الموضوع الأصلي من منتدى لالة بثينة على الرابط التالي
http://www.lalaboutayna.com/t7680-topic#15842
صابلي البيضة حلوى اقتصادية وساهلة وتذوب في الفم ملائمة للمناسبات والافراح هذا شكلها
المقادير:
250غ  مركرين بحرارة المطبخ
60غ سكر كلاصي
100غ نشا ميزنا
بيضة+صفار بيضة
فاني
نصف معلقة  صغيرة خميرة مانكثروش حتى الحلوى تحافظ على شكلها
دقيق حسب الخليط
للحشوة :
انا استعملت كوك مطحون  وخلطته مع مربى المشمس و أضفت له
ملون اصفر حتى ياخذ لون مح البيضة.
ناباج

سكر  كلاصي  من النوع الجيد
ماء معدني
ماء الزهر
عصير ليمونة
كمية من النيسكافيه مذوبة في الماء
ملون برتقالي
بنسبة لي لم يكن متواجد دمجت ملون أحمر مع أصفر

نحتاج ايضا الى
ملمع فضي
ورق الطهي لصنع عش البيضة

الطريقة:

نحضر عجينة الصابلي
نخلط المركرين مع السكر بالخلاط ثم نضيف البيضة وصفار البيضة ونحرك ثم الخميرة والفاني والنشا ونجمع
بالدقيق
بلا مانعجن حتى نتحصل على عجينة متماسكة
ماتكون طرية ماتكون يابسة بين وبين
نشكل كويرات من العجينة بحجم 30غ ولي حابة حجم صغير تعمل 25غ
نحشيها بلقليل  من خليط الكوك نعاود نغلقها ونكورها
لتشكيل هذا الحلوى يلزمنا هذا النوع من لي مول راه متوفر في السوق ولي ما عندهاش ممكن تعوضه بعلبة بيضة شكولة كيندر
نحط داخله كيس بلاستيكي حتى يسهل نزع الحلوى بسهولة
أو حتى يمكن تشكل بواسطة قشر البيضة كما فعلت وموضح في الصور

نحط الكويرات المحشية داخل المول ونضغط عليها حتى تاخذ شكل البيضة

نحطها في الصينية
ندخلها للفرن تطيب على 180د

نخليها تبرد تماما من بعد نحضر ناباج

في اناء نضع السكركلاصي  يكون مغربل ونضيفلو ماء الزهر حتى نتحصل على عجينة نعجنها شوية باليد
نضيف عليها عصير ليمونة ونحرك باليد
نضيف شوية من الماء المعدني حتى نتوصل للقوام المناسب
بعدها نضيفلها كمية من النسكافيه المذابة في القليل من الماء و القليل من  الملون برتقالي حتى نتوصل للون المناسب للبيضة
في هذا النوع من الحلوى لي يذوب في الفم
من الاحسن ناخذ مشبك ونحط داخله  صينية
نحط حبات الحلوى فوق المشبك ونهزالنباج  بالملعقة ونحطها فوق الحلوى ونحرك المشبك حتى تهبط كمية الزائدةالنباج  طبعا نعاود نستعملها مرة اخرى

نترك الحلوى تنشف تماما من بعد نلمعها بالقليل من الملمع الفضي
حتى نزيد من جمالية الحلوى وتظهر وكانها بيضة حقيقية نعملها اعشاش
ناخذ ورق الطهي وو نمرره في آلة السباكيتي  

نحط الحلوى في ليكيسات ناخذ كمية من الورق لي حضرنا نلفه حول نفسه من بعد نحط تحت وفي جوانب البيضة ونقدمها بالصحة والهناء
نتمنى تعجبكم الحلوى وتجربوها
ولا تنسوني من صالح دعائكن

في امان الله






أدنى إستفسار أو تساؤل مرحبا بكم أنا في الخدمة