها كاملة و نضيف الزبدة المذابة والزيت التي حمرنا فيها اللوز والفول السوداني( ملاحظة السكر نضيفو شيئا فشيئا لغاية ما نحصل على الذوق الذي نحبه ) و نخلط الكل جيدا نعجنوه لمدة نصف ساعة مع الدلك بكف اليد لما تتعبي ارتاحي شويا وبعدين تابعي لان الخلط الجيد مهم جدا كل العناصر بتفرغ الزيوت الي فيها وبتتجانس مع بعض ثم توضع في علبة للحفاض عليها تدوم مدة اطول من غير ما تفسد وكل ما تريدين تقديمها تضعين الكمية اللازمة في صحن التقديم وتزين من فوق برشة خفيفة من السكر كلاصي (سكر بدرة ) ونزينها كذلك باللوز المسلوق المقشر و مقلي في الزيت

بألف هنا وشفا

lah ifek whaylk bikhir hbibti koknti 9riba nhdr f sbou3 kan3rd rassi lol ana khti kano kaygololi koli selo o atay kaydir lhlib o hta djaj lbldi o lhlib fih lbid kayjoi wa3r hadak kan kay3jbni bzaff

لهلاا يخطيك احبيبة ام جمال الدين

انا السفوف كنعرفهم غير كنسمع ديال النافسة كيكونو مغايرين شوية
يعني كين شي حاجة زايدة على هذه المقادير والله اعلم

والله ياختي مرحباااااا بيك وبكل الفنونات ديال المنتدى , الله اودي راه ولينا اسرة وحدة وكتر من خواتات ..

وراه حتى السردين قالك مزياااان حتى هو خصوصا يكون مشوي

ايوا الله يسمع منك ويدوز كلشي على خير غير دعيو معاية صافي راه دخل شهري >>> شاداني الخـــــــــــــــــــــــــــــــــــــــــلعة

مور الولادة حب الرشاد + الحليب + البيض و بلا سكر كايتشربو

دجاجة بلدية و تكثر البصلة مزيان و طحن كل شي في مولينكس بحال صوبة و جابت نت خالتي تتكل هدشي نهار ولدات

المسمن مزيان
لانو كيقولو الفطير عامة كيعمل الحليب

الحسوة سواء د الدشيشة او د السميد المهم بالحليب

الرذفيسة بالحلبة ومساخن

الدجاج بلدي

ثمر راه مزيانننننننننننن بزاف للحليب

الحليب مع البيض و الحب رشاد

البروتيين مهم بزاف ستيك ولا فيلي ديال السمك مشويين
أبدا تقرب من المشروبات الباردة ولا لمثلجات
حتى الماء تكون درجة نتاعو معتدلة
وغطي مزيان ودايما خلي تيرموسة فيها لويزا ولا زعتر سخون تشرب منو باستمرار لأن كيبقا داك الإحساس ديال الوجع يرجع مرة مرة

الشربات كلها بانواعها وخصوصا السميدة والكرعة

فضل الشربات بانواعها والى كنت غترضعي متنسايش مشتقات الحليب
والله افك وحال على خير

حبيبا الل الله يفك اختى على خير وبخير

والى دكرولك البنات كلهم مزيانين الصوبات باش بجريو الحليب

وحتى السردين مهم بالزاف بزاف حيت هو عامل اساسي كيدير الحليب فى صدر الام

والله يتمم عليها بخير وعلى خير

عصير لافوكا حتى هو زوين مع التمر

النفيسة ملي كتولد

كيعملو الحريرة والبريوات المالحين والحلوين طبيسلات الكبدة مشرملة والمخ مشرمل

البيض المصلوق والتمر والشباكية’’’’’’’’’


ومن بعد يوضعو الشاي والحلويات ومن بعد يوضعو الرفيسة

اش نمشي لابسة الجديد او القديم لبسي عادي انا مشيت لابسة برميدا حيت كان فيا الصهد ملي كنت حاملة ولابسة تريكوا ديال بيجامة ولكن نصيحة ليكم لبسوا بيجامة طويلة خصوصا في الولادة طبيعية باش مني تولدوا تهبطوها انا شبعت برد وجاني الوجع بعد الولادة
اما سيزريان لي لبستي حيت غادي يولدوك عريانة وغادي تبقاي عريانة مني يجيبوك من لبلوك وتنعسي عريانة مغطية غير بالمنطات حتى تفيقي من لبنج عاد غ تلبسي
. -واش غادي نبدل فالسبيتار يعني ناخد بيجامة وبنوار واش يكونو سخان لان الحال مشي سخون ولكن تنسمع ان النافسة خصها تحمل وتدفي راسها مزيان اه دي معاك بيجامات بالسروال ولا طوال لي بغيتي وخصوصا سراول د القطن وبينوار سخون حيت مني متولدي طبيعي كتعرقي بزاف وكريجع ليك بالبرد وكتزيدي تعرقي وتريكوات ديالهم وكيلوطات حيت الدم غادي تخرج فيهم هما وسراول دي معك منطة ومخدة يزار وشوفي فين غ تولدي حيت ولادة طبيعية كتجلسي غ يوماين سيزريان 4 ايام يمكن
- شحال من قطعة خاصني نلبس البيبي . واش نكمطو من الاول مكلبسوش بزاف بحال متلا بودي نص كم بطرطقات او بلا طرطقات فوق منوا اخر كم بطرطقات وسروال مغطيين ليه بلاصت رجلين او بودي لتحت نص كم وكيلوط بالقطن و grenouillére بالقطن صاف وتغطيها بالازار اما المانطة باق عليها الحال ملي متبغي تخرجي بيها كتديري المانطة في الدار غ فرشي ليها لمانطة تحت منها التكماط حتى تجي للدار وكمطيها بزيف حياتي شريه حيت الكماط لي كيتباع سخون بزاف
- امتى نعطيه يرضع والتمر واش نعطيه ليه هو اول . شحال مابين كل رضعة ورضعة.واش نعطيه الماء . الا عندك شي زهر وولدتي بنهار ديك ساع وصي لي تولدك تعطي بنتك لراجلك ويحنكها بالتمر ومن بعد يجيبوها ليك ترضعيها انا ولدت بالليل وخرجات قبل مني وانا بقيت معطلة وعطاوها لبيبرون للاسف مني تشد ليك لبزولة حيت كيوقعوا مشاكل في الاول خاص لي يساعدك باش تشد ليك لبزولة الا معندك الراس انا عانيت بزاف وباق كنعاني مع لبزولة مني تبكي غادي تعطيها ترضع وتشوفي الكوش واش نقي الما مكيتعطاش حيت الحليب فيه الما
- السرة كفاش غادي نعالجها بطريقة سليمة واش نشري ليها مستلزمات نديهم معايا السرة كتداويها بالدوا الاحمر كيترش و الكحول ومن الاحسن دوا الاحمر كيقولوا ليه ليوزين وكطيح في اسبوع
- شحال نبدل لبنوتي من مرة انشاء الله في بوليكلينيك فين ولدت كل نهار كيبدلوا مني جبتو للدار كنبدل ليه نهار اه نهار لا وعلى حسب الا وسخاتهم بالحليب او خرجات ليه شي حاجة من لكوش ديك ساع بدلي ليه
- امتى نعومه .نحممه ............ حتى طيح السرة وهما باقين صغار مكيحتاجوش للدوش بزاف غير مسحي ليها اضافة الى الجو خايب مشقلب تعوميه بزاف تمرض انا غير كنبدل ليهاالكوش او نهزه من بلاصته تعطس الجو خايب

وعلى كانتمنى نكون فدتك واي تساؤل مرحبا حنا ماجوعين باش نستفد و من بعضاياتنا ومتقوليش تابرزتينا تبرزيطك حلو
ومرحبا بيه

شوفي هاد موضيع يقدرو
يفيدوك



أفكار تقديم بلاطوات الحلوة بطريقة رائعة
https://lalaboutayna.yoo7.com/t2507-topic

طرق تقديم سلو سفوف ب أشكال روعة من تجميعي
https://lalaboutayna.yoo7.com/t2482-topic

لهلا يخطيك اختي بثينة

صراحة ماعندي مانقول فدتيني بزااف ربي يخليك

دعواتكم

اش غنقول لك اختي جيهان

الله يعطيك الخير وخلاص فدتيني بزاااااااااااااااااااااااااااااااااااااااااااف بزاف

ربي يخليك اختي

دعواتكم معاية وخلاص راه اليوم دخل شهري

ان شاء الله تقومي بالسلامة ياام رفيدة
السفوف أو سلو احنا في الجزائر نسموه الزرير نعملوه بالقمح مقلي ومرحي ونضيفله المكسرات
ويتخلط بالعسل وشوي مارغرين
مفيد جدا للنافس لانه ينزل الحليب وغني بالنشويات
الحمد الله على سلامتك مسبقا اختي