بقلاوة بشكل جديد.. شكرا لصاحبة الوصفة الأخت نزهة طانطان اختصاصية الحلويات.. الله يعطيها الصحة جات هاااائلة..

المقادير:
600g فورص+80g زبدة لينة+م ك سكر كلاصي+نصف كاس ماء هر+م ك زيت+قريصة ملح+ماء بارد باش نجمعو العجينة.ندلكوها مزيان بحال المسمن و نقصو منا شوية نخلطوه مع اي ملون حسب الرغبة انا استعملت اللون البنفسجي و نقصو ايضا شوية من العجين بلا لون و نغطيو ببلاستيك.اي يكون عندنا كرة كبيرة و 2 حرابل ملونين و 2 حرابل بلا لون كما في الصورة. الحشو.750g كاوكاو محمر و مطحون+م ك زبدة+ربع كاس ماء زهر+قطرات روح البرتقال (اختياري)+شوية قرفة+عسل لجمع الحشو..
نسرحو الكويرة الكبيرة و نبسطو فوق منا حشوة الكاوكاو ندوزو فوق منها بالمدلك باش يكون الكاوكاو مبسط مزيان ندهنوفوق منو ببياض البيض و نخرجو العجينة الملونة و البيضاء في الة خاصة بالرزيزة و نضع 4 او 5 خيوط بيضاء و اخرى ملونة .......حتى يتغطى الكاوكاو بالخيوط.
نقطعوا البقلاوة مربعات نعملوها في طاوة تبات ليلة كاملة و في الصباح نطيبوها في الفران و من بعد نسخنوا ناباج و نغمسو فيه الحلوى نعملوها في كويغطات نزينوها ب وريدة من عجينة السكر و نرشوها ببريون غذائي و بالصحة والراحة