الموضوع الأصلي من  منتدى لالة بثينة على الرابط التالي http://www.lalaboutayna.com/t6646-topic#14552

السلام عليكم ورحمة الله

يسرني حبيباتي في الله أن أقدم لكم الجزء التالت لشهيوات هدى اليداري 
ذلك نظرا لما حضيت به الأجزاء السابقة من نجاح ساحق وردود مفرحة 
لكل من فاتته الأجزاء السابقة هذا تذكير بروابطها 
 الجز الأول 
http://www.lalaboutayna.com/t6080-topic
الجز الثاني  
http://www.lalaboutayna.com/t6420-topic
و كل من تريد الانضمام فأقول لها مرحبا بك
الدار دارك دخلي تعلمي وطبقي هذا هو الشرط.

مبروك عليكم البنات الجزء الثاني أكملن المشوار...

مسمن ديال الشحمة - هدى يداري
نعجنو عجينة المسمن منسمة بشوية عطرية الدجاج و نص م ص موطارد و ملح و ابزار و م ص زبدة و خمارة حلوى بلا خميرة العجين و نعجنو بالما بارد
ترتاح و نقطعوها خبيزات و نورقوها على شكل مسيمنات
ناخدو الشحمة دايبة 4 او 5 م ك ندير معاها بصلة أو 2 مشلظة و تشحر و نضيف ثوم غبرة + 3 خيزو محكوك رقيق جدا و يتشحر حتى يدبل + الربيع بزاااف + طحميرة + هريسة + ملح غير شوية + كامون و نخلط كولشي و نحطوه
ممكن اضافة الفلفلة في الخليط مع الخيزو مقطعة مربعات - اختياري
مللي يبرد نعمر بيه المسمن





بحلاوة - هدى اليداري
نص كيلو الفورص = 4 كاس عنبة او 2 زلافة ديال رابعة
فيه حفرة بعد ما نغربلوه + م ك حليب غبرة + نص كاس سنيدة + ياغورت كريمي فرماج بدون سكر + بيضة + نص كاس ما زهر + كاس زبدة مدابة + م ك كونفتير فريز او م ص الكليكوز + 2 م ك النشا + قبصة الملح
الزبدة كنخليها حتى الاخير لان بيها كنجمعو العجين ممكن نستعملوا غير كاس الا ربع ايلا تجمعات . ونجمعها بدون خميرة و بدون دليك و نخليها ترتاح وهي مغطية بالبلاستيك 10 دقايق و نقسموها على 6 و نخليها ترتاح بينما وجدت الحشوة
كيلو الا ربع الكاوكاو منقي ومحمر + رابعة اللوز مصلوق و منقي و مهروش رقيق بزاااف وسط بلاستيك + علبة فواكه معسلة صغيرة او قشرة حامض او ليمونة معسلة + نقطة روح اللوز او الفاني + 2 م ك ما زهر + 2 حبات مسكة حرة + نصف كيلو العسل + كاس حليب مركز محلى + كاس بودرة اللوز - كاس اللوز مطحون بالقشرة ديالو – م ك الكونفتير او م ص الكليكوز - نخلط كولشي
طريقة التعسال : نديرالقشور في الما و يتغلى 3 دقايق يتصفى و ندير ليه م ص زبدة و 2 م ك سنيدة في مقلة
ناخدو 3 شرائح من العجين و نورقوه مزيااان بالمدلك و نحط ورقة فوق ورقة نورقوه بالنشا - العجين كيولي بحال ورقة وحدة اقل من واحد سنتمتر
ناخد اللاطة مدهونة بزيت او زبدة نحط فوق منها العجين و نقادها في الوجه ديالها و ندير فوق منها الحشوة ومن بعد فوق منها العجين الاخر اللي متكون من 3 شرائح حتى هو . ندخلوها للفريكو مدة 10 دقايق و نخرجها و نطرسيوها مزيااان بالموس ماضي مربعات و في وسط كل مربع ندير فوق منو لوزة و ندخلها الفران طيب ما نخليوهاش حتى تحمر بزااف
غير تخرج من الفران تكون سخونة و نخوي عليها العسل سخون
طريقة تحضير العسل : نص كيلو العسل + مسكة حرة 1 + 2 ما زهر و نخليه حتى طلع الغلية و نسقي بيه و من بعد نقسموها مربعات كل وحدة على حدة




كوكيز بالزبيب و قطع شكلاط - هدى اليداري
نص كيلو الفورص + كا و نص من : الزبيب مجمد و مطحون + اللوز يتحمر بالقشرة و يتهروش رقيق + كركاع + الشوفان + فواكه معسلة و قطع شوكلاط كوكيز + التمر قطع صغيرة + بيضة + فاني + كاس سنيدة او كاس و نص حسب الحلاوة قبصة ملح + م ك كونفتير او م ص كليكوز + نص خمارة حلوى + كاس الا ربع زبدة مدوبة و نخلط + نص كاس او كاس حليب سائل باش نجمع الخليط
نديرو على شكل حرابل و نحطو في المجمد مدة 15 دقيقة و من بعد كنخرجو و نقطعو دوائر و ندخلو الفران

شكرا اختي على جميع هده الشهيوات

العصير بالباربا والجزر هدى اليادري
2 حبات باربا
2 حبات جزر
يتسلقو مع بقصة ملح ساشي فاني معلقة كبيرة السكر سنيدة بالنسبة االجزر والباربا
تم كنخليوهم يبردو
تم كنطحنوهم مع الماء اللي تسلقو فيه كناخدو غير كاس فقط كافي للطحين كنضيفو عليهم ياغورت كريمي يعني في التقلية الياغور على شكل الكريما كنزيدو كدلك نص لتر من الحليب و2 قطع من الفرماج المربع او المتلت + معلقة عسل او سنيدة تم كنعاودو نطحنو وكنحصلو على عصير بالصحة والراحة
للاطفال نظيفو الفريز





الرشبوند من طرف هدى اليادري حلوة
زلافة الزيت
زلافة ستيدة
2 خمترات
زلافة البيض
نص كاس ماء عنبة الليمون البرتقال
طحين حسب الخليط
قشرة الليمون
الكوك
كناخدو قصعة كنعملو فيه المقادير وكنعجنوها مزيان حتى كتولي عندنا عجينة لينة كنعملو منها
كويرا صغار بزاف منبسطوهمش وندخلوهم للفران
منين طيب الحلوة كناخدو الكونفتير 2 حكاك بالمشماش كنعملوهم في كاسرون كنضيفو ليهم نص كاس عصير الليمون او الماء الزهر يغلى لمدة 5 القايق تم كنبداو نغطسو فيهم الريشبوند وحد وحدة تم كنلاقيو زوج بزوج وندوزوهم في الكوك




LA MOUSSE BAVAROIS
8 صفر البيض
200 غرام سنيدة
كنزولو الزفورية البيض ب 2 ساشي سكر فاني او نكهة الفاني
كنضربو هدا المكونات مزيان ثم كنضيفو نص لتر حليب مغلي وكنخلطو مزيان تم كنعملو هدا المكونات في كاسرونة على عافية مهيلة مع التحراك بمعلقة خشب او الضراب اليدوي حتى كتعقاد غير شوية تم كنطفي العافية منين كتولي عندي كريمة اللي معاقداش بزاف
كناخد تلاتة من وريقات من الجيلاتين كنعملهم في زلافة مع معلقة كبيرة من الماء سخون يرطابو تم كنضيفهم على لاموس تم كنزيد
معلقة من الزبدة وكنحرك مزيان وهكا لاموس كتكون واجدة





طاغت كلاسي بالفشار او الكلية pop corn وكاين اللي يقدر يعمل الكورنفليكس
غنحتاجو اولا
125 الي هي الكلية او الفشار pop corn
250 شوكولا اسود مدوب في بان ماري
اول شي كنخلطو هد المكونات بزوج يعني الكلية والشوكولا مدوب وكناخدو مول البلاستيك وكندهنوه مزيان بهدا المكونات كلو وكندخلوه للتلاجة يبرد
باش نصيبو الطاغط غنحتاجو
4 البضات مفصولبين يعني البياض بوحدو والصفر بوحدو
400 غرام حليب مركز محلى
3 معالق قهوة سريعة الدويان في 2معالق ماء طايب
4 معالق من نسمة القهوة
40 سنتليتر من قشدة الطرية
200غرام مخلطة من الزبيب اللوزمقلي او محمر ومهروش الكركاع
100 من السكر كلاصي
20غرام سنيد
4 الريقات جلاتين
الطريقة
في البان ماري كنعملو زلافة فوق الكاسرون اللي فيه الماء السخون كنديرو فيه صفر البيض مع الحليب المركز المحلى والقهوة سريعة الدوبان ونسمة القهوة كنضربةهم مزيان
في انا اخر كنخدمو الكريم فريش مع 100 من السكر كلاصي ماشي فوق البان ماري
في اناء اخر فوق البان ماري كنخدمو بياض البيض مع 20غرام سنيد وكنضربو مزيان
في الاخير كنجمعو كل العناصر في اناء واحد وكنضيفو عليهم الزبيب اللوز والكركاع وكنخلطو تم كنزيدو عليهم
4 الريقات جلاتين اللي رطبناهم في الماء طايب وكنخلطو كلشي
كنخرجو المول اللي غلفناه بالشوكولاةالكلية من التلاجة وكنصبو فيه الخليط تم كندخلوه التلاجة الفريكو 6 الساعات
ممين تدوز الساعات ويبرد كناخدو كمية من الشوكولا كندبوها بطرية البان ماري كنصبوو فوق الكاطو نخليوه يبرد عاوتاني
منين نبغيو نقدمو الكاطو كلاسي ديالنا كناخدو فوطة كنفزكوها بالماء طايب ونغلفو بها المول من التحت باش يطلق شوية تم كناخدو طبق التقديم وكنقلبو فيه الكاطو باش يجي الفوق ديالو هو اللي مزوق بالشوكولا والبوب كورن او الكلية وبالصحة والراحة





اصوص البيضاء محايدة
علبة القشدة الطرية كنعملوها في الخلاط الكهربائي مع الملح الابزر الابيض 4 قطع فرملاج مربع
كندمجوهم مزبان تم كنضيفو شوية الفرماج محكوك وكنحطهم في كاسرون على النار عالية شوية نحرك بسرعة حتي كتعقاد وكنسمو باشما بغينا متلا ماء القلي ديال ستيك السمك او اللحم او الدجاج كنضيفوه على لاصوص ونخلطو زنحطوه على السيك
المدن اللي معندهمش قشدة طرية كنستعملو ياغورت بدون سكر ونخدموها بنفس المكونات





البانان الميبس كنقطعو الكمية اللي عندنا من البنان دواير كنرشوه بعصير الحامض تم كنشفو بتوب ام الى كانت الحرارة كيبسوه بالحرارة الطبيعية الشمس باش ينشف وكنقلو في الزيت سخو لكن فوق عافية مهيلة منين كيتقلى كنحطوه فوق الورق النشاف ونقدموهمنين يبرد

نيم بورقة الرز هدى الياداري
كتفزك الورقة في المار البارد الى بغيناهم معمرين وطايبين في الفران ام الى بغيناهم خضرين يعني الورقة مطيبش كنعملوهم اي الورقة في ماء طايب
2 حبات جرز
2 حبات القرعة
1لفت بيض
طريف ليشو
م ص ربيع
2 شريحات دجاج او بيبي
4 ضروس توم
علبة صوجا حبات معلبين
علبة من الفطر الاسود

ملح ابرز 2 م ك زبدة م ك عصير الحاض
م ك صلصة الصوج تقيلة طريف صغير من سكنجبير طري
الطريقة
الخضر كتحك جوليان اي طويلة كناخد الدجاج تقطع طويلة كنرقدهم في صلصلة الصوجا و التوابل والتومة مدة 1 ساعة تم كنعملوالشرائح في مقلة مع م ك زبدة كنشحرو مزيان على عافية مهيلة تم كنشحرو الخضر في مقلة اخرى مع م ك زبدة والربيع غير شوية اي منخليوش الخضر طيب تم كنضيفها على الدجاج او بيبي اللي شحرنا تم كنزيدو عليها اي الحشوة الشامنيو اللي كيتفزك فى ماء طايب والصوجا تغسل في الماء البارد كنشحرو الكل شوية الوقت منني تبرد كنعمرو الورقة بالحشوة و كنلصقو بالبيض وكندهوهم يالزيت وكنرشو عليهم شوية الجنجلان ابيض الى موجود وكندخلهم للفران


صبير القوق____هدا الطريقة تنفع باقي الخضر
القوق كيتنقى ويتحك بالحامض باش يبقي لونو بيض وميكحال كيف يمكن نعملو هاد الطريقة خمارة حمرة في الماء + عصيرحامض وقشورها ونحطو فيه القوق مدة 5 الدقايق
كناخدو كاسرون فيه ماء مغلي +عصير نص حامضة وكنحطو فيه القوق لمدة 2 دقايق على عافية متوسطة
منين كنطفيو البوطا كنهزوالقوق وكنقطرهم ونعملوهم في قراعي زاج معقمين اللي حطينا في القاع ديالهم عريشات من المعدوس ونسدو تم كناخدو طنجرة الضغط كنستفو فيها القراعي اللي عمرنا بالقوق وكنكبو عليهم الماء حتى يوصل النص وكنسدوالكوكوط 15 دقيقة كتصفر كنخليها كتبرد لمدة ساعة عاد كنحل الكوكوط وكنخرج القراعي الى غنحطوهم فوق البوطاجي وماغنحلهم ممكن نحتافضو بيهم لمدة ستة اشهر ام الى حليناهم كندخلوهم التلاجة ونحتافضو بيهم لمدة اسبوع فقط



الكلاص النوكة هدى اليادري
4 صفار البيض
نص لتر كريم
كاس حليب اوحليب محلى كرميل
100سكر سنيدة
150حتى 200 لوز مهروش
نص كاس ماء
علبية من بودرة الشانتي اي القشدة
صفر البيض+نكهة النوكة او كيس السكر فناني اولا كنضربو نص لتر من القشدة تم
كناخد كاسرونة كنعملو سنيدة +الماء مقدار اللي غيصيب لينا سيرو السكر
في زلافة كبيرة كنضربو صفار البيض كنضفو عليه نكهة النوكة او كيس فاني كنضربوهم مزيان تم كنضيفو عليهم السيرو ديال السكر شوية بشوية وهو سخون على البيض مع التضراب حتى كتولي عدنا كريمة تم كناخد الشانتي بودرة كنطلعوها مع كاس حليب بارد او كاس من الحليب المركز المحلى حتى كتولي عندنا قشدة او كريمة وكنخاطوها مع البيض اللي ضربناه والسيرو تم كنضيفو القشدة اللي ضربنا في الاول تم اللوز ونضربو مرة اخيرة وكناخدو المول السيليكون كنغلفوه بالبلاستيك الغدائي او ميكة قاسحة ديال المواد الغدائية بحيت كندهنو المول بالماء ونفرشو الميكة ونصبو الكريمة وندخلوها للفريكو 8 الساعات تم نخرجها ونقطعها قطع ونحطها في طبق التقديم مزينو بقطرات من الحليب المركز المحلى

لاجل رابعة ديال الروز او محيمصة او لسان الطير او الشعرية - هدى اليداري
بصلة كبيرة مشلظة + 2 ثوم + شوية زيت 4 م ك + نصف م ص السمن + طريفات الدجاج : الجنحين و العنق نديرهم في طنجرة يتقلاو على نار هادئة + ورقة سيدنا موسى + حبة جزر و كرعة مقطعة رقيق + ربع م ص سكينجبير + شوية ابزار + ربع م ص عطرية الدجاج + نصف م ص خليط زعفران + ملح + الربيع مقدار 2 م ك + ربع كاس الماء العنبة و نخليه يتقلى 10 دقايق مع التحراك
+ 2 كاس كبير الما او نص ايطرو و نغطي الطنجرة و نخليها طيب 10 دقايق
في كاصرونة اخرى نوضع رابعة لي باط و نشحرهم في الزيت و شوية الملح 5 دقايق على نار مهيلة + ونضيفهم من بعد على الطنجرة الاولى و نخليهم 15 دقيقة على نار مهيلة .

لاجل رابعة ديال الروز او محيمصة او لسان الطير او الشعرية - هدى اليداري - ايلا كانوا بالحليب
مللي يغلى الما + لي باط في طنجرة + م ص زبدة + عود القرفة + م ص ما زهر + الملح + نصف فاني + 2 م ك الحليب غبرة + حبة مسكة حرة مدقوقة ونخليه يطيب + كاس كبير ديال الما غير يبدا المرق ينشف نضيف نص ايطرو الحليب + 3 او 4 م ك السكر

ايلا كانو بمطيشة
3حبات مطيشة يتحكو بالزريعة + 3 م ك زيت زيتون و يتشحروا مع 2 ثوم + ربع م ص عطرية اللحم + 2 م ك الربيع + م ص طحميرة + ربع م ص الهريسة + ربع م ص الكامون + الملح +شوية ابزار - ممكن اضافة الكفتة او طريفات دجاج او اللحم - و تقلى مزيااااان حتى تولي الشرمولة مشحرة + م ك مطيشة الحك مخففة بشوية الماء بارد و تشحر شوية + 2 كاس كبير الما حتى يغلى و نضيف لي باط على نار مهيلة دائما و نخليه 20 دقيقة حتى يطيبو




صلطة مفاجأة ديال البطاطا محشوة بالخضر - هدى اليدار ي
كيلو بطاطا بيضاء مصلوقة مع الما و الملح و نمعسها مع الفرماج مثلث القدر اللي بغينا
ناخد مول خاوي من الوسط وندهنو من لداخل بالزيت و نحط في وسط منو نصف كمية البطاطا في الوسط و نطلعا في الجواني نديرها بحال شكل ديال المول وندير يدي في الما مرة مرة ايلا تلصقات لي
من بعد ندير طريفات البيبي مشحرين مع الملح و الزبدة و الزعتر او عطرية الباربكيو او ممكن نديرو الكفتة او الكروفيط
+ بيضة مصلوقة محكوكة
طبقة من خيزو مصلوق نص صلقة و محكوك طويل معاه شوية الزيت و الملح و الابزار + الدرة من الفوق + طبقة من المايونيز + الطون من الفوق + الخص شرائح طويلة + طبقة من الخيزو مرة اخرى و في الاخير نغطيو المول بطبقة من البطاطا اللي بقات
كناخدو البطاطا اللي بقات و نديروها ما بين 2 ساشي و نطلقة بالمدلك و نغطيو بيها المول وندخلها للثلاجة نص ساعة او اكثر حتى تبرد مزياان
مللي تخرد نغطيها كااملة بالمايونيز حتى من الجناب
ونزين من الفوق بدوائر الخيار من الجوانب ثم دوائر مطيشة ثم الدرة في الوسط
وفي الجوانب ديال الطبسيل ندير الخص مقطع شرائح و نرش عليه الدرة و نقطع بيضة مصلوقة على 4 و نفرقها على جوانب الطبسيل و نرش البافو فوق من البيض و الدرة و نقدر نخلط الخص بشرائح الشاركيتري



نخليه يبرد ونضيف عليه الطون او قطع الدجاج او بيبي او الكروفيط او الكفتة + الدرة + الربيع + نص فلفلة حمراء و خضراء + جلبانة + 2 فرماج + مايونيز + كاشير + ونصاوبو وسط الطبسيل على شكل دائرة
وكندهن الدائرة كلها بالمايونيز
اللوبيا مرقدة ومصلوقة مع ورقة سيدنا موسى + 1 ثوم + وملح
العدس مرقد ومصلوق مع ورقة سيدنا موسى + 1 ثوم + وملح
نشرمل كل واحد بوحدو بزيت العود + 2 ثوم + الربيع + ملح + ابزار + عطرية اللحم + عصير نص حامضة ويتشحر مزيااان حتى تشرب الشرمولة
العدس يتشرمل ببصلة مشلظة رقيقة + 1 ثوم + زيت عود يتشحرو مزيان ونضيف الربيع + ربع حامضة مرقدة + ملح و ابزار + نص م ص كامون
رابعة الشفلور نبخر واو نصلقو مع شوية الكامون باش تحيد الريحة وملح
ناخدو ونشرملو مع الربيع وزيا العود وكامون وقزبر يابس و م ك عصير حامض وزيت العود + 1 ثوم وملح
خيزو رابعة مشرمل كدلك من بعد ما يتصلق بالملح وورقة موسى
ونشرملو بزيت عود + 1 ثوم + الربيع + كامون + قزبر يابس + عطرية اللحم + هبرة ربع حامض مرقد وملح



كرتان بطاطا و الدنجال - هدى اليداري

3 بطاطا + 2 دنجال
الدنجال دوائر مهون بالزيت و الملح و ندخلوه الفران حتى يتحمر
دوائر بطاطا نصلقها نص صلقة غير طلع فيها الغلية و نطفي البوطة ونخليها في الما ونصفيها
ناخد المول مدهون بالزبدة ونحط دوائر بطاطا + دوائر الدنجال + الصلصة
الصلصة : بصلة مشلظة رقيق + 3 ثوم و مشحرة مع الزيت حتى دبل + الكفتة مشرملة مسبقا ونشحر + الربيع + الملح و ابزار و شوية كوزة ونشحر شوية و نطفي البوطة + 3 فرماج مثلث او ياغورت بدون سكر
ندير طبقة بطاطا + شرمولة + دنجال + شرمولة + بطاطا وهكدا .....اخر طبقة تكون بالنجال و الفرماج احمر او بهاد الخليط : بيضة مطربة + راس م ص طحميرة + الربيع + ملح + ابزار + ثوم غبرة + فرماج احمر
وندخلوا الفران طيب من لتحت عاد من الفوق



العدس - هدى اليداري
رابعة العدس مرقد 4 سوايع او اكثر
في طنجرة بصلة كبيرة محكوكة + 1 ثوم + زيت العود 4 م ك ونشحروها + 2 خيزو محكوك + طريف كرعة حمرا محكوك رقيق + مطيشة كبيرة محكوكة بالزريعة و تقلى مزيااان + نص م ص سكينجبير + راس م ص ابزار + خرقوم بلدي نص م ص + نص م ص عطرية اللحم + الربيع ونغطيها ونخليها تقلى 10 دقايق + ايلا بغينا زدنا القديد يترقد في الما طايب ساعة تقريبا او اقل ونضيفو مللي نضيف الخيزو وما نديرش الملح نهائيا ومن بعد ما يتشحر + الماء بارد ايطرو + العدس –
الملح نضيفو حتى الاخير من بعد ما نطفيو البوطة مع نص م ص الكامون و زيت العود





قطبان البيبي - هدى اليداري
نحك بصلة صغيرة على رابعة القطبان + ورقة نعناع + الربيع + ازير راس م ص + الملح و ابزار + م ص عصير الحامض + م ك زيت عادي + ربع م ص شوية سكينجبير + شوية خليط بيتزا او زعتر محكوك و نخليهم مرقدين


الرفيسة العمياء – هدى اليداري
بصلة كبيرة مشفرة + 2 مطيشة مقطعة على 4 بالزريعة ونغطي البرمة ونخليها تشحر مع الزيت و القديد او اللحم او غير بوحدهم
مللي تشحر + م ص سكينجبير + نص م ص ابزار + ملح + خرقوم بلدي + نص م ص عطرية اللحم + نص كاس الما + ونخليها تقلى 10 دقايق + الربيع مقبط + خيزو مقسوم على 2 + لفتة واحدة + طريف ليشو + زلافة صغيرة العدس مرقد ونغطيه ونخليه يطيب و مللي يطيب + 2 مطيشة محكوكة بالزريعة + كرعة حمرا او خضرا + مزاود الحار + زيت العود + الملح حسب الدوق
ونسقي بيه الخبز مقطع من بعد ما يتبخر : غير طلع فيه التبخيرة و نحيدو



همبرجر كفتة - هدى اليداري
رابعة الكفتة + نص م ص زبدة + ملح + ابزار + شوية فرماج محكوك
تعجن و دار خبيزات ودخل المجمد ودار في الفران او مقلة طيفال مع م ص زيت طيب على جهتين
في خبز مدهون بالكيتشوب + الكفتة + مربع فرماج + مايونيز + الخص + الطماطم
الفريت باش يجي مقرمش : ناخدو نص كيلو بطاطا مقطعة ونديروها في ماء غير اللي يغطيها فيه م ك خل ابيض نخليه ربع ساعة او ثلث
نصفيها و ما نغسلوهاش و نشفوها في الصفاية و نمسحوها من الماء ونقليها نص قلية 2 دقايق او 3 في زيت ساخن و نخليها تبرد ومن بعد ندخلها المجمد
اما ايلا كنا بغينا ديك الساعة نقليوها نص قلية ونخليها تبرد شوية و نعاود نقليها .



كيكة بالشكلاط مسقية - هدى اليداري
كاس عنبة ماء + 150 غ زبدة + 2 م ك بودرة الكاكاو + نص كاس كريم فريش او ياغورت بدون سكر نخلطهم مع فاني يغلى شوية ويدوب
نخليه يبرد شوية ونحيد منو كاس
4 بيض + قطرة خل + كاس ما عامرش سنيدة ونطرب مزيان + الخليط الاول + 5 شكلاط مدوب في حمام مريم ونطرب + دقيق رابعة او 2 كاس ونص عنبة + م ك مايزينا او 2 م ك فورص ونخلط + 3 خمارات مع الدقيق و نخلط ونديرو في المول وندخلو الفران
مللي تخرج وتكون باقة سخونة نسقيها بالكاس اللي نقصنا ونخليها في المول شي ساعة وندخلها الثلاجة اوبلاش اللي بيغنا ومللي تخرج نحك عليها الشكلاط من الفوق



البايلا - هدى اليداري
بصلة محكوكة في طنجرة مع زيت مخلط + 2 ثوم محكوك + ورقة موسى وتشحر + فلفلة مقطعة مربعات + مطيشة محكوكة بالزريعة تشحر شوية و نضيف الملح + م ص مطيشة الحك + صد دجاج او بيبي رابعة مقطعة كبير ويتشح رمزيان + م ص عطرية الحوت + ربع م ص طحميرة + ربع م ص ابزار + راس م ص كامون و تشحر + خرقوم بلدي نص م ص وتشحر الدجاج مزيان مع ربع كاس صغير الماء + مطيشة كبيرة محكوكة ونقص البوطة ونخليها تشحر حتى تعلك
+ الروز نص كيلو مرقد ساعة ومصفي ونشحرو حتى يشرب العطرية حتى يولي لونه احمر
ناخد ماء قشور الكروفيت اللي تصلق في 2 زلايف ونضيف منو زلافة على الروز في جوانب الطنجرة
ونخليه يطيب هو وقطع الدجاج ومللي يقرب يطيب + الكلمار ونخليه يطيب
ناخد مقلاة التقديم او مول الزجاج كبير مدهون ب 2 م ك زيت عود وندير فوق منها الروز + قطع الدجاج من الفوق + الكروفيط بالقشرة من الفوق + الفلفلة مقطعة دوائر رقاق و مشحرة في م ك الزيت + دوائر الحامض + ونزوق بيهم ونغطيها وندخلهم الفران + مغرفة من ماء الكروفيط و ندخلو الفران







النوكا - هدى اليداري
300 غ سنيدة + 200 غ العسل + 2 م ك الكليكوز + زلافة اللوز مصلوق ومنقي ومحمر + 3 ابيض بيض + 2 ورق جيلاتين + ماء زهر 5 م ك
السيرو : في كاصرونة نديرو السكر وماء زهر ونحرك بملعقة عود حتى يولي اللون بني

في كاصرونة اخرى ندير العسل حتى يسخن + السيرو الاول + جيلاتين مرقدة في ماء بارد ومعصورة ونضيفها
ناخد ابيض البيض مع قبصة ملح ونطلعوه بحال الثلج ونديرو فوق حمام مريم مع التطراب و نبدا نضيف الخليط اللي صاوبنا ديال العسل و السيرو ونخليه حتى يقبط مزياان + اللوز ونطفي البوطة ونديرها فوق لاطة فيها ورق الطهي ونسرحها ونخليها تبرد ونقطعها




الحوت معمر - هدى اليداري
القرب او الشاغر واو ميلو يتنقى و يتحل من الظهر و يتخوى و يتحيد ليه الشوكة
الحشوة : بصلة محكوكة +2 ثوم مشحرين في شوية الزيت + ورقة سيدنا موسى + 2 خيزو محكوك طولي + 2 قرعة محكوكة طولي + الكرعة حمرا طريف او اللفت او اللوبيا خضرا مقطعة رقيق او اللي كاين + الزعتر نحكوه بين اليد + راس م ص ازير+ ملح + ابزار + نص م ص موطارد + م ص عصير الحامض + الربيع + الفرميسال او الروز او النجيمات مشحرين في الزيت و طايبين في الما بوحدهم + عطرية الحوت + هريسة + م ص كيتشوب و يتشحر حتى ينشف و مللي يبرد نعمر بيه الحوت من بعد ما ندهنوها بالثوم غبرة و الملح و الزعتر و م ص عصير الحامض
ونسدها بعود اسنان او نخيطها ونديرها فوق ورق الطهي او فوق لاطة مدهونة وفيها بصلة دوائر و ندهن الحوتة من الفوق بزيت العود و الملح و ثوم غبرة و الزعتر ودخل الفران
مللي تكون طيب ندير بصلة في كوكوط محكوكة مع زيت العود + 1 ثوم + ورقة سيدنا موسى + زعتر محكوك + مللي تقلى البصلة + مطيشة محكوكة بالزريعة + و نشحر حتى تنشف + نص م ص طحميرة + نص مص سكينجبير و ابزار و عطرية الحوت و الربيع و رابعة الروز اصفر نغسلو و نشحرو شوية + 2 زلايف الماء ونخليه يطيب
الصلصة المرافقة : الكريم فريش او 2 ياغورت بدون سكر + ملح و ابزار + ازير+ نص م ص مايزينا + طرف زبدة + زعتر + الربيع مقطع +ثوم غبرة وورقة نعناع او الحبق احسن اة عطرية البيتزا و نخليه يتقال نطفي البوطة + 2 فرماج مثلث + فرماج احمر + 2 م ك مايونيز





صلطة مرافقة للقطبان – هدى اليداري
ليشو + خيزو خضرين
اللوبيا + شوفلور + خيار + خص + بصلة
نديرهم في طنجرة مع القيل من الماء و طريف زبدة و ملح و طيب حتى تنشف في الما ديالها
نفرش الخص و نحط فوق منو الخضر
ونرش بلاصوص
في قرعة صغيرة ندير شوية زيت العود + ملح + ابزار + زعتر + راس م ص ازير + ورقة نعناع + الربيع مقطع + نص مص موطارد + م ك عصير الحامض و نخلط مزياااان و نرش بيه





الدجاج بالشعرية العادية - هدى اليداري

ناخدو نص دجاجة الدجاج ونشرملوه بنص م ص السمن + الربيع + ربع م ص سكينجبير + 2 م ك زيت العود + نص م ص عطرية الدجاج او شوية بسيبيسة و قعقلة و حبة الهيل + 2 ثوم + ملح + زعفران حر + ربع م ص خرقوم بلدي + راس م ص ابزار ونشرملوه
بصلة كبيرة محكوكة في طنجرة و تشحر مزيااان مع شوية الزيت + الدجاج مشرمل و يتشحر مزيااان + كاس كبير او 2 الماء ونخليه يطيب
الشعرية العادية ندهنها بالزيت و الملح ونبخرها ونغطيها ببلاستيك ابيض و نغطيها تقريبا 10 دقايق
الدجاج مللي يطيب ندهنو بالزبدة و عطرية الدجاج و ندخلو الفران
و ناخدو المرق اللي بقى + الشعرية و نغطي الطنجرة ونخليها طيب على خاطرها على نار مهيلة حتى تنشف و ندير فوق منها الدجاج .








الهريسة حمراء او خضراء - هدى اليداري
ناخدو الحارة الصغيرة نص كيلو الحمرا او الخضرا نديروها تبخر مع الثومة 2 ضروس ومع فلفة حلوة و نحيد للفلفلة الحلوة القشرة و الزريعة و بالنسبة للحارة نحيد القشرة ايلا قدرت و الراس
ونديرها تطحن في 1-2-*3 او في ماكينة اليد
نديرها في مقلة + زيت العود نص كاس + م ك عصير الحامض + الملح + م ك طحميرة + ربع م ص كامون ونخلط ونخليها على النار 10 دقايق نار مهيلة وانا كنقللب مرة مرة حتى تحمر مزيااااااان
ايلا ما بغيتهاش تكون حارة بزاف ندير 2 او 4 فلفلة حلوة
مللي توقف و تبقى غير الزيت نديرها في قرعة و نغطي وجهها بالزيت





كيكة باللبن - هدى اليداري
ناخدو مول طويل او مول متوسط ما كبيرش
3 بيض + كاس سنيدة + 2 قطرات الخل + م ك الماء + قبصة ملح و نطرب مزيان + كاس الا ربع اللبن + نص كاس زيت ونطرب مزياان + 2 كاس عنبة الدقيق مع 2 خمارات + 2 م ك مايزينا + م ك بودرة اللوز او 2 م ك الكوك احسن + 1 فلون ونطرب مزيان ونخوي في المول و ندخلها للفران
مللي تخرج ندهنها بالناباج + الكوك








مسمن عامر بالتفاح - هدى اليداري
نص كيلو فورص + نص رابعة الفينو نديرو حفرة فيها ملح + م ك سنيدة + م ك حليب بودرة + م ك زبدة + قطرة الخل + 2 خمارات و تعجن بماء بارد + روح النوكا ايلا كاينة ونعجنها ونخليها ترتاح ندهنها بالزيت ومغطية بالبلاستيك
ناخد التفاح نقطعو 3 او 4 مربعات صغار في مقلة + نص م ص عصير الحامض + م ك الزبدة ونشحر مزياان حتى يدبل + 2 م ك بودرة اللوز + 2 م ك سكر او م ص عسل ونخلي السكر يدوب شوية ونخليه يبرد
ناخد المسمن يتقطع دوائر صغار و نغطيها بالميكة دائما
ناخد خبيزة و نورق وما نورقش بزاف وناخد م ك من الحشوة ديال التفاح نديرها الوسط ونطوي المرة الاولى وندير م ك اخرى و نطوي المرة الثانية وندهن في الاخير المسمنة ببيضة مطربة مع شوية سنيدة و قطرة خل
ناخد تفاحة نقيها نحكها في حكاكة غليظة + سنيدة م ص ونص م ص عصير الحامض ونرشها على المسمن من الفوق
وتدخل الفران





كيكة بالكاوكاو و الكركاع - هدى اليداري
4 بيضات + كاس الا ربع زبدة مدابة + م ك كونفتير + كاس سنيدة + 3 خمارة + ربع م ص الخل + ياغورت بدون سكر كريمي + كاس صغير كريم فريش + 3 كاس عنبة دقيق + م ك بودرة الكاكاو او م ك المايزينا + 2 م ك الما + م ك كونفتير او م ص كليكوز + نص كاس مخلط بين الكاوكاو و الكركاع مهرمش
البيض مع سنيدة و الخل و قبصة ملح و يتطرب + الزبدة + ياغورت كريمي تطرب + الكاوكاو و الكركاع و نغربل الدقيق مع الكاكاو و الخميرة و باقي العناصر اللي بقات ونديرها في مول ودخل الفران





فيلي ديال السردين - هدى اليداري
كيلو السردين منقي بلا شوك وبلا جناب ونرشو بالملح و الزعتر و م ك عصير الحامض و نخليه شوية بينما وجدت الحشوة
الحشوة : 2 حبات الخيزو + 2 قرعة + شوية شومبينيون اسود او زيتون دوائر
+ الزيت + 1 ثوم محكوك و يتشحر مزياان حتى يدبل + نص م ص عطرية الحوت + ملح + ابزار + قزبر يابس ونطفي البوطة
ناخد م ك الحشوة و نديرها في راس السردينة و نلويها
الصلصة : نحك 3 مطيشة كبيرة + ورقة سيدنا موسى + زيت العود + 1 ثوم وتشحر 2 دقايق حتى تعقاد شوية + 2 م ك الربيع + شوية عطرية الحوت + قزبر يابس + ملح + الهريسة + طحميرية و م ص مطيشة الحك مخففة و نديها و نجيبها شوية
نوضعوها في المول وفوق منها السردين و ندخلها الفران وممكن نضيف 2 م ك من لاصوص نديرو الفوق و الفلفة كدلك و الحامض دوائر
في زلافة : 2 م ك زيت العود + الربيع + ملح + عصير نص حامضة و نسقي كولشي ويدخل الفران

الكبسة - هدى اليداري
دجاجة مقطعة
بصلة محكوكة في حكاكة غليظة وتشحر مع شوية زيت عادي و طرف زبدة صغير + ملح + 2 ثوم وتشحر مزياان + الدجاج + عطرية الكبسة م ك وتشح رمزيان + الربيع مقبط + م ص سكينجبير + نص م ص ابزار + 1 قرفة + خرقوم بلدي + زعفران حر و يتشحر حتى ياخد اللون المحمر + الماء نص ايطرو ونخليه يطيب
ناخد نص كيلو الروز كلاصي ويترقد ساعتين في الما ونشحرو في شوية الزبدة و الملح
نحيد الدجاج من المرق و نضيف الروز على المرق + نص ايطرو الماء + شوية زعفران حر + ربع م ص عطرية الكبسة ونغطيه ومللي تطلع الغلية نقص البوطة ونخليه يطيب
ناخد الدجاج ندهنوا بالزبدة وندخلوا الفران
في التقديم نحط الروز فوق منو الدجاج و اللوز محمر
اختياريا : ناخد البصل دوائر محلولة ونفندها في الطحين و الملح و الابزار و نقليها في حمام زيت ونحطها من الفوق


الكعك ديال اسفي - هدى اليداري
نص كيلو الفورص + م ص النافع بلدي حبيبات + م ك الزنجلان + ربع م ص النافع مطحون + نص كاس زبدة + نص كاس زيت + خمارة + كاس سنيدة + ربع م ص الملح
+ بيضة كاملة و نجمعوا بالما بارد و نديروه على شكل حرابل و نديروه على شكل دوائر وندهنوا بالحليب وندخلوه الفران



كيكة بالكريم شانتيي و الشكلاط - هدى اليداري
ناخد 5 بيضات + كاس زبدة مدوبة + كاس سنيدة + قبصة ملح + قطرة خل و يتطرب + فاني او روح النوازيط احسن + 2 كاس و نص فورص + نص كاس بودرة الكاكاو + 2 خمارات ونطرب مزيااان ونحرك كتجي شوية تقيلة
ونديرها في مول مربع او داير وندهنوه ويدخل الفران
مللي تخرج نخليها تبرد ونقسمو من الوسط بالخيط من بعد ما نفلحوه في الجوانب بالموس
نسقيها
الحليب كاس بارد + م ص قهوة سريعة دوبان + م ك سنيدة ونسقي الكيك اللي لتحت غير شوية تقريبا النص ديال الكاس
ناخد الكريم شونتيي بودرة + م ك بودرة الكاكاو ونطلعها مع الحليب
ندير النص ديالها في الوسط وندير فوق منها النصف الثاني ديال الكيك ونسقيه بالنص كاس اللي بقى ونغطيع بالكريم شونتيي ونحك فوق منها الشكلاط او اللوز مهروش او ايفيلي او كاوكاو اللي بغينا





طارط بالفواكه - هدى اليداري
رابعة الفورص + بيضة + 2 م ك زبدة + قبصة ملح + 2 م ك سنيدة + م ك بودرة اللوز + ربع خمارة + قطرة الخل و نجمعها بالما براد م ك او 2 م ك ونديرها في ميكة وندخلها للثلاجة من بعد ما ترتاح نطلقها بين 2 ميكات و نديرها في مولات صغار ونتقبها وندخلها طيب غير من لتحت تقريبا 15 دقيقة ونخلي لونها ابيض ومن الفوق غير شوية 3 دقايق
ناخدو بودرة الكريم باتسيير ونصاوبوه مع الحليب و السكر ومن بعد ما يبرد شوية نضيف ليه الفرماج و ياغورت كريمي ونعمر بيه لي طارط
الفواكه ونرشوها بالحامض وندهنوها بالناباج ونديروها فوق لي طارط وندخلوها الثلاجة





عطرية الشوارما - هدى اليداري

ربع معلقة صغيرة قرنفل مطحون
معلقة كبيرة سكنجبير
نص معلقة صغيرة إبزار
كوزة محكوكة
نخلطوا كلشي ونعملوهم في قرعة ، نستعملوا نصف معلقة في رابعة اللحم أو دجاج




عطرية الحوت - هدى اليداري

م ك ثوم غبرة + م ص قزبر يابس ومطحون + الربيع يابس + م ص زعتر مطحون + راس م ص ازير + م ص كامون + م ص ملح صيني + م ص طحميرة
نخلط كولشي و نبدا نستعملوا



عجينة السكر - هدى اليداري
رابعة سكر كلاصي + م ص الكليكوز + م ص عصير الحامض + الملون اللي بغيت او نخليها بيضاء بملون ابيض ونعجنها مزيااان حتى تجمع ونديروها في ميكة ونطلقها بين 2 ميكات او بين 2 ورق الطهي و نرشها قبل ما نطلقها بالمايزينا





طاجين الخضر بدون ملح ولا لحم - هدى اليداري
بصلة محكوكة + 1 ثوم + الزيت من بعد ما تشحر + مطيشة محكوكة + الربيع +عطرية اللحم + سكينجبير + ابزار + خرقوم بلدي + 2 م ك عصير الحامض ونخليه تشحر مزيااان
الخضر أي نوع منها تشحر مدة 10 دقايق مع الخليط الاول كاس عنبة الماء في الجوانب ايلا كان طاجين وكاس كبير ايلا كانت طنجرة او كوكوط
مللي يغلى الطاجين ندير فوق منو بصلة دوائر تكون مشحرة مع م ك الزيت و عطرية اللحم
زلافة فيها الربيع مقطع + م ك زيت العود + شوية ابزار و عطرية اللحم و نسقي من الفوق و نغطيه و نخليه يطيب على نار مهيلة
مللي يطيب نطفي البوطة ونعصر حامضة صغيرة من الفوق و نخليه يرتاح شوية



السردين معلب - هدى اليداري
كيلو ونص منقي من الشوك مغسول ومسقطر
نديروه مع م ك مطيشة الحك مرخوفة في نص كاس الما + ورقة موسى + ملح + كاس زيت + م ص عصير الحامض و نسد الكوكوط مللي تصفر نقصها على مهل ونخليها 10 دقايق
ونحلها غادي نلقى مطيشة خااترة
ونديروه في علب او قراعي في الثلاجة







طريقة تحضر مربى السفرجل ــ هدى اليداري
المقادير
غدي ناخدو كيلوديال السفرجل غدي نقيوه + نقطعوه مربعات أونديروه فالطنجرة + غدي نضيفو ليه كيلو إلا ربع ديال سنيدة + غادي نضيفو ليه 2 معالق كبار ديال عصير الحامض + ثم نضيف عليه نصف كأس ديال الماء ديال العنبة + غدي نخليه مدة ديال ربع ساعة كيترقد حتى كتذوب ديك سنيدة عليه ثم نديروه على النار أو كنخليه + من بعد مايطيب غدي نطحنوه فالمكينة ديال مطيشة ديال اليد + بعد مطحناه نرجعو على النار واحد 5 دقايق غير طلع فيه الغلية أو نحط إبرد .

المعقودة - هدى اليداري
ص كيلو البطاطا مصلوقة و مطحونة في الطحانة اليدوية + 2 بيضات + 2 ثوم + شوية الربيع مقطع + ملح + ابزار + شوية الهريسة + ممكن اضافة ملون + ساشي خميرة الحلوة النصف ديالها + ممكن تنسيمها بالزعتر او ازير او قشور الكروفيط و نجمعها على شكل خبيزات و دوز في الطحين و تقلى او دوز في بيضة مطربة ثم الطحين ثم الزيت






البصطيلة ديال الدجاج معسلة
2 دجاج مقطع و مسقطر قبل بليلة او 4 ساعات و نضيف ليه نص كاس عنبة الماء + م ص زبدة + م ص السمن + 1 ثوم + عود القرفة + م ص سكينجبير + راس م ص ابزار + م ك عطرية الدجاج + ملح + 2 م ك سنيدة + شوية زعفران حر + م ص الربيع مدقوق و نشرمل وندهن الدجاج ونخليه مرقد ساعة
نديرو في طنجرة و نشحرو على الجهتين 10 دقايق حتى يولي اللون ديالو بني
ونقص البوطة + نص م ص القرفة ونخليه يتعلك
ونضيف كاس زيت عادي + 4 او 5 بصلات مشلظين رقاق و مشحرة مع شوية الما
+ خليط الزعفران م ص و ونشحرها شوية مع الدجاج واحد 2 دقايق ونضيف 2 كاس عنبة الما ونغطي الطنجرة ونخليها طيب على نار متوسطة
مللي يطيب نحيد الدجاج ونخلي المرق ينشف
نحيد العظام للدجاج ونرجعوا للمرق يكون بقى فيه غير الزيت ونديه و نجيبو شوية + 2 م ك سنيدة كلاصي + 2 مسكة حرة
ونسقطر المرق و الدجاج من الزيت
ناخد اللوز رابعة + التمر و الكركاع و المشماش و البرقوق تقريبا في كولشي نص كيلو او كيلو اللي بيغتو
نقطعهم واللوز يكون مصلوق ومحمر و مهروش + الكركاع نضيفو حتى الاخير
ونديهم ونجيبهم في مقلة مع م ص الزبدة + م ك ما زهر + 2 مسكة حرة ونديها ونجيبها وناخد 3 او 4 م ك من زيت الدجاج مصفى و نضيفها ونخليهم يدبلو ومن بعد نضيف اللوز و الكركاع + 2 م ك العسل ونخلطهم ونعمر البصطيلة







مسمن بطريقة جديدة ببودرة اللوز وسكر كلاصي و فاني  - هدى اليداري


زلافة الفينو + زلافة الفورص + م ص الزبدة + 1 فاني + ملح + م ص سنيدة + خمارة الحلوى + ماء بارد للعدجين ونعجنها وتكون خفيفة ونخليه يرتاح 5 دقايق
نديرو كويرات صغار
زلافة فيها : نص رابعة الزبدة مرخوفة مع زلافة الزيت
زلافة فيها : زلافة صغيرة بودرة اللوز + نص زلافة سكر كلاصي + نص فاني
نورق المسمن وناخد شوية الزبدة و الزيت ومن بعد شوية الخليط الثاني ونطويها وما بين الطويات ندهن بالخليطين غير شوية








الكرص بحال ديال السوق - هدى اليداري
نص كيلو الفورص + 2 خمارات و ندير حفرة فيها قبصة ملح + كاس سنيدة + بيضة + نص كاس زبدة مدوبة + شوية نافع و زنجلان + م ص خميرة الخبز مدوبة في نص كاس حليب + فاني ونجمعها بماء بارد ونخليها 10 دقايق ترتاح ونقطعها كويرات
نحط الكويرات في الاطة وندهنها بنص كاس الحليب من الوجه ونخليهم يخمروا ومن بعد ما يخمروا ندهنهم ببيضة مطربة مع شوية السكر و نقطة خل ونرشهم بالزنجلان
وندخلهم الفران






الرفيسة بالدجاج البلدي - هدى اليداري

نصاوبو المسمن ديال الرفيسة ... اما المرق فهو كالتالي :

ناخذوا دجاجة بلدية تغسل مزيان وترقد في شوي الماء + بصلة محكوكة + سكنجبير ثم تغسل وتقطر
في طنجرة + نحكوا بصلة صغيرة + عود قرفة + 2 عظومة الثمر + م ص سكنجبير + م ص امروزية + ملح + ربع م ص بزار + 2 م ك زيت العود + خليط الزعفران الحر و البلدي + ربع كاس ماء ترقد ساعة في الثلاجة
من يتقلى مزيان في العطرية مزيان + بصلة كبيرة شنانف + م ص السمن الحار + نص كاس زيت بلدية + 2 ضروس ثومة + تشحر + م ك سكنجبير + م ص إبزار + ملح + الزعفران الحر + الماء الكافي
ناخذوا شوي العدس في كسرولة + بصلة محكوكة + شوي سكنجبير + شوي خرقوم + إبزار + 2 م ك زيت العود + ملح + الماء + مغرفة من مرق الدجاج ويطهى حتى ينشف
كنعملوا نفس الشيئ للحلبة
مللي الدجاج يدخلوا الطياب كنزيدوا 2 بصلات كبار شنانف وتترك تطيب حتى يتلبى المرق ويسقى به التريد
ممكن نزوقوها بالفواكه الجافة والبيض بالنسبة لي كنفضلها بدون فواكه جافة







مربى السفرجل - هدى اليداري

غدي ناخدو كيلوديال السفرجل غدي نقيوه + نقطعوه مربعات أونديروه فالطنجرة + غدي نضيفو ليه كيلو إلا ربع ديال سنيدة + غادي نضيفو ليه 2 معالق كبار ديال عصير الحامض + ثم نضيف عليه نصف كأس ديال الماء ديال العنبة + غدي نخليه مدة ديال ربع ساعة كيترقد حتى كتذوب ديك سنيدة عليه ثم نديروه على النار أو كنخليه + من بعد مايطيب غدي نطحنوه فالمكينة ديال مطيشة ديال اليد + بعد مطحناه نرجعو على النار واحد 5 دقايق غير طلع فيه الغلية أو نحط إبرد .

السفة بالكوك – هدى اليداري
كيلو السفة صفرا رقيقة + نص م ص الملح نرشها ونرش بنص كاس عنبة زيت حتى ندهنوها مزياان و نديرها تبخر و في الماء ديالها نديرو م ص الزهر وعود القرفة و طريف مطيشة او حامض باش ما تكحالش البرمة
ونغطيها بطبسيل و نخليها تبخر تقريبا نص ساعة من بعد ما على الماء
من بعد نخويها في بانيو ونغسلها مزياان ونقطرها و نسرحها في الكسكاس ونرجعها تبخر ربع ساعة
ونحطها في الكصعة + كاس كبير ماء مغلي باش تحل ونسرحها حتى تنشف + كاس كبير الكوك و نرجعها مباشرة للكسكاس باش تبخر ربع ساعة
ونعاودها بكاس كبير الماء بارد و نخليها تنشف مزياان + حليب محلى صغير غير محلى و نخليه ينشف و نرجعها تبخر مرة اخرى ربع ساعة
في الاخير + م ك الزبدة + السكر و تزين باللوز في الداخل او فقط من الفوق او التمر كدلك




لسفنج المغربي - هدى اليداري
نص كيلو فورص + ملح + قبصة سكر باش يجي محمر شوية + م ك خميرة بلدية مدوبة في شوية الما دافي و شوية السكر+ خمارة حلوة + م ص الزيت + الماء بارد تدريجيا ونبدا نعجن غير باليد و نضرب باليد حتى يطلع خفيف بحال الشيار و نديرو في بانيو و نغطيه بميكة مدهونة بالزيت و نخليه يخمر نص ساعة تقريبا
من بعد ندهن اليد بالماء و نهز العجين و نديرو على شكل دائرة و نقليه في حمام زيت
غير نحطو في المقلة و ندير 2 او 3 و نرجع نقلبهم بقطيب








لكوكيز - هدى اليداري
نص كيلو الفورص مغربل + بيضة + م ص بودرة الكاكاو + خمارة + نص كاس تقريبا او 70 غ تقريبا قطع شكلاط خاص بالكوكيز + نص كاس زبدة مرخوفة + نص كاس زي

ت + م ك حليب بودرة + كاس عنبة سنيدة ونجمعها بوحدها ومن بعد نضيف كاس حليب تقريبا نزيد شوية بشوية حتى يتجمع .
تكون العجين شوية قاسحة و نديروها حرابل طوال و نديروها في المجمد نص ساعة حتى يقبط ونجبدها نقطعها دوائر و يدخل الفران يكون شخون شوية





كيكة لاباراي - هدى اليداري
2 بيضات + 2 م ك زبدة مرخوفة + خمارة + كاس ونص دقيق + م ك حليب بودرة + كاس سنيدة +قطرة خل + قطع الزبيب او اللوز + 1 فاني + م ص كونفتير + م ص النشا ونخلطها و نديرها في لاباراي ونديرها طيب

كعيكعات بلديين حلويين - هدى اليداري

نص كيلو الدقيق + كاس زبدة مدوبة + م ك نافع + م ك الزنجلان + بيضة +
خمارة + كاس و نصف سنيدة + شوية مسكة حرة + ماء بارد للعجين + 2 م ك
ماء زهر نعجنوها عجين عادي بحال ديال الخبز و من بعد نديروهم حريبلات رقاق
و نقطعهم ديك الساعة.
مللي يخرجو الكيكعات من الفران و نطفي الفران نعاود نجمعهم ونديرهم في اللاطة وندخلهم الفران شوية




الفول رقيق بالقشرة مشرمل - هدى اليداري
ناخد الفوق و يتبخر و نخليه يبرد
كيلو مطيشة كبيرة محكوكة بالزريعة في طنجرة ونحركها مع زيت العود 5 دقايق + 2 ثوم محكوك + زيت عود + الربيع وتشحر شوية + م ك مطيشة الحك مرخوفة في نص كاس ماء + م ص طحميرة + نص م ص الكامون + شوية الهريسة + الملح + م ص عصير الحامض + هبرة نص حامضة مغسولة ونشحر مزياان حتى ينشف + الفول مع نص م ص الزعتر محكوك بين اليد ونحرك حتى يتشرمل
مللي نطفي البوطة + 2م ك زيت العود + م ص عصير الحامض + ربع م ص الكامون ونديه ونجيبو ونغطيه شوية عاد نقدمو




الرغايف مقليين و معسلين – هدى اليداري
نص كيلو فورص + كاس عنبة فينو + خمارة + م ك الزبدة + م ك سنيدة + فاني + م ك الزيت + 2 م ك حليب بودرة او نص كاس حليب + قبصة ملح + حبة مسكة حرة + نقطة خل و يتجمع بالما بارد كاس تقريبا ونعجنوه مرخوف
ونخليه يرتاح 10 دقايق ونقطعوا كويرات صغار بزاف ونطلقوا من بعد ونورقوه غير بالزيت ونطويع بحال الرغايف ومن بعد كنطيبو بلا ما نكرصوا في الاخير نطيبو في حمام زيت ..... نطفيه في العسل





الخبر ديال الشعير باش يجي رطب - هدى اليداري
كيلو الشعير معاه كاس الفورص + خميرة بلدية شوية + خمارة حلوى + نص م ص سنيدة + م ك حليب غبرة + قطرة الخل + ملح ويتعجن بماء دافئ
المنسمات حسب الاختيار : السانوج او الكامون او الزعتر او الفليو





الخبز ديال القمح باش يجي رطب - هدى اليداري
نديروه بوحدو بلا نخالة غليظة + الملح + م ك حليب غبرة + م ك زبدة + ملح + خمارة حلوى + خميرة الخبز + نص م ص سنيدة



الكعيكعات مالحين - هدى اليداري
كيلو فورص + 4 فرماج + م ك ملح + ابزار + فرماج محكوك 100 غ + 200 غ زبدة مرخوفة + 2 م ك زيت عود + راس م ص ابزار + م ص موطارد ويتجمع بالماء بارد ونقسمهم على 4 وترتاح 10 دقايق
واحدة بالزعتر ونحربلوها + وحدة بالفرماج محكوك + وحدة الكاشير + وحدة بالسودانية
يتحربلو ندخلوه المجمد نص ساعة ونجبدوه نقطعوه ويدخل الفران



كعيكعات حلوين - هدى اليداري
نص كيلة الدقيق + 50 غ مشماش جاف مقطع رقيق + الزبيب 2 م ك + 100 غ اللوز محمر و مهروش بالقشرة + نص م ص نافع مطحون + نص خمارة + كاس سنيدة + م ص الكونفتير او الكليكوز + قبصة ملح + 100 غ زبدة مرخوفة + بيضة + حبة مسكة حرة + ربع كاس زيت و نجمعها بالحليب
نخليهم يرتاحو ربع ساعة ومن بعد نديرهم حرابل رقاق و ندهنهم بالحليب و يدخلوا المجمد نص ساعة و نخرجهم نقطعهم كعيكعات ويدخلوا الفران
مللي يخرجو الكيكعات من الفران و نطفي الفران نعاود نجمعهم ونديرهم في اللاطة وندخلهم الفران شوية






بصطيلة الحوت لشخصين - هدى اليداري

نص كيلو الكروفيط + نص كيلو كلمار + نص كيلو قرب او الشارغو او الميرلا
بكية الشعرية 100غ + علبة صغيرة شومبينيون + شومبينون اسود اختياري + عطرية الحوت +

بصلة صغيرة مقطعة رقيقة + 2 ثوم + بورو وتشحر مع م ك زبدة و 2 م ك زيت و تشحر مزياان الربيع + الهريسة + نص م ص عطرية الحوت + نص م ص ملح صيني اختياري + ملح + عصير نص حامضة + ربع م ص سكينجبير و نشحر مزيااان
ناخد من الخليط م ك وندهن بيه الحوت الابيض و ندخلو الفران يطيب شوية
ناخد م ك نشرم لبها الكروفيك من بعد ما نشف و نشحرو شوية 2 دقايق
الكلمار يتصلق في الما و الملح و ورقة موسى و طرف الحامض
نرمي الكلمار من بعد في الشرمولة الاولى + الشومبينيون ويتشحر شوية + شعرية صينية مرقدة في ماء بارد نص ساعة ومقطعة ونشحرها مزياان + م ص صلصلة صوجا تقيلة ونشحر ونطفي البوطة + الكروفيط + قطع الحوت الابيض مقطع كبير شوية ونخليها تبرد ونحك الفرماج احمر ونخلط كولشي ونعمر البصطيلة وندخلها الفران
طيب على نار متوسطة




قريشلات بالما زهير – هدى اليداري
نص كيلو فورص + نص كاس زيت عادي + بيضة + فاني + كاس سنيدة + قبصة ملح + شوية زرارع + نص م ص النافع مطحون + م ص زبدة و بدون خميرة ويتجمعوا بالما زهر حتى يتجمعوا ونخليهم يرتاحو ونحربلهم رقاق و نقطعهم بلا ما نديرهم في المجمد ويدخلوا الفران





خرينكو - هدى اليداري
رابعة الفورص + فاني + بيضة + 2 م ك زيت + خمارة + طريف خميرة الخبز + ملح + م ص سنيدة ويتجمعوا بالما بارد يكون العجين خفيف شوية ماشي بزااف ويرتاح 10 دقايق ونديرو في جيب الحلواني ونخرجو دوائر ونقليه في حمام زيت غير نحطو ونعاود نقلبو





لي كاب كيك بالنسبة لاصحاب السكري - هدى اليداري
4 بيضات + 120 غ زبدة مرخوفة + نص كاس حليب او عصير البرتقال + قبصة ملح + ياغورت بدون سكر كريمي + ربع م ص الخل + فاني او النكهة اللي بغيت نطرب كولشي بخلاط يدوي او كهربائي مزياااان + 2 م ك الماء + طريفات اللوز محمرة او الكركاع او اللي بغيتي من الفواكه الجافة + 2 كاس و نص دقيق + 2 خمارة ونص ونخلط + م ص النشا و نخلط مزيااان
ونديرو في كؤوس خاصة مدهونة ومرشوشة بالدقيق او في الورق الخاص بيهم ونعمر غير النص و دخل الفران








لي نوكيط ديال الدجاج - هدى اليداري
نص كيلو كفتة الدجاج من الصدر + م ص زبدة + ملح + م ص صلصة صوجا خفيفة او عصير الحامض + نص م ص ثوم غبرة + نص م ص بصلة غبرة + الربيع + م ص شابلير + اصفر بيضة ونعجنهم مزياان
نحضر بيها كويرات بالشكل اللي بغيت وناخد بيضة كاملة نطربعا مع عصير الحامض و ملح و ابزار وشوية بصلة غبرة ونغطس ودوزها بالشابلير المجمد و نقلي او ندخل الفران

04.11.2011
كونفتير التمر - هدى اليداري
2 كيلو التمر العادي ديال 260 نغسلو ونحيد العظم ونديرو في طنجرة مع + 2 كاس كبير الما بارد ديال الروبيني في طنجرة + م ك العسل ونغطيه ونخليه مرقد 4 ساعات
مرة مرة نحركوه حتى يطلق الما ديالو ونضيف ليه 2 كاس الما كبير الما بارد ونديرو على النار + م ص عصيير الحامض على نار مهيلة و نخليه حتى يتعلك مع التحراك بملعقة خشبية حتى يطيب تقريبا ساعة ونطحنو في مكينة اليد ديال مطيشة ونرجعوا للبوطة نديه ونجيبو ومن بعد نخليه يبرد وندخلوا للثلاجة




الكعك الوجدي - هدى اليداري
نص كيلو فورص + كاس فينو + خمارة + نص م ص خميرة الخبز او اقل ما نكترهاش + نص كاس زبدة + نص كاس زيت + نص م ص نافع بلدي مطحون + م ص نافع حبيبات + م ص زنجلان + كاس ونس سنيدة + م ك حليب بودرة ونجمعوا الخليط بالما بارد حتى يتجمع العجين ويكون العجين مرخوف شوية ونحطو يرتاح و نديرو حرابل رقاق ونفلحهم ونديرو على شكل دمالج وندهنهم بالحليب ويدخلوا الفران سخون مسبقا على نار مهيلة



الكريصات او القريشلات بلديين ما منفوخينش – هدى الداري
نص كيلو فورص مغربل + خمارة + شوية خميرة الخبز قد راس الاصبع + شوية الزنجلان و النافع + نص كاس زيت + م ك زبدة مرخوفة + قبصة ملح + كاس سنيدة + م ك كونفتير + م ص ما زهر + م ك حليب بودرة ويتجمعوا اما بالحليب او الماء وندلكوهم مزياان ونخليهم يرتاحو مغطيين شي 5 او 10 دقايق ونقطعهم كريصات صغار ومللي نقطعهم كاملين نرجع نكرصهم وندهنهم بالحليب ومللي ينشف شوية نغطيهم بشي حاجة سخونة ونخليهم يخمروا .. من بعد ما يخمرو نص ساعة ندهنهم ببيضة كاملة مخلطة مع نص م ص سنيدة و قبصة ملح وندخلهم الفران
ممكن اضافة الزنجلان من الفوق




ضامة البنة ديال الدار ديال اللحم - – هدى اليداري
ناخد الخضر متنوعة نغسلوها و نقشروها وناخدو القشور ديال كل الخضروات الا البصل و مطيشة نشفها و نيبسها في الفران مطفي او الشمس مباشرة و نطحنهم حتى يوليو بودرة
ناخد منهم 5 م ك + م ك عطرية اللحم + 5 او 6 حبات ديال الحلبة + حبة قرنفل + 2 حبات مسكة حرة + نص م ص خرقوم بلدي + شوية الملح اختياري + بصلة يابسة م ص + م ص ثومة غبرة
نخلط كولشي و نخليه في قرعة و ممكن نحتفظ بيه حتى لشهر او شهر و نص



عطرية الدجاج
م ك الهيل او قعقلة + م ك بسيبيسة + 2 حبات القرنفل + 4 او 5 حبات مسكة حرة + م ك سكينجبير + م ك خرقوم بلدي + شوية زعفران حر + شوية ثوم غبرة
كولشي غادي يتدق و يتغربل و يتخلط



عطرية الحوت - هدى اليداري
م ك ثوم غبرة + م ص قزبر يابس ومطحون + الربيع يابس + م ص زعتر مطحون + راس م ص ازير + م ص كامون + م ص ملح صيني + م ص طحميرة
نخلط كولشي و نبدا نستعملو



عطرية اللحم و المروزية – هدى اليداري

التوابل كاملة تغربل هو الاول ثم تمسح من قبل بمنديل ناشف و نسخنها شوية ونطحنها
م ك بسيبيسة + م ك الهيل او قعقلة + 4 حبات مسكة حرة بلا ما تسخن
م ك ظهر الفلفل + م ك النويورة + زعفران حر بلا ما يسخن
م ص الكوزة الصحراوية + 1 كوزة صغيرة + م ك سكين جبير + م ك خرقوم بلدي
م ص ابزار كبير + 6 حبات القرنفل + م ك لسان طير + م ص القرفة او عود كبير مهرس + 4 عظم التمر يابس و مدقوق
ممكن الاحتفاظ بها في قرعة ديال الزجاج او في ساشي غدائي في المجمد مدة 6 اشهر بدون ان تفقد نكهتها

الحوت معمر بالشعرية في الفران

نغسل الحوت و نقيه مزيااان و نقشرو من الجلدة و نحيد الشوك اللي في الظهر و الجوانب ونحلوا و نشرملو من للداخل ب :
الشرمولة : الربيع نكثر القزبور بزااف يكون مدقوق مع 2 ثوم زيت العود و زيت عادي و عصير حامضة و الملح + م ك الكامون + م ك الطحميرة + الثومة و الربيع + قبصة الزعتر و ازير و قزبر يابس الهريسة او السودانية .
ندهن الحوت بربع الخليط فقط و نخليه راقد ليلة كاملة

الحشوة :
في مقلة كبيرة ندير بصلة مشلظة نشحرها مع الزيت مللي تشحر نضيف عليها الفلفلة مشحرة مع الزيت + التوابل واللي هي الابزار و قبصة ملح و الطحميرة و الكامون و سكينجبير و 2 ثوم + الربيع + مضاف اليها + وورقة موسى و شوية حامض مصير و شوية عصير الحامض + الهريسة
+ الشعرية الصينية مرقدة و مقطعة و مشحرة بوحدها مع الزيت و الملح و الابزار + تشحر شوية و في الاخير نطفي البوطة + الزيتون مقطع دوائر و شوية زيت العود
نعمرو الحوت وندهنوه من الفوق بشوية من الشرمولة ونخوي ما تبقى من الشرمولة مضاف اليه شوية الما في الجوانب و نتقبوه وندخلوا الفران فوق لاطة مدهونة و نحط الفوق دوائر 2 مطيشات





الصلصة البيضاء - هدى اليداري

لي باط : نشحرهم بشوية الحبق و الربيع و م ك الزبدة + م ك زيت عود + 1 ثوم + ملح + ابزار
الطريقة الاولى : القشدة الطرية ثقيلة نديروها في كاصرونة + ضامة البنة + شوية الكوزة + ملح + ابزار + راس م ص ثومة غبرة + قبصة عطرية اللحم + 4 قطع فرماج ونزولوها من النار و نحركوها مزيان حتى يدوب الفرماج + فرماج احمر محكوك 100 غ
بصلة مشلظة رقيقة بزاف + م ك زبدة + 2 م ك زيت عادي تشحر مزيان + ابزار + ملح + 4 قطع فرماج ونمعسوه + راس م ص ثوم غبرة + القشدة الطرية ثقيلة و نخليها على نار عالية حتى تقال و نخليها حتى تنشف و ضسفوها على لي باط
ونخلط مع لي باط اللي مشحرين و منسمين بنفس الطريقة الاولى
ايلا بغينا نديروها في الفران نديرو نصف طبقة لي باط + الحشوة + نصف الصلصة + نصف لي باط + نصف الصلصة المتبقية + الحبق + فرماج محكوك.







الدجاج او الكوكلي معمر بالشومبينيون و الكفتة - هدى اليداري
الحشوة ديال 2 دجاجات صغار او 4 الكوكلي
الحشوة : بصلة صغيرة مشلظة رقيق + م ك زبدة + 2 م ك زيت + 2 ثوم ونشحرها مزياان مدة 2 دقايق ونغطيها باش تدبل + الشومبينون مقطعين + شومبينيون اسود
اللي ما عندوش الشومبينيون يدير الزيتون مقطع
ونشحر شوية حتى يدبلو + ملح و ابزار و ربع م ص سكينجبير و شوية الزعتر + ورقة نعناع + شوية الحبق 2 وراق + ونشحر + الكفتة ديال الدجاج او لاداند رابعة و نشحروها غير شوية ونطفي البوطة و نضيف 3 فرماج مثلث نخليها حتى تبرد ونعمر بيها الدجاج ونسد الرجلين و نتقب الصدر مزياااان بعود الاسنان
2 م ك زبدة دايبة + ياغورت بدون سكر + ثوم غبرة و بصلة غبرة اختياري و الملح وشوية الربيع و الزعتر غير قبصة صغيرة نخلط وندهن الدجاجة مزيااان وندخلوا الفران فوق ورق الطهي او لاطة مدهونة بالزبدة ونشعل الفران من لتحت ونحطو على الصدر - العافية غير من لتحت كافية باش طيبو كامل - من بعد ربع ساعة نضيف نص كاس الما في جوانب اللاطة ونخليه يطيب ساعة و ربع او اقل
كيتقدم مع الخضر مصلوقة او مبخرة و مشرملة بالملح و الابزار و الزعتر و الثوم و الربيع و الزبدة وم ك زيت عود
لا صوص ديال الدجاج وممكن استعمالو حتى للخضر :
في مقلة او كاصرونة نديرو م ك زبدة + 2 ثوم + علبة شومبينيون صغير ومقطع رقيق بزاااف ويتشحرو مزيااان + ملح + بصلة غبرة اختيارية ونحيدو من النار + 2 ياغورت بدون سكر كريمي او لا ماشي مشكل + 2 فرماج او 3 ممعوس ونرجعو فوق النار ونخليه حتى يختر دقيقة او 2
نحيدو من النار ونحك شوية فرماج احمر












الكرعين ديال البكري حلويين - هدى اليداري
2 كرعين بكري + 3 بصلات شرائح + 5 ثوم محكوكين + عود قرفة + كاس زيت مخلط + ملح + م ك سكنيجبير + م ص طجميرة + م ص عطرية اللحم + نص م ص المروزية + 2 م ك بودرة اللوز + نص كاس الما و نشحرو مزيااان 10 دقايق مغطيين وبقاي تقلبي الطنجرة بيديك + الماء تقريبا ايطرو ونص + 4 التمر بلا عظم + كاس الزبيب حتى تغلى فوق البوطة ونديرهم فوق المجمر حتى يطيبو ونضيف 2 بصلات مشفرين ونعاود نخليه كيطيب
وناخد مغرفة ديال المرق ونديرها في كوكوط + عود القرفة + 2 مسكة حرة + ملح + عطرية اللحم + ربع م ص سكينجبير + راس م ص ابزار + شوية زيت العود + م ص الزبدة + الربيع مقبط + 2 زلايف كبار الماء + تمرة كاملة + زلافة ديال الحمص ونسد عليه
ونخليه يطيب حتى يبقى غير شوية المرق وممكن تقديمو بوحدو في زلايف صغار
اللوز مصلوق ومحمر نزوقو بيه من الفوق

الكاشير ديال الدار - هدى اليداري
4 بيض + نص كاس زيت + شوية الملح + 100 غ كفتة أي نوع + 4 م ك الروز ابيض مصلوق + نص م ص موطارد + نص خمارة + السودانية ايلا بغيناه يكون حار + المنسمات : ثوم غبرة + اما الربيع او الفلفلة مشوية و مقطعة رقيق + او الكوزة او القزبر يابس او الزيتون
من بعد نخلطوه في خلاط كهربائي ونعمرو في ميكة ديال السباكيتي وما نعمروهاش حتى الاخير ونسدوها من لتحت و الفوق ونحطوه يتبخر 30 دقيقة ايلا كان في كسكاس الكوكوط




البيصارة - هدى اليداري
نص كيلو الفول رقيق منقي و يتغسل و يترقد ساعة + 100 غ جلبانة يابسة + ملح + 2 م ك زيت + 5 ثوم + ربع م ص سكينجبير +نص م ص كامون + حبة مطيشة مقطعة بالزريعة + الطحميرة ربع م ص + الماء ونخليها طيب مللي تبرد نطحنها و نرجعها للعافية و نضيف ربع كاس زيت العود + ربع م ص الكامون ونخليها طبخ غير شوية و نقدمها مع الكامون و زيت العود و السودانية




الخميرة بلدية - هدى اليداري
نعجنو الطحين ديال الشعير مع الما و الملح ونغطيه 24 ساعة مغطي بميكة او في بواطة في مكان دافئ حتى يعطينا الخميرة بلدية





الدجاج قدرة باللوز و الحمص – هدى اليداري
ناخدو الدجاج مقطع ومغسول ومنقي و مسقطر و يكون بلا جلدة ونشرملوا بنص م ص السمن + 2 حبات مسكة حرة + عود قرفة + زعفران حر + سكينجبير + خرقوم بلدي + 1 ثوم + م ك زبدة + ملح + نص كاس الما ونخلط ونشرمل الدجاج ويرقد ساعة
ونديرو يتشحر شوية ومن بعد نضيف البصل شرائح و الزيت عادي و نشحرو مدة 10 دقايق + الماء ماشي كثير تقريبا 2 كا س كبير و كاس الحمص مرقد ومنقي و كاس اللوز مصلوق ومنقي و بصلة وحدة كبيرة شرائح و نغطي الطنجرة و نخليه يطيب
مللي يطيب غادي نلقى الدجاج طاب و نحيدوه من الطنجرة ونخلي الحمص يطيب مع باقي المرق
ندهن الدجاج بالزبدة و زعفران حر وندخلو الفران يوقف غير شوية بلا ما يتحمر
مللي يطيب الحمص و اللوز نرجع الدجاج للطنجرة ونليه يطيب 5 دقايق حتى يشرب ونقدمو بالصحة و الراحة











كيكة بالشكلاط - هدى اليداري
5 البيضات + كاس الا ربع سكر + نص م ص الخل + م ك الكونفتير ونطرب مزيااان + قشرة ليمونة كاملة ونطرب + كاس شكلاط دايب + 2 م ك زبدة مرخوفة ونطرب + 2 م ك الما + قطع الكركاع او كاوكاو او فواكه معسلة او اللوز او التمر او كلهم + م ك او 2 ديال الكوك اختياري و نطرب + 3 كاس عنبة دقيق مع 3 خمارة ونديرها في المول بالصحة


بداز – هدى اليداري
كيلو الدقيق ديال الدرة وندهنوا بالزيت و نص كاس الما بارد و الملح ونبسبسوه بين اليد ونحطو يتبخر في الكسكاس
ومللي نحيدو من الكسكاس نحلو بالما بارد وهو باقي سخون باليد في الكصعة ونجمعوا و نديرو في الكسكاس
3 التفويرات و في كل مرة نرشو بالما بارد
المرق : اللحم العادي او لحم الراس + كاس الزيت + م ك سكينجبير + م ص ابزار + م ص خرقوم بلدي + 2 بصلات كبار مشفرين + 4 مطيشة كبار محكوكة + نص كاس الما ونشحرو ونقلب البرمة من اليدين ويتقلى ربع ساعة + الماء ايطرو ونص او 2 + الحمص او الفول ايلا كان وقتو او هما بزوج ونخليهم يطيبو حتى يدخل الطياب للحم ومن بعد نضيف الخضر : اللفت المحفور ايلا كان وقتو + اللفت العادي + خيزو + ليشو
في التفويرة الاخيرة : نضيف الكرعة حمرا و ما تبقى من كيلو مطيشة + م ص السمن + الربيع مقبط + شوية ابزار .
ونحطو ونسكي بالصحة



بيتزا بالخضرة - هدى اليداري
العجين : رابعة الفورص + م ص الخميرة + م ص حليب غبرة + ملح + ابزار + ربع كاس زيت عود + شوية ثوم غبرة اختياري + نص م ص زبدة + كاس عنبة اللبن + شوية الزعتر + ربع م ص الكامون ونجمع ونزيد شوية الما ايلا احتاجيتو
نجمعوها بحال كورة ونديرها في بلاستيك حتى ترخف مزياان ونطلقها فوق الدقيق ونتقبها بالفورشيط ونديرها طيب نص طيبة غير تصهد وصافي
صلصة مطيشة : 2 مطيشة محكوكة + 2 م ك زيت العود + ورقة موسى + ملح + ابزار + طحميرة + راس م ص الكامون + الزعتر ونخليها طيب 10 دقايق نقريبا من بعد ما طيب نضيف م ك مطيشة الحك مرخوفة في شوية الما ونخليها تغلى شوية 3 دقايق اخرى ونخليها تبرد
الخضر : الدنجال + الكرعة خضرا + الفلفلة + خيزو نقطعها دوائر رقيقة جدا ونشحركل حاجة بوحدها في 2 م ك الزيت و الملح و ابزار + زعنر و ثوم غبرة اختياري
ممكن اضافة الشومبينيون
مللي طيب العجين ندهنها بلاصوص وفوق منها الموتزريلا باش تجي معلكة ونستف الخضر فوق منها
وفي الاخير نضيف الفرماج احمر و ندخلها الفران غير من لتحت



الروز مشرمل - هدى اليداري
ناخد بصلة محكوكة في كوكوط + زيت مخلط + ملح غير شوية فقط + ورقة موسى + 2 ثوم ونشحرها شوية + الفلفلة ونشحروها مزياان + مطيشة كبيرة محكوكة بالزريعة + شوية قطع دجاج + الربيع + عطرية الدجاج + سكينجبير نص م ص + ربع م ص ابزار + خرقوم ونحرك ونخليه يتشحر على مهلو حتى يتعلك + رابعة الروز اصفر يتغسل مزياان ونضيفو ونخليه يتشحر + 2 زلايف الما + ربع حامضة مرقدة بالقشرة ونسد الكوكوط حتى تغلى ونقصها ونخليها طيب حتى ينشف
مللي نحل الطنجرة + 2 م ك زيت العود ونخليه شوية و يتقدم






العدس بالقديد – هدى اليداري
بصلة كبيرة محكوكة + 2 ثوم + الزيت ونشحر + القديد مرقد في الما طايب ونغطيه ونخليه يتشحر + 2 مطيشة محكوكة + سكينجبير 6 خرقوم + ربع م ص ابزار + الربيع يتشحر 10 دقايق + ايطرو ما بارد و العدس ونخليه يطيب على خاطرو ومللي يطيب + 2 م ك و شوية الكامون و بالصحة و الراحة


اللوبيا اليابسة – هدى اليداري
نص كيلو لوبيا ترقد ليلة كاملة
ندير العظام ديال اللحم في طنجرة + بصلة كبيرة مشلظة رقيق + زيت مخلط + 4 ثوم محكوك + ملح ونخليهم يتقلاو + ورقة سيدنا موسى + مطيشة محكوكة + الربيع + نص م ص خرقوم بلدي + ربع م ص ابزار + نص م ص سكينجبير + نص م ص عطرية اللحم اختيارية و يتشحر 10 دقايق على نار مهيلة + الماء بارد ايطرو + اللوبيا + 2 تمرات بالعظم ونسد الكوكوط غير تطلع الغلية و نقص البوطة ونخليها طيب
تقريبا كتاخد نص ساعة حتى لساعة الا ربع على حسب اللوبيا ... المهم من بعد نص ساعة كنحل الكوكوط ونشوف
في الاخير 2 م ك زيت العود + ربع م ص الكامون مللي كفي البوطة و تحيدي التمر



طاجين اللحم و الخضر – هدى اليداري
ناخد اللحم نديرو في كوكوط + بصلة محكوكة + 1 ثوم + الزيت + عطرية اللحم + كاس الما ونسد عليه يطيب نص طيبة ربع ساعة من بعد ما تصفر الكوكوط
ناخد طاجين فيه بصلة مشفرة او دايرة + اللحم + سكينجبير+ ابزار + عطرية اللحم + خرقوم بلدي + زيت العود + الملح + الربيع و نشحر اللحم + الخضر مشرملة في عطرية اللحم اختيارية و شوية زيت العود و الملح
ايلا ما كنتش عطرية اللحم : نضيف ابزار و الخرقوم
الخضر : مطيشة وحدة دوائر من الفوق + الما اللي طاب فيه اللحم نصفيه و نضيفو ونغطيه ونخليه يطيب



لكونفتير ديال الشريحة - هدى اليداري
2 كيلو الشريحة الصغيرة نحيد ليها الراس و نرقدها في الما طايب ساعتين ومن بعد نحيدها
وايلا ما كانتش الشريحة الصغيرة ناخدو الشريحة الكبيرة نحيد ليها الراس و نرقدها 5 دقايق في الما طايب
الشريحة نقطعها على 4 في كوكوط + 350 غ سنيدة + كاس عنبة ما طايب حتى كدوب سنيدة + كاس ما عنبة بارد + 2 م ك عصير حامض ونخليه راقد ساعة
نديرها فوق بوطة ونحرك بمغرف العود ونخليها حتى تعلك غير تطلع الغلية ونقص البوطة على المهل تقريبا ساعة او ساعة ونص من بعد الغليان ومرة مرة تقريبا كل 5 دقائق نحرك
ومن بعد نطحنها في ماكينة اليد ونرجعها للبوطة حتى تطلع الغلية ونطفي البوطة
ملاحظة : ايلا بغيتو تجي جارية حتى نطحنها ونزيد الما بارد اللي بغينا



كرطان الشوفلور : هدى اليداري
ناخد الشوفلور ونقيوه بالموس من النقيطات السوداء او الرماديين ونحيد الاوراق الخضراء ونقطعو ليها الراس الغليظ ونبداو نقطعوا الشجيرات باليد ديالنا س
ونديرو في الما بارد ونغسلو ونديرو في طنجرة فيها الما مغلي + 1 ثوم + ملح + نص حامضة معصورة ونرمي حتى القشرة ديالها
ممكن تفادي رائحة الشيفلور بشوية الكامون حبوب
يتصلق شوية ونصفيه ونخليه يبرد وندير ليه الشرمولة
الشرمولة :في مقلة ندير الربيع + 2 ثوم + نص كاس زيت العود او عادي ونشحر مع ورقة موسى + الزعتر + ملح + ابزار + كامون + عصير حامض و نشحر + نهز الشفلور وندوزو في الشرمولة ونحطو في مول الزجاج مدهون بالزبدة
ناخد 2 بيض فيهم الملح و الابزار و نقطة خل او حامض و قزبر يابس مطحون او الربيع و الثوم غبرة و نطرب مع ياغورت بدون سكر + نص خمارة حلوى + الفرماج احمر او 2 فرماج مثلث ونخويه فوق الشيفلور وندخلو الفران







صابلي - هدى اليداري
250 غ زبدة ديال العبار + 200 غ سكر كلاصي + 2 بيض + كاس زيت + 2 م ك حليب غبرة + فاني + م ك كونفتير اة م ك كليكوز + 2 م ك بودرة اللوز او قشور اللوز منشفين في الفران ومطحونين + الطحين تقريبا اقل من كيلو بشوية
ناخد الزبدة تكون مرخوفة + سكر كلاصي + فاني + حليب بودرة او 4 م ك حليب سائل + بودرة اللوز + كونفتير ونخلط مزياان + البيض و الزيت ونخلط + الدقيق بشوية بشوية و يكون مغربل + هاد الصابلي ما فيهش الخميرة
نجمعوه حتى يولي كورة ونقسموه على 3 ونديرو في ميكات ونخليه يبرد في الثلاجة ربع ساعة تقريبا
نخرجو ونديرو بين 2 يكات ونطلقو بالمدلك ويكون رقيق ونطبعوا وندخلو الفران
مللي يطيب نلصقو بالكونفتير
الكونفتير : ناخدوه ديال الحلوى كيكون خفيف ونديرو في كاصرونة + 2 م ك + م ك الما سنيدة ونخليه يغلى على نار مهيلة حتى يتقال

كيك بارد - هدى اليداري

5 بيضات + كاس حليب مركز + قبصة ملح ونطرب + نص م ص خل + نص كاس زبدة مدابة ونطرب + 3 كاس عنبة دقيق + 2 خمارة ونص + م ك مايزينا
بدون سنيدة ولا زيت
ونديرها طيب في مول داير
مللي تخرج نخليها تبرد ونقسم الراس ديالها من الفوق بشي سنتيم واحد
نفلح الجوانب بالموس ونقطع بالخيط
ونخوي اللبابة اللي الوسط
ونحضر الكريم باتيسيير + 2 ياغورت فرماج حلو + 150 غ شكلاط مداب ابيض ونخلط بالطراب + فواكه مجففة بالالوان او الفواكه الجافة محمرة و مهرسة او الشكلاط مقطع الوسط
ونعمر الوسط ديال الكيك ونغطيها من الفوق وندخلها الثلاجة ساعة في المجمد او اكثر
مللي نخرجها من المجمد نخليها ترخى شوية و ندهنها بالحليب المركز المحلى و نرمي الفوق اللوز ايفيلي او مهروش او الباسطا العادية محكوكة نغطيها من الفوق و الجوانب ونقدمها




كسكس بلحم الراس – هدى اليداري
لحم الراس في برمة 2 بصلات كبار مشفرين + 1 ثوم صحيح + زيت مخلط + الملح و نشحر لحم الراس + 3 مطيشة مقسومين على 4 بالزريعة ونحك خيزوة كبيرة رقيق + الحمص باش يتقلى ونغطيها ونخليها تشحر 10 دقايق ونحرك مرة مرة + م ص سكينجبير + نص م ص ابزار + شوية عطرية اللحم + خرقوم بلدي + نص كاس الما + 2 تمرات بالعظم + عود القرفة صغير ونشحر مزياان + الماء + نص م ص السمن و الربيع مربط
وتغطيه وتخليه يطيب مع الكسكس حتى يطيب نص طيبة + اللفت و خيزو وليشو ونخليه يطيب ونرجعو يطيب .... و في التفويرة الاخيرة نضيف الكرعة حمرا و خضرا و 3 مطيشة محكوكة + نص م ص السمن + ربع م ص ابزار + ملح ايلا خاص + زيت العود
ونسم الكسكسو بالملح و الابزار و زيت العود





الكلينطي - هدى اليداري
نص كيلو دقيق الحمص مطحون ومغربل + 4 بيضات + الملح + الابزار + ربع م ص الخل ونطرب ونضيف الماء بشوية بشوية ويكون خفيف اثقل من الكيك شوية تقريبا كاس العنبة ديال الما
ونديرو في لاطة مدهونة بالزبدة وندخلوا الفران بالصحة

حلوى فوري نوار - هدى اليداري
5 البيضات يطربو مع كاس ونص سنيدة + نص م ص الخل + قبصة ملح ويتطربو + كاس الزبدة مدوبة ونطرب + 3 كاس دقيق مغربل معاه نص كاس بودرة الكاكاو + 3 خمارات ونطرب مزياان غيكون العجين تقيل بزاااف
كل ما كان العجين تقيل تكون لاباط خفيفة
ندير العجين وسط لاطة مدهون و مرشوش بالدقيق او الكاكاو ونسرحو بظهر ملعقة و تدخل الفران ربع ساعة من لتحت فقط
تحضير الكريمة : ايطرو لاكريم فريش بارد مزيااان ونطلعها + 4 م ك بودرة الكاكاو مغربلين + رابعة السكر و نطرب عاوتاني + نكهة النوازيط ايلا كاينة

نخرجها و نخليها تبرد مزياااان وندير خيط من الجوانب و نقسمها على 2
ناخد اطار حديدي مربع و نطراسي بيه الحلوى وندير تحت منو طرف ديال الكارطون ونسق الجينوازة الاولى ب 2 كاس حليب مع م ص قهوة سريعة الدوبان + 2 م ك سنيدة ونحرك مزياان و نسقيها بلا ما نسخنها تقريبا بنصف الكمية
نحط نصف كمية الكريمة فوق لاجينواز ونرمي فوق منها قطع اللوز او الكركاع او الشكلاط طريفات و ندير فوق منها لاجينواز الثانية و نسقيها بالحليب و القهوة وندير فوق منها الكريمة وندخلها المجمد 4 ساعات
نخرجها وندير ليها الكلاصاج
الكلاصاج : كاس كبير الما في كاصرونة + رابعة الشكلاط + م ك الكليكوز على نار مباشرة حتى يدوب الشكلاط
نحيدو من النار ونضيف 150 غ بودرة الكاكاو مع التحراك بالطراب اليدوي
نديرو ثاني فوق النار دقيقة مع التحراك غير يغلى و نحيدو
نديرو فوق من الحلوى من بعد ما خرجناها من الاطار ونزوقها باش ما بغيت ونرجعها للثلاجة نص ساعة




الحلوى المشوكة ديال اللوز - هدى اليداري

عقدة اللوز : نص كيلو لو ز مصلوق ومنقي + رابعة السكر و يتطحن 2 طحنات باش يتعلك + م ك ما زهر + 1 حبة مسكة حرة + م ك زبدة مرخوفة و نعجنها مزيااان
ممكن نسمها بروح الحامض او باش ما بغيت او نخليها غير هكداد
ونديرو كويرات
نجيب ورقة البصطيلة و نقطعها شرائح رقيقة جدا بحال الخيوط الراقاق و نقطعها على 3 من الطول
رابعة الورقة كندوب ليها 2 م ك الزبدة وندهن بيهم الورقة من بعد ما نقطعها
نجيب كويرات اللوز و نغطسها في بياض البيض و نفندها في ورقة البسطيلة
وندخلها الفران





كيكة بالفلون - هدى اليداري
2 بيضات يتطربو مع كاس سنيدة + م ص كونفتير ونطرب و ربع م ص الخل + م ك الما + ربع كاس زيت + م ك زبدة مرخوفة + فاني ويتطرب + 2 قطع فرماج او نص كاس ياغورت بدون سكر ونطرب + 2 كاس دقيق + م ص النشا + 1 فلون + 2 خمارات ... ونطرب ونديرها في مول يكون كبير .
نحضر الفلون : نص ايطرو حليب + 4 م ك سنيدة + 2 فلون بالنسمة اللي بغينا + فاني او قشرة ليمون او حامض ونحرك حتى يغلى الحليب ونحيدو من النار بلا ما يتقال
كناخد الكيكة ندير فوق منها طبقة من الشكلاط الدايب و ندخلها للمجمد نص ساعة حتى يجمد الشكلاط او ندهنها بالشكلاط ديال الدهن .
وندير الفلون في مول اخر بنفس حجم المول الاول ديال الكيكط ونخليه حتى يبرد ونقلبو على الكيك





اسهل كيكة في العالم - هدى اليداري
4 بيضات + كاس ياغورت عادي + ونعبر بالكاس ديال الياغورت سنيدة و كاس الزيت + م ص الخل + 2 م ك الما + قبصة ملح ونطرب + 3 كاس الدقيق + 3 خمارة ونخلط وندير في المول
ايلا بغيناها تجي فيها شي نكهة نحك عليها قشرة ليمونة كاملة او قشرة حامضة







حلوى الكوك ديال البوق - هدى اليداري
نص كيلو الكوك + 6 ابيض البيض ونطلعوه مع قبصة ملح حتى يولي بحال الثلج ونضيف 2 كاس سكر كلاصي + م ك كونفتير او كليكوز + الكوك شوية بشوية حتى ينسجم + ربع كاس زيت ونخليه يرتاح شوية حتى يشرب ومن بعد نديرها في البوق ونخرجها وندير فوق منها فواكه معسلة وندخلها الفران سخون



حليب مركز محلى - هدى اليداري
كاس حليب بودرة + كاس الما + كاس سكر كلاصي سبيسيال
سكر كلاصي سبيسيال : كيلو سكر كلاصي عادي مغربل + كاس عنبة النشا

ناخدو العناصر بالشلاجة ونديرهم في خلاط كهربائي ونطحن 3 دقايق ومللي يندمج نديرو في كاصرونة فوق النار مع التحراك م

الروز محمر بالدجاج - هدى اليداري
قطع الدجاج + بصلة محكوكة + 2 ثوم + زيت + م ص السمن + عود قرفة ونشحر مزيااان + نص م ص سكينجبير+ ابزار + خرقوم + عطرية الدجاج ايلا كانت و ربع كاس الما ونشحر وندير الما تقريبا 4 زلايف
الروز نديرو في مقلة مع الزيت وم ك زبدة + عطرية دجاج + بصلة صغيرة محكوكة + ثوم غبرة + شوية سكينجبيرويتشحر مزياااان حتى يتغير لونه
ونضيفو على الدجاج من بعد ما نضيف الما + م ص بودرة اللوز والربيع مقطع رقيق ونخليه يطيب على مهل من بعد ما يغلى حتى يولي ناشف ومعلك





ميلو معلب ديال الدار - هدى اليداري
ناخدو 2 كيلو ميلو فيلي من عند مول الحوت و نغسلوه ونقطعوه اطراف كبيرة نعصر عليه حامضة و الملح ونخليه 10 دقايق ونحيد القشرة ديالو ونغسلو بالماء
نديرو في كوكوط + كاس الزيت عادي او زيت العود او مخلط + 2 ثوم + ورقة سيدنا موسى + ملح غير شوية + مزاود حاريين + نص كاس الما ونسد عليه ونخليه يطيب 10 دقايق من بعد ما تصفر البوطة على نار مهيلة ونحل من بعد الكوكوط ونخليه ينشف من الما حتى يبقى غير الزيت ونديرو في علب في المجمد ... وايلا بغيت ناكلو قريب نديرو في الثلاجة لتحت و نغطيه بالزيت
ايلا بغيناه بصلصة الطماطم نزيدو 2 م ك مطيشة الحك مخففة في شوة الما وعاد نزيدو نص كاس الما




كرتان الروز حلو – هدى اليداري
رابعة الروز يتصلق مع م ص الزبدة + ملح + عود قرفة + 2 م ك حليب بودرة او كاس حليب سائل + زلافة ونص الماء ايلا استعملنا الحليب سائل و 2 كيسان ايلا كان الحليب بودرة و نخليه يتصلق على مهل حتى ينشف من الما
ممكن اضافة الزبيب مللي يقرب الروز يطيب
صلصلة حلوة : الكريم باتيسيير نحضرها ونخليها تبرد ونضيف عليها من بعد 2 ياغورت عادي حلو ونطرب + 2 م ك سكر كلاصي + كاس قشدة طرية او 2 ياغورت بدون سكر ونطرب مزياان و نسمو بالفاني + اللوز محمر ومهروش و الكركاع او الاكاجو او البيسطاش او الكاوكاو محمر
نخلط الروز مع الصلصة ونديرو في مول ونضيف من الفوق 2 م ك سنيدة ويدخل الفران
نحمرو من لتحت 10 دقايق ومن الفوق غير باش يتحمر 








حريشات صغار - هدى اليداري
راعة السميد رقيق + نص كاس زيت + ملح ونبسبسوها باليد ونخليها تشرب ساعة
ونضيف م ص زبدة + خمارة ونجمعها بالاصابع ونضيف الماء تقريبا كاس كبير ما عادي من الروبيني غادي تجي جارية ونخليها تشرب 5 دقايق
و ايلا نشفات بزاف نضيف ليها ربع كاس الما
نهز حفنة بمغرف ونحطو وسط الاطار في مقلة تقيلة مدهونة بالزبدة و مرشوشة بالسميد وما نعمرهاش بزاف حيث غادي تنفخ ونرش فوق منها السميد رقيق على الوجه ديالها ونخليها طيب على نار مهيلة ومقلة تكون سخونة ومللي تشد شوية نحيد الاطار ونقلبها








فقاص – هدى اليداري
300 غ زبدة مرخوفة + 300 غ سنيدة + فاني + 7 بيضات + زبيب + اللوز مرقد في ما زهر 3 ساعات + الزنجلان + نص م ص مطحونة نافع + كيلو حتى لكيلو ونص ديال الطحين + 2 خمارات ونجمعوه
نديروه حرابل في لاطة وندهنوه بنص كاس كبير حليب فيه م ك بودرة الكاكاو وندهن الوجه 2 مرات بالشيتة ونشرطو بفورشيط ويدخل الفران نص طيبة مللي يخرج نغطيه بفوطة فيها الما و الزهر مباشرة ما تكونش معصرة بزاف ونخليها 5 دقايق ونحيدها ونخليه 3 ساعات ونقطعو ونرجعو يتحمر شوية

طاجين السردين او أي حوت كواري بالخضر - هدى اليداري

نقطع الخضر دوائر ونصلقها نص صلقة مع الما و الملح وورقة سيدنا موسى و 1 ثوم صحيح ونص م ص الزبدة
نطحن كيلو الحوت يكون مسقطر مزيااان + الربيع + درهم الروز الابيض مهرس اختياري + م ص طجميرة + نص م ص الكامون + شوية الزعتر غير قبصة + 2 ورقة نعناع مقطعة رقيق + 2 ثوم + م ص عصير الحامض + نص م ص القرفة + نص م ص سكينجبير + الملح ونخلط ونديرو كويرات
ممكن اضافة 2 م ك شابلير ايلا ما كانش الحوت مسقطر مزيااان
في مقلة فيها 2 م ك الزيت ونشحر الحوت كواري بلا تحراك نغطي المقلة ونخليهم يطيبو حتى يشد ونقلبو بشوية
ناخد الطاجين ندير بصلة دوائر + 4 م ك زيت مخلط + ورقة موسى ونشحر شوية + دوائر خيزو + دوائر بطاطا + الشرمولة
الشرمولة : الربيع + مطيشة كبيرة محكوكة + طحميرة +كامون + ملح + نص م ص عصير الحامض + قبصة الزعتر + م ص مطيشة الحك + نص كاس من الما اللي صلقنا فيه الخضر + 2 م ك زيت العود ونخلط ونسقي بالنص ديالها الخضر
وندير الحوت من الفوق + دواشر الفلفلة او مطيشة او الحامض ونخوي ما تبقى من الشرمولة وندير المعلقة في الطاجين ونحطو فوق من مقلة ثقيلة ونخليه يطيب على نار مهيلة





اوراق العنب معمرين بالروز و الكفتة - هدى اليداري
ناخد اوراق العنب يتغسلو ويرقدو في الما عادي و الخل م ك 10 دقايق نسقطرهم ونديرهم في الماء مغلي + الملح و تكون النار مطفية ونخليهم فيه 10 دقايق و يتصفاو
نقسم الورقة من الوسط ونحيد العود ديال الوسط
الحشوة : ناخد رابعة الروز عادي في ماء بارد و الملح وطرف الزبدة ونخليه يطيب 2 دقايق بعد الغليان ونصفيه ونغسلو بالما بارد
ناخد الكفتة خضرا + نص م ص سكينجبير + ابزار + ملح + الربيع + نص م ص قزبر يابس + ربع م ص طحميرة + ربع م ص الكامون + 2 م ك زيت ونعجن + الروز
نهز شوية الحشوة ونديرو وسط الورقة ونطوي الجوانب ونطويها على الطول ونحطهم في الطنجرة على الجهة اللي مثنية . الطنجرة تكون واسعة و مدهونة بالزيت ونستف كل الاوراق
الصلصة : م ك مطيشة الحك دايبة في كاس كبير الما + 1 ثوم محكوك + ملح + ابزار + ربع كاس زيت + ونطرب ونخويه فوق ورق العنب ونغطيها بغطاء طنجرة صغير يكون مغطي ورق العنب كلو ونتقل بشي حاجة ونخليه يطيب على نار مهيلة ساعة الا ربع بعد الغليان




عصير بطاطا وخيزو - هدى اليداري
2 خيزو + بطاطا كبيرة او 2 صغار يتصلقو صحاح بزوج ويبردو مزيااان و يتقطعو ويتطحنوا مع نص ايطرو حليب ونص ايطرو لبن ديال البكية + أي نوع من الفاكهة ضروري باش يتنسم + السكر




كليطة - هدى اليداري
زلافة الزيت + زلافة سنيدة + 4 م ك عسل + بيضة + 2 خمارات + نص م ص خميرة الخبز + فاني + الطحين حسب الخليط - يكون خفيف ولكن اتقل من الكيك –
نخايها ترتاح وتخمر 30 دقيقة مغطية ونديرها في جيب الحلواني ونديرها على شكل وردة وندخلها الفران يكون سخون شوية





صابلي ديال المناسبات - هدى اليداري
رابعة زبدة العبار مرخوفة + رابعة سنيدة رقيقة + م ك كونفتير + قبصة ملح + فاني او روح النوكا + نص رابعة اللوز مصلوق ومقشر ومحمر او مقلي ونطحنوه بودرة + بيضة + كاس عنبة الزيت ونجمعها بالدقيق حسب الخليط تقريبا كيلو يكون العجين خفيف شوية .
نقسمها على 4 و نخليها ترتاح خارج الثلاجة في فصل الشتاء
نطلقو بين 2 ميكات غلاظ بحال ديال القلع وتكزون مرشوشة بالدقيق ونقطعهم اشكال
ونديرهم يطيبو
مللي يخرجو نلصقهم بالكونفتير : نص قرعة ديال 6 دراهم + 3 م ك سنيدة + م ص ما زهر
وندردرو عليه اللوز محمر ومهروش في الوجه ديالو





حريشات صغار مالحين عامرين - هدى اليداري
رابعة السميد رقيقة + م ص سميد غليظ + ربع كاس زيت + ملح + 2 فرماج + شوية ابزار + م ك زيت العود + شوية الزعتر نبسبسوها ونضيفو خمارة الحلوى + الما بارد تقريبا كاس عنبة ونخليها تشرب
الحشوة : بصلة مشلظة رقيقة + ورقة موسى + 2 م ك زيت مع الثوم غبرة اختياري ونشحر ونطفي البوطة + الزيتون اخضر بلا عظم ومقطع + الطون او الكفتة او قطع الدجاج مشحر + الربيع + شوية الزعتر ونخليها تبرد مزياان
ناخدو شوية ديال العجين وسط منو م ك الحشوة ونجمعها ونديرها في الاطار فوق المقلة مدهونة بالزبدة و مرشوشة بالسميد وطيب فوق البوطة 








بطاطا حلوة في الفران - هدى اليداري
بطاطا مشرملة : نص كيلو بطاطا حلوة نقطعها ونديرها في كاصرونة ونشرملها بزيت العود وزيت لمائدة + ملح + بصلة مشلظة رقيقة + 2 ثوم ونشحرها + الربيع + ابزار + نص م ص طحميرة + كامون + قزبر يابس + م ص عصير الحامض ونشحرها 5 دقايق + تمرة بلا عظم + كاس عنبة ما ونخليها تشحر حتى تنشف تبقى فيها غير شوية المرق ونقدمها
طريقة اخرى : ناخدو البطاطا ونقيها ونقطعها ونرشها بالزيت ونديرها في الفران





كريمة بالجبن و الياغورت - هدى اليداري
كريمة ممكن استعمالها في تشيز كيك و في الكيك غولي او في الحلويات الصغار
بكية الجبن ونمعسها بالفورشيط + 2 فرماج + كاس كسر كلاصي + 2 ياغورت كريمي حلو + فاني ونمعسو مزيااان + 2 م ك حليب غبرة ونخلط مزياان بطراب يدوي او كهربائي





براونيز - هدى اليداري
4 بيضات نطربهم مزيااان + نص كاس سنيدة + قبصة الخل + قبصة ملح ويتطرب + الزبدة 120 غ مرخوفة + رابعة شكلاط اسود جودة عالية دايب في حمام مريم ويبرد عاد نضيفو مع التطراب + الطحين 250 غ + 2 م ك بودرة الكاكاو + 2 خمارات + كاس او 2 كيسان الكركاع مهروش شوية ونديرها في مول طويل مدهون و مرشوش بالدقيق او الكاكاو وندخلها الفران








كونفتير الماندرين - هدى اليداري
2 كيلو ونص الليمون
2 كيلو وربع الليمون نحيد ليه القشرة ونديرو في طنجرة ونقطع عليه رابعة مقطع بالقشرة + كيلو سنيدة + م ص عصير الحامض + عصير 4 الماندرين ونغطيه حتى يطلق الما ديالو عاد نديرو فوق النار ونخليه نص ساعة حتى يغلى ونقص البوطة ونخليه يطيب مازال ونطحنو في الاخير في ماكينة اليد ونرجعو على النار شوية حتى يتعلك + 2 م ك الكليكوز نخليه يبرد ونديرو في قراعي








البايلا - هدى اليداري
ناخد طنجرة فيها قطع الدجاج و الكروفيط و الكلمار بدون صليق + فلفلة مربعات و خيزوة مربعات + جلبانة و كرعة مربعات + زيت مخلط + بصلة مشلظة رقيق + 2 وراق موسى + 2 ثوم ونشحر مزيااان + زلافة الروز اصفر + تحميرة + ملح + ابزار + راس م ص كامون + عطرية الحوت + يتشحر مع شوية الما نص كاس ونشحر مزياان ومن بعد نضيف 2 زلايف الما - ممكن استعمال الما اللي تصلقو فيه قشور الكروفيط + الربيع ونسد الكوكوط مللي تصفر نقص البوطة ونخليها طيب على مهل
نخرج كولشي ونديرها في مول زجاج فيه الروز و الدجاج و شوية الكروفيط ما الفوق و الفلفة دوائر مشحرة في م ك الزيت وملح ونديرها من الفوق وندخلها الفران 10 دقايق

طريقة اخرى - بايلة ساهلة - ام هند
في طنجرة نحك 2 مطيشة كبار بالزريعة + بصلة صغيرة محكوكة + م ك ونص مطيشة الحك + فلفلة طويلة + 2 ثوم محكوكين + الربيع + الزيت + الابزار + ملح + سكينجبير + الزعفران + راس الحانوت قبصة تقليه غير شوية + زلافة الروز + 2 زلايف الما + الجلبانة نخليه يطيب نسد الكوكوط شوية 10دقايق من بعد الغليان ونحلو
الكروفيط نصاوبو مع الملح و الابزار و الزيت ونضيفو عليه مللي يطيب
ايلا بغيتي ديريه بالدجاج نديرهم من الاول يتقلاو مع مطيشة







حساء بلبولة الشعير بالاعشاب - هدى اليداري
رابعة البلبولة رقيقة
في طنجرة بصلة محكوكة رقيقة + نص كاس زيت العود + 3 ثوم محكوك او صحيح ونحيدها من بعد ونشحر شوية + ملح + مطيشة محكوكة + م ص سانوج + م ص حب رشاد + زعتر + فليو + 2 اوراق النعناع + معدنوس + ابزار + نص م ص الكامون ربع م ص سكينجبير + خرقوم بلدي + نغسل البلبولة ونضيفو ونخليه يتشحر شوية + الماء ايطرو تقريبا ونخليه يطيب غير يغلى و نقص البوطة ونخليها طيب





طاكلياطيل بالكفتة بالصلصة البيضاء - هدى اليداري
نص كيلو الطاكلياطيل ندير 2 ايطرو الما يغلى مزياااان + ورقة موسى + 1 ثوم صحيح + م ص الزبدة + شوية الزيت + ملح + ابزار ونرميها
مللي تصلق نغسلها بالما بارد ونخليها تسقطر
بصلة مشلظة رقيقة بزاااف + 1 ثوم + الزيت + م ص الزبدة ونشحرها مزياان + الكفتة بدون توابل + الملح و الابزار وسكينجبير + شوية الكوزة + 2 نعناع + الحبق 4 اواق مقطع رقيق ونشحر شوية + كاس كريم فريش او 4 ياغورت بدون سكر + 4 فرماج ممعوسين ونخليه فوق النار غير شوية ونطفيها خص لاصوص يكون جاري حيث الطاكلياطيل غادي تشرب
نخوي الصلصة على الطاكلياطيل ونخلطها ونحك الفرماج ونديرها في مول وندخلها الفران 10 دقايق من الفوق و لتحت









عقدة الكاوكاو وعجين حلويات اللوز - هدى اليداري
الكاوكاو او اللوز ايلا بغينا نفسخوه نديروه في ما مغلي وتطلع فيه الغلية 2 دقايق ونحيدو ونصفيه ونديرو في ميكة بيضاء ونسد عليه شوية و من بعد نفسخو
كيلو الكاوكاو منقي وناشف + نص كيلو سكر كلاصي + 3 م ك ما زهر ونطحنو 2 مرات + 2 حبات مسكة حرة مدقوقة مع م ص سنيدة + نقطة روح اللوز البنية + م ص زبدة + قطرة روح الزهر ونعجنها مزياان
ايلا جات العقدة ناشفة ممكن نضيف ليها اصفر بيضة او بيضة كاملة ايلا كان ناشف بزااف
عجين حلويات اللوز : نص كيلو دقيق + كاس زبدة مدوبة + م ك زيت + بيضة + قبصة ملح + م ك سنيدر ونجمعو بالما زهر + حبة او 2 مسكة حرة + قطرة روح اللوز ونعجن مزيااان .. ما خصهاش تكون خفيفة ونجمعها ونديرها في ميكة ونخليها ترتاح 5 دقايق و نورقها ونديرها بالشكل اللي بيغت ونخليها حتى الغد ليه و نطيبها




الكيكة العائلية بالشكلاط - هدى اليداري
5 بيضات + كاس عنبة حليب مركز محلى كراميل .. ايلا ما كاينش نديرو كاس ونص سنيدة + كاس الا ربع زبدة + نص كاس زيت + م ص الخل + قبصة ملح + فاني + كاس ما دافي غير شوية + رابعة شكلاط دايب + 3 كاس ونص طحين + م ك النشا + م ك الكونفتير + 2 م ك بودرة الكاكاو + 4 خمارت
البيض و الحليب المركز + الخل + الملح ويتطربو + فاني + كاس ما دافي ونطرب + الزبدر + زيت ونطرب + الشكلاط + الدقيق و الخمارات + بودرة الكاكاو + النشا + الكونفتير ونخلط ونديرو في مول كبيير مدهون ومرشوش بالكاكاو ويدخل الفران
ونزوقوها في الاخير باللي بغيت





ياغورت بالشكلاط - هدى اليداري
نص ايطرو حليب + 8 قطع شكلاط + 2 م ك سنيدة + 2 م ك النشا + م ص الكاكاو
ناخد الحليب وندوب فيه سنيدة والنشا و الكاكاو بالطراب اليدوي + الشكلاط ونديروه فوق النار متوسطة حتى يتقال شوية ونطفي البوطة ونديرو في كؤوس ونخليه يبرد





البصطيلات صغار مالحين بالدجاج - هدى اليداري
ناخد دجاجة ديال 2 كيلو ونحيدو ليها الجلدة ونديروها في الطنجرة + كاس ونص عنبة الما + م ص عطرية الحوت + بصلة كبيرة مقسومة على 4 + ملح + خيزوة صحيحة + ورقة سيدنا موسى + 2 ثوم + طرف الحامض ونسد عليه يتصلق
ناخد الدجاج مللي يطيب ونصفيه ونحيد البصل
البصل نديرها في طنجرة ونقطعها + بصلة اخرى مشلظة رقيق + الزيت + ورقة سيدنا موسى + 2 ثوم ونشحر مزيااان + الربيع + ازير راس م ص مطحون + الزعتر + ونشحر + م ك عطرية الحوت وناخدو خيزوة المصلوقة ونحكوها ونخليها تشحر معاهم + الدجاج مقطع رقيق ونحلوه + م ص السودانية او م ك حسب الدوق او الهريسة + 2 م ك زيت العود + زعتر + نص م ص التحميرة + نص م ص قزبر يابس + ربع م ص الكامون ونخلط ونخليها تشحر 10 دقايق حتى تشرب + الفرميسال مصاوبة و مقطعة ونشحر + 2 م ك صلصة الصوجا تقيلة + عصير حامضة + ملح شوية ونخلط ونخليها فوق النار 3 دقايق حتى تشرب ونحطها تبرد
ناخد ورقة البصطيلة نسرحها وندير نص ورقة البصطيلة في الوسط و نعمرها ونجمع الجوانب ونلويها باليد مع دهن اليد بالزيت وندخلها الفران

صابلي بالشكلاط و نكهة القهوة - هدى اليداري
رابعة الزبدة أي نوع من الاحسن زبدة العبار + 2 م ك سكر كلاصي + 2 م ك زيت + 2 م ك قهوة سريعة الدوبان مدوبة في 2 م ك الماء دافي + نكهة الشكلاط او م ك بودرة الكاكاو + 3 كاس ونص او 4 دقيق وبدون خمارة ونعجنو ونخليه يرتاح في الثلاجة 10 دقايق ونسرحو بين 2 بلاستيك مرشوين بالدقيق ونقطعوا بالشكل اللي بغيت وندخلوا الفران ومللي يخرج نخليه يبرد ونغطسو في الشكلاط وندير خطوط الشكلاط ابيض من الفوق او اللوز ايفيلي او مهروش رقيق في الجوانب او من الفوق




بطاطا عامرة – هدى اليداري وصفة للموظفات
ناخد بطاطا ونغسلها مزيااان نخليها بالقشرة نديرها في الفران حتى ترطاب نص ساعة تقريبا - او نديرها في الما طايب حتى طلع فيها الغلية و ندخلها الفران
ندير زائد من الفوق ونخوي الوسط
عمرها بالطون او قطع الدجاج او الكفتة مشحرين في زيت و الملح + 3 فرماج + م ص الما + الماييس + الكاشير + الخص مقطع ..... الخضر مصلوقة و مشحرة + زعتر اختياري + .... اللي بيغتو + الفرماج الاحمر لداخل ومن الفوق
وندخلها الفران مرة اخرى








لاجينواز بطريقة ساهلة - هدى اليداري
4 بيض في زلافة كبيرة + قبصة ملح + رابعة سنيدة ونطرب حتى يخفافو + رابعة الفورص مغربل + خمارة + م ص الزبدة دايبة او مرخوفة + فاني ونطرب بالطراب اليدوي او الكهربائي
ايلا بغيناها بيضاء كنخدمها بهاد الطريقة
ايلا بغيناها سوداء كنقصو م ك الفورص ونعوضها ب م ك بودرة الكاكاو
ناخد ورق الطهي نفرشو في اللاطة ونسرح العجين على الاطة وندخلها الفران
طيب من لتحت 10 دقايق و تنشف من الفوق 2 دقايق حتى تنشف
ماخصهاش تولي حمرا في الطياب غير صفرا
الكريمة : نطرب بودرة الشونتيي مع كاس كبير الحليب 10 دقايق
ايلا بغيناها عادية نطربها بوحدها حتى تطلع و نضيف م ك المايزينا
وايلا بغيناها بالشكلاط نطلعها ونضيف م ك الكاكاو
هاد المقادير ديال دهن طبقة واحدة - ايلا بغينا ندهنو لاجينواز من الوسط و الفوق نضاعفو المقادير ديال الكريمة
ناخد لاجينواز سخونة نرشها ب م ك سنيدة ونلويها ديك الساعة بورق الطهي ونحط عليها فورطة مبللة شوية 5 دقايق حتى تبرد
نحلها من بعد وندهنها بالكريمة + اللوز او أي حاجة بغينا ونلويها ونديرها في المجمد نص ساعة
5 دراهم اشكلاط ندوبو في حمام مريم + 2 م ك الياغورت أي نوع وندهن بيه لاجينواز من الفوق ونرجعها مرة اخرى للثلاجة باش تبرد








الفلون ديال الفران - هدى اليداري
6 بيضات يتطربو + 150 غ سنيدة + فاني + ايطرو حليب مغلى و باقي سخون ونطرب مزياااان ونضيف شوية بشوية ونخويه في كويسات فيها كريم كراميل
كريم كراميل : 100 غ سنيدة نديرها دوب مع نص م ص الخل على نار مهيلة حتى يولي كراميل ونخويه في الكويسات
نخوي الخليط ونديرو في حمام مريم في فران تقريبا ساعة الا ربع
اسهل طريقة ندير الكويسات في لاطة فيها الما مغلي وندخلها للفران









سوندويتشات الكفتة و الخضر - هدى اليداري
رابعة الكفتة + خيزوة + كرعة + لفتة + بطاطا + بصلة + بورو + بيضة + العطرية
بصلة صغيرة مشلظة رقيق في مقلة مع الزيت على نار متوسطة + بورو رقيق ونشحر مزياان + الخضر محكوكة طويل أي نوع بغينا ونشحر مزياان حتى تدبل + ملح + ابزار + م ك زيت العود + قبصة زعيترة اختياري + الربيع + الطحميرة ونخليه يبرد
الكفتة + الخضر اللي شحرنا ونعجنها مزيااان + الفرماج احمر محكوك او عادي
نسرحها ونطبعها ونقليها في م ك زبدة على الجهتين ونديرها في السوندويتشات
ممكن نضيف ليهم شوية ديال البصلة ومطيشة مشحرة في ملح وزيت عادي و الفرماج احمر من الفوق وندوزو في البريصة










كيكة بالكوك ساهل و بنين – هدى اليداري
4 بيضات + كاس ونص سنيدة يتطرب + م ص الخل + نص كاس زبدة دايبة + نص كاس زيت + نص كاس كوك مرقد في الحليب ساعتين ونطرب + ياغورت أي نوع و من الاحسن ياغورت فرماج + فاني ونطرب + 2 كاس ونص فورص + 3 خمارات + 2 م ك الماء + قبصة ملح ونطرب ونديرها في مول مدهون ومرشوش وندخلها الفران
مللي تخرج ندهنها بالعسل او الكونفتير و نرشها بالكوك


حلوى البوق - هدى اليداري
في كصعة رابعة الزبدة ماركرين او ديال العبار من الاحسن تكون مرخوفة + كاس ونص الزيت + كاس ونص سنيدة ونعجنها بالكف ديال اليد مزيااان + 2 بيض + خمارة + طحين هي وما هزااات تقريبا 3 زلايف حتى ل 4 يكون العجين خفيف
نديرها في جيب حلواني او بوق عادي ونخرجها منو في اللاطة مدهونة بالزيت وندير فوق منها طريفات الفواكه المعسلة وندخلها الفران يكون سخون





الخبز المكسيكي – هدى اليداري
نص كيلو الطحين مغربل + طريف صغير خميرة الخبز قد راس الاصبع + م ص زبدة + 2 م ك الزيت + ملح + قبصة سكر وتعجن بالما بارد .... خص تكون العجينة مرخوفة ونخليها ترتاح مغطية بزيفحتى تتضاعف تقريبا نص ساعة
من بعد نقطعها كويرات صغار قد البطبوط ونلويهم ونخليهم يرتاحو 5 دقايق مغطية بزيف
نطلقها بالمدلك حتى تولي رقيقة بزاااااف ونديرها في مقلة ثقيلة على الظهر ديالها غير كيتصهد ونحيدوه






كيكة باللوز – هدى اليداري
4 بيض مطرب مع كاس عنبة حليب مركز محلى كراميل + قبصة ملح + م ص الخل + كاس زبدة مدابة ونطرب مزيااان + 2 كاس ونص دقيق + 3 خمارات + نص كاس بودرة اللوز ونطرب + اللوز محمر ومهروش تقريبا نص كاس الى كاس + 2 م ك الما ونديرها في مول وندخلها الفران
مللي تخرج نزينو ب م ك حليب مركز و اللوز محمر و مهروش


البهلة - هدى اليداري
رابعة الزبدة ـــــ 2 كيسان عنبة زيت ـــــ رابعة سنيدة ــــــ 3 خمارات ـــــ م ص السمن ـــــ2 حبات مسكة حرة مدقوقة مع شوي السكر ـــــ نص كاس جلجلان محمر ــــــ كاس لوز محمر بقشرته ومهرمش اختياري ــــ ربع ملعقة قرفة ـــــ شوي زعفران حر إختياري ــــ750 غ دقيق فورص و يقدر يوصل حتى 850
نخدموا الزبدة مع السكر ونزيدوا الزيت والمكونات كلها بلا ماندلكوها غير تجمع نعملوا كويرات صغار نخلوها الفرن لفوق حتى تتشقق ونهبطوها لتحت



صابلي بريستيج باللوز و الشكلاط - هدى اليداري
رابعة الزبدة العبار + رابعة سكر كلاصي مغربل شوية روح القهوة او 2 ساشي قهوة سريعة الدوبان مدوبة في م ص الما دافي + نص كاس عنبة كريم فريش او نص ياغورت بدون سكر ونعجن باليد + كاس عنبة بودرة اللوز + م ك الكليكوز او الكونفتير او الناباج ايلا بغيناها تكون رطبة + م ك عامرة بودرة الكاكاو ونخلط ونضيف الدقيق بشوية بشوية تقريبا كيلو او اقل
نخليه يرتاح في الثلاجة ربع ساعة وسط ساشي
ونديرو بين 2 ميكات مرشوشين بالدقيق و نطلقو بالمدلك ونطبعو رقيق وندخلوا يطيب ونلصق وحدة على وحدة
150 غ شكلاط يكون من نوع جيد في حمام مريم حتى يدوب + 2 م ك كليكوز + 2 م ك الناباج
اللي ما لقاش الكليكوز يعوضو ب 2 م ك الكونفتير
اللي ما لقاش الناباج نعوضوا ب 2 م ك الحليب سائل و م ص الزبدة دايبة
مللي يبرد الصابلي نلصق الصابلي بهاد الخليط ونغطسو كامل في الشكلاط وندير عليه الفوق شوية اللوز من الجنب و نخليه ينشف








التريد ديال – هدى اليداري
نص كيلو فورص من نوع جيد + نص رابعة فينو + م ص الزبدة + م ك زيت + ملح + رربع م ص سنيدة وماء بارد للعجين ويتدلك مزيان يتدهن بالزيت ويدار في ميكة 20 دقيقة ونقطعها دوائر صغيرة ونديرهم في بلاطو مدهون بالزيت ونغطيه بميكة 10 دقايق و نبدا نورق بالزيت و بوسط اليد وغير تصهد نقلبها ما نخليهاش طيب بزاف غير نقلبها ندير وحدة فوق منها باش ما تنشفش
ونحطو في بلاطو مغطي بالزيف ومن بعد نحلهم


بصطيلة غرويال بالحوت و الفرماج و الكريم فريش - هدى اليداري
كيلو ونص الكروفيط + كيلو ونص الكلمار + كيلو ونص أي نوع من الحوت المريلا + كيلو ونص لا لوط او الفرخ + 250 غ شومبينيون + 250 غ فرماج احمر + 200 غ الموتزريلا + 200 غ فرماج كودا + رابعة الكريم فريش ديال الطبخ
ملح + ابزار + م ص ملح صيني + راس م ص ازير + ربع م ص الزعتر + 6 اوراق الثوم القصبي اختياري + م ص الثوم غبرة + م ص البصلة غبرة + 250 زبدة العبار + 2 م ك صلصة الصوجا الخفيفة او 2 م ك عصير الحامض
ندوب الزبدة + جميع العطرية ونخلط ونقسم الزبدة على 4
الكروفيط ندير ليه شوية من خليط الزبدة و نشحرو على نار عالية - ايلا طلق الما نصفيه ونحتفظ بيه
الكلمار نصلقو في ماء و ملح وورقة موسى و 1 ثوم ونصفيه ونضيف عليه شوية من خليط الزبدة ونشحرو 3 دقايق
الميرلا ندهن بخليط الزبدة وندخلها الفران 10 دقايق
لا لوط او الفرخ ندهنوه بالزبدة وندخلو الفران - ايلا طلق الما نصفيه ونحتفظ بيه
ناخد الما اللي صفيت من الكروفيط ولالوط وناخد منو 4 م ك ونشحر فيه الشومبينيون مع ملح و ابزار و م ك زبدة ونخليه يتشحر حتى يشرب 10 دقايق تقريبا + الما ديال الحوت اللي بقى و نخليه يشرب 5 دقايق + الكريمة ونخليها تغلى غير شوية 5 دقايق
نوضع الحوت في شي طبسيل كبير نحك عليه الفرماج احمر + الكريمة تكون باردة شوية ونخلط كولشي ونعمر البصطيلة وندخلها الفران



الدجاج مشوية – هدى اليداري
بالليل نعصر عصير حامضة كاملة على دجاجة مقسومة على 2 ديال كيلو او كيلو و ربع + 2 ثوم محكوك + ملح وترقد حتى للصباح غير نقطرو مزياان و نشرملو
يتشرمل : م ص الربيع + ربع م ص الزعتر + ملح + ابزار + 2 م ك زيت العود + 2 م ك زيت عادي + م ص موطارد و نديرو يتشوى



صوص ديال الشومبينيون - هدى اليداري
الشومبينيون يتشحر في م ك الزبدة + ملح + ابزار و يتشحر + بصلة غبرة و راس م ص ثوم غبرة ونشحر مزيااان + الكريم فريش مخلطة من قبل مع 2 فرماج ونخليه يتقال شوية





طاجين الخضرة و الحمص – هدى اليداري
الحمص مرقد بالليل
في طاجين او كوكوط او طنجرة ندير بصلة شرائح + زيت العود + 2 ثوم محكوك + م ص زبدة ونشحر مزياان حتى تدبل البصة شوية + 2 او 3 خيزو مقطع دوائر او شكل اخر + المحمص ونشحر 10 دقايق + الربيع + تمرة وحدة + نص م ص سكينجبير + راس م ص ابزار + م ص كامون + خرقوم بلدي + قبصة زعتر ونخليه يتقلى 5 دقايق + الماء + عود صغير قرفة ونغطيه ونخليه يطيب و مللي يقرب يطيب نحيد التمرة و عود القرفة و نضيف بطاطا + مطيشة كبيرة دوائر حامض مرقد + 2 م ك زيت العود + الابزار + الربيع ونخليه يطيب



الحليب المركز المحلى - هدى اليداري
كاس عنبة حليب غبرة + كاس سكر كلاصي سبيسيال + كاس الما عادي ونديرهم في كاصرول ونحرك بالفورشيط حتى يندمج او بملعقة عود ونخليه على النار 5 دقايق من بعد الغليان مع التحراك حتى يندمج ونخليه يبرد
سكر كلاصي سبيسيال : كيلو سكر كلاصي عادي مغربل + كاس النشا





الكيك بالفلون و الكراميل - هدى اليداري
100 غ سنيدة + م ك الما + قطرة خل ندير سنيدة والما والخل في مقلة حتى تولي بنية بحال الكراميل على نار مهيلة ونحرك المقلة غير من اليد
الكريم كراميل : 2 بيضات + نص كاس سنيدة + كاس ونص حليب بودرة
الكيك : كاس ونص فورص + قبصة ملح + 3 بيض + نص كاس سنيدة + نص كاس زيت + نص كاس الما + نص كاس حليب سائل + 2 خمارات + م ك بودرة الكاكاو اختيارية او م ك مايزينا + 2 م ك بودرة اللوز اختيارية للبنة
في قاع المول يكون داير او ديال الزجاج ندير خليط السنيدة والما و الخل فوق منو خليط الكريم كراميل + خليط الكيك في مول مدهون ونديرها في حمام مريم داخل الفرن تقريبا 45 دقيقة حتى ل ساعة
حمام مريم
لاطة فيها الما مغلي ما يكونش كثير وندير وصط منها المول وندخلها الفران
مللي تخرج نخليها تبرد مزيااان في الثلاجة ساعتين تقريبا حتى تبرد ومن بعد نقلبها



شكلاط للدهن - هدى اليداري
في خلاط كهربائي : 4 او 5 فرماج مثلث او مربع + نص علبة جبن + 2 م ك حليب بودرة + 6 او 8 بيسكوي عادي يكون مرقد في 2 م ك حليب سخون + قطرة روح النوازيط اختيارية + رابعة شكلاط في حمام مريم ونخليها تبرد ونضيفها على المكونات السابقة + م ص بودرة الكاكاو ونخلط كولشي ونديرها في قرعة وندلها الثلاجة



شوربة الدرة مالحة - هدى اليداري
رابعة ديال الدرة المهرسة نرقدها في ما مغلي ونغطيها ساعتين او اكثر
في طنجرة نحك بصلة + 2 م ك زيت عادي + 2 م ك زيت عود ونشحر البصلة شوية + قطع بيبي او دجاج مربعات ونشحرها + 1 ثوم محكوك + نص م ص سكينجبير + ابزار + عطرية الدجاج اختيارية + الربيع + زعتر + خرقوم بلدي او زعفران حر اللي كاين ونشحر مزياان + 2 خيزو مربعات صغار + بورو اختياري + كرعة خضراء مربعات ونشحر مزيااان 5 دقايق + الماء + الدرة المصفية ونغطي ونخليها طيب مزياان






الروز بالكفتة و الخضر – هدى اليداري
بصلة مشلظة رقيق في طنجرة مع زيت عادي او زيت العود تقريبا ربع كاس + 2 ثوم ويتشحر مع نص ورقة موسى + خيزو مربعت + كرعة مربعات + الربيع + الكفتة كويرات + نص م ص سكينجبير + راس م ص ابزار + خرقوم + عطرية اللحم + الملح + ربع كاس الما و نشحر مزيااان 10دقايق نار مهيلة + رابعة الروز اصفر مرقد مسبقا في ماء بارد ساعة او اكثر ويتشحر مزياان
+ زلافة و نص الماء نخليه يطيب حتى ينشف على نار مهيلة

وصفة للموظفات : حوت في الفران - هدى اليداري
نص كيلو أي حوت نحيد ليه الشوكة حتى يولي ايفيلي نعصر عليه م ك عصير الحامض + قبصة زعتر + ملح + قبصة ازير ونخليه نص ساعة
الشرمولة : ملح صيني اختياري + م ك القزبر + راس م ص ابزار + سودانية + نص م ص موطارد + ملح غير قبصة او بلاش + نص م ص قزبر يابس + نص م ص كامون + 2 م ك زيت عود ونخلط
نصفي الحوت و نشرملو ونخليه شوية في الثلاجة
ناخد مقلة ما كتلصقش وندير شوية الزيت ونطيبو على الجهتين او فوق ورق الطهي في الفران ربع ساعة
الصلصة المرافقة للحوت : في زلافة ياغورت كريمي مسوس + م ك مايونيز + ثوم غبرة اختياري + ملح + ابزار + قزبر و معدنوس + قبصة زعتر مطحون ونخلطها


طاجين الخضرة معمرة – هدى اليداري
نص كيلو كفتة + بصلة محكوكة رقيق + الربيع + ربع م ص قرفة + نص م ص سكينجبير + م ص طحميرة + م ص عطرية اللحم اختياري + ربع م ص ابزار + ربع م ص عطرية المروزية + ملح + م ص عصير الحامض او الخل + قبصة زعتر مكطحون + 2 م ك حليب سائل باش تجي الكفتة رطبة ونخلط مزيان
ناخد الخضرة اللي بغيت اما البطاطا او الكرعة او مطيشة او الدنجال الصغير نحيد ليها الراس ونعمرها و نرجع الراس
ناخد الطاجين نحك فيه نص كيلو مطيشة + ربع كاس زيت عادي + 2 ثوم محكوك + ملح + الربيع + عطرية اللحم اختيارية + م ص مطيشة الحك مخففة في نص كاس الما غير تبدا دوب مطيشة نستف الخضر و نغطيها بالغطاء ديالها وندير الفوق الصلصة باش نسقي
الصلصة : م ص الربيع + 2 م ك زيت عود + ملح + ابزار + طحميرة + الكامون + نص م ص عصير الحامض + 2 م ك الماء ونسقي بيها الخضر
ونخليه يطيب في الطاجين فوق المقلة الثقيلة او ممكن نديروه في مول ويدخل الفران





طاجين البسباس - هد ى اليداري
في كوكوط بصلة كبيرة محكوكة غليظة + رابعة او نص كيلو لحم + 2 ثوم + زيت مخلط + ملح + نص م ص سكينجبير + ربع م ص ابزار + خرقوم بلدي + نص م ص عطرية اللحم اختيارية + م ص الزبدة ونشحر 10 دقايق على نار مهيلة من بعد ما تغلى + الربيع + الما تقريبا كاس كبير ونسدها ونخلي اللحم يطيب
ناخد البسباس نقسمو على 4 ونديرو في الما و الملح 10 دقايق ونصفيه ونشرملو
الشرمولة : م ك الربيع + عطرية اللحم اختياري + م ك زيت + م ص عصير الحامض + الملح + ابزار + ثوم غبرة اختياري ونشرملو مزيااان ونخليه مرقد حتى يطيب اللحم
ناخد الطاجين نحط فيه اللحم ونخوي المرق في الجوانب ونستف البسباس + نص حامضة مرقدة مقسومة على 4 ونخليه يطيب
مللي يطيب + م ك زيت العود + 2 قطرات عصير الحامض ونغطيه 5 دقايق





خبيزات الحليب - هدى اليداري
2 زلايف فورص ندير فيه حفرة + بيضة + م ك حليب بودرة + قبصة ملح + نص كاس او كاس الا ربع سنيدة + نص كاس زبدة دايبة + 2 م ك زيت عادي + 2 خمارات + فاني ونجمعو بالحليب عادي الحرارة ونخليه يرتاح 10 دقايق ونشكلو بالاشكال اللي بغيت كندهنوها ببيضة مخلطة مع م ك حليب سائل و نص م ك حليب غبرة
وندخلها الفران يكون سخون غير شوية فقط





مادلين – هدى اليداري
3 بيضات + كاس سنيدة + قطرة خل + قبصة ملح ونطرب + نص كاس زيت + نص كاس ماء + 2 خمارات + 2 كاس ونص دقيق + فاني + م ص مايزينا
نخلط ونديرها في مول صغار وندخلها الفران

معادلة الكيك : هدى اليداري
3 بيض كيمشي مع كاس دهون اما زيت او زبدة + كتمشي مع كاس سنيدة ومع 2 كاس ونص دقيق


سطيك الدجاج او بيبي للموظفات و الاطفال – هدى اليداري
نص كيلو سطيك يتغسل و يتسقطر + بصلة محكوكة + ملح + شوية سكينجبير و يترقد ساعة ومن بعد نحيد السطيك يتسقطر من البصلة ونشرملوا ب 2 م ك الربيع + نص م ص كامون + م ك عصير الحامض + نص م ص تحميرة + 2م ك زيت العود + الهريسة اختيارية + نص م ص عطرية الحوت اختيارية + زعتر غير قبصة اختياري ويرقد اطول مدة ممكنة
من بعد ندوزو في الطحين و البيض و شابلير ويتقلى في الزيت او يدخل الفران على ورق الطهي مدهون بالزيت و نرش الزيت من الفوق



شرمولة الزيتون اخضر - هدى اليداري
الزيتون مهرس كل نص كيلو + 2 م ك الربيع + 2 اوراق نعناع عبدي + عصير حامضة كاملة تكون مرقدة قبل في ماء مغلي دقيقة وندلكها شوية قبل ما نعصرها + 2 او 3 ثوم اختياري + هبرة الحامض مرقد تقريبا ربع مقطع رقيق + نص م ص قزبر يابس + قزبر اوراق تقريبا م ص + كاس زيت عود او عادي وبدون ملح + راس م ص سودانية او اكثر اختياري ونديرو في علبة
وقت ما خديت منو شوية نعاود نحرك القرعة باش يتخلط فيه الزيت و يبقى في الثلاجة مدة اسبوع



كيك عيد ميلاد ساهل - هدى اليداري
تحضير الكيك في مول مربع او داير
5 بيض + كاس ونص سنيدة + كاس زيدة دايبة + خل غير شوية و نطرب + 3 كاس دقيق + 3 خمارة + م ك مايزينا + م ك كونفتير + قبصة ملح ونطرب حتى يندمج ونديرو في المول مدهون ومرشوش بالطحين ويدخل الفران
مللي يخرج نخليه يبرد ونفلحها من الجناب بالموس ونقطعها بالخيط مبروم
ناخد كاس حليب سائل منسم بساشي فاني نسقي النص السفلي ديال الكيك بالنص ديال الكس وندير الكريمة فوق منها فواكه معسلة او لوز او كركاع او اللي بغيت
الكريمة : ناخد 2 بودرة الشونتيي فاني او شكلاط ونطلعها مع 2 كاس كبير الحليب حتى تولي كريمة + 2 ياغورت فرماج او 6 فرماجات ممعوسين
ومن بعد ندير النصف الاخر ديال الكيك ونسقيه بالنص الثاني من الكاس ديال الحليب ونغطيها بالكريمة ونخلي شوية من الكيرمة للتزيين
ندخلها المجمد ساعة ونخرجها ونحك الشكلاط في حكاكة غليظة في الجوانب
ناخد داك الشي اللي بقى من الكريمة ونديرها في جيب حلواني وندير بيها وريدات وسط الكيك ونقطع شوية الفواكه المعسلة او لي كوم او شكلاط دايب نزوق بيه او طريفات شكلاط



بالميي - هدى اليداري
العجين : نص كيلو فورص ندير فيه حفرة : بيضة + 100 غ زبدة مرخوفة + قبصة ملح + م ك سنيدة + ربع م ص خل + فاني + خمارة ونجمع بالما بارد
نخليها ترتاح 10 دقايق ونسرحها وندير وسط منها 150 زبدة مرخوفة ونطويها بحال المسمنة ونخليها ترتاح 5 دقايق ونرجع نسرحها ونطوي كل واحد من الجوانب في وسط المربع في المركز
ترتاح 10 دقايق ونعاود نسرحها على ورقة مربع ونقسمها على 3
كل طرف من العجين ندهنو ب م ك زبدة ونرش عليه سنيدة ونلويه من كل جانب حتى الوسط وندخلها المجمد حتى يقبط ونخرجها نقطعها
وندخلها الفران من بعد ما يدهنوا بالبيض و قبصة خل غير من الوجه و يكون الفران سخون غير شوية



كويرات الروز بالكفتة - هدى اليداري
رابعة الكفتة + 6 م ك الروز عادي او اصفر يكون مصلوق + 2 خيزو محكوك ومشحر + الربيع + ملح + ابزار + نص م ص تحميرة + نص م ص كامون + قزبر يابس + اصفر بيضة + 2 فرماج + م ص شابلير او نص م ص فورص + نص م ص عطرية اللحم اختيارية ونعجنو مزيان ونديرها على شكل كويرات يدوزو في الطحين ونقليهم في 2 م ك الزيت حتى تحمر
الصلصة : الكيتشوب او م ك مايونيز + 2 فرماج + شوية ملح + م ك زيت عود + ابزار + معدنوس + قطرة حامض
الكيتشوب : كيلو مطيشة بالقشرو ديالها و بلا زريعة و بلا ما ونقطعها في طنجرة + كاس عنبة الما + 1 ثوم + ملح و نسد عليها طيب ونطحنها من بعد ما نصفيها و نحيد الثومة و نطحنها في الروبو او كاس العصير مزيااااان حتى تولي معجنة ونصفيها من القشور في الصفاية العادية ونعصرها في زيف حياتي باش تكون رطبة
من اجل اللون الاحمر ممكن اضافة م ص مطيشة الحك مدوبة في نص كاس عنبة ونضيفها لمطيشة ونرجعها للنار + 4 او 6 م ك سنيدة ونخليه 10 دقايق ونخليها تبرد ودخل الثلاجة




الخضرة مخللة – هدى اليداري
2 كيلو من أي نوع من الخضر اللي بغينا نقطعوها صغير + ماء مغلي مزيااان + 1 ثوم + ورقة سيدنا موسى + ملح ونخليها فوق النار 2 دقايق ونطفي البوطة ونخليها 10 دقايق ومن بعد نصفيها نديرها في قراعي مع ماء التخليل
ما التخليل : ايطرو الما بارد - او مغلي ايلا بغينا نستعملو الخضر داك النهار - + كاس عنبة الخل + م ك ملح مدابة وندير فيهم الخضر في وسط القراعي
ونستعملهم من بعد يومين ونحتفظ بيهم في الثلاجة

i

مايونيز ساهل - هدى اليداري
2 بيض في خلاط كهربائي + ملح + م ص الخل او عصير الحامض + نص م ص موطارد + 2 فرماج + نص كاس زيت ونخلط ونزيد نص كاس زيت اخر بشوية بشوية مع التخلاط وممكن اضافة نص كاس اخر على حشب خفة او ثقل المايونيز
ايلا بغيناه ثقيل بزاف ندير كاس ونص ديال الزيت



الكريمة ديال التشيز كيك – هدى اليداري
الكريمة الباردة : 250 غ الجبن نمعسوه مع 2 فرماج مربع + 2 م ك سكر كلاصي او اكثر حسب الدوق + فاني + ياغورت فرماج حلو ونمعسو مزياان + 150 غ شكلاط ابيض مداب في حمام مريم و نخليها تبرد ونضيفو على الخليط وانا كنطرب بالطراب الكهربائي وندخلها للثلاجة حتى تقبط



صلصة بيضاء ديال لي باط – هدى اليداري
بالنسبة لرابعة لي باط علبة قشدة طرية 370 غ او 4 ياغورت بدون سكر ونطرب + 2 فرماج + 1 ثوم او ثوم غبرة + ملح + ابزار + معدنوس + زعتر وراق غير قبصة
نشحر لي باط في زيت عود وملح وابزار ونديرهم في مول زجاج + الصلصة + فرماج احمر وتدخل الفران









الرافيولي : لي باط ديال الدار - هدى اليداري
العجين : 6 بيض + ملح + 2 قطرات خل + 2 م ك زيت + ربع كاس عنبة ماء + الدقيق شوية بشوية بدون خميرة حتى تجمع العجين غير بالاصابع بدون دليك ونغطيها ترتاح نص ساعة
ناخدها ونطلقها بالمدلك حتى تولي ورقة ونقطعها شرائح وندوزها في ماكينة لي باط او ديال الشباكية وناخد جرارة ونقطعها مستطيلات وناخد الحشوة اللي بغينا ونعمرو بيها تكون الحشوة مخلطة مع 2 فرماج عادي وموتزريلا + ملح و ابزار و أي منسم
وناخد م ص من الخليط نديرها وسط العجين ونحط فوق منها عجين اخر ونسد الجوانب ونقطع بالجرارة ونديرها في لاطة مرشوشة بالدقيق ونخليهم ينشفو مزياان ونديرهم في ماء مغلي بزاااف فيه ملح و م ك زيت و م ك زبدة ونخليهم يتصلقو
من بعد نخلطهم بالصلصة البيضاء اللي بغيت

بيسكوي بالشكلاط – هدى اليداري
رابعة زبدة العبار + كاس سنيدة بيضة + 2 م ك حليب بودرة + م ك مايزينا + م ك الما ونجمع بالدقيق حسب الخليط
نخليه يرتاح ونورقو بين 2 ميكات ونرشمو ونديرو يطيب مللي يطيب
ندوب رابعة الشكلاط من نوع جيد ونضيف عليه 2 م ك قشدة طرية او 2 م ك ياغورت كريمي
ونخليه يتقال شوية ونعمر بيه وسط الصابلي ومن بعد نغطسو كامل ايلا بغيت


الصول بصلصة بيضاء - هدى اليدار ي
في مقلة كبيرة مع 3 م ك ماء او اكثر حسب الما اللي يطيب الحوت ونخليه يغلى مزيان + م ص زبدة + ملح ومللي يغلى ندير فيه 2 صولات كبار ونخليه يطيب
الصلصة : ناخد الما اللي بقى في المقلة ونضيف عليه لاكريم فريش + 2 فرماج + ملح + ابزار + معدنوس او سيبوليط
ونخليها تغلى مزيان وتغلى ونخويها فوق الصول

حلوى النخالة - هدى اليداري
زلافة صغيرة نخالة + نص زلافة زنجلان محمص يعني غير مصهد فقط + 2 م ك زيت + م ك زبدة مدوبة + كاس سنيدة + خمارة + بيضة او 3 بيضات حسب الخليط + م ك كونفتير او م ص كليكوز
نخليها ترتاح 5 دقايق و نكورها وندوزها فيسكر كلاصي سبيسيال
السكر كلاصي سبيسيال : كيلو السكر كلاصي مع كاس النشا
نص كيلو سكر كلاصي مخلط مع خمارة وعاد نفند فيه الحلوى
صافي وندخلها طيب غير من لتحت


كيك بدون زبدة او زيت - هدى اليداري
4 بيضات + 2 فرماج مثلث او مربع ممعوس + كاس سنيدة ونطرب مزياان + م ص الخل + 2 م ك الما + قبصة ملح + ياغورت كريمي ونطرب + فاني او 2 م ك عصير ليمون وقشرة ليمونة او أي منكه اخر + 200 غ دقيق + 3 خمارات ونطري ونديرو في مول ونديرو يطيب




شيفلور مشرمل - هدى اليداري
وصفة لكل شيفلورة
ندير برمة فيها الما و الكامون والحامض و الملح ونخليها تغلى مزيان وندير فيها الشيفلور وريدات صغار نرشوه بالملح ونبخرو 5 دقايق من بعد الغليان
في مقلاة نحك مطيشة بالزريعة + الزيت عود او عادينخليها تشحر مزياان + 2 ثوم + + 2 م ك الربيع + م ص تحميرة + نص م ص كامون + سودانية وهريسة ونشحرهم شوية + نص حامضة مرقدة مغسولة بلا زريعة + عصير نص حامضة + نص م ص عطرية اللحم اختياري + م ص مطيشة الحك مخففة في شوية الما ونشحر شوية + الشيفلور ونشرملو من الجهتين ونقدمو سخون
الشيفلور مشرمل الطريقة الثانية - هدى اليداري
بصلة محكوكة مع الزيت + 3 ثوم محكوك ونشح رمزيان حتى تنشف + ابزار + سكينجبير ربع م ص + خرقوم بلدي + م ص عطرية اللحم اختياري + ملح + عصير نص حامضة + الربيع يتشحر + كاس ما كبير + شيفلور يكون خضر + نص حامضة مرقدة نرميها كيف ما هي من بعد ما نغسلها + حبيبات كامون راس م ص ونخليه يطيب و ينشف وتبقى فيه غير شوية المررق خفيف ونقدمو

كيكة بالكلاصاج ديال الشكلاط - هدى اليداري
5 بيضات نطربهم مزيااان + 150 او 250 غ شكلاط دايب + كاس زبدة دايبة أي نوع + 2 م ك قشدة طرية او ياغورت بدون سكر ونطرب في خلاط كهربائي حتى يولي كريمة
نضيف عليه رابعة فورص مغربل + 3 خمارة + 2 م ك بودرة الكاكاو + م ص الخل + 2 م ك الما + قبصة ملح ونديرو في مول داير مدهون ومرشوش
كلاصاج شكلاط : 1 ياغورت كريمي بدون سكر في جبانة + 150 غ شكلاط مداب في حمام مريم ونخلط بمغرفة العود ونخويه على الكيك من بعد ما طيب و تبرد وتخرج من المول ونخليها تبرد في الثلاجة

غريبة ديال الدرة - هدى اليداري
نص كيلو طحين ديال الدرة + م ك نافع بلدي مصهد شوية في مقلة حبيبات + 3 بيض + كاس الا ربع زبدة + ربع كاس زيت + 2 خمارة + قبصة ملح + كاس الا ربع سنيدة او كاس كامل على حسب الدوق + م ص كليكوز او كونفتير ونطرب باليد ونجمعها ونضيف الحليب بارد برودة المطبخ ونبدا نجمع بشوية بشوية تقريبا من نص كاس حتى لكاس الا ربع
نغطيها ونخليها ترتاح 5 دقايق ونديرها من بعد كويرات بحال غريبة البهلة و نديرها في لاطة ودخل فران سخون مزياان ونقصو ونديرها طيب
ممكن من بعد ما نكورها ندوزها في كاوكاو مهروش او اللوز ايفيلي

كرطان فيلي لاداند او دجاج – هدى اليداري
ناخد الفيلي ونضربو بالمدلك حتى يولي رقيق
2 بورو + بصلة مشلظة رقيق + رابعة او نص رابعة ديال الكفتة دجاج + 2 خيزو + 2 كرعة + الربيع + لفتة بيضاء + بطاطا + 2 بيض
ناخد الضر كاملة نحكها رقيق
الخيزو و اللفت مع البصلة يتشحرو هما الاولين مع الزيت عود او عادي حتى يتشحرو مزياان و يدبلو + بورو مقطع رقيق + ورقة موسى + 2 ثوم + ملح ونشحر + كرعة و بطاطا ونشحرهم +قبصة زعتر محكوك + ابزار + قزبر يابس + م ص عصير حامض + الربيع + راس م ص سكينجبير طري من الاحسن او الاخر
الكفتة نشحرها مع زبدة او زيت بوحدها وتكون مشرملة من قبل
نضيف الكفتة على الخليط ديال الخضر ونضيف 2 بيضات و 2 فرماجات او 3 + م ك النشا او م ك فورص ونجمع كولشي ونديرو على شكل كويرات مستطيلة ونعمر بيه السطيك ديال الدجاج ونلويها ونسدهم بعود اسنان ونشحرهم شوية في مقلة غير يتصهدو في 2 م ك زيت ونستفهم في مول مدهون بالزبدة ونخوي عليهم صلصة البيشاميل وندخلو الفرا


كرطان الحوت و البطاطا - هدى اليداري
كيلو حوت هبرة مطحون في ماكينة اليد + خيزوة وكرعة محكوكة يكونوا مشحرين مع شوية الزيت عود + 1 ثوم + عطرية الحوت اختياري + الربيع + ملح + م ص عصير الحامض + 1 ثوم + قبصة زعتر اختياري + ابزار + قزبر يابس نص م ص + راس م ص كامون ونعجن مزيااان
في مقلة ندير الربيع + زيت عادي ونضيف الحوت ونشحر ونخليه يبرد
4 بطاطا كبيرة مقطعة دوائر وتصلق نص صلقة مع ورقة موسى و ملح + طريف زبدة
نصفيها
ناخد المول الزجاج او مقلة ما كتلصقش ندهنو بالزبدة وندير نصف الدوائر فوق منو نصف كمية الحوت + صلصة البيشاميل + فرماج احمر + دوائر بطاطا + ما تبقى من الحوت + صوص بيشاميل مخلط مع بيضة و شوية عطرية الحوت و الربيع و الفرماج احمر وندخلو الفران
صلصة البيشاميل :
في كاصرول ندير ربع كاس زيت + م ك فورص عامرة + ملحونخلط حتى يدوب + كاس حليب + كاس عنبة من الما اللي صلقت فيه البطاطا + ملح + ابزار + ربع م ص ثوم غبرة و بصلة غبرة اختياري ونخليها تغلي حتى تقال



حلوى الكاوكاو و الزنجلان الهلال – هدى اليداري
نص كيلو الكاوكاو نقيه ونقليه ونطحنو + رابعة ونص سنيدة + رابعة زنجلان محمرة ومطحونة + رابعة زبدة + كيلو الا ريع فورص + زلافة و نص زيت + قبصة ملح + نص م ص قرفة + خمارة + 2 مسكة حرة مدقوقة
ناخد الكوكاو + زنجلان + سنيدة رقيقة او سكر كلاصي + باقي المكونات نجمعها بالزبدة و من بعد نبدا نضيف الزيت شوية بشوية ونسرحها بين 2 ميكات و نديرها على شكل هلاليات وندخلها الفران ومللي تخرج ندوزها في السكر كلاصي

سلو - هدى اليداري
كيلو زنجلان مغسول ومنقي ومحمر + 100 غ نافع بلدي محمر و مطحون و مغربل + 100 غ نافع بستاني محمر و مطحون و مغربل + 100 غ حبة حلاوة + 100 غ زريعة الكتان محمر و مطحون و مغربل + كيلو ونص فورص + نص كيلو او كيلو للوز + م ك قرفة + م ك عطرية اللحم اختيارية + كوزة تحك غير شوية + نص كيلو زبدة مدوبة ونحيدو ليها الحليب
اللوز : نص الكمية نصلقو ونقيه ونحمر في الزيت ونخليها صاينة والنص الاخر نخليه بالقشرة ونحمر في الفران ونطحنو مزيااااان بودرة
الزبدة : نديرها فوق النار ومللي دوب نضيف عليها 2 م ك بلبولة غليظة ونخليها تشرب الحليب
+ العسل كيلو
في بانيو الطحين محمر و مغربل + زنجلان نص مطحون ونص حبيبات + النافع بنوعيه + زريعة الكتان + القرفة + باقي المكونات ونعجنو مزيااان ونبدا نضيف العسل بشوية بشوية


كيكة بالنخالة و الكركاع : هدى اليداري
5 بيضات + كاس الا ربع زيت + م ص زبدة + 3 خمارة + 2 كاس نخالة رقيقة + م ك نخالة غليظة + 2 م ك مايزينا او 4 م ك فورص + نص كاس ما بارد + 2 م ك كونفتير + شوية الكركاع او اللوز او هما بزوج + فاني + كاس او كاس ونص سنيدة حسب الدوق + كاس ياغورت فرماج ونخدمها عادي ونديرها في مول وندخلها للفران
مللي تخرج ندهن الوجه بالكونفتير و نضيف قطع الكركاع

طاجين الدجاج بعصير البرتقال – هدى اليداري
شرمولة الدجاج من كيلو ونص الى 2 كيلو : نقطعوه ونحك عليه بصلة صغيرة + قشرة ليمونة وحدة غير البلاصة الصفراء + م ص سكينجبير + ربع م ص ابزار + زعفران حر + خرقوم بلدي + عطرية الدجاج اختيارية + م ص زبدة + 2 م ك عصير البرتقال + 2 م ك زيت عادي ونشرملو ونخليه ساعة
ناخد 2 بصلة كبيرة تشحر مع زيت حتى تدبل + الدجاج + 2 ثوم صحيح ونخليه يتشحر + كاس كبير عصير برتقال + عود القرفة + نص كاس كبير ماء وندير الربيع مقبط في الجوانب ونخليه يطيب
مللي يطيب نحيد الدجاج وندهنوا ب م ك زبدة محكوك فيها قشرة ربع ليمونة + زعفران حر وندهنو وندخلو الفران
المرق اللي بقى + نص كاس زيت ونخليه يطيب على نار مهيلة
في الاخير نزوق الطاجين بدوائر الليمون معسل بالقشرة ديالو او نص رابعة المشماش طايب في كاس الليمون وعودج القرفة + م ك سنيدة ونخليه يتعسل


شوربة الحوت - هدى اليداري
3 خيزوات + 3 بطاطا + 2 عواد الكرافس + 2 بورو + 1 كرعة خضرا + رابعة هبرة الحوت + رابعة الكروفيط + الربيع + م ك الزبدة + الما ايطرو ونص + الملح + ابزار + م ك مايزينا + علبة قشدة طرية اختيارية
ناخد الخضر نقطعها صغيرة + زبدة + الكرافس + بورو + الما +الملح + ابزار
مللي طيب الخضرة نطحنها + الكروفيط + الحوت هبرة اختياري نقطعوها مربعات + قشدة + م ك مايزينا مدوبة في كاس الما بارد + الربيع ونخليها تغلى وتقال ونقدمها تقريبا 5 دقايق ...
ايلا ما درناش القشدة نعوضو كاس الما اللي خلطنا فيه المايزينا بنص كاس الحليب ونص م ص الزبدة
ورقة سيدنا موسى كدلك اختيارية


بريوات الكفتة – هدى اليداري
رابعة الكفتة دجاج او لحم مشرملة : الربيع + عطرية اللحم اختيارية + بصلة صغيرة محكوكة + سكينجبير + راس م ص ابزار + نص م ص تحميرة + ملح
نشحر بصلة كبيرة مشلظة رقيقة + 2 ثوم + زيت ونشحرها + الكفتة مشرملة + شومبينيون او الزيتون + ملح حسب الدوق + ابزار + الربيع ونشحر 10 دقايق
في الاخير نضيف فرميسال مصاوبة + م ك صلصة الصوجا الثقيلة او نص م ص مطيشة الحك مخففة في شوية الما مع م ص عصير الحامض + هريسة او سودانية ونشحر في الاخير نطكفي البوطا ونحك 4 بيض مصلوق
ممكن اضافة الفرماج احمر اختياري
نخليها تبرد ونعمر بيها

كيك اسفنجي بالشكلاط للاطفال و الكبار - هدى اليداري
6 بيضات + 2 كاس سنيدة ونطرب + م ص الخل ونطرب + 350 غ دقيق + م ك حليب بودرة + م ك كونفتير او م ص كليكوز + خمارة ونص حلوى مغربل ونخلط مزيان مع 2 م ك الما + قبصة ملح + م ص زبدة مدوبة ونطرب
يكون الفران سخون وندخل ليه الكيك فوق ورق الطهي مدهون بالزبدة او الزيت في لاطة مربعة او طويلة ونقص عليه النار ونخليه 5 الى 8 دقايق وخصها تبقى بيضاء اللون غير تنشف وتشد و صافي يكون لونها بحال بيج ونخرجها ونخليها تبرد مغطية بشي زيف
نقسمها من بعد على 2 من بعد ما نقلبها ونحيد ورق الطهي وندهنها بالكرمة ديال الشكلاط
الكريمة ديال الشكلاط : رابعة الشكلاط يدوب في حمام مريم + ياغورت صغير ديال درهم او نصف علبة ياغورت كريمي ونخلط حتى ينسجم ونخليه يبرد شوية ونخويه فوق النصف الاول من لاجينواز ونغطيها بالنصف الثاني من الفوق و ندخلها المجمد باش تشد شوية واحد 10 دقايق تقريبا حتى ينشف الشكلاط
نخرجها ونقسمها على شكل مستطيلات ونغطسها في الشكلاط ونخليها تسقطر
او ندير لاجينواز فوق شبكة ونخوي عليها الشكلاط




كونفتير الليمون – هدى اليداري
2 كيلو ليمون أي نوع نقيه ونحيد منو 2 ليمونات بالقشرة ديالهم
نقطع الليمون كامل حتى اللي بالقشرة ديالو ونديرهم في طنجرة + نص كيلو سنيدة + م ك حامض ونغطي الطنجرة ونخليها ساعة مرقدة
من بعد نشعل عليه ونخليه تقريبا يطيب 20 دقيقة من مور الغليان الشديد
نحيدو ونخليه يبرد ونديرو في ماكينة اليد ونطحنوه ونرجعو للعافية مدة 10 دقايق بعد الغليان خص يبقى اللون ديالو برتقالي ماشي احمر ... غادي يكون خفيف ولكن راه غادي يتقال من بعد
ونطفي البوطة ونخليه ييبرد ويقساح بوحدو
أي نوع من الكونفتير ايلا بغيناه يبقى مزيان : ناخد سفرجلة صغيرة ونقطعها قطع صغيرة بالزريعة ديالها و القشرة ديالها ونقيمها قطع صغيرة ونديرها مع الكونفتير مللي نبغي ندير الليمون و السنيدة يطيبو و نحيدها مللي نبغي نطحنو ونعصرها من الما ديالها




محنشة بالكفتة – هدى اليداري
بصلة كبيرة مشلظة رقيقة + بورو ونشحرها مع الزيت + ثوم حتى تدبل ونضيف الشومبينيون مغسول ومصفي ومقطع او الزيتون مقطع + نص م ص زبدة ونشحر شوية + السبانخ اختيارية قبطة مقطعة صغير ونشحرها شوية 5 دقايق على نار عالية ومغطيين ونضيف التوابل : الملح + ابزار + سكينجبير + ربع م ص عطرية اللحم اختيارية + هبرة ربع حامضة مغسولة ونشحر + رابعة الكفتة مشرملة نفرتتها ونحطها بلا ما نحرك شوية حتى تقبط عاد نحركها ونخليها تشحر
مللي تشحر نضيف 4 فرماجات ونمعسهم و نخليها تبرد + من بعد نضيف بيضة مطربة او 2 م ك كريم فريش + م ك شابلير + شوية فرماج احمر اختياري
نعمر بيهم الورقة ونلويهم على شكل محنشة او أي شكل بغيت



الرفيسة ديال 2 الناس - هدى اليداري
نص دجاجة رومية او دجاجة بلدية
ايلا كان الدجاج بلدي نرقدو ساعة في عصير الحامض
نحك بصلة صغيرة في طنجرة + 2 ثوم محكوك + زيت عود + الدجاج + زعفران حر + نص م ص سكينجبير + ربع م ص ابزار + الربيع مقبط + خرقوم بلدي + م ص السمن + ربع كاس الما ونشحرو مزيااان 15 ساعة على نار مهيلة + ايطرو الما ونخليه يطيب + م ك فوق
+ تمرة بالعظم ونخلي الدجاج حتى يطيب شوية نص ساعة تقريبا ونضيف العدس
العدس يكون مغلي مزيااان 5 دقايق من بعد الغلي في كاصرونة بوحدو عاد نضيفو مصفي
+ 2 بصلات مشفرين ونغطي الطنجرة ونخليه يطيب







الكريصات الحلوين ديال القهوة – هدى اليداري
نص كيلو فورص مغربل + بيضة + م ك خميرة الخبز دايبة في شوية الحليب دافي و م ص سنيدة + نص كاس ما زهر + نص م ص الخل + نص كاس زبدة مدوبة + نص كاس زيت عادي + 2 خمارات مع الطحين + فاني او نحك قشرة ليمونة مع 2 م ك عصير ليمون او قشرة حامضة مع 2 م ك عصير حامض + م ك نافع و م ك زنجلان منقي ومصهد شوية + كاس سنيدة ونجمع باصابع اليد مع اضافة الحليب بدرجة حرارة المطبخ او الماء من الروبيني تقريبا كاس عنبة
ندلكهم مزيااان ما خصهمش يكونوا قاسحين او يتعجنو في العجانة
ونخليهم يتراحو ساعة تقريبا حتى تنفخ
نرجعها للحجم الطبيعي و نقطعها كريصات صغار ونضغط غير شوية بالاصابع ديالي ونخليهم يخمروا نص ساعة وندهنهم بيضة مع نص م ص سنيدة او اصفر بيضة مع م ك حليب ايلا بغياهم يجيو محمرين بزاف ونرش شوية الزنجلان وندخلهم الفران

الدجاج الصويري - هدى اليداري
2 بصلة مشلظة رقيق بزاااف نشحرها مع الزيت زيتون
نشرمل الدجاج في بانيو ب : 2 م ك الربيع + نص كاس ما + نص م ص السمن + زعفران حر + نص م ص عطرية الدجاج اختيارية + نص م ص سكينجبير + ربع م ص ابزار + خرقوم بلدي + ملح + م ك عصير حامض ونشرملو مزيااان
ندير الدجاج في طنجرة ونشحرو مزيااان حتى ينشف من الما و نضيف الزيت تقريبا نص كاس زيتون ويتشحر شوية و من بعد نضيف البصلة و يتشحر 10 دقايق + كاس كبير الما ونسد و نخليها طيب
نحيد الدجاج من بعد ما يطيب وندهنو بالزبدة معجونة مع عطرية الدجاج و ندخلو الفران
نخلي المرق يختر و ينشف على نار عالية و الطنجرة معرية
نطرب 6 او 10 البيضات ونضيف عليه البصل و المرق ديالو من بعد ما يبرد وندهن مول الزجاج بالزبدة و نستف فيه الدجاج و نخوي عليه المرق


السردين قطبان - هدى اليداري
كيلو السردين منقي نقسموه على الطول ديالو ونشرملوه
2 م ك الربيع + 2 ثوم محكوك + نص م ص قزبر يابس + 2 م ك زيت + ملح + م ص عصير حامض + 2 م ك زيت عود يرقد 15 دقيقة
ناخد القطبان وندخل فيهم السردينة على الطول ديالها ونشويه او ندخلو اللاطة



السردين قطبان - هدى اليداري
كيلو السردين منقي نقسموه على الطول ديالو ونشرملوه
2 م ك الربيع + 2 ثوم محكوك + نص م ص قزبر يابس + 2 م ك زيت + ملح + م ص عصير حامض + 2 م ك زيت عود يرقد 15 دقيقة
ناخد القطبان وندخل فيهم السردينة على الطول ديالها ونشويه او ندخلو اللاطة



الرايب رومي - هدى اليداري
نص ايطرو الحليب فيه 2 م ك سنيدة ونديرو يدفى
نحيدو من النار + ياغورت فاني ونطرب مزيااان ونديرو في كيسان وسط كوكوط سخونة فيها ماء مغلي ونسد الكوكوط والصفارة و نخليها ساعة تقريبا حتى يعقاد ونخرجوه نديروه في الثلاجة



الرايب بلدي - هدى اليداري
حليب بلدي او العادي نص ايطرو ندفيه ونضيف السكر حسب الدوق
م ك النياق ندقها مع قبصة ملح ونديرها في زيف حياتي ونغطسو في الحليب يكون دافي ونخليها حتى تطلق ويبدى اللون ديال الحليب يتدبل يولي بيج تقريبا 5 دقايق او اكثر ونهز الكموسة ونعصرها مزياان





معقودة – هدى اليداري
نص كيلو بطاطا بيضاء نصلقها بالقشرة ونقيها من بعد ونطحنها او نمعسها و هي سخونة + الربيع + 1 ثوم + قزبر يابس + ملح + سودانية اختيارية + خرقوم بلدي + ابزار ونعجنوها مع خمارة + اصفر بيضة ونعجنها مزيااان على شكل كورة ونديرها كويرات ونبسطهم شوية وندوزهم في الدقيق و البيض و تقلى في حمام زيت
او ندوزها مباشرة من حمام القلي : بيضة طرب مع ملح وابزار + نص خمارة حلوى + 2 م ك النشا او الفورص و نطرب وندوز منها كويرات
او دخل الفران في لاطة فيها الزيت وترش بشوية الزيت



حوتة بالخضر معلكة – هدى اليداري
نشرمل الحوت ب : الربيع شي 4 م ك + 4 ثوم محكوك + سودانية او هريسة اختيارية راس م ص + عصير حامضة كاملة + م ص تحميرة + ربع م ص كامون + نص كاس زست عادي او عود + ملح + م ص كيتشوب + ربع م ص موطارد ونشرملوالحوت ب 2 م ك او 3 ونخلي ما تبقى
الخضر نقطعها دوائر
خيزو دوائر نشرحو مع الزيت و الملح و بصلة صغيرة مشلظة رقيق وورقة موسى تقريبا ربع ساعة على نار مهيلة
2 مطيشة كبيرة بدون زريعة بالقشرة نقطعها دوائر ونشحرها شوية على الجهتين
الفلفلة نشحرها حتى هي شوية حتى تدبل
في لاطة الفران مدهونة او فوق ورق الطهي ندير خيزو فوق منو بطاطا + مطيشة + الفلفلة + م ك لاصوص فوق منها + الحوت وفوق منو لاصوص اللي بقى مخلط مع م ص مطيشة الحك و ربع كاس الماء وندخلها الفران
اشارة مهمة : اللي بغى المرق كثير ما يشحرش مطيشة و الفلفلة ويضيف نص كاس الما اخر





فرماج للدهن - هدى اليداري
200 غ زبدة مرخوفة في خلاط كهربائي + 3 م ك حليب بودرة + 2 م ك عصير الحامض + نص كاس عنبة حليب سائل او ياغورت كريمي بدون سكر + قبصة ملح تقريبا ربع م ص ونديرو في علبة ونخليه ليلة كاملة في الثلاجة






حساء الكرعة حمرا + هدى اليداري
كيلو كرعة حمرا منقية ومقطعة + ايطرو ونص الما + بصلة بيضة مقطعة عشوائيا + الربيع مقبط + م ص زبدة + ملح + ابزار غير قبصة ونسد ونخليها طيب
مللي طيب نطحنها + الدجاج قطع مشحرة مع 2 م ك الما و الملح و الابزار حتى يطيب ونضيفها
+ 2 فرماج أي نوع ونرجعها للنار + كاس قشدة طرية او 2 ياغورت كريمي بدون سكر مخلطمع نص كاس الما وعاد نضيفو

بريوش على شكل كريصات او طوسط – هدى اليداري
نص كيلو الفورص + خمارة ونص + بيضة + كاس سنيدة + قبصة ملح + 2 قطرات الخل + فاني او قشرة ليمون او قشرة حامض او أي نكهة + نص كاس زيت + م ك زبدة + م ص خميرة الخبز مدوبة في شوية لحليب دافي و شوية سنيدة ونجمع شوية بشوية وانحنا كنضيفو الحليب بارد برودة المطبخ
نخلي العجين يخمر مزياان حتى يتضاعف ومن بعد نقطعو على شكل كريسصات صغار ندير وسط منهم الشكلاط محكوك او الزبيب او اللوز او كريم باتيسيير تقيلة ونجمعهم بيدي
او نكرصها على شكل مستطيل او مربع ونخليها تطلق وندير الوسط أي حاجة الشكلاط محكوك او الزبيب او اللوز او كريم باتيسيير تقيلة .... ونلويها باش تجي بحال الطوسط
نديرها في مول مدهون بالزبدة ونخليها تخمر وندهنها بالحليب او ببيضة مع السكر وندخلها الفران

حلوى اللوز وحليب مركز محلى هلال حامض
العقدة ديال اللوز : نص كيلو اللوز مصلوق ومنقي وناشف + 100 غ سنيدة ويتطحن + كاس حليب مركز محلى كراميل او اقل غير اللي يجمع لينا العقدة + قشرة حامضة كاملة او روح الح امض .... + م ك نشا كتكون العقدة ناشفة
نطلقها بين 2 بلاستيك ونقطعها على شكل هلال ونديرها فوق ورق الطهي وندهن الوجه ديالها ببياض البيض و نرش اللوز ايفيلي او اللوز مهروش وندخلها الفران

حلوى متعدةة الاشكال ديال لاباراي - هدى اليداري
100 غ زبدة + نص كاس زيت +كاس سنيدة ونخلط ونضيف 3 بيضات + زلافة ونص او 2 زلايف فورص اقل بقليل غير تجمع العجينة وتكون رطبة + نص خمارة + فاني وندخلهم للالة ديال الحلوى ونزوق باللي بغيت و ندخلها لفران سخون

الحامض مرقد بلدي - هدى اليداري
ناخد الحامض بلدي تقريبا كيلو ونديرو في طنجرة فيها الما مغلي ونغطيها ونخليه حتى تطلع فيه الغلية ونطفي البوطة ونخليه 5 دقايق ونصفيه ونخليه يبرد او نغسلو بالما بارد ونفلحو من الراس على شكل زائد وندير نص م ص ديال الملحة في وسط كل حامضة ونرجع نسدها ونديرها في القرعة + 1 ثوم صحيح نديرو في الجنب ديال القرعة + ورقة موسى او الحارة صحيحة وندكسوه مزيااان بحيث ما نخليش الفراغ وندير طريف ديال زيف حياتي ونسد القرعة وندير القرعة في ميكة مارو ونخليه شهر ومن بعد شهر كيكون واجد

الصابلي بالحليب المركز المحلى - هدى اليداري
رابعة زبدة أي نوع + كاس سكر كلاصي مغربل + كاس عنبة بودرة حليب + بيضة + فاني + 2 م ك حليب مركز محلى كراميل + 2 م ك زيت عادي + قبصة ملح + 100 غ بودرة اللوز بدون قشرة + نص كيلو الفورص - بدون خميرة -
نخدم زبدة مع سكر + حليب بودرة + حليب مركز محلى ونعجنهم + بيض + زيت + باقي المكونات ونجمع ونديرو كورة وندخلو المجمد 10 دقايق ونطلقو بين 2 ميكات ونطبعو بالشكل اللي بغيت وندخلو يطيب ومللي يخرج نلصقو بالحليب المركز المحلى الكراميل - وندهن النص ديال الوجه ديالو او الوجه كامل بالحليب المركز ونفندو في اللوز ايفيلي او مهروش

حساء بلبولة الشعير بالحليب - هدى اليداري
نرقد البلبولة ساعة و نديرها في طنجرة + الماء + م ك زبدة + ملح و نخليها طيب وغير تغلى + 2 حبات مسكة حرة مدقوقة مع نصف م ص سنيدة ونخليها طيب حتى يولي اللون ابيض + الحليب كاس كبير دايبة فيه 2 م ك حليب بودرة + 2 م ك حليب مركز محلى كراميل ونخليها تغلى 10 دقايق وممكن اضافة السكر في الاخير حسب الدوق وممكن ايضا اضافة شوية اللوز مهروش

قنية معسلة بالبصل - هدى اليداري
ناخد قنية نغسلها ونقطعها ونرقدها في سكينجبير + 1 ثوم + بصلة محكوكة + ماء وملح 20 دقيقة ونصفيها ونخليها تنشف ونشرملها ببصلة صغيرة محكوكة غليظ + 1 ثوم محكوك رقيق + ربع كاس ماء + شوية عطرية دجاج اختياري + سكينجبير م ص + نص م ص خرقوم + 2 مسكة حرة + ملح + راس م ص قرفة + زعفران حر + راس م ص ابزار ونخلط ونشرمل بيه قنية من بعد ما نتقبها بعود اسنان
في طاجين فيه بصلة دوائر + زيت + عود قرفة + نص م ص سمن ونغطيه نخليه يتشحر + قطع القنية وتقلى 20 دقيقة + كاس عنبة ما في جوانب الطاجين + 3 بصلات بيضاء كبار دوائر او اقل او اكثر ونحطها فوق القنية ونغطيها ونخليها طيب
مللي تدبل البصلة ناخد شوية زعفران حر في الما + ربع م ص خرقوم ونسقي بيهم البصل ونغطيه ومن بعد نضيف 2 م ك سنيدة ونرشها فوق البصل + ربع م ص قرفة ونغطيه بدون ما نحركو وممكن اضافة الزبيب ايضا ونغطيه ونخليه نص ساعة حتى يتعلك - هي كلها كتاخد في الطياب ساعة حتى لساعة ونص


طارط بالتفاح - هدى اليداري
رابعة فورص + 100 غ زبدة + بيضة + خل قطرات + قبصة ملح + 2 م ك سنيدة + فاني ونجمع باليد + 2 او 4 م ك الما ونخليها ترتاح في المجمد 10 دقايق ونطلقها من بعد بين 2 ميكات ونطبعها ونتقبها بالفورشيط وندخلها الفران
كريم باتيسيير : 3 اصفر بيض + 2 م ك سنيدة + 2 م ك مايزينا + فاني نطرب + نص ايطرو حليب دافي وندير كولشي فوق النار ونحرك حتى يتقال
2 تفاح منقي ومقطعين ندير في كاصرول + ربع كاس ما + م ك سنيدة + فاني + نص م ص زبدة ونخليه حتى ينشف ونمعس بالفورشيط ونخلطو مع الكريم باتيسيير
ونقي التفاح الاخر ونستفو فوق الكريم
ونرش ب م ص زبدة ونرش السنيدة و اللوز ايفيلي وندخل الفران

بصطيلة الحوت بالصلصة البيضاء و الفرماج - هدى اليداري
كيلو ونص كروفيط + كيلو ونص كلامار + كيلو ونص ميرلا او الفرخ + كيلو ونص لالوط
الحوت يكون مغسول وناشف ونشرمل الكروفيط ب 1 ثوم + راس م ص ازير + ملح + ابزار + 2 م ك زيت مائدة + شوية زعتر ربع م ص + م ك عصير الحامض ونديرو في لاطة فوق ورق الطهي وندخلو الفران 10 دقايق
ناخد لالوط ونشرملو : م ك الربيع + ورقة نعناع مقطعة رقيق + ملح + ابزار + م ك صلصة صوجا خفيفة + 2 ثوم + ابزار راس م ص + ملح + 2 م ك زيت + م ص عصير الحامض ويدخل الفران 10 دقايق
الكلمار نقطعو و نصلقو في ما + ورقة موسى + طرف حامض + ملح طلع الغلية 3 دقايق و نحيدو ونصفيه ونشرملو : ب 2 م ك زيت + م ص عصير الحامض + ملح + راس م ص ازير + زعتر قبصة + م ص ملح صيني اختياري وندخلو الفران 10 دقايق
القرب او المرلا واو الصول واو الفرخ نقطعو يتبخر 5 دقايق ونحيد القشرة ونشرملو ب م ص الربيع + زعتر + ازير + 2 م ك زيت + م ص عصير حامض + ملح صيني + راس م ص ابزار وندخلو الفران 10 دقايق
نخج الحوت من الفران ونصفيه من الما
الصلصة : بصلة بيضار كبيرة مشلظة رقيق + 1 ثوم محكوك مشحرة في زيت + علبة كبيرة رابعة شومبينيون + شومبينيون اسود اختياري يكون داز من الما مغلي باش يتنفخ ونشحرو مع 2 ورقة موسى يتشحر مزيااان + م ص ملح صيني + ملح + ابزار + م ص الربيع + م ك الزبدة + الما ديال الحوت اللي صفيناه ونخليه يتشحر على نار عالية حتى ينشف + 2 علب الكريم فريش على نار عالية + 1 فرماجات حتى تقال شوية بلا ما تنشف
نحط الحوت ويكون بارد في كصعة ونخوي عليه الصلصة تكون باردة + رابعة الفرماج احمر محكوك ونعمر البصطيلة وندخلها الفران


رغايف بالخضر و الكفتة - هدى اليداري
نص كيلو فورص او 2 زلايف + كاس كبير يعني نص رابعة فينو او الطحين الاصفر + خمارة ونص + ملح + بيضة + 2 م ك زيت عادي + الثوم غبرة نص م ص او نص م ص بصلة غبرة + ربع م ص سنيدة + نص م ص الخل نجمع بالما ديال الروبيني ويكون العجين خفيف ونخليها ترتاح 15 دقيقة
ناخد العجين ونقطعو كويرات ونخليهم يرتاحو فوق بلاطو مدهون بالزيت ونغطي العجين بالميكة
ندوب 100 غ زبدة ونخلط معاها كاس عنبة زيت زنورق بيهم العجين حتى تولي شفافة ونرش شوية السميد رقيق ونورق وحدة اخرى ونحطها فوق منها وندير الحشوة الوسط ونطوي الرغايف وندير الحشوة بين الطوية الوسط
الحشوة : 2 خيزو محكوك + 2 كرعات محكوك + أي خضر مشحر مع الزيت + 2 ثوم + ملح + ابزار
رابعة الكفتة مشحرة في الما وتكون مشرملة و في الاخير نضيف عليها الخضر + زيت العود + الربيع + ربع م ص سكينجبير+ نص م ص تحميرة + كامون + زعتر + الهريسة + زيتون مقطع 10 غ ونشحر 2 دقايق ونطفي البوطة ونخليه يبرد ونحك الفرماج احم

كويرات البطاطا بالكفتة - هدى اليداري
كيلو بطاطا بيضاء مصلوقة بالقشرة ونقيها ونمعسها بالفورشيط او ماكينة اليد + 3 فرماجات + ملح + ابزار ونحطها
ناخد الكفتة رابعة او الكروفيط او الحوت ندير ليها العطرية ديالها الملح ابزار + سكينجبير + تحميرة + كامون راس م ص + راس م ص قرفة + 2 وراق النعناع + م ك الحليب اختياري غير باش يفتيها
نعجن الكفتة ونشحرها في الما حتى تنشف ونطفي البوطة + 2 فرماجات
ناخد حفنة البطاطا ونديرها في الكف ديالي على شكل كويرة ونحفرها من الوسط وندير وسط منو الكفتة + قطعة صغيرة من الموتزريل ونعاود نسد الكويرة وندوزها في الدقيق و البيض و لاشابلير و ندخلها للفران في مول الزجاج مدهون بالزيت ونرش عليهعم الزيت
وممكن نصاوب لاصوص بيشاميل ونديرو لتحت ومللي يطيبو نضيف فرماج احمر


حرشة خيزو في المقلة - هدى اليداري
2 خيزوات محكوكين غلاظ في مقلة مع 2 م ك زيت أي نوع ونشحرهم حتى ينشفو + الربيع + 1 ثوم + نحك قبصة زعتر + ملح + ابزار ونشحر شوية دقيقة ونحطها تبرد مزيااان
رابعة السميد رقيق + خمارة + ملح + قبصة ابزار + م ص زبدة + ربع كاس زيت + اصفر بيضة + راس م ص سنيدة + خيزو ونبسبسها باليد بلا ما نعجنها + كاس ونص عنبة الماء او حليب ونخليها ترتاح 5 دقايق
نهز كويرات وندهن المقلة بالزبدة وندهن الاطار ديال الحرشة ونحك فيه الكويرات تكون مفندة في السميد رقيق ونقاد الوجه ديالهم ونحيد الاطار ونخليها طيب غير تشد شوية ونقلبها

كلاصاج ابيض ديال حلوى لاكريم - هدى اليداري
ندوب م ك كليكوز في كاس كبير حليب يعني رابعة في كاصرول + رابعة قطع من شكلاط ابيض ونديرها فوق النار حتى يدوب ونبقى نحرك حتى يختار شوية غير نشوف الفقاعات بزاف ونحيدو ونضيف عليه نص م ص زبدة ونخليه يبرد وعاد نضيفو فوق الحلوى

طارط بالشكلاط - هدى اليداري
العجين : 100 غ زبدة + 2 م ك زيت عادي + بيضة + 150 غ دقيق + 50غ او م ك مايزينا + 100 غ بودرة اللوز + م ص كليكوز او كونفتير + م ك او 2 سنيدة + نص م ص خل ونعجن بالاصابع وممكن اضافة 2 م ك حليب ادا كانت ناشفة ونعجنها حتى ترمل ونديرو كورة ونخليه يرتاح ونطلقها و نطبعها نتقبوها وندخلها للمجمد 15 دقيقة ومن بعد ندير فوق منها ورق الطهي و نتقلها بالعدس و ندخلها الفران
نص كاس حليب ديال العنبة + كاس قشدة طرية او ياغورت كريمي فرماج في كاصرول مللي تغلى مزيان + رابعة شكلاط من نوع ممتاز + 2 م ك ماء مدابة فيها م ك مايزينا ونحرك دقيقة ونطفي البوطة + م ص زبدة
ونديرو فوق لاطارط مللي تكون الكريمة سخونة ونخليها تبرد وندخلها للثلاجة


الكريب بالتفاح معسل - هدى اليداري
العجين : 4 بيضات + 2 كاس عنبة حليب + قبصة ملح + ياغورت فرماج كريمي حلو + راعبة قل شوية تقريبا 200 غ فورص + م ك مايزينا + 2 م ك سنيدة + م ك زيت + فاني ونطرب في خلاط كهربائي او يدوي ونغطيه يرتاح 5 دقايق ونطيبو فوق مقلة بدون ما ندهن المقلة بالزبدة ومللي يطيب نحطو فوق زيف ونغطيه بزيف
الحشوة : ناخد التفاح تقريبا 4 او 6 نقيه ونقطعو مربعات صغار في مقلة ما كتلصقش + 2 م ك ما + وممكن اضافة عصير ليمونة كاملة + م ص زبدة ونخليه على نار مهيلة ونغطيه حتى يترخف ومللي يطيب نمعسو ونضيف 2 م ك ياغورت فرماج + 2 م ك سنيدة او غير م ك حسب الدوق ونخليه فوق النار حتى يتعسل شوية ونخليه يبرد ونعمر بيه
ناخد الكريب وندير شوية الحشوة في النصف ونرش اللوز بالقشرة او بلا قشرة يكون محمر ونرش شوية ونطوي الكريب على النص ونعاود نطويه على 2 حتى يولي بحال مثلث وندير فوق منو خطوط من الشكلاط مدوب

شلاظة اللوبيا يابسة - هدى اليداري
رابعة اللوبيا نصلقوها في الما وورقة سيدنا و الملح و ضرس الثوم صحيح
مللي تصلق نحيدها ونصفيها ونضيف ليها 2 م ك الربيع + قبصة الزعتر + 2 م ك زيت العود و 2 م ك زيت عادي او 4 من نفس النوع + 1 ثوم محكوك + ملح + عصير نص حامضة + الابزار ونخليها تشحر شوية وممكن اضافة البصلة غبرة اختيارية
في الاخير نضف 2 م ك زيت العود

اللحم محمر ديال العراضة - هدى اليداري
3 كيلو اللحم او 3 ونص نديرو في بانيو باش نشرملة : 2 عواد القرفة كبار +3 مسكة حرة مدقوقين مع نص م ص سنيدة + نص م ص ابزار + م ك ونص سكينجبير + م ك خرقوم بلدي + م ك السمن + م ك عطريةو اللحم اختيارية + ملح + شوية زعفران حر محكوك بين اليدين + 2 حبات قرنفل + م ص سنيدة + 1 ثوم او م ص ثوم غبرة + كاس عنبة الما + م ك بودرة اللوز ونشرمل اللحم مزياان ونخليه راقد مدة ساعة او ساعتين ونديرو في طنجرة ونخليه يتشحر في طنجرة كبيرة ونخليه يشرب مزياان حتى يولي اللون بني ونضيف كاس زيت عادي او كاس زيت مخلط + كيلو بصل بيضاء تكون مشحرة شوية في الزيت ويكون باقي اللون ديالها ابيض غادي للون الاصفر وندمجها مزيان مع اللحم ونخليها تشحر غير شوية ومن بعد نضيف ايطرو الماء ايلا كان اللحم فتي او ايطرو ونص ايلا كان كبير + 2 تمرات بلا عظم وايلا بغينا نديرو العظم نجمعوه في كموسة من زيف حياتي مللي يطيب اللحم نحيدو من الطنجرة ونديرو في شبكة حتى يقطر من المرق
ناخد : 2 م ك زبدة + م ص السمن + شوية زعفران حر او عطرية اللحم وندهن بيها اللاطة و فوق منها اللحم مدهون بما تبقى من الخليط ديال الزبدة و السمن ونشعل الفران غير من لتحت وما نخليهش حتى يكرم تقريبا غير 10 دقايق غير يتحمر شوية فقط
في هاد الاثناء ناخد شوية من المرق نخليه في زلافة باش نعسل الفواكه : و نخلي المرق ينشف من الما ونحيد التمر و العظومة وناخد اللحم ونرجعو للطنجرة باش يتدغمر تقريبا نص ساعة على نار مهيلة

الفواكه المعسلة
الاناناس : تقريبا 10 دوائر : نديرو في مقلة م ك زبدة + الاناناس + 2 م ك من مرق اللحم ونخليه يتحمر على خاطرو + 2 م ك سنيدة و نرشها فوق قطع الاناناس ونخليه بلا تحراك 2 دقايق على نار مهيلة ويكون مغطي وفي الاخير نقلبو للجهة الاخرى باش يتحمر .
نفس الطريقة نديرها لباقي الفواكه
قاعدة : ما نعسل الفواكه حتى نقرب نقدم الطبق ..
كريمة بالياغورت : لحلوى صغيرة
نحضر الكريم باتيسيير : 3 اصفر بيض + 2 م ك مايزينا او فورص + م ص زبدة مرخوفة + 3 م ك سنيدة + فاني + ونطرب مزيااان في زلافة + نص ايطرو حليب سخون مزياان ماشي مغلي ونضيفو شوية بشوية مع التطراب ونرجعو للكاصرول ونحرك بملعقة عود فوق نار عادية حتى يتقال شوية ونطفي البوطة + 2 فرماج نمعسوه ونخليه يبرد + 2 ياغورت فرماج ونطرب بالطراب الكهربائي حتى تولي عندي كريمة بيضاء وممكن اضافة أي منسم سواء الشكلاط بودرة الكاكاو تقرييبا م ك + م ص سكر كلاصي ونخلط

مسمن معمر بالدجاج – هدى اليداري
العجين : نص كيلو الفورص + 100 غ فينو + م ك بودرة الحليب + ملح + نص م ص سنيدة + خمارة + م ص زبدة + نص م ص الخل ونعجن بالما بارد من الوربيني ندلكها مزيااان وندهنها بالزيت ونغطيها ببلاستيكة ونخليها 15 دقيقة
ونقطعها من بعد كويرات صغار ونخليهم يرتاحو بينما وجدت الحشوة
الحشوة : نص كيلو صدر دجاج مقطع مربعات + 2 بصلات كبار مشحرين + 1 ثوم + عود قرفة + م ك ما زهر اختيارية + ربع كاس زيت + م ك زبدة ونغطيه ونخليه يتشحر حتى يطيب بدون ماء على نار مهيلة + نص م ص سكينجبير + راس م ص ابزار + م ك سنيدة + ربع م ص قرفة باش نعسلو + نص م ص عطرية الدجاج اختياري + ربع كاس الما ونغطيه ونخليه يتعسل 20 دقيقة مع التحراك حتى ينشف من الما ونخليه يبرد + زلافة صغيرة اللوز مصلوق ومنقي ومحمر ومهروش + 2 بيضات مصلوقين محكوكين غلاظ او رقاق اختياري ونخلط
نورق المسمن دائري ونرش شوية الزبدة مدوبة + شوية الفينو او اللوز مطحون اللي بغيتي وندير فوق منها مسمنة اخرى وندير الحشوة الوسط ونطويها على شكل مستطيل او مربع بلا ما ندير الزبدو و الفينو ما بين الطويات وندهن في الاخير الوجه بالزبدة وندخلهم الفران
ندردر عليه السكر كلاصي من الصفاية


الدنجال مرقد بالاعشاب المنسمة - هدى اليداري
ناخدو رابعة الدنجال رقيق وطويل من الاحسن نديرو بالقشرة في ماء مغلي مسبقا ونغطيه 5 دقايق ونحيدو نقيه ونقطعو شرائح او أي شكل ونديرو في قرعة عليه شوية الملح + 1 ثوم + الزعتر اوراق محكوك بين اليد + و الحبق + 2 اوراق ازير + عصير حامضة + معدنوس او لاسيبوليط + زيت الزيتون ونخليه راقد من بعد ما نسد عليه من بعد 3 ايام نقدر نستعملو


بريوش خفيف بزاف بحال البونج - هدى اليداري
نص كيلو فورص + 2 خمارت + نص كاس زيت + كاس سنيدة رقيقة + م ص خميرة الخبز + م ك حليب بودرة + فاني + بيضة نخلط كولشي ومن بعد نبدا نعجن بالحليب بارد بحرارة المطبخ ونطلع العجين خفيف وندلكها مزيان ونغطيه ببلاستيك ونخليه يتضاعف في مكان ساخن
ممكن نعجنهم بكاس كبير الليمون : نعجن بيه في مكان الحليب .. ونكمل بالحليب ايلا مكا قدنيش كاس كبير الليمون
ناخد العجين نديه ونجيبو 2 ولا 3 مرات ونقطعو كويرات صغار ونخليهم يخمرو نص ساعة مغطيين وندهنهم بالبيض او الحليب وندخلهم الفران

دجاجة في الفران - هدى اليداري
دجاجة نقطعوها ونصلقوها في كاس عنبة الما مغلي مع ورقة موسى + ملح + 1 ثوم صحيح + م ك زيت العود + م ك عصير الحامض + بصلة صغيرة مقصومة على 2 ونرميها + خيزوة مقطعة ونصفيه من بعد ما يتصلق تقريبا 10 دقايق
نصفيه ونحتفظ بالما
ناخد الدجاج ونتقبوه بعود الاسنان ونشرملوه ب : 2 م ك الربيع + نص م ص تحميرة + نص م ص كامون + شوية سودانية + 2 م ك زيت عود + م ك عصير الحامض + نص م ص موطارد + شوية زعتر محكوك بين اليد + و رقة موسى مطحونة تقريبا راس م ص نشرملو تقريبا نص الساعة هي القليلة
ناخد مول الدجاج ندهن بالزبدة ونستف الدجاج وندخلو الفران
الروز المرافق للدجاج – هدى اليداري
رابعة الروز اصفر نصلقو في الما اللي طاب فيه الدجاج ونضيف عليه ما اخر تقريبا الكل 2 زلايف مللي تطلع الغلية نقص البوطة ونخليه يطيب حتى ينشف في الما ديالو
ندير الروز في مقلة كبيرة + 2 م ك زيت العود + م ص زبدة او غير الزبدة بوحدها + شوية الزعتر محكوك بين اليد + م ك معدنوس + ثوم غبرة اختياري + ورقة موسى + ملح + ابزار ونشحر مزياان حتى ينشف ونطفي البوطة ونحك عليه شوية الفرماج احمر اختياري

الروز المرافق للدجاج – هدى اليداري
رابعة الروز اصفر نصلقو في الما اللي طاب فيه الدجاج ونضيف عليه ما اخر تقريبا الكل 2 زلايف مللي تطلع الغلية نقص البوطة ونخليه يطيب حتى ينشف في الما ديالو
ندير الروز في مقلة كبيرة + 2 م ك زيت العود + م ص زبدة او غير الزبدة بوحدها + شوية الزعتر محكوك بين اليد + م ك معدنوس + ثوم غبرة اختياري + ورقة موسى + ملح + ابزار ونشحر مزياان حتى ينشف ونطفي البوطة ونحك عليه شوية الفرماج احمر اختياري

العسل ديال السكر – هدى اليداري
2 كيلو سكر او قالب ديال السكر من بعد ما نخوي عليه الما ونخليه يدوب + عود قرفة + حبة مسكة حرة او 2 وندقها مع شوية سنيدة وايطرو الما وحامضة مقسومة على 2 ونتقبها بعود اسنان ونحرك شوية حتى دوب سنيدة ونسد الكوكوط وندير الصفارة غير نسمع صوت الصفارة ونقص عليها ونحسب 30 دقيقة ومن بعد نطفي ونخليه يبرد شوية ونحلها ونسمو باللي بغيت : نص كاس ما زهر اختياري او نعصر نص كاس الليمون او نص كاس من الزعتر مغلي مسبقا او أي منسم اخر ونرجع نسد الكوكوط ونخليها حتى تصفر ونخليه يصفر 15 دقيقة من بعد ما نقص البوطة

فرماج للدهن – هدى اليداري
في خلاط كهربائي 2 ياغورت فرماج + 100 غ حليب بودرة + عصير حامضة كبيرة او 2 حامضات صغار + 2 فرماجة مربع او مثلث + ملح ونخلط ونديرو في علبة حتى يبرد ونقدموا

طارط بالشكلاط – هدى اليداري
العجين : رابعة الدقيق + م ك بودرة الكاكاو + مغربلين وندير حفرة الوسط + م ص الخل + 2 م ك زيت + نص م ص خمارة + 100 غ زبدة مدوبة او مرخوفة + 2 فرماجات + 3 م ك سنيدة + شوية الحليب تقريبا 2 م ك باش نجمع واو اكثر
نجمع العجين بلا دلك على شكل كورة ونديرو وسط ميكة ونخليه يرتاح 10 دقايق
نطلقو بين 2 ميكات ونلبس لي مول ديال لي طارط ونتقبها وندخلها المجمد 10 دقايق ومن بعد مباشرة للفران سخون شوية طيب تقريبا 10 دقايق
الحشوة : في بانيو صغير ندير 2 اصفر بيض + 2 م ك النشا + 2 فرماجات ممعوسين + م ك بودرة الكاكاو + 2 م ك السنيدة + روح الشكلاط اختياري ونطرب بالطراب اليدوي او الفورشيط حتى ينسجم + نص ايطرو الحليب مغلي مسبقا نضيفو شوية بشوية وانا كنطرب بالطراب الكهربائي ونرجعو للكاصرول فوق النار ونحرك بملعقة عود ونخليه حتى يختر تقريبا 5 دقايق ونطفي النار ونخليه يبرد ونضيف ليه 100 غ شكلاط مدوب مسبقا في حمام مريم + ياغورت شكلا طاو 2 ونطرب مزيااان ونخليها ترخف 2 دقايق تقريبا ونخويه فوق العجين باش يتجمد فوق منو
ممكن اضافة اللوز مصلوق ومنقي ومحمر ومهروش او الكركاع مهروش اختياري وندخلها تبرد للثلاجة نص ساعة ونزوقها بخطوط الشكلاط ابيض او بنص كركاعة





لي كنابي - هدى اليداري
ناخدو خبز الطوسط ونقطعو دوائر وندهنوه بالصلصة اللي بغينا
صلصة الفرماج : علبة الجبن نمعس معاها 2 فرماجات او 3 + شوية ثوم غبرة + شوية سيبوليط او زعتر او المعدنوس + ابزار + شوية الملح حتى ندوق هو الاول
ندير الصلصو اللي على شكل كريم وندخلها لجيب الحلواني ونط وردة فوق لي كنابي وفوق منهم اكروفيطة وحدة - الكروفيط رابعة تقريبا مشحرة مسبقا في م ك الما و الملح وثوم غبرة و ابزار
الصلصة الثانية : 4 فرماج مربع ممعوس + 4 م ك ياغورت فرماج بدون سكر + ملح + ابزار ونخلط ونضيف الطون ونرش فرماج محكوك من الفوق





الراية في طاجين – هدى اليداري
كيلو الراية نغسلها وندير ليها الملح و م ك الحامض او م ص الخل و شوية الزعتر محكوك ونخليه جانبا
الشرمولة : الربيع + 3 ثوم مدقوق + شوية الملح غير قبصة + 2 م ك زيت العود + ربع م ص موطارد + م ص كيتشوب + م ص تحميرة + نص م ص كامون + شوية الهريسة + 2 م ك الما ونخلطها مزيان ونشرمل فيها الراية ونخليها مرقدة
خيزو مقطع دوائر او طولي نديرو في مقلة مع بصلة صغيرة مشلظة رقيق + 2 ثوم + زيت عادي او زيت العود ونشحر مزياان حتى يدبل ونديرو في طنجرة او طاجين وفوق منو ونضيف دوائر بطاطا بدون صلق ونسقيهم بالشرمولة اخرى نصاوبها بحال ديال الراية و لكن غير نصف الكمية + 2 دوائر مطيشة + الفلفلة + قطع الراية + دوائر الحامض على نار مهيلة مع نص كاس عنبة ما في الجوانب ونخليه يطيب












شوارما دجاج - هدى اليداري
رابعة سطيك دجاج او اللحم نديرهم في المجمد شوية ونقطعهم رقيق بزاف + ياغورت طبيعي بدون سكر + م ك عصير ليمون + م ك عصير حامض + نص م ص عطرية شوارما + 1 ثوم او ثوم غبرة + ملح +ورقة او 2 نعناع مقطع رقيق ونرقدها نص ساعة على الاقل ونديرها في مقلة فيها 2 م ك زيت ونجهد البوطة ونخليه يطيب حتى ينشف من الما ويكون اللون ديالو باقي ابيض
العيش اللبناني ندهنو اما بالمايونيز مع شوية ثوم غبرة او ياغورت كريمي مع ملح ونص م ص عصير حامض و ثوم غبرة مخلطين مزياان وندير وسط منو الدجاج
مع مطيشة و البصل مصلوق في شوية الما و الملح + الكورنيشو اختياري + الخص





تزيين حلوى لاكريم بالشكلام من الفوق - هدى اليداري
ناخد الكريم شونتيي + بودرة الكاكاو 2 م ك مغربلة ونطرب مزيان ونزين من خلال جيب الحلواني و في الجاونب تقدر تزين بالفرمييسال ديال الشكلاط






الطبقة الملونة و الشفافة اللي كتكون فوق حلوى لاكريم – هدى اليداري
ناخد الناباج البارد تقريبا 4او 5 م ك + ملون اللي بغيت باي نكهة ونخلط مزيان وندير الطبقة فوق من الحلوى

الزيتون مرقد في الزيت اسود او اخضر مسلالة بدون عظم
رابعة الزيتون + نص م ص الزعتر محكوك بين اليد + م ك الربيع + وريقات ازير شي 2 او 3 + 2 ثوم + م ك عصير حامض + سودانية او هريسة + زيت العود + نص م ص كامون بلدي + نص م ص تحميرة + ورقة نعناع عبدي مقطعة ونشرملو ونخليه


زيت العود منسمة للطياب - هدى اليداري
ايطرو الزيت + ورقة سيدنا موسى + عرش زعتر بالعود + 2 عود ازير رقيق + 2 ثوم او واحد كبير منقي ومتقب بعود اسنان + ربع حامضة خضراء بالقشرة + فلفلة سودانية صغيرة ونخليها راقدة في الزيت
زيت العود منسمة للسلطات - هدى اليداري
ربع م ص بصلة غبرة + عرش واحد زعتر + ربع حامضة خضراء + م ص كامون حبوب ونخليها راقد

صلصة السلطات بنينة و رخيصة – هدى اليداري
بصلة صغيرة تشلظ رقيقة ونديرها في خلاط كهربائي + 2 م ك الربيع + قبصة زعتر محكوك بين اليد + ربع م ص ثوم غبرة اختيارية + كاس زيت العود + م ص موطارد + ربع كاس عصير حامض او خل + ملح + ابزار + نص كاس ما دافي ونقدر نضيف فرماج مثلث 3 قطع ايلا بغيتها تجي تقيلة ونطحن كولشي 3 دقايق او 4
كتبقى لمدة اسبوع

تشيز كيك – هدى اليداري
رابعة بيسكوي مطحون + كاس اللوز بالقشرة نمسحو ونحمرو ونخليه يبرد ونطحنو ونخلطو مع البيسكوي او نص كاس ديال الكوك او طريفات الكركاع + اصفر بيضة باش يتجمع البيسكوي وما يتهرسش + قشرة حامضة محكوكة او روح الحامض م ص + فاني ونجمع العجين + كاس زبدة مدوبة وانا كنجمع بالاصابع حتى تولي كورة ونديرها في مول كيتحل او في اطار فارغ فوق كارطونة ونكرصو وسط منو ونقادو في الوجه بالظهر المعلقة وندخلها الفران سخون 10 دقايق
الكريمة : 300 غ الجبن كريمي + 4 ياغورت كريمي + 4 فرماج مريع + م ك عصير حامض + قشرة حامضة + م ك عصير حامض + 3 او 5 م ك سكر كلاصي على حسب الدوق + 150 غ شكلاط ابيض مدوب في حمام مريم او 2 وراق الجيلاتين نديرو في الما براد حتى يتطلق وندوبو في 2 م ك الما
4 فرماج مربع نمعسو بالفورشيط مع السكر كلاصي + الياغورت + الجبن + باقي المكونات + الشكلاط دايب و بارد ونخلط
مللي تخرج الحلوى وتبرد نخوي الكريمة وندخلها المجمد 4 ساعات ونزينها باللي بغيت


حلوى الكاوكاو معلكة – هدى اليداري
كيلو كاوكاو كبير اخضر بالقشرة نطحنو بلا ما يتلين يبقى رقيق + 100 غ بودرة اللوز اختيارية + م ك ما زهر + 2 م ك الطحين + 2 حبات مسكة حرة مدقوقين مع شوية السكر + 250 غ سنيدة او سكر كلاصي + م ك زبدة مرخوفة + م ك الكليكوز او 2 م ك الكونفتير + 2 فاني + 2 خمارة ونجمعو بالبيض من 5 الى 8 البيضات غالبا كتجمع من 5 ل 6 البيضات كنضيف وحدة بوحدة .
نكورها اكبر من المشماشة شوية وندوزها في سكر كلاصي سبيسيال ونبسطها غير شوية ونحطها في لاطة وندخلها الفران سخون غير لتحت وبلا ما نشعل الفوق
السكر كلاصي سبيسيال : نص كيلو سكر كلاصي + نص كاس مايزينا + خمارة



الشيار - هدى اليداري
نص كيلو طحين فورص + نص رابعة فينو + شوية الخميرة ديال الخبز + م ك زيت + ملح + ماء سخون وخص العجين يكون خفيف بحال السفنج ... كيتعجن في بانيو ويتضرب باليد مزيااان ونغطيه ببلاستيك مدهون بالزيت و زيف ونخليه يخمر
من بعد نبدا نقطع باليد مدهونة بالما ونبدا نكرص فوق زيف ديال الخيش بالزيت او الما
ومن بعد نطيبو في المقلة





الملوي - هدى اليداري
رابعة فورص حرش + رابعة فينو + خمارة + م ك زيت او م ص زبدة + نص م ص سنيدة + ملح ونعجنو بالما بارد من الروبيني وندلكوه مزياان ونخليه يرتاح ساعتين
نديرو حرابل رقاق ونورق على طول وانا كندهن بالزيت و الزبدة ونرش بالسميد مخلط مع خمارة + م ك مايزينا او 2 خمارات بلا مايزينا ونلويه ونخليه يرتاح مزيان ونعاود نكرص بالزيت و الزبدة ونديرو في المقلة

كاب كيك بالشوكولا .....هدى اليادري
200 غرام شوكولا + كاس زبدة + ياغورت كريم واحد + كاس ونص دقيق + م ك كريم باتسير بودرة/او مايزينة + فاني كيس + م ص من خل + م ك من بودرة الكاكاو + 4 البيضات + كاس سنيدة + 3 خمارات + 50 غرام شوكولا قطع صغيرة + منسمات : روح شوكولا 2 م ك او 2 م ك من عصير البرتقال
طريقة التحضير
البيض كيضرب مع سنيدة الخل البرتقال الفاني مزيان ثم كنزيدو شوكولا مدوب بطريقة حمام مريم +ياغورت كريمي مع التطراب دائما كنزيدو الدقيق مع الخميرة وبودرة كريم الباتسير
كنخلط كلشي حتى كتولي عندنا خليط على شكل كريمة
كنزيد قطع الشوكولا وكنعمرو الجيب الحلواني وكنبدوا نعمرو كوغيطات الكيك و كندخل الفران اللي درجة حرارة 180 درجة كنسخنو الفران قبل لمدة 5 الدقايق ثم كنقصو العافية وكنجخلو الكيك للفران يطيب
التزين
كناخدو بودرة الشانتي كنضربوها مع م ك من بودرة الكاكاو و الحليب بارد حتى كنحصلو على كريمة كنعملوها في الجيب الحلواني وكنزينو بها الكاب كيك منين كنخرجوهم من الفران وبالصحة والراحة




حريشات معمرين بالكفتة و الفرماج – هدى اليداري
نص كيلو سميد رقيق + ملح + نحك شوية زعتر + م ك الربيع مقطع + نص م ص ثوم غبرة اختياري + شوية الكفتة مشحرة تقريبا نص رابعة تشحر غير في الما + بصلة صغيرة مشحرة في م ك الزيت + 2 خمارة + نص كاس زيت عود ونبسبس باليد ونضيف بيضة ونحرك بملعقة العود + كاس ونص عنبة ما عادي ونحرك بملعقة عود ونغطيها ترتاح 5 دقايق
في مقلة تقيلة تسخن وندهنها بالزبدة ونحط فوق منها دوائر فارغة مدهونة بالزيت ونهز تقريبا م ك ونص من الخليط ونفندو في السميد رقيق ونحطو وسط الاطار
في كل مرة ندهن الاطار بالزيت
او ندير الخليط وسط 2 ميكات مرشوشين بالسميد من الفوق و لتحت ونطلقها ونقطع بشي دائرة ونهزها نحطها فوق المقلة



كيكة الكوكوط - هدى اليداري
3 بيضات مطربين + قطرات خل + م ك الما +كاس سنيدة + م ك كونفتير + نص كاس زيت + م ك زبدة مرخوفة ونطرب كولشي + الكاكاو ايلا بغينا مداق الشكلاط + 100 غ شكلاط مداب في حمام مريم + 2 خمارة + 2 كاس دقيق + نص كاس بودرة الكاكاو + ربع كاس حليب او ماء دافي نطرب كولشي وندهن الكوكوط بالزبدة ونخوي الخليط ونديرها فوق النار على نار مهيلة تماما او نديرالكوكوط فوق مقلة تقيلة سخونة مسبقا







النوكا ديال الزنجلان - هدى اليداري
150 غ سنيدة + 50 غ كليكوز + 10 غ ماء ونديرها فوق النار حتى دوب تولي سيرو ونضيف 50 غ زبدة عبار + 200 غ زنجلان منقي مزييااااان ونخليه اخضر ونحرك بالعود ونخلط حتى ينسجم ونحطها بسرعة على شكل دوائر او في مول سيليكون فوق ورق الطهي في لاطة وندخلها الفران 10 دقايق من بعد نخليها تبرد و ندخلها المجمد



غريبة اللوز معمرة - هدى اليداري
كيلو اللوز نصلقو ونقي ونشفو + قشرة حامضة كبيرة او ليمونة + م ص روح الزهر + 2 م ك حليب بودرة ونطحنوه مع نص كيلو سكر كلاصي 2 مرات + 3 بيضات + 2 خمارة + م ك زبدة مرخوفة + 2 م ك فورص + م ص الزهر او نص م ص روح الحامض ايلا بغينا مداق الحامض قوي وندير الوسط الحشوة بحال حب الملوك او نص رابعة اللوز مصلوق ومنقي ومقلي ومهروش رقيق + م ك او 2 حليب مركز محلى على حسب اللي غادي يجمع لي ونخلط وندير كويرات صغار بزاااف بحال الزيتونة وكل كورة ندير وسط منها هاد الحشوة ونجمعها وندوزها في السكر كلاصي سبيسيال ندير كمية كبيرة ونضغط عليها شوية باش يشد فيها ونديرها في لاطة و ندخلها الفران سخون من قبل 5 دقايق حتى تشقق ونخليها تقريبا 8 الى 10 دقايق كتكون رطبة لكن من بعد كتشد في راسها ونهزها من الفران غير بشوية

طريقة طهي المحار - هدى اليداري
الما يغلى فيه طريف بصلة صاين + الملح تقريبا م ص + طريف حامض + 1 ثوم ونديرهم في الما من بعد ما يغلى 5 دقايق حتى يتحلو ونقدمهم مع الحامض


التقلية ديال الاعراس - هدى اليداري
بدون مطيشة
نقي التقلية مزيان + لحم الراس مقطع طراف + الكريعين في طنجرة + بصلة محكوكة + بصلة مشلظة + 6 ثوم محكوك + الربيع 4 م ك + 2 عود قرفة مغسواين + م ك السمن و ايلا كان حار ندير غير م ص + نص كاس زيت العود + م ك عطرية اللحم او المروزية + الملح + نص م ص ابزار + م ك سكينجبير + 2 م ك عصير الحامض + خرقوم بلدي م ص ونخلط مزيان ونخليه يتشحر نص ساعة .... ايطرو ماء + 2 تمر بدون عظم ونخليه يطيب ومن بعد ما يطيب نحل الطنجرة ونخليها تشرب ونضيف الزيتون احمر مشقق ويكون مغلي مسبقا
في الاخير نزين بالحامض مصير


الكريمة ديال الكاب كيك – هدى اليداري
علبة الكريم شونتيي فاني ندير معاها كاس عنبة بارد من الثلاجة ونطلعها حتى تولي بحال الثلج + ياغورت كريمي او 100 غ الجبن ونطرب حتى يتقال بالطراب الكهربائي + النكهة اللي بغيت : فاني او خوخ او شكلاط بالبودرة ديال الكاكاو او النوكا او الكراميل ...


كاشير - هدى اليداري
في خلاط كهربائي : 6 بيضات + 200 غ كفتة أي نوع + 6 م ك الروز ابيض مصلوق + ربع كاس زيت عادي او زيت زيتون + ملح + ابزار + تحميرة م ص لاجل اللون الوردي + ايلا بغينا اللون احمر نضيف م ص مطيشة الحك + خمارة + 1 ثوم + الربيع اختياري ايلا بغيت نسم ونخلط كولشي ونديرو في قراعي ديالهم او ميكة ديال السباكيتي مسدودة من الجناب و نخلي الفراغ في الاخير ونديرهم في وسط كوكوط نص ساعة من بعد التصفار ونطفي ونخليها حتى تبرد ونحلها ونديرو في الثلاجة


اقولو - باحمو - خبز العزاب - عزيز
ندير وسط من العافية حجر على شكل تفاحة ونخليها حتى تحمار ونعجن عجين عادي نص كيلو دقيق + الما و الملح ونحل العجينة وندير وسط منها الحجرة ونجمعها وندير فوق من العجين الجمر و من الجوانب او ندفنها في وسط الجمر حتى طيب


حلوى المايزينا - هدى اليداري
300 غ زبدة عبار + 100 غ حليب بودرة + كاس سكر كلاصي او كاس ونص + فاني + 2 بيضات + 2 م ك الزيت + ونعجن باليد مزياان مع م ك كونفتير + كيلو مايزينا تغربل مع خمارة ونص ونضيف شوية بشوية ونجمعها على شكل كويرات صغار مشماشة ونديرها طيب بلا ما نبسطها مللي طيب نغطسها في الشكلاط او الكونفتير و الكوك او في السكر كلاصي


ديسير لاصحاب السكري بالتفاح - هدى اليداري
تفاحة نحكها في حكاكاة غليظة في مقلة مع نص م ص زبدة + فاني + م ك عصير برتقال ونحركها حتى تدبل ونخليها تبرد
نص ايطرو حليب بارد + م ك عصير برتقال + فاني + التفاح اللي صاوبت + 2 فرماج مربع ممعوس او نص كاس عنبة كريم فريش او ياغورت كريمي مسوس + 2 م ك النشا ونطرب بالطراب اليدوي ونديرو فوق النار ونخليه حتى يتقال و نديرو في كؤوس : ندير نصف الخليط وفوق منو التفاح وعاد النصف الاخر من الخليط و الفوق ندير فواكه جافة ديال اصحاب السكري ونديرو في الثلاجة يبرد ساعتين او 3 ونقدمو

صابلي مالح بمداق حلو - هدى اليداري
رابعة زبدة العبار + 4 م ك زيت عادي + ملح + حسب الدوق +م ك او 2 من الزعتر محكوك بين اليد + نص م ص موطارد + خمارة وحدة + 2 بيضات ونعجنو مزيااان + 2 م ك كونفتير او م ك الكليكوز او م ك سنيدة + م ص موطارد لاصحاب السكري في بلاصة السنيدة ونعجنو مزياان + الدقيق شوية بشوية واحنا كنعجنو + م ك الما في الاخير حتى نجمع العجين ونسالي باش ما يتشققش في الطياب
نخليه يرتاح ونقطعو وندير يطيب مللي يخرج نرشو باللوز


غريبة ساهلة لدواز اتاي - هدى اليداري
رابعة زبدة أي نوع مرخوفة مزياان + رابعة سنيدة رقيقة ونخدمها مزيان + كاس عنبة زيت + 2 بيضات + قبصة ملح ونخدمو مزيااان + كاس عنبة اللوز بالقشرة محمر ومهروش رقيق بزااااف ونجمع الخليط ونضيف الدقيق شوية بشوية + خمارة ونص تقريبا 2 زلايف او 3 حسب الخليط نجمعها كورة ونديرها كويرات صغار ووسط منها حفرة
نطرب بياض ابيض وندهن الوجه وندوزو في الكاوكاو منقي ومهروش او اللوز مهروش
ونضيف الكونفتير لوسط من بعد ما طيب او نصف حب الملوك معسل قبل ما طيب
الكونفتير : نص قرعة + 2 م ك سنيدة + م ك الما في كاصروا فوق النار حتى يغلى ويتقال وعاد ندهن بيه

كرواصة بلا الحليب – هدى اليداري
نص كيلو فورص فيه حفرة + بيضة + م ك زبدة + 2 م ك زيت مائدة + قبصة ملح + 100 غ سنيدة + فاني + م ك خميرة الخبز عامرة مدوبة في الما دافي و السكر + خمارة ونعجنها مزياان حتى تعجن ونحطها ترتاح مدة نص ساعة ونورقها على شكل باط فييلطي تقريبا بشي 200 غ زبدة 4 مرات ونقطعها بحسب اختياري ونخليها تخمر حتى تضاعف ساعة وندهنها ببيضة مطرية فيها قبصةملح وشوية السكر وندخلها فران سخون 5 دقايق على نار مهيلة من لتحت

الكيش - هدى اليداري
العجين : رابعة الفورص مغربل + نص خمارة مغربلة معاه + 100 غ زبدة مرخوفة + ملح + قبصة ابزار + بيضة + قطرات الخل ونسمها بغبرة البصل او الثوم ربع م ص ونجمعها بالاصابع ونضيف شوية الما بارد باش نجمعها + 2 فرماجات اختيارية ونخليها مغطية ترتاح في الثلاجة
الحشوة : بصلة مشلظة رقيق + بورو وتشحر مع الملح وزيت و شوية ثوم غبرة وتشحر + الدجاج او الكروفيط + الربيع + ابزار ونخليه يتشحر ونخليه يبرد
وممكن نضيف الخضر مشحرة كدلك بوحدهم
3 بيضات + كاس كريم فريش او نص كاس حليب معاه ياغورت كريمي مسو ساو كاس عنبة حليب مع 2 فرماجات + ملح + ابزار + شوية فرماج احمر اختياري + معدنوس نص م ص + م ك مايزينا ونخلط ونضيف عليها الحشوة
نورق العجين ونديرو في المول ونتقبو ونعمرو بالحشوة وندخلو الفران

الفقاص بلدي - هدى اليداري
6 بيضات + قبصة ملح + 250 غ سنيدة رقيقة نعجنهم باليد مزياان + كاس عنبة زيت + 100 غ زبدة مرخوفة ونعجنها حتى تولي كريمة + النافع و الزنجلان مصهد شوية + اللوز ممسوح مسبقا ومرقد في الما و الزهر ساعة او ساعة ونصف ونجمع + روح الكراميل او روح الفاني + م ص كراميل + نص كاس الما + كيلو الى كيلو و ربع دقيق + 2 خمارة ونجمع العجين بدون دليك ونحربلو وندهنو بالحليب وشوية بودرة الكاكاو حتى ينشف ونعاود ندهنوا و ندخلو الفران بارد على نار مهيلة 15 او 20 دقيقة
مللي يخرج ندير عليه منديل فيه الما و الزهر نص ساعة وندخلو المجمد نص ساعة او اكثر و نقطعو وندخلو الفران
نقدر نخليه في المجمد كل مرة نخرج باكيط ونقطعها ونطيبها



سفوف ديال اولادة للمناسبات - هدى اليداري
كيلو فورص + نص كيلو زنجلان محمر شوية نص مطحون وكيكون محمر اكثر ونص نخليه صحيح محمر غير شوية + نص كيلو لوز .. النص ندوزو في المقلة مع شوية الزيت بالقشرة ديالو و النص نصلقو ونفسخو ونقليه ونرميه صحيح + م ك نافع بلدي مطحون + م ك نافع بستاني مطحون + م ك قرفة + 3 حبات مسكة حرة مدقوقة مع قبصة سنيدة + قبصة زعفران حر نسخنو شوية ونحكو بين اليد + سكر كلاصي نص كيلو او اقل حسب الحلاوة اللي بغيتو او العسل القدر اللي بغينا
ونعجن باليد ونخلط مع الزيت اللي قليت فيه + الزيت القدر اللي بغينا ايطرو او اقل حسب اللي بغيتو
ندير السفوف كويرات ونعمرهم الوسط بعقدة اللوز او البيضطاش او الاكاجو او النوازيط ونفندو في اللوز ايفيلي او الكاوكاو ايفيلي او الووز مهرس






ديسير ساهل - هدى اليداري
ناخد أي نوع من ابيسكوي او حلوى كانت عندنا في الدار نصهدها شوية في الفران حتى تسخن و تكرمل
البيسكوي نديرو بودرة - و ايلا استعملنا الحلوى نهروشها
+ كاس عنبة الكوك او اللوز بودرة بالقشرة ديالو + 2 م ك كونفتير مشماش +
المنسمات : فاني او 2 م ك عصير ليمون او قشرة ليمونة او قشرة حامضة
125 غ زبدة مدوبة نجمع بيها الخليط + اصفر بيضة
نجمع في الاول البيسكوي و الكوك و اصفر البيض و الكونفتير ونخلي الزبدة هي الاخيرة
نديرو في قاع مول او في اطار خاوي وسط اللاطة وندخلها الفران 5 دقايق سخون مسبقا ونخرجها
الكريمة : نص ايكرو الحليب يغلى
في زلافة اصفر بيضة + 2 م ك النشا + فاني + 2 م ك سنيدة ونطرب ونضيف عليه الحليب و ندير الكل فوق النار حتى يتقال شوية ونطفي البوطة ونضيف 2 اغورت كريمي ونطرب بطراب يدوي + 4 مربعات شكلاط ابيض محكوك او قطع صغيرة تقريبا 4 او 8 القطع حسب الدوق ونحرك شوية بملعقة عود حتى يدوب
نحيدو من النار ونخليها تبرد غير شوية اقل من دقايق ونضيفها على الطبقة الاولى وندخلها المجمد تبرد
الطبقة الثانية : كاس كبير الحليب و كاس عصير الليمون - او 2 كيسان كبار الحليب ايلا ما كاينش الليمون في كاصرول + 2 م ك النشا + 2 فلون عادي او كراميل ايلا استعملنا غير الحليب في الخليط + 2 م ك سنيدة ونخليه يتقال نطفي النار + 3 فرماج مربع ونحرك حتى يدوب ونخليه يبرد شوية اقل من 5 دقايق ونضيفها على الديسير ونرجعها للمجمد او الثلاجة ساعة و نص
نزوق باللوز ايفيلي او شكلاط محكوك غليظ او الباسطة





نص كيلو فورص + كاس زبدة دايبة خاصة بالتوراق من الاحسن + 2 م ك زيت العود + ياغورت طبيعي بدون سكر + م ص ونص ملح + م ص موطارد + اصفر بيضة + 3 فرماج مثلث ونجمع بدون خميرة + شوية الحليب او الما باش تجمع وتدلك مزياان
ناخد العجين نقسمو على 2
النصف الاول : نسمو باش بغيت
النصف الثاني : نقسمو على 2 النصف الاول منو نضيف عليه م ك زعتر مطحون ونطلقها مربع والنصف الاخر نخليه بلونو الابيض ونطلقو حتى هو
العجين الابيض ندهنو بالشيتة بشوية الما ونرش فوق منو فرماج محكوك مجمد مسبقا وفوق منو طبقة من العجين اللي فيه الزعتر وندهن بالما و نرش الفرماج وندير طبقة اخرة من العجين الابيض وندهن بالما و نرش بالفرماج وندير طبقة اخيرة ديال العجين اللي فيه الزعتر وندهن عاود بالما ونرش بالفرماج ونضغط عليه شوية بالمدلك حتى يلصقو الطبقات ونحط العجين في لاطة ونرشمهم مستطيلات رقاق تقريبا سنتيم في العرض ونقطهم عاود على شكل صبيعات وندخلهم الفران
مللي يخرجو نفرقهم على بعضهم