اولا نبداو بمقاديرعقدة كاوكاو

-1 كيلو كاوكاو محمر مزيان ومقشر -2 معالق ديال العسل-معلقة صغيرة ديال القرفة.
الطريقة -كنشدو كاوكاو بعد ما حمرناه وقشرناه ونوزنوه ونديرو ليه نصو ديال سنيدة ونطحنهوم مزيان .بيني وبينكم انا ديتو عند المطحنة ديال الللوز كيطحن حتى الكاوكاو خصو يكون معلك كنزيدو عليه باقي المقادير ونخلطو مزيان .
مقادير العجينة هي نفس عجينة حلويات اللوز للي كنعتمد عليها-المقاديرو الطريقة ديال العجينة

.. كيلو ديال الفورص النوع الممتاز انا كنستعمل تريا –كاس اتاي مشرط من لتحت ديال زبدة مدوبة ومصفية كنستعمل زبدة صفراء ديال العبار –نفس الكاس ديال زيت –كاس ديال ماء زهر –شوية مسكة حرة –شوية ملح – 4 معالق كبار ديال سنيدة. وكنجمعوها بالما دافي وندلكوها مزيان تقريبا شي نصف ساعة او اكثر وكنخليوها ترتاح عاد نستعملولها .

الطريقة مشروحة بالصور .

من بعد ما كان نساليو كنطيبوبها داك الساعة وماكتحتاجش بزاف ديال الوقت اش طيب شي 10 حتى15 دقيقة الفوق و5 دقايق لتحت منين كنخرجوها كندهنوها بالعسل ونديروها فالكويغطات. كتجي رائعة