معلومات العضو
عضو ذهبى
معلومات إضافية كيف تعرفت علينا : بينغ
الجنس : 
المهن : 
الهواية : 
المزاج : 
الدولة : 
عدد المساهمات : 821
تاريخ التسجيل : 31/08/2012
معلومات الاتصال  |  موضوع: الاوراق اللازمة للزواج باجنبي عربي او غير عربي  الإثنين سبتمبر 03, 2012 11:37 am | |
| السلام عليكم
الوثائق اللي غادي تحتاجيها:
1_ نسخه كامله من رسم الولادة عقود ازدياد اصليين
2_سجل العدلي ديالك من المدينة الي تولدتي فيها
3_صورة البطاقه الوطنية
4_تحليله بانك ما عندك حتى مرض معدي
وشهادة انك ماشي حامله هادي الحبيبه كتمشي عند طبيب عام وكتقولي ليه بغيت ندير شهادة عدم الحمل وتحليله بانني غير مصابة بمرض معدي ومن الاحسن انك تاخري شهادة الحمل حتى تقربي تدفعي الوريقات لانها خاص يكون فيها تاريخ قريب
5_وتمشي عند المقدم تعملي شهادة الخطوبه وتاخديها للمقاطعه ومعاك 4 شهود وتعمليها عند كاتب عمومي وتوثقيها في المقاطعه
6_صور
هنا الوثائق الي غادي يحتاجها خطيبك الاجنبي
1_عقد الازدياد مطابق للحاله المدنيه
2_نسخة طبق الاصل لاعتناق الاسلام واذا كان مسلم لن يحتاجها
3_نسخة من موافقة ولي امرك اذا كنتي قاصر
4_اذا كان متزوج ضروري يجيب معاه عقد الزواج او اذا كان متزوج سابقا يجيب حكم التطليق
5_شهادة الكفاءة في الزواج هادي غادي يجيبها من السفارة ديالوا من هنا في المغرب غادي يحتاج باش ياخدها اذا كان عازب شهادة العزوبه من بلده الاصلي و اذا كان متزوج غادي يحتاج شهادة الموافقه على اقامة ثبوت الزوجيه بمعنى موافقه الزوجه ديالوا وهاد الشهادة ملي ياخدها يوثقها في وزارة الخارجيه مع العلم انه يمشي بكريييييييي حينت تيكون الزحام بزاف
6_شهادة الجنسية غادي ياخدها من السفارة حتى هيا ديالوا هنا في المغرب غادي يحتاج في السفارة ما يقارب 600 درهم
7_شهادة الاقامة اذا كان مقيم ببلد غير بلده الأصلي
8_شهادة عدم السوابق العدليه وحده من بلده الأصلي او سفارة بلده في البلد المقيم فيه
9_ سجل العدلي غادي ياخدها من وزارة العدل بالرباط قسم الأجانب غادي يحتاج فيها تنبر 20 درهم و صورة من جواز السفر وجواز السفر الأصلي غادي ياخدها في نهارها
10_شهادة تثبت مهنته ودخله الشهري يعني شهادة الشغل
11_هو ايضا غادي يدير تحاليل بحال ديالك انتي عند نفس الطبيب يمشي عنده ويعطيه ورقه باش يمشي لمختبر تحاليل ويعملها بانه غير مصاب باي مرض معدي
12_صورة من بطاقة التعريف ديالوا وكذلك شهادة الاقامة اذا كان مقيم ببلد غير بلده الأصلي يعني الا في بلاده ما غاديش يحتاجها
13_ صورة من جواز السفر ديالو المكان الي فيه ختم انه دخل المغرب والمكان الي فيه المعلومات دياولو
14_ صور فوتوغرافيه حديثه
دابا بالتفصيل اشنو غادي ديري ملي تجمعي الحبيبه هاد الأوراق ديري ليها كلها نسخ 4 او 5 او 6 باش ما بقات عندك النسخ مزيان وتجمعي الحبيبه الأوراق الأصليه في ملف وتمشي لمحكمة الأسرة وتسولي على المكتب الي كيدفوا فيه اوراق الزواج المختلط وتمشي عند الراجل تدفعي الملف غادي يعطيك واحد المطبوعين تعمريهم وتدفعي الملف وطبعا ما تنسايش تدهني السير لانه الا ما درتيش هكذا الملف غادي يبقى في هاد المكتب اكثر من اسبوع المهم هاد الراجل غادي يجمع ليك الملف ويطلعو للقاضي انتي بمجرد ما كدفعي الملف في محكمه صافي ما باقيش كتشوفيه هما الي كيصيفطوه من مصلحه لمصلحه المهم ملي غادي يدفع ليك الملف غادي يصيفطوه من محكمه الأسرة للمحكمة الابتدائية انتي خاصك كل شويه تسولي الراجل واش الملف مشى ولا مزال ملي يقولك راه مشى للمحكمة الابتدائية تمشي انتي ليها وتسولي وهنا الحبيبه وبكل صراحه انا دفعت فيها رشوة 600 درهم باش القاضي ديال المحكمه الابتدائية صيفط ليا الملف هداك النهار لسنترال ديال البوليس وهادي هي اصعب مرحلة غادي يصيفطوا ليك الملف ديالك عند البوليس وانتي خاص تمشي تسولي عليه هما في محكمه الأسرة غادي يعطيوك واحد الرقم هاد الرقم غادي تبقاي عاقله عليه حينت هو الي كتبقاي تسولي بيه على الملف ديالك المهم غادي تمشي تسولي في سنترال على
الملف ديالك الا لقيتيه عنهم غادي يقولها ليك وغادي يعملوا معاك تحقيق انتي و خطيبك واسئلة هي منين كتعرفيه وشنوا هي الطريقه الي تعارفتوا بيها واش بينكم اي علاقه جنسيه وانتوما خاصكم تكونوا متافقين على نفس الاجابه و من الاحسن انك تقولي ليهم انك عرفتيه عن طريق اي شخص من العائلة
المهم هنا الحبيبه عند البوليس ضروري تدوري الفلوس لانهم الا رفضوا ليك الملف ديالك مشكله هما غادي يلمحوا ليك انهم بغاو الفلوس وانتي تقولي ليهم انك مستعجله وباغيه الملف يخرج من عندهم بسرعه وهما غادي ياخدوا رقم الهاتف ديالك حاولي تدهني السير الحبيبه
المهم البوليس كيسفطوا نسخه من الملف للعمكله غادي تمشي للعمكله وتسولي على المكتب الي غادي تجيبي منه ظرف زواج مختلط غادي يسولوك على الرقم ديالك غادي تقوليه ليه وغادي يعطيك ظرف ما تفتحيهش تاخديه للقائد المقاطعة غادي تعطيه ليه غادي يقولك ديه لضابط الحاله المدنيه وتاخدي معاك نسخ من كل الأوراق الي جمعتي وجواز سفرك وجواز سفر ديالوا وبطاقه الوطنيه ديالك غادي تمشي عند ظابط الحاله المدنيه غادي يعمر ليك شي وريقات ويسولك انتي وخطيبك وغادي ياخد هاد الوريقات للقائد ثاني وغادي تدخلي عند القائد انتي وحدك وغادي يسولك فاش خدامه وكيفاش عرفتي هاد السيد بعض الأسئله عاديه وغادي تخرجي ويدخل خطيبك لوحده يسولوا المهم خاصكم تكونوا متافقين على نفس الأجوبة المهم القائد غادي يعطيكم ظرف مغلق ما غاديش تفتحوه غادي يقولك خوديه لمحكمه الابتدائية عند وكيل الملك غادي تمشي تعطيه ليهم خاص قبلها يكون الملف الثاني مشى من عند البوليس حتى هو لعند وكيل الملك حاولي تدوري مع البوليسي الي غادي ياخده للمحكمه ملي غادي يمشي الملف ديالك لمحكمه الابتدائيه عند وكيل الملك هما غادي يقولوا ليك امتى ترجعي وحتى تمى خاص تدهني مره اخرى باش يخرج ليك الملف في يومين غادي يعطيوك الموافقه ديال وكيل الملك وغادي تاخديها ثاني لمحكمة الأسرة عند نفس الراجل الي دفعتي عنده الملف في الأول وتدوري معاه حتى هو غادي يدي ليك الملف عند القاضي
وغادي يقولك امتى تطيحي العقد شوفي عدول من المحمكه غادي طيحي العقد ب 800 درهم ملي غادي طيحي العقد غادي تسناي 15 يوم حتى يخرج ليك العقد وغادي تاخديه للمحكمه الابتدائية عند نائب القاضي غادي توثقيه عنده من بعد تاخديه ثاني لوزارة الخارجيه في الرباط توثقيه وصافي تمشي تخباي شي 15 يوم يلاه ترتاحي من الجرى ديال الوراق |
|
