التحضير المسبق للحم : - – هدى اليداري

كيلو اللحم يتغسل و يتصفى + 3 ثوم + م ص خليط زعفران مع عطرية اللحم + م ص سكينجبير + نص م ص ابزار + نص م ص السمن + 2 م ك زيت زيتون + م ك الماء + م ك الربيع ونخلط كولشي مزيااااان ونديرو في بلاستيك و نخليه ساعة في الثلاجة ومن بعد نديرو في المجمد



التحضير المسبق للدجاج – هدى اليداري :

دجاجة تقريبا ديال 2 كيلو
نشريها نغسلها نقطعها ونرقدها في م ك الطحين و شوية الماء تقريبا الماء اللي يغطي نصف دجاجة و نخليها 10 دقايق و من بعد نبدا نحكو مزيااان باليدين و نغسلو و ندير ليه ماء اخر فيه بصلة صغيرة محكوكة + و سكينجبير + و الملح و عصير حامضة او الخل و يترقد 10 دقايق و نحك عليه داك الشي مزياان و نغسلو مزياااان و نخليه يتسقطر
الشرمولة ديال الدجاج : عصير نص حامضة + هبرة ربع حامضة مغسولة + نص م ص سكينجبير + ربع م ص ابزار + م ص خليط زعفران مع عطرية الدجاج + 2 م ك الربيع + 2 ثوم + نص م ص السمن + ربع كاس الما و بدون زيت
نخليه ساعة في الثلاجة و نديرو في ساشي و ندخلو المجمد




تحضير خليط الزعفران مع عطرية اللحم و عطرية الدجاج :
هدى اليداري

خليط الزعفران مع عطرية اللحم : 2 م ك خرقوم بلدي + م ك عطرية اللحم + ساشي ملون او ضامة زعفران محكوك + شوية زعفران حر
خليط الزعفران مع عطرية الدجاج : 2 م ك خرقوم بلدي + م ك عطرية الدجاج + ساشي ملون او ضامة زعفران محكوك + شوية زعفران حر




التحضير المسبق للحوت ديال الطاجين – هدى اليداري

تقريبا كيلو او كيلو و نص
ناخد اي حوت ديال الطاجين و نغسلوه و نسقطروه ونديرو ليه شوية الخل و الملح و زعتر مطحون غير شوية و يترقد في الثلاجة 30 دقيقة و نشرملوه القزبر م ك + نص م ك المعدنوس + 4 الثوم + م ص طحميرة + نص م ص الهريسة + نص م ص الكامون + عصير نص حامضة + شوية زعتر او شوية ازير وايلا كان ازير راس معلقة احسن + نص م ص قزبر يابس + 2 م ك زيت زيتون + ملح و ندهنو مزيان ونحتفظ بيه في الثلاجة ساعة و من بعد ندخلو المجمد



التحضير المسبق الكفتة – هدى اليداري

نص كيلو الكفتة + م ص سكينجبير + ابزار + ربع م ص القرفة + نص م ص خليط الزعفران مع اللحم + ملح + الربيع + ثومة غبرة او امة بنة محكوكة + 2 اوراق نعناع عبدي مقطع رقيق + م ص طحميرة + نص م ص الكامون + راس م ص الكروية او شوية الزعتر بين اليد + عصير نص حامضة وتشرمل مزيااان ونديروها حرابل او كويرات وندوزها في مقلة مع الما حتى طيب و مللي تبرد ندخلها الثلاجة .


الخضرة مسبقة التحضير : – هدى اليداري

خيزو + اللوبيا + الجلبانة + البسباس + الكرعة +الشيفلور + البروكولي
كنقيها و نبخرها مع شوية الملح نص تبخيرة او اقل يعني ما بين 5 حتى 10 دقايق من بعد الغليا



التحضير المسبق للفريت – هدى اليداري :

كيلو البطاطا يتغسل و يتقطع و يدار في بانيو فيه كاس كبير و نص الما + م ك الخل الابيض + و يتصفى و تنشف بورق التنشيف او منديل
الطريقة الاولى : نقدرو ما نشفوهاش و كنديرها في ماء مغلي مع الملح و غير طلع الغلية نصفيها و نغسلها بالما بارد و تنشف و تبرد و دخل المجمد
الطريقة الثانية : من بعد ما تنشف نقليها في شوية الزيت 2 او 3 دقايق و نحيدها و نصفيها و تنشف مزيان و تبرد و دخل المجمد من بعد ما نفرقها في بلاطو كل وحدة بوحدها ليلة كاملة




الخميرة بلدية – هدى اليداري
شوية الطحين ديال الشعير يتعجن عادي بلا خميرة غير بالما دافي او اللبن طبيعي و الما دافي مخلط و الملح و نخليه في علبة 24 ساعة حتى تولي حامضة
من بعد كنستعمل العجين كامل و نعاود نقص شوية من العجينة الجديدة
باش نخترو مرق البسباس بزاااف :
ناخد م ص الطحين دوب في شوية الما و م ص زيت زيتون و نضيفو في جوانب الطاجين

مشكورة يا أختي على هذه الوصفات التي أعتبرها مفيدة كثيرا 

شكرا  لردك الذي عطر صفحتي 
بصحتك وراحتك اختي حور